hkfoodpig_ss的个人专页

好耐無出港島，所以搵左間燒肉試下生菜同前菜都係任加👍🏻味覺激價3味法國生蠔（$198）見到係人氣之選就叫。有三種口味：分別係雞尾酒醬，酸汁啫哩，泰式醬。個人最愛係酸汁啫喱，同生蠔好襯，而蠔都唔腥又唔算好瘦菠蘿配原條橫膈膜（$239）份量有200g，除咗牛舌之外，平時燒肉最愛食橫膈膜，事關口感好，配上菠蘿可以解膩爽脆白鱔片（$168）今餐最推薦🥰，事關魚片好爽好彈牙，配上浦燒醬汁無得輸海中錦鯉梳打（$48）幾特別，要攪勻先飲，甜甜地百香果荔枝梳打（$58）百香果味佔重，味道ok…查看更多

平時嚟荃灣廣場好少落B1呢層，今次行開經過見到呢間新式西餐就食個晚餐PiPi Pizza Set（$388up）二人餐有薄餅+餐湯+沙律+主食+飲品薄餅係招牌，我地就揀左明太子海鮮薄餅，餡料都豐富，當中仲有最愛嘅三文魚，配搭芝士同面頭嘅木魚同紫菜好match餐湯就有兩個選擇，我地二人各試一款，分別係廚師精選濃湯同法式鮮打龍蝦湯（+$18） ，前者係正常發揮嘅忌廉湯；後者幾滑又濃味，仲有幾隻小龍蝦肉。而蒜蓉包都不俗沙律方面，我地就揀左煙三文魚凱撒沙律（+$18），都係好足料，三文魚唔會太咸，菜亦都算新鮮。主食方面，我地揀左香煎澳洲安格斯肉眼扒配薯菜（+$88），叫左7成熟都做到，唔會過熟，食落都算有肉汁。另有意粉同燉飯等選擇仲有追加小食，我地揀咗酥炸吉列廣島蠔（+$58），外層炸得幾脆，裡面嘅蠔都算鮮同肥美甜品方面，我地加左個布朗尼，估唔到面頭有少少果乾同棉花糖，二人share就最好不過最後野飲就揀左活乳酸覆盤子梳打，味道唔會太甜，送pizza一流西班牙金星檸檬味啤酒就同Jolly shandy 好似🤭整體覺得性價比ok，係gathering之選…查看更多

韓印紅原來除左超市之外，仲有開餐廳，咁岩呢兩日又好想食泡菜就順便去探店餐廳入口有韓國益力多（養樂多）同枝裝水可以每人分別拎一枝試下座位比想像中舒適寬敞，帶我地入嘅店員係韓國人，竟然識普通話。一坐低就一如其他韓國餐廳會有前菜，當中心心念念嘅泡菜無令我失望🥹 半半炸雞（$176）可以揀兩隻味，係分開上，估唔到份量咁多，價錢合理我地分別揀左柚子同蜂蜜牛油味，前者估唔到係有芝士；後者就同預期一樣，似平時食開蜂蜜牛油味薯片嘅粉味，同炸雞勁match另有原味同甜辣味可選，見到隔離枱食甜辣好正咁，下次試下先半半-藥膳菜包肉/藥膳豬腳+辣拌蕎麥冷麵（$388）將豬腳/五花肉用菜同泡菜包住食，再加上蒜等配搭，食落惹味得黎又好健康嘅感覺，不得不說又係好足料！而辣拌蕎麥冷麵係正常發揮，辣嘅程度係可接受柚子梳打&藍莓梳打食到辣辣地係要飲返啲凍野先爽，兩者都唔會太甜，多啲汽就更佳，個人較推薦柚子味整體感覺唔錯👍🏻…查看更多

It is undebatable that if you want to have delicious steak as dinner, restaurants in Central are always a good choice. Apart from traditional American steakhouse, this Argentinian steakhouse can also provide good quality cuts of beef under enjoyable environment.After entering this steakhouse, foreign decoration and atmosphere make every customer feel that they are in a foreign country, especially the design of wall, table and chairs.Just sitting for a few seconds, passionate staff will introduce their special steak that cannot be found in menu to every customer. The bigger one steak looks absolutely attractive! If someone is interested, u can ask staff to know more. But unfortunately, we have only two people and have no enough stomach to share this steak. Finally, 500G T-Bone steak ($578) is chosen as our main courseGrilled Octopus Salad ($168) is our starters. Octopus is one of the challenging ingredients because the texture of octopus really depends chief cooks it. Octopus here is churchy and juicy. Salad is so fresh and appetizing because it is also with mix filed greens, cucumber, tomato, onion and garlic dressing.Chicken sausage ($198) is another dish we order, different from sausages other restaurants provide, sausage here is cooked by barbecue. It can taste a little of smoked flavor. Of course, T-bone steak is the main role tonight. This T-bone is one month age grass fed beef from Argentina. Different from other steak, it is served with hot plate. So, the surface of steak is caramelized. Even though the steak is cooked to nearly well done, it is still tender and juicy. There are also six different kinds of sauce to be served with steak. I highly recommend bbq, mustard and garlic sauce because it will make steak not too oily and make the flavor of steak stronger!…查看更多

第一次食呢間炸雞嘅荃灣分店，環境比兆萬嗰間更寬敞舒適，估唔到質素都更好蜜味乳酪粉炸雞（$188）係個人必點，食落每件都多肉又juicy，加上最愛嘅乳酪粉係無得輸，另外炸蕃薯條甜甜地都惹味驚喜二重奏（$258）牛扒有炭燒味，上枱時生生地，鐵板燒到岩岩好，有牛味又唔會韌。炸雞係原味但有bbq醬點卡邦尼年糕（$108）重奶香味，年糕有兩個形狀：條狀同扁狀，口感煙韌，足料但唔會滯八爪魚煎餅（$128）味道不俗，加上有辣醬同辣汁點，點左會更開胃蜜瓜雪冰（$88）質地好綿又幼滑，每一啖都好重蜜瓜奶味，仲有原條蜜瓜雪條巨峰提子乳酸梳打（$48）多汽又夠味，估唔到仲有爆珠！海鹽焦糖沙冰（$68）甜度適中，面頭仲有cream好邪惡另外仲飲咗桃味果汁($15)總結係咁耐冇食呢個牌子嘅炸雞，估唔到有驚喜…查看更多

日本餐廳就食得多，日系嘅巴西餐廳真係第一次食餐廳門口會見到大笑女生壁畫，好有藝術風其實一入餐廳第一個感覺係西式風格，座位有分高同矮，坐落都好舒適，氣氛亦都好relax烤八爪魚配紅椒莎莎青醬（$160）個人好鍾意呢啲大八爪魚，食落有炭燒味，配上紅椒莎莎青醬更會帶點微辣，好開胃手握壽司精選：吞拿魚山椒、帶子海膽泡沫、煙燻鴨肉（$130）吞拿魚正常發揮。鮮甜帶子配上海膽味嘅泡沫，可謂一次滿足兩個願望！至於煙燻鴨肉壽司亦都唔錯，幾香口牛腹扒配日式醬油蛋黃（$390）叫左medium，真係做到🫶🏻 食落生熟度適中，牛味濃郁，無咩根，不得不提日本醬油真係整碟牛嘅精髓！將蛋黃融入甜甜地嘅醬油之中，再將牛扒點上，食完好有幸福感！最後當然唔少得飲可樂～…查看更多

好耐無食南洋野🤭，今次近近地黎試下呢間新開無耐嘅玖子茶店內裝修係新加坡主題，未入門口已經見到魚尾獅，入到去係牛車水style鮮油咖映多士（$29）其實覺得偏港式style，不唔呢個組合好難會唔好食。烘過嘅麵包夾住邪惡嘅牛油加上唔會過甜嘅咖映醬真係無得輸我知你啦薄餅配咖喱（$29）同想像中嘅唔同，一開始會覺得係印度薄餅，點知食落係薄啲嘅蔥油餅，好有香蔥味，配上咖喱好襯酥炸雞扒粉麵（$55）揀左叻沙湯底（另可選雞湯/+$3藥膳湯）同油麵（另可選米粉/粿條）。雞扒食得出唔係急凍嗰啲，比想像中脆口，肉都算嫩，但會有啲啲肥膏🫣。至於湯底係唔辣，但叻沙味都濃郁，完美配上我最愛嘅油麵招牌星馬雞配油飯&雞湯（$63）如果唔鐘意油飯，可選白飯，不過個人覺得油飯先係最夾。雞肉唔會嚡，份量都好合理，至於雞湯味道都可以最估唔到係葡萄乳酸梳打（跟餐+$15）超大杯😍熱飲好養生整體而言，餐廳經濟實惠，質素對得起價錢，又可以滿足我想食南洋野的心…查看更多

去荃灣整完身份證，見到有好幾個人都停低望嘅餐廳，好奇心發作又跟住望下，心諗：咦又幾抵食咁喎，一於買返屋企加餸。超值加餸組合，有A餐B餐C餐點樣揀😆最後揀左真心平優惠組合A（$98)-有半斤醬皇腩叉同半隻雞，可以揀切雞、油雞、沙薑雞同口水雞。醬皇腩叉拎緊返屋企已經不停聞到陣陣香味，一打開無諗過排得勁整齊，仲要份量都唔少！叉燒的確係腩位，但肥得黎又唔會過份肥，配上濃郁嘅蜜汁醬，真係斬料之首選！口水雞因為覺得唔係全部燒味店都有，所以就揀左！而個人唔係好食得辣，而呢款口水雞就屬微麻辣，調味得幾惹味，送飯一流！最估唔到係有雞髀，又係好足料，絕對對得住價錢。最後偷食左啲之後，因為等到屋企人返到嘅食飯時間已經有啲凍凍地，所以都係要整返熱😝，無可避免的一環，好彩無影響味道。…查看更多

After working for a busy day, my colleague recommended to have a delicious dinner to reward ourselves. As a Chinese food lover, we finally decide to go to this new-opened restaurant in an old commercial building close to Sheung Wan station. Compared with the building, it is easy to find out this restaurant is well decorated with Chinese style by different details like tableware and dining-table .Before the coming of main course, it is a must to mention the one of the amazing appetizers, pickled chinese cabbage for its good balancing of sour and refreshing flavor and cruchy texture. We ordered 4 dishes, respectively sliced pork terrine served with Zhenjiang black vinegar($128), braised tofu with shrimp roe and mushroom ($138),braised prime ribs with brown sauce and twelve flavors ($438) and fried minced pork with spring onion and sesame pancake ($108). Different from sliced pork terrine provided by other chinese restaurant, the pork terrine can melt in our mouth and vinegar part is refreshing, so it will not be too heavy even though two people to share this dish.Braised tofu is another good dish because its surface absorb the taste and sauce of shrimp roe and after biting this soft tofu, the sauce will break out in mouth.However, today’s main role is prime ribs because of its amazing presentation and flavor. Who can imagine beef rib can be cooked to such tender texture and even though its sacue tastes strong, the taste of beef is still outstanding. Except for rice, crispy fried minced pork with spring onion and sesame pancake is another perfect combination of rib beef. We can taste this crispy pancake by dipping the sauce of rib and feel its content is juicy. Served with polite staff and environment, we really enjoy this dinner and will highly recommend it to our friends.…查看更多

人愈大愈愛中餐，今次黎食講左好耐嘅米芝蓮二星中菜廳脆釀鮮蟹蓋星級中菜必點，但略帶失望，個人覺得係近排食過嘅蟹蓋中排名較低（vs 天龍軒同唐閣），雖然都好食，外皮都炸得脆，蟹肉新鮮但不夠肥美，無咁有口感，白汁亦無咁濃味，可以講無對比就無傷害龍皇炒鮮奶意想唔到會有咁多膏但無咩味，龍蝦肉就鮮甜略帶爽口，鮮奶食落幾滑，同蟹蓋一樣都係懶人之選🥰燒雲腿拼片皮雞同想象中有太大出入，雞嘅皮同肉係切開左，肉質未能稱上嫩滑多汁，皮亦無咩特別，配上蝦片同雲腿，再倒上檸檬汁同岩鹽，只能說係平平無奇最加分係琥珀合桃🤩，一粒又一粒食唔停口，staff一見我地食完就快速refill👍🏻 …查看更多

最近食得多中菜有少少厭，所以上網見到尖沙咀呢間居酒屋有兩週年優惠-身份證有個2字就全單88折，仲有期間限定嘅啤酒拉麵好特別，所以要試吓。餐具好靚好有少女心，係櫻花🌸日本啤酒拉麵（$98)原來係不含酒精，用大大隻啤酒杯裝住嘅啤酒拉麵，食落感覺更似冷麵，味道估唔到係略帶鹹味，上層仲有忌廉，多重口感，真心不錯。波士頓龍蝦二食（$448）一食係波士頓龍蝦刺身，隻龍蝦新鮮到俾人劏咗仲識郁（唔係講笑），剌身食落鮮甜，口感彈牙。食完之後店員就會將龍蝦頭拎去整二食-石鍋龍蝦泡飯。飯量比我想像中多好多，十分之飽，味道係好有龍蝦鮮味，不過飯質比預期中冇咁濕，整體覺得可以。天婦羅茄子田樂燒（$68）估唔到真係有成條茄子，外層炸得好香口，配上燒汁，好夾，性價比高！最後當然唔少得嘢飲。蜜桃烏龍熊茶（$58）第一次飲咁可愛嘅飲料，冰係熊熊形狀，打卡一流。味道屬清淡路線，飲落有微微嘅烏龍茶同玫瑰味，冰爽得來完全無罪疚感。北海道士多啤梨牛乳乳酸（$48）相比下呢杯就甜好多，其實士多啤梨配乳酸邊有得輸😌，估唔到仲會加上彩虹條，令顏色同味道昇華多一點。…查看更多

疫情嚴重，好少出街食野，今日見時間尚早無咩人就來食個韓國炸雞。夏威夷阿努哈（$188）一次過滿足三個願望，有原味炸雞、椰絲吉列炸蝦🍤&洋蔥圈。炸雞係雞髀😍，完全無諗過係咁荀嘅位置，肉滑多汁；炸蝦都好大隻，皮脆得來蝦肉又唔會雪藏味，真心推介；洋蔥圈質素屬中上，最估唔到係連粟米都係甜，整體而言係值得一試！脆炸雞腎（$88）原來辣味係由炸粉裡面包裹住嘅椒發出，個人唔太食得辣都可接受，可能因為叫左少辣，同雞腎一齊炸其實幾夾，雞腎又爽口，達到多重口感效果。麥芽啤酒蝦($128）因為食夏威夷阿努哈嘅炸蝦太惹味，覺得唔夠喉，所以額外叫多碟蝦，大致上食落兩者差無幾，下面仲有好多薯角，發揮正常，炸蝦勝出。芝士排骨（$178）一開始係未溶嘅芝士同排骨連gas爐一齊上，等到芝士開始溶化，店員就會上嚟幫手將芝士包裹住排骨，成件事十分吸睛，影相打卡無得輸，芝士十分拉絲又足料，不過個人唔係好食得辣，無諗過排骨會咁辣🥵，但比想像中多肉，愛辣者不妨試吓。西柚Mocktail($118)好大瓶，而且好有西柚味，好岩送炸雞。香芋沙冰($58)因為排骨太辣嘅關係所以叫😂，食辣野飲冰好正，個味好自然唔會死甜。Last but not least, lunch時段原因全單有7折，真係好抵😍，會再來食下個雪花冰…查看更多

食西班牙菜竟然見到窩夫，仲要食main-house special可以六折揀任何窩夫😍 吸引啊～餐廳環境唔錯，但係當日坐卡位有少少窄，半卡位就岩岩好女皇麻糬窩夫（荔枝麻糬）（原價$158）皇冠形嘅窩夫較少見😆，碟邊圍住好多水果，有橙、士多啤梨、無花果、火龍果、藍莓同桃，mix埋吉士同糖漿真係幾正，不過可能有啲掩蓋左荔枝麻糬嘅荔枝味，但無阻煙韌口感，性價比高！而main-house special就食左十二小時慢烤西班牙乳豬伴焦糖菠蘿（$268）啖啖肉，估唔到俾個髀，配上脆脆地嘅皮，十分邪惡，所以要用焦糖菠蘿中和下😈 係新鮮唔係罐頭龍蝦西班牙凍湯（$128）比較特別，唔係間間西餐都會有凍嘅湯，上枱時會係湯同料（蔬菜同龍蝦）分開，之後店員先會即時淋上湯，適合用來po個ig story😆，飲落係酸甜蔬菜汁，非常之開胃，不妨一試…查看更多

晚餐想食碗拉麵見唔洗等位就來到中環呢間拉麵店，menu選擇都唔少，二人決定每人一碗拉麵同share一份小食。每張枱都有支酒精搓手液同紙巾，防疫意識好高，值得一讚👍🏻！北海道海老濃厚拉麵（$138）一開始係想試蟹湯，但係店員話甘岩果日得蝦湯，應該都唔差所以叫來試下，好彩無失望，櫻花蝦好足料，湯味亦濃厚，麵嘅軟硬度適中，配上溏心蛋、叉燒同紫菜，都算對得起個價錢，畢竟喺核心地區嘅中環。鹽味拉麵（$88）雖然係鹽味，但係都唔會過份咸，除咗叉燒之外，仲有應該係慢煮雞胸，無咩雪藏味，又唔會鞋，雞胸來講都可以，而因為湯底清清地更突顯個溏心蛋嘅美味。日式唐揚炸雞（$38）炸得金黃色，炸粉唔會太厚，肉質都算嫩滑，估唔到都幾大件，性價比高。…查看更多

Lan Kwai Fong seems to leave a stereotype that people gather here for after-work leisure and drinks. Except premium food and drinks, this restaurant also provides 4K sport games streaming and stress-free children play zone to customers. Here is a good place not only for friends’ gathering but family.  Chicken wing (Spread Your Wings And Fry $138) is always a good starter. Here three different favors (Korean Spicy/ Heavy Cheese/ Cajun) to choose. Intense cheese favor and juicy chicken wing can really arouse my appetite. Carrot and celery sticks can keep this starter will not taste heavy and let me ready for next dishes.Oreo milk shake with strong Oreo favour and smooth texture is also a perfect match with this starter. Mussels with lobster bisque ($318) is an absolutely main focus tonight. Different from mussels I ate before, mussels here are absolutely fresh and cook at perfect timing. The texture of mussels is soft and smooth. With lobster bisque, I can try the perfect match of these two seafood. Deep Fried Mantou is a good side dish here, because it can absorb intense lobster bisque.  Fishn’s Chips ($238) is another main course tonight. Fish is tender and crispy. But mushy peas and homemade tartar sauces in this dish are another thing I must mention because different from other restaurant providing pickled cucumber as side dish, mushy peas and tartar sauces taste fresh and make this dish more balanced nutrition. Crème Brulee ($98) as desserts is a perfect ending for this meal. The best moment to enjoy this dessert is to stab its crispy top and enjoy its smooth texture with strong vanilla custard flavor.  Decent food and services can be found in this restaurant, I guess I will enjoy another meal here on the date when formula one world championship broadcast in their 4K TV. …查看更多