white eye的个人专页

手機外賣嗌魚腐魚蛋米線，無左魚腐，完😩無得報仇😟唔通次次都打開個袋打開晒啲盒嚟睇啲料齊唔齊？講真，唔可以咁樣蝦啲外賣單囉，雖然唔知道管理層會唔會睇到，但都俾啲下次嗌外賣嘅客一個警惕啦。…查看更多

作為北區人，食過咁多間食肆，我覺得要出嚟平反下。首先呢度檸茶真係做足少甜少冰又有茶味，對得起茶記呢個名。個椒鹽鮮魷掛住食唔記得影相，鮮魷夠厚又唔老夠Q彈。隔離枱個蠔餅大過兩個人個臉，我下次一定要試埋佢！至於服務，阿叔阿姐都好好聲氣喎又！我漏低左支酒精阿叔仲提我拎，大家有講有笑無問題喎，有人情味😎雖然咕嚕肉係老咗啲，但佢無臭豬味而且夠晒大啲份量，最尾我哋食淨左兩粒😉總括來講張枱唔笠，啲櫈仲好新淨，枱同枱之間空間都幾大，周圍乾淨企理，食得開心俾錢俾得開心…查看更多

口淡淡嘅時候就會想食腸粉，又平又飽肚又慳時間👍🏻小生次次去都無遇到阿姐西面語氣差🤔仲叫我搵位坐，見有啲真係熟客走入黎阿姐仲會記得佢食咩組合😱好勁😬💡自助加醬呢下大方！你去第度嗌多麻醬少甜醬多色人哋真係唔會知你點為之多點為之少架嘛，自己落醬同豉油就乾手淨腳呢度啲白粥我認為好綿有咬口🥣又唔會過鹹，當然你要鹹啲就自己加鹽，佢個底唔過鹹呢樣好。仲要佢個白粥有時會沽清，想食都無得食呀。當然佢係老字號，你唔好期望佢裝修亮麗有背椅啦，都係圓櫈舊式茶樓囉。但又唔會令你覺得周圍污糟邋遢唔想行入去。你坐底大聲嗌出去食乜呢下好有懷舊感架，係我哋呢啲三十代細個睇阿爸阿媽嗌嘢食大，到我哋宜家呢個年代少有嘅經歷，大排檔都有人行埋黎同你寫紙落單所以次次咁樣嗌出去，阿姐又嗌個order俾師傅，師傅又收到咁嘅feel真係好微妙…查看更多

話說最出名嗰幾間米線鋪水準愈黎愈參差，啲阿姐啲廣東話又係好參差，嚡！今日竟然俾我搵倒間正野，又多餸揀首先米線唔會過淋、亦唔會膠，個人認為都幾掛湯。由於想同男友試多啲小食，餸我淨係嗌左豬🐷軟骨，以為會好細碗🍜點知豬軟骨同米線係食極都有！連我男友都話佢食到好飽，所以女仔來講呢就可以嗌扣底嘞唔好做大嘥鬼呀嘛👻小食嗌咗醉豬手、蒜泥白肉同埋麻辣墨魚，三個都好好食。我個人就覺得麻辣墨魚係最惹味嘅！墨魚好爽口又多，加埋個麻辣汁真係冇得頂、超入味！醉豬手🐽亦都好爽完全冇臭豬味，連男友都讚好🙈佢好少會開聲讚......蒜泥白肉就同我平時食開嘅有啲唔同⚠️佢係加咗一片片青瓜喺入面，食起嚟帶一份清爽、新鮮感、又冇咁油膩，女仔一定好鍾意❤️我仲試左佢自製嘅雪梨🍐水，勁滋潤💧鋪頭應該係經理黎好有禮貌，又細心推薦，個墨魚就係佢介紹💯想食米線又多一個好地方嘞，唔洗食黎食去嗰幾間又可以支持下小店✌🏻…查看更多