AvisX_X的个人专页

初試海港城意大利餐廳 AmeliaWaiter安排左窗邊卡位俾我地, 坐低先欣賞無敵維港靚景, 如果唔係天氣仲比較熱會想坐出面, 夜景真係好正先嗌左杯mocktail El Verde, 混合左蘋果汁/檸檬汁/蜜糖…好清新又帶啲薄荷香味食物方面, 揀左香蒜牛油焗帶子- 帶子焗得岩岩過, 配上牛油汁同蒜粒, 好香口又有鮮味芝士焗蕃茄醬茄子- 味道濃而不膩, 茄子咬落軟身多汁大蝦蜆肉燉飯- 用左正宗圓米, 食落有咬口帶啲煙韌而唔會過硬, 大蝦爽口汁又唔會過量好似湯咁, 唔錯西班牙橡果黑毛豬手- waiter細心教我地點切, 豬手食落脆卜卜啖啖肉, 肉質嫩滑唔鞋口, 水準之作…查看更多

約咗朋友去食燒海鮮流水蝦 入座起計任飲任食兩個半鐘, 開頭都驚唔夠時間 (燒野食都要時間㗎嘛) 結果時間非常充裕捧住個肚走先講流水大頭蝦- 入座之後店員會講解夾蝦同燒蝦程序 (要用冰水凍暈先) 蝦缸裏面蝦既數量好多 店員亦會添加新既落去 隻隻都彈下彈下!自助區都幾多選擇 海鮮區：有生蠔/花甲/大蜆/蟶子仔/花螺/扇貝/鮑魚/原條魚等等⋯ (有錫紙兜+牛油豉汁等等醬料俾人自由配搭)熟食區：有豬牛羊/鱔/腸/丸類/蔬果/菌類/湯 等等.. 唔想自己燒既都有燒好左既大頭蝦拎飲品區/甜品區：飲品最特別係有清酒/梅酒/啤酒 鍾意飲酒嘅人岩哂以呢個價錢嚟講 選擇多 食物新鮮 都算幾抵!…查看更多

終於可以潮聖一試日本過江龍蛋包飯專門店滿天星啦!‧炭燒咖啡奶昔 濃郁咖啡同鮮奶打成幼滑奶昔，啖啖咖啡香味，很不錯‧一口厚切牛舌咖哩蛋包飯 餐廳主打咖哩蛋包飯，必點啦！每客蛋包飯用左3隻蘭王蛋做，睇顏色偏橙黃色就預計到蛋味香濃；而咖哩汁係用牛肋骨、蔬菜熬製而成，係偏甜既咖哩汁。一啖有齊香滑炒蛋、咖哩汁 同埋燉煮得好林既牛舌粒，味道層次豐富！‧見到有季節性靜岡蜜瓜甜品，叫左杯靜岡蜜瓜芭菲作結尾芭菲以香濃牛奶軟雪糕做底，加上香甜靜岡蜜瓜粒，簡單但美味…查看更多

假日黎食fine dining Lunch set 4-course menu.餐前法包配兩款特配牛油，煙熏味好特別.法式餐前小食- 1. 醬油漬油甘魚刺身2. 分子料理：哈密瓜配12個月西班牙風乾火腿3. 香炸魚球配用蒜頭做既peray4. 一口鵝肝醬多士，上面有無花果醬最後係蕃茄清湯，作用係清味蕾，準備食下一道菜.小食- 香煎法國鵝肝鵝肝表面沾上天婦羅炸粉令到佢外脆內軟，入口即化，油香係口腔打滾隔離係用蘋果做既peray 同埋蜜糖芥末醬汁沙律，清清鵝肝既油膩感.主菜- 美國極黑豚肉豬飼養時食橡果大，師傅特意將黑豚肉札成卷再慢煮，配以牛肝菌醬汁及三種不同番薯顏色做嘅千層番薯撻黑豚肉大概7成熟，肉呈粉紅色且嫩滑，醬汁菌香同豚肉好夾.甜品 - Summer forest及和式拼盤前者係北海道牛乳雪糕、培茶慕絲及綠茶蛋糕後者係時令水果、檸檬慕絲蜂蜜蛋糕及十勝紅豆…查看更多

黎九龍城唔好唔好再淨係去清真牛肉館同埋泰國野，係時候轉下口味食好評意大利菜點完菜，先上一籃餐包唔係平平庸庸咁簡單，芝麻軟包同埋蒜茸包都係熱辣辣，前者外脆內軟，芝麻香濃；後者焗到好鬆脆又有蒜茸香，很不錯風乾四十八個月西班牙黑毛豬火腿沙律我好鍾意好掛住係西班牙滿街頭都係既西班牙黑毛豬火腿，呢間餐廳主打風乾左四十八個月，即刻要一試上菜後我既著眼點都係西班牙火腿塊，但其實配角既新鮮蔬菜、椒絲 同埋醋汁都好配搭到，唔可以忽略燒西班牙紅毛豬骨 食完西班牙火腿塊，又想食埋西班牙紅毛豬骨，賣相好粗既豬肋骨排，廚師已貼心地將肋骨肉切出，令我地食時啖啖肉。估計豬肋骨係用燒焗方式烹煮，所以肋骨肉外層多了燒烤味，而肉質有彈性，加埋秘製醬汁，好好味如果去開九龍城，值得去試下!…查看更多

. 約個朋友係屋企附近傾計食飯，呢間係個好選擇. 餐廳有多款日式串燒，用黎送酒一流，今次淨係食飯就少少地叫左鹽燒手切牛舌串試下厚切牛舌好大塊但完全唔靭，經燒後外層有炭燒味. 韃靼生牛肉 配多士呢款小食唔似一般做法，佢既生牛肉粒有埋酸瓜粒同紅蘿蔔粒，加上鵪鶉蛋香，味道層次豐富，多士細細塊可以一啖一口，細心位黎. 慢煮加拿大戰斧豬扒 講到斧頭豬扒，你可能會驚煎完中間唔熟又或者煎到質鞋颯颯，所以餐廳用慢煮方法，豬扒肉林又入味，配菜仲有烤過既蔬菜同埋薯蓉。…查看更多

Nagatomo.冇得去旅行，唯有去食下日本菜，今次呢間懷石料理係中環新開，由長本輝彥主理，店內擺設如插花、題字等都係長本先生。.坐低後會俾食客揀選專屬筷子，好細心，然後長本先生及助手出黎開始準備今日既料理.先係前菜 - 白子 伴 水菜，微暖既白子非常新鮮.然後係富層次感既湯物.昆布木魚片漬先淺嚐一啖湯，再食木魚片，再飲湯如同化學效應，木魚香融入昆布湯.再試深層次湯既頭抽 - 係清而濃厚昆布木魚味.最後第三層次 - 煮物碗昆布木魚湯連埋其他食材去煮成，店員提醒先聞湯既香氣，再慢慢品嚐係好清既柚子香氣，仲有手打松葉蟹丸 - 啖啖鮮甜蟹肉，最後飲埋湯，好正.是日三款新鮮刺身連上菜既碟都好有心思，用千鶴代表長壽.魷魚 - 長本先生特意將魷魚片切成紋，令其鮮味更出.炙燒北寄貝 - 活北寄貝切片灸燒後，口感爽脆.右口魚 - 晶凝通透既魚肉.除左刺身主角，襯托既松前醬油 同埋 防風菜、紅豆芽菜，都唔好忽略.跟住係八寸 有鮟康魚肝 - 好滑既魚肝 配以柑桔、西瓜bb漬物，中和魚肝既油膩感.牛蒡+薩摩 - 清而精既日本蔬菜.炸物：豆腐皮壽司、宮魚天婦羅、甘筍炸物拼盤好出色，香脆可口而不油膩.我最鍾意既涮和牛睇相都見到和牛油脂分布平均，入口非常嫩滑，九條蔥、菇菌類食材亦好優質，完美配搭.御飯 - 山形縣白飯魚既咸香 以及 友馬縣既黑椒香中帶辣，拌日本米飯令人食唔停.總括食懷石料理係一種視覺、嗅覺 及 味覺既享受…查看更多

提前同朋友食Xmas Dinner, 揀左呢間Fine Dining試下Menu 有幾個選擇, 我揀左 5 Courses (2 Appetizers & Soup+Pasta+Main)Appetizers法國生蠔‧ 生蠔珍珠生蠔新鮮, 加上特調既洋蔥醬油, 酸酸地添上一層清新口感香煎西班牙鴨肝配北海道帶子鴨肝入口即溶又油分充足好香口, 唔會煎得太乾, 配上烏梅醬可以減低油膩嘅感覺Soup野菌卡布奇諾野菌湯配上黑松露泡沫, 整體賣相睇落好似Cappuccino咁, 幾得意. 飲落兩種味道亦好夾, 野菌湯好香濃令人回味Pasta鹹蛋黃野菌手造拖肥粉配芝士忌廉汁鹹香味十足, 芝士味重, 加上拖肥粉本身比較有韌性有咬口, 放埋一齊好有口感好融合青檸雪梨雪芭食Main之前額外提供, 俾客人清清個口, 好貼心Main伊比利亞橡果飼黑豚肉眼配黑椒燒汁肉質好厚實, 肉汁豐富, 因為係用橡果餵食,  所以脂肪比一般豬低啲, 可以放心擺入口成餐飯各方面都好滿意, 每上一道菜 Waiter都會講解食物配搭, 等客人可以對食物多啲了解餐廳亦有好多酒類供應, 好杯中物既朋友岩哂…查看更多

約左個因為疫情成2年冇見既飯腳食飯, 佢話好耐冇出街食飯乜都想試下, 咁食放題岩哂啦. 兆萬有好多間放題餐廳, 我地揀左呢間主打日式價錢又ok 既 「極上帝王水產」食放題第一輪必食刺身先, 呢到刺身種類都多, 三文魚甜蝦象拔蚌赤貝等等乜都有齊第1  round 我地試哂所有刺身, 都幾新鮮, 而且冇叫4件黎2件呢d 偷工減料既情況, 之後encore 都好快上檯之後二選一揀左個鱈場松葉蟹海鮮鍋 (另一款係牛肉壽喜燒), 味道都唔錯, 仲有d邊爐配料可以再叫熱食方面種類好多, 日式既有有炸廣島蠔, 炸天婦羅, 和牛粒, 芝士年糕, 海膽手卷等等, 其他野食有三文魚骨腩, 焗蠔, 避風塘蜆, 鹽燒牛舌 (極推介, 好好食), 燒菠蘿, 海蝦等等, 泰式亦有生菜包, 泰式生蝦, 通菜等等, 總有十樣八樣岩你食飲品方面一般大路野都有, 特別既係有嘉士伯同象啤, 岩哂鐘意啤一啤既人而雪糕雪條選擇都好多, 係d平時好小機會食到既, 特別係枝芒果雪糕, 好味到我食左3枝!呢個價錢有咁多野食, 都幾抵!…查看更多

終於有機會試下尖沙咀鮨央泰, 嗌左午餐Omakase 風花 $780 .包括前菜、12件手握壽司，師傅挑選每日時令魚類海鮮食材、玉子燒、湯及甜品.第一件七日熟成平目魚 - 熟成白魚肉表面搽上一層醬油，格外有魚鮮味.第二件富山縣白花蝦加上表面魚子醬 - 魚子醬既咸鮮味同清甜既白花蝦肉好夾.第三件清森縣四日熟成鰤魚 - 熟成既鰤魚魚肉味道更濃.第四件淡路島首戶池魚 - 新鮮池魚肉好彈牙，配以薑蓉去除魚既草青味.第五至七件清森縣大間拖羅三食，師傅特別展示有證書號碼既拖羅肉，然後立即切成魚片俾我地享用.14日熟成大間拖羅 - 油脂分布多，入口即化.火灸大間大拖羅 - 師傅會以備長炭燒魚肉表面，灸燒完既大拖羅加上炭燒既味，好正.拖羅醬油漬 - 將拖羅片放入醬油浸泡，醬油既咸鮮味被魚肉吸收左.第八件北海道毛蟹肉， 蟹膏、蟹子連同拆出黎既蟹肉拌成，啖啖肉.第九件熊本縣熟花竹蝦，蝦好大隻，熟左既肉質有彈性.第十件北海道三文魚籽師傅特別介紹係佢地自家製，原條三文魚切開後取出三文魚籽，保證新鮮，每粒圓鼓鼓好晶凝通透，一咬爆出咸鮮汁，勁正.第十一件 海膽撈飯 每粒飯都同海膽融合左一齊，食到唔想停.第十二件 三種吞拿魚不同部位既魚肉（大拖羅、中拖羅和赤身）做餡料整成手卷，滿足.玉子燒 - 師傅用魚湯、蝦等秘製食材自家製成玉子燒，看似簡單，其實都係功夫菜.甜品非常之有創意既wasabi 味雪糕，幫我最後清新口腔，不錯…查看更多

約左朋友仔黎個吹水邊爐夜, 揀左之前一直想試既胡爐~ 我地叫左- 火焰龍蝦海鮮鍋侍應先炒香原隻波士頓龍蝦，再落龍蝦湯做成湯底，即刻香噴噴，煲滾後梗係要飲番碗龍蝦湯，好鮮甜，再食埋龍蝦肉，個鉗啖啖肉!然後就嗌火鍋配料打邊爐-匈牙利鬈毛黑豬豚肉: 豚肉片唔薄身仲好重肉味侍應之後推介$88 蘇格蘭特大蟶子皇 加 原隻大蓮活鮑魚，價錢吸引又抵即叫左2 sets ，新鮮! 正!黑松露芝士手打牛丸: 手打牛丸咬落去係黑松露芝士，好好味厚切萵筍片:爽脆口感，清甜既蒿筍，最夾係打邊爐食豆腐 :好滑既豆腐，記得輕手勺煮，入口即化稻庭烏冬:呢個充滿海鮮精華既龍蝦湯湯底，煮個烏冬一齊食就係perfect match結論: 冇令我失望!下次會再黎食!…查看更多

好同事last day, 請佢食返餐飯, 之前見到緣味小聚個海鮮鍋廣告牌好似幾吸引就book黎試下~入座之後, 侍應好友善過黎介紹套餐, 我地揀左$268 星級大鮑魚海鮮蒸氣鍋套餐, 有:- 燉湯- 八款新鮮海鮮- 任食安格斯肥牛, 健康蔬菜- 特式蒸糕點- 自選八寶蒸飯蟲草花燉雞腳湯 (好正, 飲得出冇味精)八款海鮮: 鮑魚, 蟶子皇, 大帶子, 龍躉片, 海蝦, 花蛤, 蜆 (因為大刀貝冇貨, 所以得到我地同意後俾埋蜆我地), 海鮮洗得好乾淨, 花蛤/蜆都冇沙, 蒸海鮮全程由侍應服務唔洗自己出手~安格斯肥牛, 好有水準~食緊既時候蒸糕點亦都上桌, 全部都係我鍾意食既糕點流沙奶皇包 (真係流沙架, 掛住食唔記得影相), 馬拉糕, 薑汁紅棗糕最後仲有個自選八寶飯食~ 我地揀左蝦醬腩肉, 豉汁排骨, 潤腸, 秋葵, 芋頭, 淮山, 蒜香茄子, 南瓜, d飯索哂d餸既汁, 食落好香, 因為太飽我地最後都食唔哂~走既時候見到隔離檯食既海鮮蒸鍋+椰子水粥底火鍋放題都幾吸引, 下次有機會試下~…查看更多

訂左「二鍋頭」同朋友飯聚, 好彩有訂位, 上到去近乎爆滿, 好旺場~好耐冇食過任飲任食放題, 呢到個放題組合都幾抵下~先黎一個無限refill 雞煲/ 鴨煲/ 豬手煲, 自問大食仔女既可以試哂3款~我地食量有限既就淨係嗌左個雞煲 (由小小辣至大辣任你揀)雞煲有質素, 雞肉唔會乾身偏咸 (好多雞煲都偏咸), 份量亦唔欺埸, 有圖有真相~食飽雞煲, 就飲罐野漱下個口準備打邊邊~  飲品有好多選擇包括啤酒, 鍾意啤啤佢既就岩哂~打邊爐有8個自選鍋揀, 蕃茄控既我地無慮即決揀左蕃茄薯仔濃湯鍋至於邊爐配料都有唔小選擇, 總有幾款岩你口味, 其中推介係海鮮同韓式泡菜餃~至於蔬菜、菇類呢d健康之選, 就好方便咁放係大凍櫃任你拎~ 唔夠飽仲可以食個稻亭烏冬/ 出前一丁我地就飽到爭d雪條都食唔落, 呢到有好正既榴槤雪條, 點都要食返2枝呀!…查看更多

約左朋友飯聚，佢行緊生酮飲食，所以上網搵左間岩佢食又就腳既餐廳，餐廳好多食物都低糖/無糖，健康得黎味道都唔錯，特別推介佢個猴頭菇蒟蒻麵。另外仲有啲望落好吸引既豆奶類甜品，下次會同其他朋友再幫襯。惟一失色係隻蛋炒得麻麻地…查看更多

有times 現金卷, 見Greenhouse 幾多選擇所以試下. 入座個時全場爆滿, 眼見waiter忙到踢哂腳但係都有維持禮貌又有跟進客人要求, 值得一讚流心蛋軟壳蟹沙律-- 流心蛋唔流心, 軟壳蟹太多粉, 又凍左. 麻麻地Curry大蜆&青口-- 好食, 多士點汁好正龍蝦包-- 青瓜絲同龍蝦肉及沙律汁唔夾, 食落去味道怪怪地…查看更多