Halo Giraffe的个人专页

日本流心宇治抹茶 $10評分：🌟🌟🌟-綠油油既抹茶餡，食落都好有茶味，車輪餅入面軟熟似蛋糕，蛋味香濃。有試埋另一個麥精味，但就唔太食到麥精味，甜甜地較似奶皇，但都好食，只係如果想試到精味既麥精愛好者可能會有少少失望了😗…查看更多

香蕉曲奇雪糕格仔餅 $25評分：🌟🌟🌟-如果你女朋友生到好似雪糕格仔餅咁吸引，就算佢係柴灣相信你每日都好樂意去搵佢😂🙈香蕉曲奇香蕉味香濃，就係食香蕉味雪條咁味，曲奇碎都食到但被香蕉味蓋左好多，特別係佢份量超超超超超多，食勁耐都食唔完，感覺好抵食😝格仔餅就略嫌唔夠脆又唔夠軟，但都有蛋香味。夏天食的確好消暑～…查看更多

蜂蜜牛奶雪糕 $22評分：🌟🌟🌟🌟-黎到藍田，去東九龍版既葵廣掃下街是常識吧😜蜂蜜牛奶雪糕可能某啲地方都有，但都麻麻地好食（因為食過韓國個啲太正），所以打消左我想再食既念頭。但難得再試，呢個我真心覺得唔錯～望落好似冰感好重，但事實完全唔係。蜂蜜味好出，牛奶味都濃，食落仲有種煙韌既感覺。個筒脆而唔硬，仲有甜甜既雞蛋餅味，分分鐘好過出面好多$3x但求求其好似食刨冰咁既大牌雪糕～-----金莎榛子餡配手打忌廉 $20評分：🌟🌟🌟🌟-上回講到呢度有好食得黎價錢又合既理雪糕，今日講佢既鐵塔窩夫🙏個窩夫蛋味香，外面脆得黎唔硬，入面軟得黎唔濕。佢既榛子醬就係金莎個啲咁味，加落去岩岩好唔會太甜，加埋手打忌廉淡淡既甜味，恰到好處👍-----特製斑蘭餡配朱古力醬 $20評分：🌟🌟🌟🌟-話說小編有啲重要野想宣佈：買一送一買一送一買一送一！🎉呢個窩夫買一送一！只要你like左佢地既ig or facebook就得喇！不過好似我呢個朱古力醬既，什至係手打忌廉既就要加$2喇～不過都冇咩所謂啦！呢個窩夫一樣係外脆內軟，斑蘭餡少甜帶清香，但一啲都唔寡，加埋朱古力醬都夾。快啲帶埋朋友黎試多個味啦！😍…查看更多

冬蔭公雞翼配哈哈笑 $36評分：🌟🌟🌟-可能不少人聽過呢個地方肉餅出名，但呢個小食個名都好吸精！因為真係冇乜邊度有🙊冬蔭公加雞翼，到底係咪真係有冬蔭公味？答案係有架！一啲都唔淡茂茂，皮同肉都入味，而且依然皮脆肉嫩添～哈哈笑有唱過k都應該有試過，但個人覺得呢個薯炸得脆脆地唔淋又幾香薯仔味，下次黎到又多個選擇喇！-----六重芝士煎肉餅飯 $60評分：🌟🌟🌟-介紹完個度既開心大發現之後，又試翻肉餅喇🎃六重芝士肉餅真係有好多芝士，芝士味係cheese burger個種味道，非常濃厚。肉餅都好鬆化，啲肉唔會硬死一塊，但因為芝士太香既原故，比較之下肉餅就略嫌煎得唔夠香喇，如果再煎燶啲咁就好了～呢份野不論係芝士、肉餅定飯既份量都好多，怕膩既小朋友最好就同朋友些牙喇🙊-----芒果煎肉餅飯 $53評分：🌟🌟🌟來自：屏山老地方（元朗）最後介紹埋呢度招牌- 芒果煎肉餅飯喇！🎉個人比較抗拒煮過既生果，因為好多煮完陣酸味都會完全坦誠流露，但呢個芒果可以放心，因為佢完全唔酸，小編係可以接受地食哂。肉餅依然係好大塊好鬆化，而且比芝士個個煎得更香口😋呢個岩岩好其實呢個對細胃既朋友相對食用既耐久力可以強啲，因為冇咁膩，加上肉餅加芒果其實個味道一啲都唔核突，所以大家可以試下啊！…查看更多

酥脆熔岩巧克力吐司 $90評分：🌟🌟🌟-呢個係四月中新出既酥脆熔岩吐司系列，酥脆係酥脆但感覺比較油，感覺有啲似食西多，熔岩唔係好熔岩，因為入面既朱古力不多😂，雪糕太冰喇，不過整體都配合，都不錯吃喔-----酥脆熔岩起司吐司 $90評分：🌟🌟🌟-酥脆熔岩吐司系列，另一款係芝士啊～芝士吐司食落好似平日麵包店買既pizza包既芝士味咁🙈今次個雪糕冰感唔重喇，係帶少少鹹味既雲呢嗱，但個人覺得呢個吐司點個雪糕濕濕地⋯有啲奇怪🙊但分開食⋯👌👍😂…查看更多

芒果煎糯米飯 $32評分：🌟🌟🌟-你以為長洲只有芒果糯米糍出名？呢間位於長洲既泰國小店既芒果煎糯米飯可能都會成為「焦」點，係飯焦個焦！佢比起普遍係泰國菜館食既糯米飯多左份香脆既口感，但又不失原來應有既煙un，去開真係應該要試下唔同既野！-----手撕海南雞飯 $35評分：🌟🌟🌟🌟-呢個手撕海南雞都goodgood架！首先佢既雞肉夠嫩滑，秘製既醬汁夠哂特別，令人好有繼續食落去既意思😍油飯都有油味，而且粒粒分明唔會一舊舊好似雪櫃拎出黎咁，但個人覺得再香啲仲正👍明明都唔算細碟，但食完都好似仲係唔夠，想繼續食落去⋯😜提翻大家，小編⋯真係好鍾意食雞😭…查看更多

咖哩蛋包飯 $35評分：🌟🌟🌟🌟-平時出街話食蛋包飯冇$50以上都冇舖頭有貨交，但呢間係街邊既小士多，$35有交易，仲包埋杯凍飲！至於質素都係👍👍架！蛋夠滑又夠多，包你可以送哂成個飯，咖哩係日式咖哩咁味，唔係話充滿層次，但一定唔輸蝕，但又唔會話只食到咖哩又食唔到蛋既味。入面既飯有醬汁架，一啲都唔乾，入面既雞都好入味同好滑，成碟就係充滿味道的說🙊我好喜歡…查看更多

生炸雞全翼 $26評分：🌟🌟🌟-三多係大埔區出哂名，今次太和都有！🙌平時大家食開炸雞翼都會係黑黑啡啡又油油地咁，但呢個生炸雞翼就好似吉列炸咁金黃色，好脆口，唔會硬左一舊舊，而且唔會好油，但入面既雞翼依然係好油滑😍雖然$26得一小隻，但又幾靚仔喎隻雞翼，咪⋯當小食多滋味囉😜…查看更多

粉屁桃鮮奶流沙包 $49評分：🌟🌟醜比頭蝦餃 $59評分：🌟🌟🌟奶奶頭木糠布甸 $39評分：🌟🌟🌟小花頭朱古力慕絲 $39評分：🌟🌟🌟小花頭燒賣 $59評分：🌟🌟🌟黃金寶炸饅頭 $39評分：🌟🌟-點心icon既醜比頭theme新menu launch左一段時間喇！肥桃既鮮奶流沙包同炸饅頭夠哂好玩岩影相（仲有勁耐冇食既雪餅！），蝦餃同燒賣蝦夠滑且花花燒賣堅係好靚，仲有盆栽甜品味道都有驚喜地好食，連小編都心郁郁想試！而且幫襯完仲可以玩佢既selfie機，同肥桃自拍飽！…查看更多

紫薯窩夫 $56評分：🌟🌟-啲cream既味最remarkable，但窩夫太淋似蛋糕，紫薯片唔太脆，雪糕都有啲硬望落似白朱古力球😳eh.. haha但貓貓朱古力畫好靚，完。…查看更多

伯爵茶焦糖燉蛋 $38評分：🌟🌟🌟🌟-可能好多人都曾經試過食佢既焦糖燉蛋，但未必好多人知佢有新味喔🙊而且仲不錯添！新既伯爵茶味既底一樣係同原味咁creamy，唔係出面個啲蒸蛋質地😍茶味、蛋味同奶味都又香又濃郁，上面既焦糖脆口又唔痴牙呀～店員都好細心提翻大家買左45分鐘內就好食喇～唔係上面層焦糖就會硬架喇🙈…查看更多

鐵觀音雪糕 $20評分：🌟🌟🌟🌟-有次偶爾經過天仁茗茶，見到竟然有！雪！糕！（可能係我old news😅）就梗係要試下佢入面最特別、最少見個隻味啦！佢既鐵觀識味同奶味堅係平衡得好好，令第一次食鐵觀音雪糕既我好驚喜！個人覺得佢既奶味幾香，所以越食就可能開始覺得奶味較茶味重。小編覺得佢既質感好好，廿蚊大大杯好正👍…查看更多

磚紅奶茶 $7評分：🌟🌟🌟🌟-紅磡新開呢間雪糕加台式飲品店，一黎就有優惠，搞到勁虛冚啊！😖小編以$7買左原價$14既細筒雪糕，奶茶味好出而且茶同奶味平衡得唔錯，就算係原價都抵食！👍不過經開就當然睇下有冇得捉緊其他的尾巴啦✨-----鐵觀音聖代 $25評分：🌟🌟-呢度另外一款茶味雪糕就係鐵觀音味喇！呢個聖代雖然茶味都係咁出，但個餘味好似同雪糕平身唔係好夾，好似炒燶左既茶葉咁。至於toppings都係普通，入面既珍珠粒都唔太係口感上幫到手，所以⋯…查看更多

芝士窩夫配炸雞 $99評分：🌟🌟🌟🌟-呢個芝士窩夫，食落好似岩岩焗起既蛋糕咁，脆得黎帶啲蛋糕既點味，芝士鹹鹹香香好夠味，唔會孤寒，但就有啲位有少少硬。至於塊雞，皮薄薄脆脆，唔會醃得太鹹，點埋個醬味道岩岩好。一啖雞肉一啖窩夫夾住食，好邪惡，好惹味😈-----原隻燒春雞配薯條 $166評分：🌟🌟🌟🌟-呢份春雞🐔一上枱就聞到香味～食既時候都香草味都非常濃，雞又多汁又夠滑，唯獨係雞胸位都係嚡左少少～但係個人就好少點佢比既醬，係因為唔使點都好夠味好鮮味，配埋薯條兩條友些牙當下午茶都幾好架！咁就可以再叫多啲其他野試🙊…查看更多

經典法式火腿芝士流心三文治 $88評分：🌟🌟🌟-芝士同火腿既層次好多，芝士火腿芝士火腿咁，仲有啲芥末醬，包你唔會溜～雖然冇我想像中咁熱辣辣（可能係意外），包邊都有啲硬左冇脆到（可能係意外），但係呢個配搭我好鍾意架💛-----羅勒醬鮮蝦牛油果意粉 $98評分：🌟🌟🌟-近排女生都興食牛油果，呢個意粉加上牛油果同羅勒醬唔會好似其他食開既意粉咁容易越食越膩，而且佢煮得好入味，啲蝦唔淨只表面食到啲sauce架！蝦同麵質本身一樣又爽口又入味，如果唔鍾意creamy sauce既意粉不妨叫呢個試下！-----特級煎加拿大牛柳配紅酒汁 $168評分：🌟🌟🌟-平時係人都知紅肉配紅酒架啦，今次呢個牛柳配上紅酒汁，酸酸地有啲似醋，增加左佢既味道，感覺比平日食到既排都要唔同。最重要係，佢既排本來就燒得算香口，雖然有啲位比較硬左少少，但都唔算過份。不過個人認為個紅酒汁幾特別，值得一試！👍btw，鍾意食薯仔既我表示，個薯仔一般。hahahaahaa-----魔法黑白朱古力球 $58評分：🌟🌟🌟-熱熱既朱古力倒落白朱古力球上面，溶左一齊就會飲到好滑既牛奶朱古力，入面就會見到香濃既雲呢嗱雪糕同一粒士多啤梨。加埋下面用焦糖煮過既玉米片一齊食，脆脆地又有奶香，一凍（雪糕）一熱（朱古力醬）加埋好有心太軟加雪糕既感覺！呢個價錢唔算太貴，又係時候💸試下新野！…查看更多