Bosco Sham的个人专页

放假諗住去食嘢但又唔知食乜好,所以決定去呢間食lunch,之前經過都見到好多人排隊所以都未有機會食,但今日早咗去大慨12:15,竟然唔使排隊,即刻可以入座,真係好彩!入到去坐低即刻打開Menu叫咗個意粉同埋叫咗個burger,醫左肚先…落order果陣問店員可唔可以一次過叫埋pancake再後上,但店員建議可以食到一半再order pancake!! 咁都好,唔駛放到凍哂! 兩樣嘢都差唔多食晒嘅時候,店員主動行過嚟問需唔需要order埋個pancake,呢個位真係要讚,好細心留意到客人曾經有提及到甜品,服務再值得加分!…查看更多

好耐冇食過放題,於是朋友推薦去試吓呢間放題兼且知佢係黃店,上網睇嗰啲食評都幾好,所以都覺得應該唔會差.Book咗20:00上到去就可以直接入座唔使等,但一去到發覺張枱真係好細好窄,枱同枱之間相距真係唔多,仲要椅背貼椅背,咁呢樣嘢都算因為我得兩嗰個人,坐低之後即刻用手機落單叫嘢食.等咗一陣間刺身終於嚟,食落去刺身好正常同其他放題店一樣味道唔錯,叫咗兩三round刺身之後,在order壽司,但等咗45分鐘都仲未到,於是再落order,過咗10幾分鐘後先到,壽司好一般不及刺身,之後再叫熱食,嚟到後有啲失望,天婦羅冇跟汁,叫雞軟骨又冇跟沙律醬,啲串燒同超級市場買嘅冇分別!!!見到熱食完全唔多吸引都費事再叫,結果叫多兩三round壽司刺身就算數!!未食過一次似咁失望嘅放題…查看更多

好耐冇嚟過大澳, 見係平日唔多人於是決定喺大澳食埋午餐, 行過門口見到師傅喺度斬燒鵝,已經流晒口水,一於決定食呢間!本身個阿姐極到晦氣兼冇禮貌話要搭枱,好老實講疫情下真係唔想同人地一齊坐,所以決定等一陣!!!坐低一打開Menu, 見到四大招牌菜, 本身想食燒鵝嘅我決定改變主意,因為得兩個人食唔到太多野所以只好揀其中兩樣,眼見墨魚餅比燒鵝更吸引,揀咗龍仔飯同墨魚餅,本身見到其他枱個籠仔返份量有啲多,得兩個人驚食唔晒,好彩本身自己唔算細食兩個人都總算食到!…查看更多

放假去赤柱行吓順便食lunch,隔離果幾間都食過所以試吓呢間,叫左呢燴羊膝寬條麵,味道唔錯幾濃味又夠熱!但由坐低到食完埋單全程水都冇杯,兼門口個阿叔帶完位放低Menu就行左去,之後埋單多謝都冇聲!…查看更多

今日放假決定黎試下,因為聽美國朋友講呢間餐廳d burger都唔差...下午接近2點黎到見店入面好多人以為要排好耐,入到去原來係等野食,由排隊到take order只需5分鐘,店員非常之nice大部分員工都係外藉人士,所以黎食野麻煩English please!第一次黎食當然要試試shack burger+ cheese fries,飲品就叫左lemonade,個burger熱辣辣一咬落去芝士+肉汁溶入口到,非常好味...比起其他burger shop一尾得個厚字好食得多!Cheese fries 薯條好脆夠熱,cheese多到足夠點唒全部薯條,如果加埋煙肉粒咁就perfect!Lemonade 簡直係消暑最佳飲品,酸多過甜非常好飲!!…查看更多

Finally could be try it after one year opening, it was my first time to come!The hot food were little bit salty, but fine i totally understanding this is American style, we should try the standard taste first and welcome the western food come to HK!…查看更多

店舖名稱寫住文記車仔麵,咁suppose係賣車仔麵呢樣野,但點解10:45去買諗住番工前食,結果去到d姐姐話而家得早餐!話車仔麵要11:00後先有...咁如果唔係一開舖有車仔麵賣,舖頭名稱是否仍可以用’車仔麵’作為主題!?既然用得車仔麵做店舖名稱但部分時間賣既並唔係車仔麵,咁可否引用商品說明條例作出投訴!?!?!?!?如果每間商店都可以用呢個方法黎做生意,消費者又豈不是被騙!!??希望店主可以作出改善…查看更多

門口寫11:00開,但次次都成12點、1點先開門,班啊姐鍾意幾點開就幾點開,落order又唔跟單試過幾次d餸完全唔係我order既野,d啊姐重要死口唔認,因開門時間太飄忽已經唔會考慮幫襯!!…查看更多

食左咁多年,招牌雞球米線仍然係我第一最愛,雞球炸得皮脆肉嫩上到枱放左成十分鐘依然燙口,沾上南乳醬簡直一流!!!!重點係每件雞球都可以保持大小均一,唔會一件太細一件太大,米線夠唒爽滑配上甜甜地既雪菜一齊食確係正!!!午餐或下午茶食都岩,幫襯多年,水準仍可保持值得一贊!!!另外,炸雞翼米線亦係推介之一,雞翼脆卜卜好好食夠大隻!!!以唔洗二十蚊就食到黎講完全超班!!!…查看更多