AlvinYPF的个人专页

見裝修幾靚，又係新派越菜，所以試下。環境坐得幾舒服，只係冷氣唔夠凍，食到有少少出汗。服務幾好，不過食物味道一般。我叫左招牌三黃雞湯河，配上炸雞皮及油炸鬼，炸雞皮不夠香脆，始終冇烤雞皮咁好食，油味偏重，雞肝醬就睇個人口味。油炸鬼整得幾好，鬆軟得來唔會太乾身，而且有2隻醬料可以沾嚟食。最後就講講個主角雞河，可以話非常之普通🥲。湯底淡得嚟又冇層次，雞肉味唔重，但係份量都算多，食完好飽肚。依個價錢，食物味道可以做得更好。…查看更多

晚餐，見到無咩人就入去食，原來好伏（可能只係咁啱依個餐有問題）。第一次食，點左個三杯雞套餐，來到個下有d愕然，因為d雞係炸嘅而唔係平時食開嘅炒（可能我見識少）,份量正常，但就無咩配料。佢個三杯雞食起上來似韓式炸雞，個汁都似，但依樣都唔係問題，最大嘅問題係d粉仲多過d雞肉！第一口咬入去個下，已經好淋，就望一望舊雞，原來自己食緊舊粉🥲。d 雞肉又唔係好貴，個餐成80幾蚊得幾舊雞，我要係d粉裏面挑番d雞肉出來食，最後唔夠餸送飯。無叫嘢飲，無試其他小食。…查看更多