DorDorchiu的个人专页

見到OpenRice咁多好評，雖然寫嗰啲人都係等級4可以，我都本住試吓嘅心態啦。因為工人姐姐生日鍾意食韓國菜，特登搵一間有韓國粉絲既。睇落嘅套餐價錢都算相宜，一個肉再加兩個主食，另外我就叫咗一個韓國粉絲，再加六件炸雞。粉絲嚟咗我都呆咗，明明韓國粉絲係粗啲㗎嘛，佢就幼到好似龍口粉絲咁，跟住仲水汪汪。都算啦，反正喺香港都唔知係咪真係搵到正宗嘅。最奇葩就係個炸雞， $120.6件都冇所謂，麥當勞都係呢個價錢。點知佢啲雞嚟到一件雞斬開幾件咁嘅款，一件唔係真係一件係斬開兩part，我都冇所謂，但係到最後食到有一舊雞又細嚿又冇肉，我就即時同餐廳嘅經理反映之後，餐廳經理同我講嗰個係雞胸位置，佢仲話佢啱啱斬緊半隻雞可以攞出嚟俾我睇佢點樣斬。之後佢就攞咗攞半隻生雞出嚟喺我哋張枱度斬俾我哋睇，佢係點樣分六舊，之後佢攞咗嗰一嚿我話好細舊嘅雞胸同我講就係我嗰part啦，但係佢揸住嗰舊係足足大我舊雞成一倍。最後佢只可以話我隻雞係細隻啲。佢居然喺我哋張枱度斬生雞，一啲衛生都唔顧。最後四個人埋單唔夠700 ，價錢就真係算抵㗎啦，但如果咁樣嘅質素我寧願喺屋企食好過。食完行出嚟見到隔籬嗰間韓國豬手店九點仲係坐滿人嘅，都可想而知點解呢間餐廳得小貓三四隻，然後九點啲人就走晒啦。…查看更多

偶然都會嚟呢間餐廳嘅，食物同埋景當然都唔錯，但唔算平。今天想找午餐食嘅時候居然見到佢有$78起嘅套餐，即刻嚟試吓啦。呢個套餐茶界同埋小食都包，超抵。啲餸嚟到，雖然唔係好大碟，但係每樣嘢都整得非常精緻，個甜酸肉炸得好脆入邊嘅肉好靚，菠蘿都係新鮮嘅。麻婆豆腐，真係唔知佢用邊種豆腐可以咁滑但推介，炒包菜細碟啲，但係都好好食。今日嘅經驗實在太好了，所以都好想分享一下，畢竟經濟不景底下，食肆都希望有多啲生意啦。應該呢個午市套餐做到9月30號啦，點都要嚟試吓啦！…查看更多

見到咁多人都有好評，就帶埋一大班大人細路一齊嚟試吓啦。有驚喜喎，總括而言性價比非常高服務又好好，嘢食嘅質素都唔錯。我哋試咗一個帶子意粉，一個茄汁蜆意粉，菠菜天使麵，幾款pizza，威靈頓牛柳。當然就唔少得佢哋嘅$80特價蘋果黑毛豬鞍。呢個真係大癲， $80嘅價錢$300嘅水準。好似老闆咁講，大家主要真係要嚟欣賞吓佢蘋果木分出嚟嗰種煙熏味，我哋一個叫咗五個，大部份嘅嘅豬安都係非常嫩滑微微粉紅色係Perfectly cooked! 配菜亦都好食嗰個焗薯餅停唔到口。每樣嘢都很不錯啦。 因為琴日係父親節前夕，老闆仲話每個爸爸都送一杯酒，令到大家都十分開心，無論係老闆定係侍應都好熱情，有耐心咁解釋Menu同埋啲食物。斟水執碟，一啲都唔會怠慢，真係好有小店嘅溫暖感覺。雖然喺其他食評都會睇到其實佢哋嘅生意唔差，但係對住咁多人北上消費，有時我都會覺得我哋真係需要多啲去支持有誠意嘅小店！感謝呢間餐廳俾我哋琴日一個美好嘅晚餐！…查看更多

菠蘿油用微博爐叮的。咖喱牛肉好多生粉係個汁裡面，牛肉有野「哪」過，薯仔係淋嘅，得個飯OK。但態度好好，上至門口，下至waitress , 都好nice, 有禮貌。值得讚！…查看更多

我哋細細個嘅時候，爸爸媽媽會帶我哋嚟呢度飲茶，嗰個時候能夠喺德興飲茶都算係一個privilege。啱啱有個朋友嚟咗香港，我想喺尖東度搵一間開得比較早嘅酒樓見到少少嘅食評都講到點心不錯，咁就過嚟回味吓啦，點知我真係食到人生最難食嘅點心。真係冇乜必要大家都唔好再過嚟食點心。我哋先嚟四碟點心牛刀小試，然後等咗差唔多20分鐘都冇消息。終於第一碟腸粉嚟咗，腸粉嘅皮比較糊，啲蝦細粒唔新鮮。之後再等多我20分鐘啦，真係以為唔記得落單。鮮竹卷同蝦餃都嚟了，鮮竹卷無味的。最後再等多10分鐘連牛肉都嚟啦牛肉稍為正常。去到個廁所，有封條的。其實佢哋都係打算放棄自己了。不過到最後都發覺VIP房人名應該都係book滿晒嘅，可能晚飯始終都有熟客啦。最後當然就已經冇胃口，再試其他點心，急急腳走人啦。…查看更多

食咗好多間啊，都搵唔到好似呢間咁滑，份量又多，中環嚟講算係好抵食。 記得加蛋加辣椒醬。之前呢一度都有等好耐嘅問題，而家我通常喺網上訂定先，跟住真係要等到佢話得先好落去，通常lunch time 20分鐘左右啦，已經比之前好好多了。…查看更多

我一向喜歡食花膠雞湯米線的，有時都會試吓不同嘅店，見呢間咁近有一日lunch就試吓啦，雖然都要差唔多$100.1個餐，但都係咁上下了。味道還可以啦，唔係我食過最好嗰間，但可以接受。不過令到我最勞氣嘅就係你差唔多成$100.1個餐，一張紙巾都冇，仲要賣紙巾。如果你係平價店我唔會出聲。所以每次行過就算見佢哋都係想兜吓生意我都冇再理佢哋，所以希望佢哋睇到呢個評語自己都諗吓啦。…查看更多

每個禮拜都要去到碼頭附近，所以都很熟悉碼頭附近的咖啡店，，但是選擇也不是很多。偶然見到下邊一張簡單的橫額，就想上來買外賣。點知一嚟到都幾靚幾舒服，所以都決定坐低一下。見到杯coffee之後，真係醒晒呀！咖啡味道都唔錯，拉花又靚。然後仲有Gelato同埋donut， sandwiches. 值得推介！ …查看更多

見到所有評語，嚇死我。但係又好想食泰國菜，所以諗住完全有任何服務嘅心態，就咁去食啲嘢。果晚係平日夜晚，唔算好忙，都係得幾台人。嗰個侍應姐姐都幾好人喎，多謝前多謝後，對於有啲菜式唔明白，佢哋都會解釋。我們果晚慶祝生日，事先同佢哋講定，餐廳就提議我哋可以定雙份嘅芒果糯米飯，然後佢哋會切得好靚插支蠟燭，我們也欣然接受。食物嘅種類好多，都有一啲係平日在其他泰國餐廳吃不到的菜式，例如瘋辣蝦，味道也不錯，也偏辣，我們很喜歡。生日甜品來到的時候，我們都很驚喜，因為可以看到他們切芒果的刀工，實在很細緻。總括來說是愉快的一晚，下次再來！…查看更多

見到呢間點心嘅位置，同埋價錢，都覺得應該唔會差得去邊。點心選擇都唔錯，食物味道也OK。但真的絕對不推薦。最初發覺有一兩隻烏蠅飛過，後來見到有侍應攞住幾籠點心向我哋嘅方向行過嚟，以為係我哋嘅點心，點知原來嗰啲係空嘅點心籠，佢哋就咁將呢啲別人吃完的點心籠，放在我們旁邊的一個餐桌上。之前嗰個客人走咗，佢哋未有時間執枱，但真的估唔到佢哋居然將更多的點心籠放在哪裏。之後就開始有兩三隻烏蠅喺嗰度飛下飛下，我真係好想嘔。啲員工一定係同個老細有仇，咁樣整佢！地下癡粒粒就唔使講，啲員工態度服務也一般。比碟輕啲嘅食物你嘅時候差唔多飛過嚟咁滯。唉。。。。…查看更多

睇大家嘅食評，個個寫到好似小說咁，都令到我有少少懷疑究竟係咪真係食客寫的。不過睇到照片環境又靚，食物嘅選擇都多，價錢又合理都可以試吓。呢間餐廳有shisha bar , 原本都諗應該唔會好適合小朋友去。我個囡囡鍾意坐外面，環境好好，餐廳嘅哥哥姐姐都會好關心咁怕佢聞到煙味，結果坐咗一陣都安排咗我哋坐喺裏面。裏面嘅環境好寬敞，係另外一番風味。呢度嘅飲品好多款式，我就有嚟得切happy hour 優惠叫咗杯Riesling ,非常大杯。食物都唔錯， $128小食拼盤可以揀四款，好抵食。芝士條同芝麻雞翼都好好味，又有好多唔同嘅醬汁可以點。意粉同火焰豬手都不錯，火焰豬手有看頭。餐廳哥哥仲等我哋影埋相先，之後仲Offer幫我哋切埋。所以真係好感謝佢哋嘅服務令到我哋有愉快嘅一晚。下次我哋會再嚟㗎！…查看更多

唔知道呢個餐廳係咪新開？呢見到評語比較少而且又有少少貴，其實我都帶着一個懷疑嘅態度。但係無辦法因為真係好近我要去嘅地方所以就貪方便揀咗呢度啦。來到呢度真係大驚喜！環境好靚，服務態度超好，因為我哋有一個BB要換片嘅時候，佢哋唔想我去到商場嘅育嬰室咁遠，特登開間房俾我。然後我見到隔離枱佢哋嗰啲花生冇掂過，跟住個侍應好主動走埋嚟話如果你唔食嘅話，我可以幫你收咗佢，咁樣就唔使浪費。當然我知道係唔計錢啦。其實喺香港能夠搵到一啲服務係 go extra miles 已經唔容易。講返食物方面同樣係好好我食咗一個黑松露燻蛋，黑松露鹽嘅味道恰到好處每一口都食到香香嘅煙熏味。個醉乳鴿真係排到好靚囉而且如果要整醉乳鴿，本身嗰隻鴿要好靚先得㗎。我哋仲食咗一個好特別嘅龍鬚桂魚，將個魚起肉變成一條條，好考功夫非常特別味道好好。尼間餐廳對我來講有少少貴但係我覺得真係好值得。佢哋係星期一同三嘅夜晚仲會有歌唱表演下一次我一定要去！…查看更多

大肚八個月，受到旁邊金城茶餐廳不禮貌對待後，懷著失落的心，跑到旁邊也很忙的漢年，老闆娘立刻為我找個好位子，還好心得叫我把買菜袋放在旁邊的空位。心情好多了。這裡出名是鹽焗雞飯，我嘗過，味道不錯，但今天叫了午餐時菜牛河，份量好大，很好吃！看來這是繼雞飯以外，最多人叫的，可以留意一下。一邊吃，看到員工們都很有禮貌。味道重要，人情味濃也很重要啊。老闆娘可能也不知道，她簡單的一個行動是多麼令我窩心！值得推介！…查看更多

尼度生煎肉餅飯係好食，所以大肚之後食左兩次痾嘔之後，都仲係好想試多次。終於大肚八個月再登陸。坐在單人無靠背椅，看見仲有小量卡位，問問啊姐可唔可以坐係卡位，她說不可以，我同佢解釋大肚背比較疼，而且還有其他坐位是空的。都是冷漠的回答。小店可以偶然失手，服務一般，但這樣沒人情味，實在是shame on you. 結果懷著失落的心，跑到旁邊也很忙的漢年，老闆娘立刻為我找個好位子，還好心得叫我把買菜袋放在旁邊的空位。心情好多了。個肉餅飯係唔錯，但真想講句，好巴閉咩！…查看更多