happy princess的个人专页

見到市中心都開左間台式飲品店，前兩日有人龍，今日無咩就一試其實係買個到無人龍，等個到........我張單104，轉個彎見到有成10個人係度到，林住都好快姐。但聽到佢叫87........哇﹗有成廿幾個，再見到佢寫15-20分鐘；甘行開一陣先。點知行行下又買埋野急急腳返去林住一定過左，但係已經過左4個字都仲係91.......唔係卦﹗再去多個TOILET(又過左8分鐘)，返到去終於到﹗我叫的是珍珠奶茶加胚芽，係要加錢的﹗結果我飲左好多啖都飲唔到胚芽 (個2元係白俾囉)，因為行遠左加上我已經好累所以就無返去追究﹗由於等左甘耐加上你又做錯野而門口大大隻字主打佢D茶，又講到耐都係因為怕D茶唔FRESH。結果............雖然唔係其他人講到甘差，但我飲黎飲去都飲唔出同仙跡岩有咩分別﹗亦唔見得俾金鳳個D好飲﹗甘所謂港台融合的賣點已經唔過關﹗香港人都飲左甘多年珍珠奶茶當然佢個價錢抵囉,但我估過左新張期,佢加返少少,我會情願幫襯HAPPY LEMON﹗起碼唔洗等甘耐。其實之所以甘耐同佢的效率有好大關係的，正常十個人叫珍珠奶茶,甘應該一齊整,但中間有人叫左其他特飲,佢就停低做左先，係好公平﹗但耐到飛起﹗整體的人都無法受惠﹗我唔知係咪D人覺得有人龍圍住自己間SHOP好威﹗但我想講又唔係超好飲又要甘耐，睇怕好快就無咩人等了﹗如果等的時間唔過5分鐘而佢又係呢個價位甘我都仲會幫襯下GEI﹗…查看更多

第一次食本人都係見OPEN RICE甘熱烈的推介先黎，加上前兩日係日航食左個好廢的BUFFET所以呢兩日想食返間好的。情願早D起身食LUNCH BUFFET，因為抵好多。由於本人並不好海產，所以覺得LUNCH 同DINNER (有蠔同長腳蟹)的分別不大講返今日食完的感想先都覺得不負眾望讚1.羊扒OPEN KITCHEN行列之一，少有的扒類食品甘好味。不過唔鐘意羊個陣味的人可能唔岩，但已經不算很騷，重點是肉質鮮美﹗2.椰菜花忌廉湯真的沒有誇張，喜歡飲忌廉湯的人一定要試下﹗好飲過所有西餐廳上的﹗我食到七八成飽都覺得太香飲左半碗3.南瓜天婦羅俾人搶晒炸蝦天婦羅﹗但係我覺得南瓜都好好食﹗某程度好味過蝦﹗4.PANCAKE又係即叫即整，無限你揀幾多種料，除了比較大路的香蕉和忌威廉和士多啤梨外還有藍莓和桃，如果不是怕太多味混埋真應該試埋紅豆﹗﹗﹗可以大大啖﹗好滿足﹗而且藍莓口味好好味﹗5.ＩＣＥ　ＣＲＥＡＭ有成5種味﹗選擇幾多﹗而且品質也不錯﹗更重要的是有專人幫你筆﹗所以每次都可以拿到一個完整的單球﹗朱古力和紅梅最好食6.杏仁批呢個都好好味，建議自己再加SOUCE,例如士多啤利汁彈1.壽司真係唔店﹗枉佢係主打﹗唔要求你好似D熱門壽司店甘好食，但都唔好去到同廾韓燒一樣的程度至得架﹗舊飯係最大敗筆﹗2.魚生都一般﹗而且撈左麻油，頭一兩啖都OK,之後發現D WASABI完全入唔到味﹗3.D蟹都麻麻，D肉已經被凍到老晒4.完全無野飲，除左台面杯大米茶外，現場係無其他飲品供應，要你自己另外俾錢叫。呢到會俾人覺得有D小家﹗佢D野食甘多味精，杯茶又甘鬼熱，一係忍一係豪俾佢，最後揀左後者，雖然可以REFILL但頂盡都係飲2杯，所以你送埋俾人晒死啦﹗飲得你幾多？5.相同價錢的餐廳或者酒店相比，環境稍遜總結以百幾元食到BUFFET (不計時段)的準則，比好多放題好太多，亦比某D酒店佳。雖然主打菜式似乎唔合格﹗不過有其他食品令人驚喜挽回唔少分數，因此都值得去GEI。但係如果DINNER要俾多成百元都只係多少少海產，抵唔抵就見仁見智了。…查看更多