heimanhmc的個人專頁

平日7點去到有位，過咗半個鐘出面已經排長龍，裝修好有特式，都幾適合打卡。諗住裝修咁特別，價錢應該唔平，但係睇返menu 又幾親民。 見隔離位d 嘢食都細細碗，本身擔心一人一碗會唔夠飽，嚟到份量都唔細，唯有下次先試佢啲小食。 胡椒肉骨湯米：啲肉幾嫩，湯底好胡椒，可惜我唔鐘意呢隻米粉，係茶記最鞋口嗰隻米粉，有少少失望。 滑蛋叉燒飯：有驚喜，蛋味重，好多叉燒絲，豬油豉油撈飯幾好味，仲有支豉油唔夠可以俾你再落。 整體嚟講以呢個價錢有呢個環境同質素，都無咩好要求，性價比真係不錯。…查看更多

lunch 去到花園街見到呢間咖哩好似好吸引，入到去聞到好香咖哩味，環境就同普通麵檔差唔多。 menu 都好多吸引嘅選項，最終因為想食麵筋同魚蛋，就叫咗個咖哩五寶麵，兩個朋友就食咖哩雞中翼薯仔飯。 麵類有得揀橡筋粗同幼，店員姐姐話係比一般粗幼面硬，平時食幼麵我都會胃痛，所以今次就揀河粉。 河粉較粗，唔係幼身同滑身嗰隻。個湯底有咖哩味，比我想像中稀少少，但味道係足夠，辣度都適中。最驚喜係個牛心定，原來係連住牛心嘅血管，爽爽地幾特別。豬皮好入味，雞翼都不錯。反而本身最期待嘅魚蛋同麵筋就普通。 兩個朋友一致都話佢哋個飯好辣，薯仔唔夠入味同唔夠淋，即使佢個汁同餸已經分開上，佢哋都話好辣，食到鼻水都流埋。姐姐都有溫馨提示過佢哋個咖哩汁非同小可，唔食得辣可能要留意下。 最後提提大家凍飲要加9蚊，不過食得咖哩又好難唔加🤣…查看更多

好耐之前睇過有報道介紹呢間餐廳，推介佢嘅bagel。同朋友約喺大圍，叫佢哋陪我試下。兩點幾去到竟然無咩人，環境舒服，用餐時間限時120分鐘，但過咗兩個鐘無人等位都無特別趕我哋，中間有段時間都多人，估計喺區內都受歡迎。如果同朋友想搵個地方吹水係幾好嘅選擇。嗰兩個面包就有d 普通，抹茶嗰個係幾濃，開心果嗰個味就唔係好濃，兩個都應該唔會encore 啦，最後唔知點解無試到bagel🤣可能下次經過再試下bagel 係咪傳聞中咁正😆…查看更多

喺沙田睇完戲諗唔到食咩，最後都係返嚟食杉玉，之前食過晚餐，原來假日都有lunch set，咁lunch set 都幾抵食。兩個人分別叫咗五點天婦羅盛合+牛肉烏冬定食，同埋14貫壽司。五點天婦羅盛合+牛肉烏冬定食 ($88)⭐️⭐️⭐️⭐️全部天婦羅都好食，最鐘意魷魚同魚😋。14貫壽司（$118)⭐️⭐️⭐️⭐️14件壽司set 真係好抵食。自從試過杉玉，真係食少咗好多壽司郎，因為質素同環境都優勝好多🙈🤣。…查看更多

朋友生日搵間小店賀賀佢～透過OpenRice book 6:30pm 食二人餐有七折！有驚喜😆粟米湯：味道洽到好處，唔會太膩又食得出好多粟米。白酒煮大蜆：份量唔少，個人唔係太好酒味，但係朋友覺得好好食～😛凍芒果菠蘿茶：好正，因為唔太甜，又飲到菠蘿肉。最緊要係可以走冰，唔會唔夠凍。燒烤醬豬肋骨+芝士熔岩醬：個醬好好味，唔膩！但係雖然個肋骨味道好好，但唔係我鐘意好易離骨嗰款(箍牙妹真係有啲難咬）🤦🏿‍♀️薯條好好食，沙律都好新鮮。帶子墨汁飯(+$20)：呢個係咁多樣最唔滿意🌚整體偏咸。朋友好重口味話ok，但我接受唔倒😿埋單兩個人只係$337！非常抵食！整體非常滿意，一定會再encore～…查看更多

成日行過見咁多人試，又話米芝連乜乜乜，終於的起心肝去試下。點知，伏黎嘅。叫左個醬油叉燒拉麵（$138）有4塊叉燒。麵質一定唔夠一蘭黎，完全唔掛湯都唔重要，因為個湯真係normal 得過份。好在都唔太咸，你話呢碗嘢$70，咁嘅質素我收貨。但價錢double 就真係唔洗再試。另外再叫左個味噌拉麵（$98），得1塊叉燒。啲麵粗少少同偏硬，都唔重要。因為個湯扣哂分！好濃但唔係話豬骨嗰啲濃，係偏咸同油。唯一可以讚下就真係塊叉燒。我終於明點解成間嘢得我地兩個香港客。因為香港有太多平一倍又好味十倍嘅選擇🙄…查看更多