kwa1的个人专页

今日公司食開年飯，揀咗這裏 設宴 今日開咗成八席。 今天的餸菜雖然好簡單， 簡單得嚟比較實際 。但係都好有驚喜， 蹀頭 好夠分量，出品都算唔錯， 灼海蝦~啲蝦好大隻，好新鮮，仲要畀隻匙羹還要大。燒鵝~ 啲皮好脆，肉好滑，好有燒鵝味。蒜蓉粉絲蒸元貝~元貝賣相好吸引，元貝好彈牙，好大隻。 清蒸杉斑，夠新鮮，有魚味 蟲草花浸小棠菜~個湯有好濃沃嘅雞湯味，菜爽口及翠綠。 服務都算唔錯，間唔中有人換碟及添加酒水，每個餸出菜的速度 又唔會太快。 這一餐應該大部分同事都食得好滿意，份量好足夠。 所以值得推介一下。…查看更多

今日因為 另一半生日，所以 食好少少。今日 兩個人， 六點左右 叫咗一隻約三斤半重嘅長腳蟹， 再叫咗條約1斤半重嘅星班， 長腳蟹我哋叫佢剪埋先出， 佢嘅賣相好有驚喜，啲蟹膏用個碗戴住 ， 肉質好鮮甜， 好有蟹味。 清蒸星斑， 條魚蒸到剛剛好，唔會過龍，好滑好新鮮。 之後叫咗個賀壽桃伊麵，最後仲叫咗兩碗紅豆沙湯圓，同埋壽桃包。 這一餐真係非常之豐富， 這一餐價錢都好合理，因為新春期間都唔會太貴。長腳蟹$1088 星班$ 338， 初三的生日飯， 食得好開心。…查看更多

今晚天氣涼涼地， 同朋友共兩人一同去咗大角咀稻香打邊爐， 雖然八點半後先有任食火鍋，原來正價時段六點半都有好抵食嘅打邊爐，我哋兩個人叫咗一個套餐118蚊有一個湯底，有6碟火鍋配料。醉雞鍋 好足料，好有花雕香味， 火鍋配料好新鮮， 份量都夠兩個人食，尤其是啲蝦上到檯面仲生猛嘅 ，佢仲有 自助醬料吧， 總共有八款 火鍋配料 ，任添任攞，任君選擇，想食乜嘢醬都有。 我哋仲叫咗兩支嘉士伯啤酒 ， 每支15蚊 ，埋單都不用兩舊水，只係185蚊，相當之超值。…查看更多

今晚十月最後一天， 同家人一同七人到大角咀稻香吃飯。 其實已經幫襯過好幾次，今次水準依然保持。 今天 我們叫了一隻長腳蟹， 長腳蟹好新鮮， 啲肉好鮮甜 因為 做緊特價， 相當之超值，抵食。 四斤重都係$788 。而佢哋仲有好多優惠做緊。 我叫了條龍躉仔$78 龍躉仔 雖然細條但係 好新鮮。 仲有羊腩煲 做緊$188。好抵食再出面大排檔都要二百幾三百蚊一煲。 仲有叫咗個推廣勁蔥雞窩，入面有一隻雞 熱辣辣好好味，雞肉夠滑。 蒜蓉粉絲蒸元貝 好抵食叫咗12隻 其他小菜 份量都好足夠 埋單 都係二千蚊鬆啲 好食又抵食 所以值得推介大家。…查看更多

昨晚下雨星期天，我同朋友去咗大角咀稻香食晚飯。可能我哋早到唔算太旺，一去到有位坐。其實都唔算叫得多嘢，淨係叫咗三個餸。1~金銀蛋莧菜2~涼瓜牛肉3~叉燒例牌 等咗五分鐘就有菜出。 叉燒例牌，畀我們有個驚喜，外觀賣相好特別，有個木架盛載著，有蠟燭熱住，賣相好吸引，有蜜糖香味，都係賣98蚊。2~金銀蛋莧菜，有好香嘅鹹蛋及皮蛋味啲，莧菜好嫩好滑份量好足夠 。3~涼瓜牛肉， 涼瓜一啲都唔太苦，牛肉好滑，油唔多，又有豆豉香味。 雖然我哋叫咗三個餸，但都已經好夠飽。這間酒樓值得推介， 價錢合理，份量又足夠…查看更多

昨晚 收工，約咗朋友去大角咀 稻香，開頭都唔係好旺，可能我哋早到約莫六點半，但到咗晚上約七點半，都就嚟全場坐滿。服務員好主動介紹一啲新鮮嘅海鮮給我們，最後我們點咗一隻約斤半重大肉蟹， 跟住諗下用咩整法好，到最後試下用避風塘嚟煮 ，佢因為可能要即叫，即 劏，即煮…所以等咗約20分鐘·但比預期都較快'一出到呢,個賣相好大睇,好靚,食落口 肉質好鮮甜,夠辣,夠香口,夠乾身,非常之好食, D服務都唔錯，仲週不時有服務員，加水換碟 ，態度都幾好， 這間稻香間唔中都有啲特別嘅海鮮都好抵食好吸引…查看更多

今日同啲親戚去吃火鍋，佢哋想食刺身。見到稻香啲刺身都好抵食。所以叫咗隻澳洲龍刻約三斤半重，都非常之新鮮，賣相好吸引。 跟住叫咗個大龍躉起片，啲魚好新鮮，賣相好吸引，食落好有口感。 其他火鍋料份量都好足夠 叫咗碟安格斯肥牛 ，好有口感 。地方環境 都唔錯，好鬆動。我哋安排咗坐喺廳房到，有電視睇。 服務員 都好細心。 佢哋啲打邊爐火鍋最重要嘅係出面有個自助吧，有好多款汁醬，同埋有好多款飲品選擇，又有糖水食，又有雪糕食，任食任飲…… 每位都係14蚊,好非常之抵。平時叫兩罐汽水都唔止呢個價錢， 所以值得推介一下。…查看更多

今晚宵夜兩個人去咗~一鍋瘋到食火鍋放題。宵夜時段148蚊位，雖然比較靜，但係都有好多嘢食選擇，又有刺身，又有雪糕 ，火鍋料都好新鮮， 尤其是係啲手打丸~蝦丸及墨魚丸好大彈牙。火鍋蝦，好新鮮。啲蝦好大隻。韭菜餃包得好靚，蝦滑，墨魚滑夠爽口彈牙。 豬潤~夠新鮮 。其他食物都唔錯，所以值得一試 服務唔錯，湯底我哋點咗個芫茜皮蛋湯底材料都好足夠 火鍋料雖然係兩人份量但係見到都幾靚幾新鮮值得推介又有汽水啤酒任飲相當之超值。…查看更多

昨天有朋友生日，去大角咀稻香，擺咗一席叫美艷龍躉宴 相當之超值價錢都係$1888。但我們加咗兩隻澳洲龍蝦，因為佢哋做緊$888蚊一隻。我哋見到咁抵食加咗兩隻，每隻約有三斤重左右出到嚟賣相好靚， 份量好足夠， 因為呢個價錢食到澳洲龍蝦係非常之抵食，而菜單入邊的沙巴龍躉斑好大條起碼有兩斤幾重， 好新鮮。其他菜式都好滿意份量足夠， 熱度夠。 我們都食得好開心，地方還境尚算寬敞 所以 如果 在大角咀 附近嘅朋友，係非常之方便。所以這間稻香值得推介~ 係做節，喜慶 及食飯嘅首選。…查看更多

2月26早上約11點同朋友一同二人去飲茶 店內環境尚算舒適， 點心價錢都合理 ，我們叫了 共八個點心 大約十分鐘 就出曬都非常之快捷。 但點心籠 清潔就一般 鳳爪排骨飯份量比較小，蝦餃可以， 肉質 較鮮甜爽口彈牙 ，流沙奶皇包 入面好多咸好夠熱 ，陳村粉蒸排骨分量好足夠 ，豉汁蒸鳳爪 味道就爭少少，有一些雪藏味道 ，小籠包 好大個蛋肉質乾身 ，香脆蓮藕餅 皮脆夠爽口唔多油值得一讚如果店舖入面可加多一兩個人手招呼就比較好啲 傢俬 用具 都萛衛生。…查看更多

今晚同屋企人去咗稻香食晚飯， 因為都係過年期間，所以我哋點咗啲餸都比較多，比較豐富。我哋叫咗~一份龍蝦孖寶~上湯龍蝦伊麵 配 沙薑雞 有兩碟小食~ 陳醋雲耳~鹵水豬腳仔 ，北菇紅燒豆腐，京都骨 ，蟹肉扒豆苗 ，乳鴿兩隻 及鹵水掌翼 都非常豐富。 味道，分量及熱度都好滿意， 龍蝦好新鮮， 豬腳仔 好入味， 蟹肉豆苗 啲豆苗好靚， 乳鴿 賣相金黃色 埋單$877.5，平均人頭 220蚊左右 ，都相當抵食。 最重要係 份量足夠食得飽， 每碟小菜賣相都ok， 所以~大角咀稻香 ，係同屋企人食飯或者同朋友聚舊 嘅首選，值得推介。…查看更多

今日去食日式放題好旺，好多人，食品種類非常多，刺身拼盤好靚好新鮮擺設賣相好靚。服務好好，每個服務員 ~上菜時 都會廣~請慢用又有人換蝶，非常多服務員，所以呢度嘅服務都特別好。所以我會下次再來…查看更多

今晚同朋友去 新裝修後嘅大角咀道打邊爐。 一同三個人叫咗個叫做~極品鮮味鍋。 入面有~一隻 長腳蟹，一個菜籃，一碟安格斯肥牛，同埋自助吧任飲非常之抵食。 隻長腳蟹好生猛，碟牛肉食落口都幾滑，幾有口感啲菜都幾新鮮。最正嘅就係自助吧飲品有好多選擇，所以我都一次過攞咗好多飲品。這個套餐非常之抵食。出邊叫一隻長腳蟹行行哋都城800蚊。 而家呢個連埋咁多嘢都係一個688蚊 嘅套餐， 仲有加埋其他嘢食，埋單都唔使一千蚊 所以非常之抵。所以即刻同大家分享。…查看更多