karenapple05的个人专页

當日經過尖沙咀，看見宜間餐廳的午餐幾吸引，於是試下。試左滷肉飯同珍珠奶茶，滷肉飯的味道唔錯，但會有少少肥，有飯之外仲有少少配菜，有滷蛋都幾入味，還有少少蔬菜同草菇，感覺上都幾健康，珍珠奶茶都唔錯，唔會太甜。…查看更多

約左朋友食壽司，見到宜間唔需要等，所以試下。餐廳落單非常方便，每張枱都有iPad，可以自己落單叫食物，唔需要叫服務員。而且所有食物都有圖可以睇，甘就唔會叫錯。坐位都幾舒適，適合朋友聚會。叫左唔同款的壽司同魚生，都好新鮮幾好食，落左單唔需要等好耐就有食物，熱食都有唔少選擇，味道都唔錯。個人覺得玉子同蟹棒壽司好好食，三文魚魚生幾新鮮肥美值得推介。…查看更多

餐廳的位置都幾方便，係地鐵站附近。最近都開左幾間台式火鍋店，之前試左一間，今次有朋友生日所以去宜間試下。店的裝潢都差唔多，係中國式的長方枱，坐的位置就有少少迫。火鍋的湯底選擇好多，可以一次試兩個唔同湯底，試左麻辣湯同美人湯，麻辣湯底唔錯唔太辣可以接受，美人湯的湯料都好多，而且可以免費加鴨血。台式火鍋的鴨血好好味，而火鍋的配料都好多，丸類都有好多種好特別，可以叫一個丸的拼盤，每樣都有的試下，的牛肉都幾好食。最特別的係有雪糕送，獨立包裝的曲奇味雪糕球，味道幾好。…查看更多

當日見唔係太多人所以試下，晚市套餐的選擇好多，而且價錢都好便宜，叫左京都肉排同火腩煲，味道都可以啦！仲包一個中湯，個湯都幾好飲。餐廳係免加一的，個人覺得都幾超值！…查看更多

因為有朋友推介，所以去試一試，當日都有好多人光顧，要排大約半小時左右。宜間店比較出名的係黑糖飲品，當日叫左黑糖鹿丸鮮奶，個人覺得偏甜，飲落去有爆谷的味道，都幾特別，味道都不錯，的珍珠就無咩特別，同其他台式飲品店差唔多！…查看更多

香港比較少有的中式甜品店，甜品的款式唔太多，主打係紫薯同香芋的甜品，坐位都比較少，叫左芋圓綠豆西米露，的芋圓味道都唔錯，但綠豆西米露的味道就普普通通，個甜品唔凍唔熱甘，西米露凍，但綠豆沙熱，好奇怪。…查看更多

當日唔需要等太耐就可以入座，甜品的款式都好多，有中西式的選擇，叫左芋圓豆腐花仙草凍，味道都可以，特別的係芋圓，好有咬口味道唔錯，豆腐花就唔夠滑有少少失色，仙草普普通通啦！整體都唔錯的！…查看更多

宜間店的座位唔太多，但位置方便，價格都叫中價。甜品主要係以抺茶為主，再配唔同的配料，叫左抺茶雪糕，因為宜間店的抺茶雪糕都幾特別，味道都幾濃，唔會太苦岩岩好！配料都有好多選擇，有紅豆、小丸子等，味道都幾好。…查看更多

宜間店都開左好耐，但一直都未食過，位置好方便，係行人天橋旁邊。座位都幾多，當日午餐時間，我大約等左二十分鐘先入坐，食物的味道都可以，叫左紅燒牛肉麵同雞扒麵，紅燒牛肉麵比較好食，牛肉都煮得幾霖，雞扒係燒的，同我想像中唔同，因為一般台式的雞扒都係炸，味道都可以無特別，至於的麵條都好食的。有好多台式飲品選擇，叫左珍珠奶茶同芒果熱情果蘆薈，珍珠奶茶正常無特別，芒果熱情果蘆薈有的甜，但都好飲的，有一粒粒的蘆薈，有清涼的感覺。…查看更多

旺角行街時見到新開的台式飲品店，所以試下，今次試左格雷珍奶，價格都唔太貴，味道普普通通，無咩茶味，珍珠還可以啦！但是個飲品的蓋整得唔好，有個位置貼唔實，所以的奶茶漏左出黎。…查看更多

有朋友生日相約去試下，當日好多人，我地等左兩個小時先可以入去，如果係會員就唔需要等太耐，因為會員可以優先。有別於其他分店，佢有自助區可以自己拎的飲品同少量的食物好似沙律甘，但肉類都係要用iPad落單的。有分幾個唔同的餐，睇下你想食肉類的款式，可以點的款式越多越貴。今次都係選中價的，但可以點牛肉果款，的牛肉質素都幾高。牛舌好好食，牛肩脊肉都幾好食有肉汁，推介牛油金姑！至於甜品的選擇就唔多，可以係自助區取，試左雪糕都可以。…查看更多

見到雜誌介紹新開嘅台式飲品店，放工所以黎試下。今日都唔係太多人排隊，但都要等三十分鐘左右先買到，好似係一位台灣藝人開設。店內的飲品選擇都幾多，叫咗火龍果珍珠鮮奶茶，飲品會有幾層顏色非常靚，珍珠係粉紅色嘅好特別，飲之前要將奶茶攪勻，所以要拍照就要喺飲之前，因為攪勻之後會變咗奶茶色。至於味道方面，就冇太大驚喜，都算過得去嘅，珍珠都幾好食，店員會詢問糖嘅比例同冰嘅份量，可以自由選擇。今日叫左微糖，咁就唔會太甜。…查看更多

餐廳係中式裝修，看上去都非常整潔。當日唔需要排隊就有位，但食物的選擇就唔多。價格真係好便宜，而且味道好好。叫左雲吞麵，雲吞都幾大粒，係鮮蝦雲吞，的蝦好新鮮。的麵都好彈牙，煮得岩岩好。當有見到有好多遊客都光顧，非常推介雲吞麵！…查看更多

店舖的位置比較唔顯眼，面積都唔係太大，係一間日式小店，但食物的質素唔錯。當日午市時段都要等二十分鐘先可以入坐，而食物的種類都幾多。當日叫左鹽燒鯖魚定食，煮的時間都幾耐，應該要十五分鐘以上，但味道幾好，鯖魚燒得好脆，燒到金黃色的，唔會好硬好乾，燒得岩岩好，配上的汁好好食。定食會跟一個細的沙律，的菜都幾新鮮，可以做前菜。仲會配一個味噌湯，非常好飲，配料有豆腐、海帶和細細的蛤。而且價格都非常合理，值得推介！…查看更多

位置非常方便，價格都好親民，唔會太貴，但座位就較擁擠。當日剛好到了下午茶的時間，見到餐廳唔太多人，食左下午茶套餐。叫左春捲魚片酸辣小鍋米線，都幾好食唔太辣可以接受，酸菜較多，春捲味道唔錯！下午茶套餐仲包一杯飲品好超值。…查看更多