SiuSzeJoyceCheung的个人专页

今日又去我的主場 食午餐，同埋個同事一齊食，食得好滯...我們點左兩個套餐，開開心心一齊傾計😘，咁就食左一個鐘😜，返到公司仲遲到....😟和同事吃飯係最開心的事來個餐湯，今次呢個湯真係失哂水準，麻麻地，不過我同事反而係幾鐘意飲#鐵板漢堡辣腸雞球（黑椒汁） ($38 + $13 飲品吧及田園沙律餐)呢個鐵板好多人認為的靈魂就係漢堡，但係我最愛的靈魂就係辣腸，係微微燶的辣腸，配埋薯角先係主角，而漢堡就係黑椒汁好濃好豐富，成個人都精神哂，同埋真係好 Juice肉醬多利亞 ($27 + $13 餐湯及田園沙律餐)外圍的芝士唔算特別濃，唔搶味，而中間的肉醬就唔算好咸（有次食過勁咸師傅重手），焗飯細細份就唔適合肥肥的我啦，靚女太太就好適合，佢竟然係少少食唔哂，因為太膩啦多謝各位！…查看更多

今日無食午餐，但係 2 點幾就去左食 #湯加 的 #下午茶，點左個魚柳班戟薯條配迷你雪菜肉絲米粉，因為有DＤ熱氣，所以飲左杯好耐未飲過的 #咸檸七 (#咸檸檬七喜)朝早就似秋天，下午就似夏天，所以短衫出動啦下午 2 點半的湯加，好靜.....先來杯特飲先，不過利申，我比較鐘意配雪碧多過七喜小詩為你「先飲為敬」份量細細份剛剛好，班戟係應該「工廠貨」完全唔似輕微煎過，感覺係微波爐叮熱，薯條應該係同埋魚柳即炸，有炸後的香味魚柳的品質好好，無霉的口感，而且夠熱，值得一讚！呢個迷你雪菜肉絲米粉唔差，湯底唔算咸，而且米絲口感軟硬度剛剛好，而肉絲就略為少左Ｄ食完，埋單！…查看更多

早晨，今朝就去左砂煲兄弟食個港式早餐，朝早佢地當然唔係賣煲仔飯同煲仔菜啦，但係佢的港式早餐都唔錯，價錢又唔貴 $36，所以都值得去試呢間砂煲兄弟有一邊係無牆身間隔，唔建議將手袋或者電話銀包放近，以免有人順手牽羊店內都係一般的港式茶記設計，由於食早餐時間已經係朝早 10 點半，所以先覺得「無乜人」呢個係早餐餐牌當然食前自拍一下啦今餐要 $36炒蛋夠熱同埋唔會 over coke，不過我鐘意的炒蛋係落少量牛油，呢度無...本身係火腿絲仿鮑片配通粉，不過今朝想食個丁麵，所以加左錢要丁麵啦最後飲杯凍檸茶走甜，就之後返公司啦…查看更多

今晚食美心八月花外賣，麻麻地，食食下成家人都無興趣食。想每一款都影但係最後都無意欲。開箱前影一影俾大家睇，當時個個都有期待。今次選擇外賣自取中菜，四人套餐 $468，自取可獲 8 折，折後 $374.40。取餐後 15 分鐘開餐。套餐包括:1 海鮮粟米湯2 極品醬油炒飯3 酥香鴨 (半隻)4 洛神花黑豚骨5 荔芋炆滑雞#海鮮粟米湯無睇頭，好一般的湯，除左有 d d 蝦仁外，都係好正路粟米湯#極品醬油炒飯好咸，似珍珠米炒飯，有 d 失望，食到底部先有濃香薑粒，炒得真心差#酥香鴨 (半隻)嘩，真係用粗口講，X X 聲，只有一件純鴨胸肉外，全部都係骨，啖啖骨，同係堂食差好 L 遠#荔芋炆滑雞呢個都係麻麻地，個汁水唔濃唔淡，芋頭算鬆化，而雞球數得出的 4 小粒同 2 大粒，雞球算入味，不過不失#洛神花黑豚骨算係無失望，小詩最愛酸酸甜甜，不過骨粒大多過肉粒，汁水係無 (標準做法)，係算食得幾乾爽好味。味道唔似咕嚕肉咁甜，係比較清新，可以日後再食多次。終結，呢餐飯我唔推薦俾大家，今次算係伏左。…查看更多

今日係白色情人節 (White Day)，祝各位情人節快樂！因為我的最愛同細路仔都想食麥當勞，而我的最愛係唔鍾意食麥記，不過都想試下麥炸雞，所以今次突登買呢份餐。去麥當勞點餐，識點就用 App 去落單，一來可以賺埋網上消費的 3 倍積金，而且可以快快拎餐。不過呢度咁多人，萬一爆發就.......準備開箱...前留影呢個餐都執得好整齊，值得讚！首先我同我的最愛，兩個人食唔哂一套二人餐，份量真係好多。而細路佢就接近食哂，而且話「好好味」！…查看更多

今晚因為有事，去完尖沙咀的 office 之後要返一返荃灣 office 整一整野，順手食飯影一影，兼寫食評。小詩第一次寫食評，希望各位包容一下，如果寫得差，都俾 D 意見，小詩我會好好虛心學習，希望為各位知道我對美食的睇法。呢餐一個人的晚餐食左 $78，今時今日唔算貴，好啦，請睇下我點評啦！今晚我係一個係度慢慢食，希望下次有你陪我一齊食。先來杯飛想檸檬茶（有汽） (自助飲品每位 $13)，佢係自己已調較好「汽」的份量同埋檸檬茶的份量。不過我最愛仍然係雀巢檸檬茶，唔知幾時先可以係快餐店同埋呢 D 地方飲到我好鐘意佢個 #意大利菜湯 ($12)，不過今晚大窩口的 #Saizeriya 似落鹽落得「重手」，整個湯都有 D D 咸，係令到個番茄味失色唔知點解想同 Pizza 影一張前 Selfie... 哈哈小詩好鐘意食 #Pizza ，上星期先食左 #買一送一 ，今晚又食呢個 #黑椒雞肉野菌雙享薄餅 ($34)，我無另外加 $6 加 #雙重芝士 ，過濃的芝士我反而係麻麻地，食到成個口都好重芝士味。講返個 Pizza 的雞肉部份好惹味，黑椒係同雞似同批底幾夾，而個野菌部份食到濃濃的番茄味，係唔錯的選擇我覺得 #香蒜辣汁野菌西蘭花 ($19) 半驚喜半失望啦，先利申，我對辣的食品就會好快出汗，所以唔係好經常食辣，不過呢個失望位就係完全無辣味，今晚想刺激下味雷就刺唔到啦但係個驚喜位，呢個前菜，竟然有我最愛的冬菇（無錯！係冬菇！！！）好有咬口，但係點解會放冬菇，我真係唔明白啦最後沖左杯凍咖啡飲...不過不失多謝各位！…查看更多