上班也是為了吃的个人专页

滿心期待$168 free flow cocktail。😎星期五晚上只有6點同8點两個session可以預訂，訂了8點，限聚令關係只可飲到10點，只有两個鐘即管試試。餐廳位置有點偏僻，但都不難找。試了jumbo kingdom - 有啲似凍薑茶，Gin yogurt - 有啲似pussyfoot,See you tomorrow - 有啲似果茶，Margarita - 正常傳統口味，Old skool - 沒有用特別杯，少少酸甜味飲完成晚好似飲咗好多糖水，冇乜酒精，要再去附近補返少少白酒先夠。另叫左其他小食，$108/6隻生蠔都新鮮抵食。見隔離檯叫wine仲有優惠價，下次有機會再嚟會直接飲wine算，呢個free flow cocktail 只係gimmick, 都算吸引左唔少人黎👍🏼…查看更多

上網無意中發現這裡有蒸海鮮，滿心歡喜特意搭地鐵去深水埗再行十分鐘路程前往。舖面細細，只放了3張細枱和2張十人枱，一眼望哂。看到牆上的海報和員工告知，原來蒸海鮮要預早電話預定，所以那時我們只可選擇打邊爐或者離開，我見他們好像是剌身同火鍋專家，於是就一試。說是有原條象拔蚌特價$198，但我們見只有拳頭般大，於是沒有叫，改叫7百幾元一條那款，那貌似經理的立即笑逐顏開，態度是十分的好。象拔蚌來了，比我們預期的小，嚴格黎講同198的差不多，我們以為比錯左，於是叫人來確認，那時有3個員工，但我們舉了手好耐，應該有5分鐘以上都冇人理，5張枱3個員工都顧不了，真的不容易接受! 後來終於叫到個經理，佢解釋呢條輕左一斤比我們，平左一百元，咁都要6百幾，仲要同我們講那是全鋪最靚的，原來已是「最好」的了...說真的，真的好呃稱，得果廿幾片就呢個價錢，應該只有這間「專家」才有！之後點了幾碟火鍋料，有肥牛、鵝腸、水餃同菜，肥牛同鵝腸都很美味，其他的都是好難出事的食材。總括而言，刺身十分不值，火鍋普通，兩個人食左$1,500，以它的位置、裝修同服務，真的沒有原因再幫襯了！反正長沙灣、太子有更多選擇⋯⋯注: 記得check 單，如用open rice 七折優惠要問淸楚，不是所有材料都有優惠的…查看更多

一班朋友食放題要早兩星期訂枱，15分鐘前到達，仍須再排隊等候一會。場地好大分左好多區，坐位都舒服。柯打左刺身，新鮮大大盆，三文魚厚切啖啖鮮, 甜蝦大蝦好爽甜, 帆立貝都好吃, 只是相對來說不太大顆, 但已經好滿足。壽司天婦羅一應俱全, 壽司不會一太舊飯令人飽滯, 分量剛剛好, 可以試多幾件, 花之戀小巧得來, 味道不錯。天婦羅我只吃了南瓜, 不過不失, 同行朋友吃隃炸年糕同炸蠔, 評價是OK啦, 不太好又不太差, 但始終放題沒有再點太多炸物!煎炸野最喜歡雞翼，有普通雞翼同芝麻雞翼, 本身是雞翼控, 試過後覺得超出放題水準, 可以ENCORE, 另外有個比較特別的豬大腸, 煎得不錯, 酸酸甜甜, 送啤酒一流！仲有鮑魚，不過我覺得吾入味，反而墊底個蘿蔔好好食，應該是因為分開煮的緣故。食物上得都快，員工都算有禮貌，希望保持到水準啦:) …查看更多

星期五午市沒有訂檯, 一行人4位walk-in, 上了2樓問過應該唔會咁快有檯, 於是把握時間悶...入了lift有位先生非常客氣問我們會否上13樓private room食lunch, 我們欣然去看看所謂的private room!那裡環境不錯, 牆邊一排梳化, 一片大窗十分光猛。order了set lunch有忌廉湯, yogurt curry chicken with rice, 凍檸茶。忌廉湯好稀, 好多蘿蔔同粉絲, 唔係好得!yogurt curry chicken with rice個咖哩都係好稀, 嚴格黎講係冇咖哩味, 汁唔算多, 不過由於唔係太好食, 我都食凈左凍檸茶算是普通野, 飲得出係水喉水味, 我唔係好介意, 都飲左幾啖最後我地因為趕時間, 外賣左cheese cake走, 外賣用發泡膠盒裝, 伴碟算是有些心思。cheese cake只有上面一層是cheese, 底下有2cm高左右是海綿蛋糕, 配在一起根本沒有芝士味, 有點失望。要讚的是員工態度可親。…查看更多

每次單人匹馬來到新城市廣場都會考慮去mos burger吃個便餐。今次又點了吉列蝦堡+combo a, 即是加左薯條同可樂。吉列蝦堡: 這麼多年還可以keep到水準, 真的要給一個叻日本餐廳!! 炸蝦餅即叫即做, 熱辣辣, 加上tata醬是很棒的組合薯條: 夠粗夠薯, 但太多鹽, 十分咸, 一定要不停飲汽水汽水: 不算多冰, 不溝太多水, 正常一杯有汽的可樂, 已經很足夠咁岩有抽獎活動, 抽中左個橙色波波, 獲得一粒士多啤梨凍凍的, 有些白朱古力, 老實說: 送是可以, 如果要付錢的就不要了…查看更多

一直都喜歡吃咖哩, 今晚跟友人去了亞星試試。地點非常好, 一進廟街便看到, 因為到店已經差不多9時, 沒有人等位, 正當我和友人在店外看餐牌時, 裡頭一位女侍應掛著笑容邀請我們內進, 感覺良好。店子小小, 但竟然有不少啤酒選擇, 十分驚喜, 有common的百威, 嘉士伯, 青島, 生力, 藍妹, 連vb, corona, stella等也有, 價錢廿零三十元, 十分化算, 來happy hour也十分值得, 本來打算試試napel啤酒, 但最後還是選了india啤, Kingfisher味道有點甘, 酒味重, 最適合配濃味的印印度咖哩!!order了我最喜愛的samosa, garlic naan, masala lamb。等候時間不短, 趕時間的不要來, 也許是因為即叫即做。 大概15分鐘上菜了, 忍不住拿起刀叉吃samosa的第一口, samosa散開了, 皮好厚, 其實不太好吃...喝了一口啤酒沖沖味道, oh...原來這個samosa的味道跟kingfisher的味道配得很好, 哈, 我對這咖哩角'誤會'...然後索性一個义子'吉'著samosa吃, 太好了, 不錯不錯。masala lamb跟garlic naan也來了, 好香, 也是熱騰騰, 一口試了masala sauce, 不太spicy, 有點香草的香味, 再細看sauce, 有很多黑色點點, 應該下了不少香料, 味道濃郁很複雜, 再配上我的啤酒, 果然是good match! garlic naan有四片大塊, 每人兩塊剛剛好, 是熱的香的, garlic味不算太重, 只有淡淡的蒜香, 已經很足夠了, 單吃還可以, 點了一些masala sauce更爽。這個時候友人order了 yellow rice, 實際的名稱不憧了, 但女侍應明白了便好, 過了一會yellow rice也來了, 都是熱呼呼的, 一粒粒的很印度風味, 眼看到很多香料, 本是簡單如港式炒飯卻做得一點不簡單, 好像有點棘, 攪不清是因為吃得太多masala sauce還是那飯本如此, 總之就是好吃的。女侍應不時走來問我們食物如何, 十分友善, 當我們的naan放久了, 她又來remind我地naan要趁熱才好吃, 十分體貼。這店給我感覺整體不錯, 唯獨整晚都播著tvb劇集, 這點好不好真的因人而異了。…查看更多