HowieSin的个人专页

屋企附近新開嘅餐廳，襯放假就落去試吓，點知係伏。叫咗4樣嘢，包括口水西施牛坑肉、鮑魚洋蔥飯、蝦米蒜子浸娃娃菜同埋醬燒肉茄子。首先上咗鮑魚洋蔥飯，味道都唔錯，其他配料都多，有雞粒、雜菇，而鮑魚只有一隻，waiter 好細心叫咗廚房幫我哋砌開，食咗一半左右就打大佬，就係「口水西施牛坑肉」，就咁睇餸名，我以為係西施骨啲friend, 所以冇問waiter 係咩，而英文餸名都冇乜特別，點知一上菜，原來西施 = 西瓜 🤢 我見到簡直係O哂嘴，配埋囗水牛坑肉一齊食，又辣又甜又多汁，味道好覆雜。之後上蝦米蒜子浸娃娃菜，菜用雞湯浸住，都幾入味，係唔錯，不過就唔係好覺有蝦米。最後上係醬燒肉茄子，茄子應該係焗完之後淋上肉醬，茄子焗唔熟仲係爽嘅，而且肉醬唔係同茄子一齊焗就咁淋上面，茄子係一啲味都冇，加上唔熟嘅口感，難食到一個點。…查看更多

食lunch 叫咗個牛面肉 risotto🍛，食物、環境、服務、價錢我覺得都唔錯/ok㗎，唯獨最低消費呢一樣令到我R哂頭🤯waiter 話不論order 咗啲乜嘢，都必須每人有一杯飲品🍹先算符合最低消費個要求😳 只能夠怪我細個唔努力讀書📖閱讀理解太差 🥲 我叫多杯野飲唔係問題，但餐廳咁樣解讀最低消費就有啲問題，係唔係寧願markup 貴啲但包埋飲品會仲好呢？今時今日食餐飯都要玩語言藝術，令人❤️好累 😞…查看更多

附近返工未食過呢間，今日lunch 試吓，本身冇諗住寫食評所以冇影相。雖然知道咖喱先係主打，不過唔係好肚餓加上天氣熱冇乜胃口，所以叫咗個北海道拉麵，麵豉湯底味道ok, 仲有一少舊牛油撈湯，size都正常。但係配料真係唔多掂：麵條未煮熟仲有啲痴埋一齊，好難先夾到，而且比較硬身，溫泉蛋overcooked差啲變烚蛋，日式叉燒肉質又厚又鞋，好似食隔夜叉燒咁。連埋加一要$119，感覺唔值，下次會試埋主打咖喱，希望會好啲…查看更多