Pang28pang的個人專頁

今日去觀塘海濱那邊做野，做完嘢就周圍搵吓餐廳食飯，路過地鐵站見有幾茶廳，有啲排晒長龍，我就簡左間有炒少排隊的茶餐廳就入咗去食，等左30秒就有位，我就叫左個星洲炒米，都出得好快，好夠鑊氣，味道啱啱好，又唔係好咸，份量都唔細，我叫左杯熱奶茶，茶味好濃，同奶的比例剛好。不錯的茶餐廳。加上茶餐廳啲姐姐幾好禮貌，有服務，又有笑容，剛剛撞正新系統，電子落單仲可以減$3，呢個lunch算係食得唔錯，下次都可再encore既。…查看更多

今日在觀塘附近做野，試間新餐廳，有火鍋同西餐，我就點左西餐的carbonara,味道幾好食，夠creamy。朋友就點左個香煎三文魚清酒檸檬汁，個魚皮夠脆，係幾特別，但份量略為少左少少😂，飲品就無限添，我就試左無咖啡因花茶，幾特別，仲有咖啡。西餐配個黑松露蘑菇湯，個湯有驚喜，黑松露味重，好好味👍🏻坐得舒服，唔迫既，可能新餐廳未係好多人。臨尾先知原來前菜任食，我食左泡菜，中華沙律，仲有西瓜。好鬼飽😅…查看更多

今日一行四人去呢間食片皮鴨，小籠包，銀絲卷，蟹肉扒豆苗，瑤柱蛋白炒飯，醉雞湯，先講片皮鴨，個包皮好彈牙好好味，雖然個片皮鴨等得比較內，小籠包都ok既，個銀絲卷一絲絲超級好味，好少仲搵到一絲絲的。個醉雞湯好有藥材味，好好味。瑤柱蛋白炒飯都炒得乾身好好味。個蟹肉豆苗就一般，個蝴蝶包加咸火腿超級好味，一定一定要試。個服務都ok,比較多人，記得要book位，四個人食左9百幾蚊👍🏻👍🏻可以再去食呀！😋…查看更多

前幾日同朋友去慶祝生日食lunch，約咗去呢間餐廳，先講個環境，非常之有style，我哋四個人坐低左，就叫咗兩個set lunch，一個係蟹肉Pizza，大蝦意粉，炸薯條，炸魷魚圈，散叫左個軟殼蟹pizza。再叫咗一杯Tiramisu咖啡，同埋豆腐豆腐咖啡。先講個玄學蟹pizza，原隻軟殼蟹上都幾好食，但係個Pizza同蟹肉Pizza嘅八成一樣，所以下次叫唔好嗌重複，個炸魷魚圈好好味，下意粉就一般冇失手，我比較鍾意豆腐咖啡，個雪糕比較清香四個人都食咗六百幾蚊。服務就好一般。…查看更多

今日同friend行D2 two 搵嘢食，經過呢間西餐，有少少似外賣店，朋友話試吓，我哋兩個就入咗叫左兩個tea set ,我就叫咗個蘑菇雞肉pizza，我個friend就叫咗一個煙三文魚墨西哥薄餅，我就叫咗杯熱嘅mocha, 朋友就叫咗杯lime tea !黎到個賣相好一半般，尤其是個墨西哥薄餅好似好無味，但係食落個薄餅又薄相當脆，個煙三文魚味道配合得好好。有驚喜。個雞肉蘑菇pizza，個薄餅薄同脆，好味。兩個人叫咗兩個T夾埋係$126。算係幾好食，服務都幾好。…查看更多

尋日下午在灣仔食lunch，呢個時間所以走咗去呢間試吓，叫咗個暗然銷魂飯，即係叉燒煎蛋飯，沙嗲蛋牛治，兩個熱奶茶一個凍奶茶。先講個叉燒煎蛋飯，個叉燒小肥又淋OK好味，個汁加蛋黃汁撈飯好味。至於沙嗲蛋好治，個蛋好厚，好味既。至於杯茶就，都濃茶味，但我覺得凍奶茶略為甜，total $12x。呢間店適合外賣，因為得好少位同埋坐得唔舒服，所以適合快食或趕時間嘅人。至於服務，他們都非常有禮貌，又快手。👍🏻…查看更多

尋晚同朋友去食生日飯，兩個人叫左泡菜燒豬腩肉，泡菜豆腐湯，韓式壽司，鰻魚，最後叫左個甜品紅豆沙冰。先講個泡菜燒豬腩肉，有staff幫我地燒埋,個肉連泡菜食係好野味，不過個staff就燒得太快，我地食唔切。個泡菜豆腐湯好好味，夠熱仲連埋個飯手，壽司就好一般，無特別驚喜，鰻魚都係好一般，最後個甜品就有驚喜。紅豆加煉奶，本身比較甜再加上冰，味道剛剛好，成個拼合的味道都幾岩。兩個人食左$610，呢段期間燒肉仲要有8折。👍🏻要留意，食完會有陣燒烤味。…查看更多

今日下晝同三個朋友一起去D2搵嘢食，路過見到呢間喇沙馬來西亞餐廳，就入去試吓。我哋四個人叫咗一個下午茶餐三個午餐，先叫咗個海鮮喇沙湯麵，咖喱牛腩椰漿飯，巴東牛肉椰漿飯，最後叫咗個海南雞喇沙湯麵。午餐份量都比較大，先講海鮮喇沙湯麵，比較多料，滿滿的，因這個是茶餐，比較細碗，個湯比都入味。我就比較鍾意巴東牛肉椰漿飯，因為個牛肉味道同個汁比較惹味，送飯一流。至於個咖喱牛腩椰漿飯，咖喱唔算辣，但比較惹味，可以送一碗飯。最後是海南雞喇沙湯麵，個份量比較大，海南雞比較正常，沒有太驚喜，但係份量比較多，適合男士。四個人食咗$248，每人60幾蚊。服務一般。（牛肉椰漿飯冇影到，太肚餓掛住食。）…查看更多

今日去咗尖沙咀食lunch，朋友介紹下去咗呢間花木日本餐廳，因為佢話lunch買一送一，所以就去試吓。一行三人，就去咗食lunch。我本身唔食生野咪食熟野.就叫左個網燒牛肉眼扒好味好淋.無要飯.個麵豉湯好足料，因為又有蟹樓又有秋葵，幾好味。仲有個沙律兩三塊番茄，同埋沙律菜。跟住再叫咗個雞扒定食個皮好脆.同埋鯖魚都不錯.都比較大件.另外仲叫咗個五粒壽司加烏冬.隻蝦好新鮮都幾大隻。yummy!最抵係買一送一，三個人都係食咗$380 ，每人都係百零蚊。呢個價錢可以再去食。同埋個環境係好靚，啲擺設都好細緻，今次去仲有房包埋比較舒適。…查看更多

尋晚入左東涌新開二期食晚飯，去咗春水堂食，七點幾去到竟然唔使排隊，要是兩個人坐低就點左兩碗細滷肉飯，一碟滷水大腸，一個麻油麵，再叫咗杯珍珠烏龍奶茶，同埋一杯珍珠綠茶。先講滷肉飯，用珍珠米，果汁同埋啲肉都好味，雖然細碗左少少但係都夠飽因為食得多比較漏，所以呢個size for女士剛剛好，個麻油味好香麻油味同薑蔥味，但個麵真係比較淋。個滷水大腸，好入味同埋滷得好淋，肥膏適中，好味！個烏龍珍珠奶茶好有茶味同其他普通珍珠奶茶比下去。服務也不錯👍🏻…查看更多

尋日終於去咗試快樂鋒，全文他的炸雞好食過某間大型所店，今次叫咗熱狗，四件炸雞，細薯條同百事可樂，先講炸雞，的確比某大型店好味，好juicy好滑,個皮又炸得脆。個薯條就馬馬，唔夠脆。至於個熱狗，係唔得既，個賣相以為ok,食落就馬馬。條腸又唔夠脆，個熱狗非常之失望。至於價錢，我覺得略為貴因為兩個人都食咗110幾蚊。因為我哋帶咗一個餐同埋四件雞。至於個環境，尋日佢竟然唔使搵位，但係就有好多菲律賓姐姐。😂所以呢間淨係食炸雞OK👍🏻…查看更多

今日有時間忙裡偷閒下，在中環搵個地方hae下，呢個Starbucks 好大同幾舒服，於是就坐低，呢個有reserve版，原先諗住飲mocha,坐底揀左個reserve 先有的dark chocolate mocha, 飲熱的。侍應送杯dark chocolate mocha埋黎，有驚喜，幾好飲，又唔係好甜，飲完又唔係好飽，所以都好有驚喜。幾鍾意個杯的design, 幾有style, 呢杯貴d,要$51。但都好味都可以再飲。…查看更多

今晚同男朋友喺東涌食飯，去咗逸東邨搵嘢食，見到呢間新嘅茶餐廳就入咗去食，裝修似懷舊色，唔使等位一入去就有位，我就叫咗個九層塔啫啫雞煲送碗餐湯，再叫咗杯凍檸茶少甜。男朋友就叫咗福建炒飯（食完先記得未影相），先講我個九層塔最最雞煲，好香九層塔味，好多配料，好多薑片同埋蒜粒，都唔算細碟，最搞笑係竟然有幾舊叉燒，總括嚟講個味幾好食，又唔係太濃味，送埋個飯，成個餐係$78連埋飲品。至於個福建炒飯，都唔錯啲飯炒得幾靚，個汁我就一般啦。侍應服務都係一般。…查看更多

今日男友話想試下新開的天婦羅店，結果排左半個鐘，終於試了日本第一天丼專門店.30cm炸鰻魚同炸帆立貝魷魚.好好味.個炸溫泉蛋熟左d.飯量比較少.不過好熱氣同略為油.所以食到有點濟。仲叫左個上天丼.鱚魚略為淡.我比較愛食星饅多d.至於天婦羅蝦略為熟左d,麵豉湯味道一般，不過佢上菜時間都唔算快瞓咗一陣就有得食，只不過要等位。兩個人食咗差唔多$300，略為有點貴，同埋個環境好大浸油煙味，可能係炸嘢關係。…查看更多

尋日在銅鑼灣做完嘢有啲時間，自己就走咗去誠品呢間花粉熱cafe,先講個環境，今次比較少人唔需要排隊，鍾意佢個環境，好多花好舒服，我坐低就叫左杯凍mocha 同黑松露朱古力蛋糕。杯凍mocha,好飲，唔係太甜同埋好夠凍，但略為細杯左少少，跟住個黑松露朱古力蛋糕，超級好味，好濃朱古力味，再加黑松露混埋一齊個味道好好味，食唔停口😂，再加上一啖啖咖啡，好正啊！ d staff都好nice,他們會送上食物，很好一個hae的地方。一件cake加一杯咖啡$92。…查看更多