dokwanchan的个人专页

朋友吹雞去食飯，搵到呢間主打食中式 fusion 菜嘅餐廳，叫［坐鎮］有傳統嘅黃金魚肚雞湯麵、海鮮湯泡飯、猴頭菇雜菌湯麵等等；亦有融合咗唔同食材嘅特色主菜，而且價錢親民，CP值高。 位置座落於北帝街17號，土瓜灣站步行約5分鐘路程，期間路經一間人氣小菜店楚x記見到大排長龍，但兩間路線不同，楚店主打穫氣小菜，坐鎮有滋補養生、fusion 菜等等。 是夜一行12人，開飯前先飲吓台灣得獎功夫茶，邊飲茶邊傾偈等人齊先上菜，因為人多留了間VIP房比我哋，還有得可以點好多款，樣樣試下，先上枱是［黃金魚肚雞湯麵］雞湯十分濃郁張口，以為是花膠雞湯麵，睇真d是魚肚雞湯麵，但卻有花膠煲雞湯的濃郁張口口感，渴一口湯心裡感覺是：好味呀～ 好幸福呀～ 好溫暖呀～麵條是幼絲麵跟雞湯十分夾，軟硬適中。推介 ［海鮮湯泡飯配脆飯焦粒］海鮮豐富，有兩隻鮮蝦、魷魚鬚、卜卜大蜆，海鮮湯底充滿鮮味，估計是以海鮮熬煮，配以有味道飯焦，整個泡飯充滿誠意，而且價錢好似是90多元。［猴頭菇雜菌湯麵］相對前兩款味道較清新，可能是雜菌類別，素食人仕可以一嘗，另外有幾款主菜都是素食，可以照顧素食者與食肉獸一起用餐。 其他小食點了炸雲吞、脆炸魷魚鬚、竹炭豆腐、酸辣凍豬手、沙律、京葱炒魚肚、叉燒刈包、蝦醬南乳炸雞、芥末脆玉子、主食口水西施牛坑肉。 ［炸雲吞啖啖肉］店方指自家親自用料包，非叫返來的貨； ［竹炭豆腐］是黑色脆豆腐，外脆內十分軟心，跟台灣深坑臭豆腐外形相似，但使用正常軟豆腐，可能我對黑色豆腐既有印象是臭豆腐外脆又臭又可口，純粹自己的情意結所以唔臭但脆的豆腐有落差。 ［蝦醬南乳炸雞］南乳味突出，脆卜卜雞肉好嫩 Fusion 菜 ［口水西施牛坑肉］西瓜夾一塊牛坑肉配口水汁，少許辣汁配西瓜甜味又口感清涼再加牛坑部位，從未嚐過特別菜式，卻又出奇地夾。 無酒精飲品與水果茶，老闆娘來逐一介紹，我們點了晨曦（菠蘿味特飲）、山吹（芒果菠蘿檸檬特飲）、星河（利賓納蝶豆花特飲）色澤鮮豔，啱哂打卡 因為老闆娘自製芝士蛋糕已經好出名，是夜甜品是唔同口味嘅芝士蛋糕，有原味、伯爵茶、焙茶、咖啡味，各有特色，配茶一流。 因為餐牌價錢十分親民，而味道又好，尤其是湯麵足料又大碗，整體CP值十分高…查看更多

呢間店去年7月左右食過一次，食物質素ok, 但職員十分趕客，食過一次唔打算再去，仲間中經過睇下佢幾時執笠，今日同事話想食健康嘢，網上睇咗資料去到係佢，我已經話：食物貴、態度差，不過想食都可以試吓嘅（心態諗住咁耐唔嚟咪睇下有無改善）入到去只餘下高嘅吧枱，最入有人坐，中間同最開嘅無人，正常客人都會想坐最開留返中間比再嚟嘅客啦！你估好想同人迫埋一齊咩？我哋無要求，不過職員指定要我哋坐中間，是旦啦！預咗呢度都唔方比咩舒服位你坐，點餐過程中聽到後面有食客話嘢未食完就比人收走盤嘢又唔問，我記得我上次都有咁嘅經驗，我一樣未食完又係唔問就收嘢，而且收得好快好想趕人走咁，之後我用餐中途，有對男女入來，最入嘅梳化位成排已經清哂客，只係第3張較近廚房位置未收好上手客嘅餐具餐盤，點知個女職員就叫對男女企响門口唔好行住，張枱未收好等陣，男女企咗一陣行返出門外等，等咗都有至少3、4分鐘以上（其實茶記執張枱用30秒就搞掂），先處理好叫佢哋入，同事同我見到個情況都加插咗句：雖然唔係話有客大哂，但最入位置都明明係乾淨，佢要清潔張枱又唔影響個客，唔明點解唔係應該招呼咗客人入去坐先嘅咩？餐盤收埋一邊都得啦～ 我答：呢度職員做任何嘢都係以自己為先，唔係客人為先，你睇佢咁樣就知就自己方便最緊要啦！中途有個職員打好張單，咁啱比我嘅電話砸住咗，正常係咪講聲：唔好意思，加返張單比你對吓啱唔啱之類？不過係無，佢嘅開場白係：你嘅嘢砸住我張單……到我食完埋單，另一個男職員收錢，找錢時我完全唔維意，佢好堅持唔開口講一句嘢，亦無講任何多謝嘅說話。總括而言，食物質素OK（魚生料）同事碗牛肉飯多油到成碗餘下嘅飯都係油，未顯無隔油，仲話健康, 但環境比較迫，服務係0，以想做快餐自助形式但講緊食一碗Poki 至少$88，我上次加埋飲品要$150，今次加份料同餐要$130幾，响旺角嚟講絕對唔係平，但服務比大快活、日本牛肉飯、老麥都差好多，個人接受程度已經好高，就算澳牛哥哥我都唔覺佢哋態度差，只要配合返唔好咁多要求同諗咁耐，基本上你對澳牛哥哥有禮，佢哋都會回應返你態度唔會差嘅；但呢間度所有職員講嘢無尾音、完全無助語詞、做嘢只係就自己、連上菜都攞完一盤，再响返同一方向上另一盤（即响我頭頂上過並要求對方接住盤嘢而不是走另一個方向比客人同埋後面係門口大大個位）同類嘅店舖我响D2幫襯好多次，食物加埋料飲品講緊係$100左右（呢度要收$130-150）環境乾淨同大一點，職員態度好，還有營養水自助供應如果想試下貼錢買難受就嚟試下，入是旦一間茶記都唔會有咁嘅待遇，就算黃店都改變唔到呢班咁嘅職員，不如留返個位比銀杏館果類老友記嚟做，我覺得態度會好好多，或者譚仔姐姐都比呢班半啞半控制狂嘅職員好。…查看更多

黃埔地鐵開通後在此搵食，看篇幅介紹此店，近年流行起各式蒸氣鍋，反而未嘗過始祖韓式九層塔，訂位翌日再來吃。點了首爾塔，每位$398，另計加一等費用，飲品點了韓國檸7和一煲玄米茶，各$13，檸7跟香港7喜差不多只是份量較少，玄米茶跟熱水沒有分別，建議飲店舖提供的開水更好。食物方面，就是平常吃的海鮮，只有蟹比較多膏，其他都是不過不失，不是特別美味但也不是下質海鮮，以這個價錢來說，不值得，我覺得全單只值$600多，睇驗過何謂九層塔我相信都不會再來吃了。環境方面，坐得舒適，設有放手袋櫃在餐桌下方，貼心，現場以情侶夫婦較多，或一家大小，沒有三五知己的朋友來用餐，如果2人的話，會安排坐在長枱以對面形式用餐，很快就會再安排很多2人對坐在旁邊，而且枱上用作掉貝殼等的小垃圾桶會4人共用1個，如果介意搭枱或希望私隱度高的，要多約幾人前來才好，觀察到設有大房供多人或VIP 用，洗手間設於食店下方商場入面，我走了幾步放棄了，樓梯有點長還要推門，感覺好像設在停車場的洗手間一樣，考慮安全及路程還是離開後再往其他的較好。服務方面，職員人數都足夠應付顧客，細心服務不錯，點餐順利態度亦友善。總分就是3粒（5粒為滿）合格水平，食物沒有特別驚喜但價錢略貴，要長做長有睇來只靠韓國正宗九層塔特色並不能留住貪新鮮的香港人，以這個價錢一是來一點更上乘的貨質，一是要降低價錢才行，就軾目以待了。…查看更多

聽姐講呢度有間竹昇麵好出名，來深水埗就順便食下，坐下看見一大樽懷舊酸白蘿蔔放在每一張枱，要食自便，本來叫魚旦魚片頭，但售罄~點了蝦子疆蔥牛肉雲吞撈麵（$45），老公點了蝦子牛腩墨丸撈麵（$45），腐乳通菜，汽水$6/枝/罐，蝦子好多全碟都是，牛肉牛腩墨丸雲吞都出色，好味道，而且有菜心托底，麵份量也不算少，但竹昇麵並不算爽口彈牙，也沒有永華麵家的好質感，算是美中不足，上湯好美味，通菜就是平常貨色，但整店食物質素平均，值得推介…查看更多