Beckyman的个人专页

同老公慶祝生日，環境舒服，員工服務態度好好，笑面迎人，食物方面正常水準，員工推介嘅食物都好啱我哋食,餐廳去到7:00已經坐滿晒客人，但係都唔覺得好嘈，好逼夾，雖然唔係一啲高級嘅西餐廳，但整體感覺好好，下次一定會再去。…查看更多

晏晝去排隊，條隊有四五家人等緊，睇住入邊有幾張枱都食完出咗嚟起碼10分鐘以上，都冇叫過人入去，其他人都忍唔住行入去問佢入得未，接待嘅前線員好似如夢初醒咁，一入到去有四張吉枱，外邊又曬又熱，唔明點解唔俾人入去坐住先。嘢食方面，湯麵冇咗牛肉麵，得返藥膳湯同埋油雞，呢2款都唔係特別好味，又唔係特別難食，嘢飲方面加$15就正常水準。蛋餅個皮係脆脆嘅，但個餡都係一般。可能對呢間餐廳期望比較高，之前食過亦覺得OK好味，但食過今次之後，覺得荃灣其實仲有好多台灣菜選擇，亦都唔會再幫襯。餐廳嘅食物當然重要，但氣氛亦都好緊要，入面所有員工冇一個有笑容，啲侍應好似烚吓烚吓咁，如果你哋下次去食，可以感受吓。 …查看更多

見到呢間新開幾靚，諗住同老公去食下，睇左有咁多好評就一定冇死啦，我地7點幾入去，唔係好多人，唔駛等，坐低好快就落左單叫左個burger薯條，豬肉餃子，其實平心而論可能我期望太高，所以對食物有少少失望，burger有burger味，薯條有薯條味，就係好一般，唔係食評講到咁好味，豬肉餃子個皮都厚，好奇怪，最緊要係，侍應態度真係唔好，趕頭趕命收碟，又冇禮貌，其實附近有咁多選擇，我地應該就唔會再幫襯㗎啦。…查看更多

見天氣咁凍諗住暖下肚·.同老公食碗粥同炸兩，個粥就普通啦，呢啲唔會特別有好唔好味，但個炸兩真係嚇死人，又凍又林，我同老公食左2，3舊真係頂唔順，好難食阿！過左2個星期，經過諗住食個豬腸粉暖下個肚就，諗住腸粉就一定穩陣啦，首先一定係熱先，黎左既時候都好感動，有煙架，點知食左一淡，就知中伏喇，唉！心諗點解連粥鋪最基本既野都可以做到咁難食，好鞋又多油，我發誓以後都唔會再入去！都唔明白點解仲有人入去食架！…查看更多

男朋友一早己經想試下食私房菜，上網搵黎搵去最後都係選擇左呢間blue's kitchen!雖然評價唔多，但個個都係讚不絕口。 早一個星期打去 book , 未講話訂幾時佢已經話 send 個 menu 俾我簡左先。咁我簡左2 set “梅“ 同一隻澳洲加菲蟹..早一日己經send 埋地址俾我我地早左半個鐘到。已經準備左檯俾我，我帶埋支白酒去飲，唔駛開瓶費！！重點黎喇.. 有3道前菜--最驚喜係個三文魚鼻梁中間個碟 ，好有口感。一啲都唔腥！牛榜都幾好味！！之後就食沙律同平時食既差唔多。個汁係黑醋黎既！:)之後就食蝦每人一隻，個蝦頭有好多羔，啲肉好鮮甜。食一隻真係唔夠！加菲蟹--肉多有少少羔。都係勁鮮甜。大廚起肉既手勢真係唔錯我地最後清曬，蟹殼都俾男朋友食得乾乾淨淨食完蟹就到壽司大廚特登入黎（因為係一間獨立房）講解食法。。。先食旁邊個2件。。再食海膽！本身我地係唔食海膽，食過一次有陰影“ 但係呢次食真係完全改觀。唔腥，冇青味。甜同肥美！ 之後仲食左件好大塊既帶子未試過帶子用刀叉食！真心。。係大板黑門市場食既己經以為係最頂級，原來一山還有一山高！甜品我預先叫左一個桃雪芭。叫左一個芒果雪芭俾男朋友。。 同出面雪芭唔同。好似食緊新鮮生果咁！！正。。 整體黎講食物係十分滿意 5粒星牙！ 因為呢個係私房菜。裝修一定冇大餐廳咁靚。但勝在好有私人空間，環境舒服，更加比餐廳乾淨企理！以我食到既食材。價錢算好平。出面食呢個價一定食唔到呢啲野。服務更加滿意，唔點形容。總之所有野加埋我地真係食得好開心！所以都要寫人生第一篇食評話俾人知有好野！！…查看更多