candiceformula的个人专页

今日去學校附近搵朋友，大約晚飯時間想搵個地方快快手手食完飯然後陪朋友做Project上網見到附近有間chill chill地黑白色為主調嘅西餐廳，於是一於就去試吓！地點仲非常近係附近嘅街市就係。亦都可能係街市嘅關係鋪租比較平所以價錢10分親民！我哋一去到，唔知頭唔知路於是問服務員有乜嘢好味嘅美食推介俾我哋，呢度主打辣肉炒意粉同埋雞翼。我哋除咗呢兩樣之外仲叫咗扇貝野菌意粉，柚子雞翼，蘑菇湯同埋兩杯野飲。店員仲貼心提醒我哋如果我哋早啲到嘅話更加有下午茶優惠！大家下次可以去試吓個下午茶真心非常抵食。主食小食同埋飲品加埋先$30幾！！完全抗通脹嘅價錢！食物方面個人最鍾意扇貝野菌意粉。野菌味十足一啖接一啖！另外柚子雞亦10分開胃又酥脆！另外一提上菜速度十分之快！超級推介附近同學仔堂與堂之間黎試一試！…查看更多

朋友推介下黎到怪獸大廈隔離既泰國菜店入面基本全部顧客都係泰國人，入去前好期待。但可能道地既泰國菜未必習慣到，其他食物都ok，幾好味。但青咖喱覺得太淡，平時食慣濃椰漿味既咖喱。…查看更多

對於連鎖店，本來期望不大。在晚市排隊更加要排差唔多20分鐘一去到，朋友推介海南雞，同埋見到廚房不停地出海南雞，一個接一個，於是就試下。點知！海南雞真係好滑好好味！係無論咩位置都好滑好好味！價錢大約$110人頭，好建議食！…查看更多

港女喜茶唔係成日飲，飲左幾次覺得最basic既芝士綠妍同埋芝芝芒芒最好飲趁今次期間限定，試左芝芝桃桃。味道好fresh，夾埋芝士好好味！但飲到最後覺得有少少甜。比較翻都係覺得芝芝芒芒最好飲！同埋喜茶，真心要等好耐ahha…查看更多

好鍾意食壽喜燒！成日都好掛住溫野菜！！平時都食開午餐時段，星期一至四既午餐仲有折，人頭大約$100而夜晚則建議散叫，好似抵食d溫野菜入面既菜真係好好味，吸曬壽喜燒湯底，好入味。而肉方面就推介牛肉。最後ending黎個烏冬，吸曬湯汁就最正！…查看更多

平時入藍灣飲茶都貪個海傍落地玻璃位同埋下午茶時段。期待已久，成日食唔到甜薄餅。今次終於叫到！但同唐宮差好遠，味道麻麻地。腸粉都係不過不失。而瀨粉同南瓜排骨都幾好味！推介…查看更多

去附近學校探朋友，見到openrice推介既呢間平價西餐，於是入黎trytry可惜入黎遲左，下午茶一個主食+小食+飲品先$32！最後叫左黑松露扇貝扁意粉同埋辣肉炒扁意粉，再加蜂蜜柚子雞翼，黑松露薯角同埋蘑菇湯。黑松露扇貝扁意粉非常抵食，個人比較鍾意。野菌味夠濃！柚子雞翼非常開胃，但有少少酸，食得酸既朋友會好鍾意。蘑菇湯則較為淡身。值得一提，上菜速度極快！…查看更多

突登出旺角食川菜，一去到好多人。七點半去到，樓下都係食川菜，但唯獨呢間，二人檯都要等10個號碼。無乜裝修可言，店內大部分顧客年齡層較大。好膚淺講句，憑呢幾樣嘢，已經好期待。希望唔係網紅店，而係真心地道。然而真心，十分好味！水煮桂花魚以麻味為主，好香好鮮。價錢合理。紅燒茄子私心推薦，差唔多成碟都我食曬，哈哈。食四川野飲啤酒當然要青島啤酒啦～…查看更多

第一次去食係因為買戲飛，等睇戲。見好肚餓，然後入去打算食個tea set但menu內既午餐超級抵食！有7折優惠。見到湯底有壽喜燒湯底，邊個可以抵抗到！於是決定一試。不溫野菜既蔬菜好好味，簡單連個錢菜既小薯仔。好軟好綿，配合醃製八爪魚醬好match豬十分有驚喜，蔬菜煮到最後食，湯底既味入曬去。食到烏冬，已經好飽，但依然唔可以放棄d湯，實在CP值好高！…查看更多

第二次食呢間餐廳。想同朋友聚久／新朋友仔見面好適合，有得玩有得食，唔怕尷尬。今次去食大約係夜晚9點左右，店入面既人數已經唔多。叫左份雜錦廣島燒，牛舌同埋草莓pancake。雜錦廣島燒好難煮，不得了，d海鮮好難堆埋一齊，但玩得好開心。醬汁比起上次食鹹左，唔知係唔係今次既小夥伴唔識煮野，上次好味好多，哈哈。而牛舌，之前去日本食牛舌好味到念念不忘。但呢間既牛舌真心好普通，味道唔出色亦唔會入口即化。草莓pancake係最愛！製作難易度低。同埋好治癒。每面2分鐘，失敗率好低，味道亦好好味！…查看更多

夜晚9:30，經過將軍澳一帶，見到Simplylife仲開緊，想入去醫下肚仔。場內客人唔多，亦已經開始清潔。但服務員態度好好。落單後，幾分鐘就有麵包，飲品同湯。湯係番茄湯，我第二次食呢間分店，湯始終唔適合我口味，但朋友就好鍾意。真心好見仁見智。而麵包，今次就好味過上次。今次叫左兩款粉面，手工製粉面質地較有口感，我個人頗喜歡。而水果茶好好飲，淡淡地既水果味，好natural。題外話，環境好舒服好靚，好適合同朋友傾計，坐得好舒服。…查看更多

第一次去食。見到menu好似咩都有得食禁海南雞飯，鰻魚飯，pizza都有。最後點左份海南雞飯同埋鵝肝多士海南雞飯真係好滑，但汁少左d而油飯都粒粒分明，好香身。而鵝肝多士。$78就唔好奢求入口即融既鵝肝。但絕對對得住價錢！大大塊鵝肝。…查看更多