Gr4vityYeung 的个人专页

見到最近旺角新開左間 Rooftop Bar and Restaurant ，主打墨西哥菜，好似好吸引。但因為小弟非常細食，一個人好少去啲好 fancy 既餐廳食飯。於是，今次社恐仔第一次約到 20個 妹豬老友一齊試下，但原來咁多人係有少少辛苦😂上到去個環境都幾乾淨，目測有幾個打卡位，偏向行歐陸風情，仲有 Outdoor Area 添。食物：Daily Soup $58- creamy and deliciousTortilla Soup $68 HKD- 酸辣既湯，每一啖都是墨西哥風情，開胃一流Crab Meat Tartare $148 HKD- 口感豐富，蟹肉同其他材料好夾，麵包脆得黎唔硬Tacos （3 種口味）- 呢個一定要用手食，脆片勁脆，肉既調味唔算突出，但加上唔同醬料既配搭，變得十分清新，真心想食多幾舊～Rib Eye Steak $328 HKD (重心推介！）- 5 成熟真係 5 成熟，肉質嫩滑之如，外皮有少少焦脆，香草同鹽再將塊肉昇華✨Grilled Cuttlefish (必食推介）$108 HKD- 呢個真係必食！大開眼界！我冇辦法相信墨魚可以勁入味，根本檸檬汁都唔需要落～爽口彈牙！優點：- 環境高級舒適- 食物質素高- 上菜速度快缺點：- Outdoor 暫時未有用處😂另外，餐廳既茶都好好飲，邊食邊打卡！勁 Chill～建議各位快去feel 一 feel！-REFLECT Restaurant & Bar(旺角西洋菜南街74-84號旺角城市中心12樓食物: ⭐️⭐️⭐️⭐️⭐️ 服務:⭐️⭐️⭐️⭐️環境:⭐️⭐️⭐️⭐️ 性價比 : ⭐️⭐️⭐️推薦度: 7.3/10…查看更多

早排見 OpenRice 做緊 28 蚊優惠，月頭都已經冇錢既我，食左幾次餃子堂（外賣）。雖然OpenRice 個評價好一般，但個人認為其實都唔差！每次中午去，都係長期爆哂人，好多人食～食物：1. 自家製手工菜肉雲吞 （推薦) - 首先佢有 8 粒，皮薄仲要大大粒，真材實料，塞滿哂。如果再加埋個麵一齊食，就一定好飽。2. 自家製煎越式尖椒餃- 唔辣的，而且尖椒既配搭食落好清新，成舊食既口感幾特別，唯一美中不足既係得 6 粒，同埋個皮有少少硬（呢個係外賣一定會有既問題）另外，個人推介加菠菜麵 好過 米線，米線真係麻麻地😂菠菜麵加埋佢地餃子餐既老火湯底（有料），成件事就完滿好多，而個湯感覺上唔是味精湯，調味都唔錯～以優惠價黎講，其實都算抵食。如果原價就另作討論，因為有同區賣湯餃既都係咁上下價錢 40-50🤡 …查看更多

早排已經見到佢開左喺熟食中心，少少吸引，但係未見佢有得喺 OpenRice 叫外賣，同埋之前既定價都係接近 60 蚊，所以一直未試。觀塘不嬲都多雞飯，而我就未試過會安雞飯，佢仲要限量發售，咁樣既操作，冇得唔試啦～於是叫左一個會安雞飯。會安雞飯 - 53 hkd- 接近金黃色既飯同雞已經食欲大增- 油飯油度適中入味，但比坊間更軟身- 唔落醬食雞都算入味- 雞肉同皮唔算過度爽滑，十分適中，個人中意呢種肉感- 落左醬 加埋 果啲配料，成個飯既層次出哂，每一啖都好滿足- 醃蘿蔔絲好入味，十分出色優點：- 性價比高，份量多，平均 40-50hkd 一個飯- 味道足，輕量重口味 (少少還原到越泰風) - 餐具都大大份- 堂食環境目測一個舖位大缺點：此食評只係針對佢個雞飯討論，下次有機會試埋其他食物，再睇下係咪都係咁好味。…查看更多

先唔講宜家通漲到食個飯都 60-70 蚊，貴到傻。作為觀塘低人工窮食師，咁岩比我搵到呢間上樓外賣店，一開始抱著一個嘗試既心態，feel feel 佢。到目前為止，試過幾款食物，味道都唔錯，完全係住家味道（高質的），重點係唔貴！另外， 佢仲有個自家製麻辣油，麻而不太辣，好岩我呢啲唔食到辣既人！ 可以話係令我體驗到麻辣， 但又唔會食到成口好不舒服。（鐘意食辣既人應該未必岩😂）食物：五香燒豬頸肉- 豬頸肉入味爽口 ，份量足- 配菜既調味偏向藥味黑松露低溫雞- 雞肉粒保持嫩滑- 黑松露香味好夠，個汁份量都唔少優點：- 食物份量足夠 (料唔會比少）- 價錢公道，性價比高- 老闆娘好好人缺點：- 位置有啲偏僻…查看更多

為配合小弟減肥之路，有時會買呢間既健康餐盒食下。但眾所周知，坊間健康餐都係貴的，所以一直都搵緊性價比之選既健康餐。由於都食左好多次，簡單黎講，有熱餐 同自由配搭食材既冷餐/墨西哥卷，個人多數食冷餐😂食物質素黎講正常，唔太差，沙律唔會有怪味，大部份食物既調味都唔錯。如果集中講慢煮雞胸肉，佢未算係最出色，肉係爽但唔係最嫩。相比之下，熱餐比我既感覺就係冇咁健康🙈 ，但呢啲好個人，如果唔駛減肥減到咁癲，的確係唔錯既選擇！優點：- 60 至 80 蚊價位既健康餐（墨西哥卷再平啲）- 多選擇，自由配- 食物質素好 味道都不錯缺點：- 主要係太忙，人手唔夠，服務唔夠快- 私心如果熱餐有慢煮雞胸就好總結：健康人生，可以一試，理論上應該食唔肥😛…查看更多

我見佢其他區都係有實體店，好似都唔差，點知觀塘呢間係工場黎，都唔知點評。小弟叫左外賣自取，有 65 折，所以先試試。去到就見到個外賣擺左喺張檯，亦都唔見有其他人喺度，好似收哂工咁😂食物：日式咖哩吉列豬扒蛋蓋飯 ($57 原價 $88)優點：缺點：- 食物質素麻麻- 包裝咖哩 (比較水少少，味道都冇乜特別) - 豬扒唔蘇脆 (炸得麻麻地) - 滑蛋正常普通- 冇門面冇環境 (食品工場黎) - 應該冇堂食小總結：講真，真係唔太識評，65 折的確係算平，飯量係多既，但個質素就反映到個價錢，如果原價真係唔會食。同埋呢個價錢 同區有好多更好既選擇，所以就唔太建議去食觀塘呢間😂 (唔知其他實體店會唔會好啲)第一次有呢啲體驗🙈 …查看更多

遊走開觀塘各大食店既我，為左方便妹豬，第一次約妹豬喺港島區食日本野，行行下見到間野裝橫唔錯，於是就揀左鮨樂(灣仔新分店)。等左一段時間，終於入座，睇一睇個 Menu 先，發覺野食種類實在太多，亦有單點，有Set 可以選擇，非常出色。而且個環境都幾大幾舒服，可惜冇得坐喺 Bar 檯果邊~因為同妹豬食飯既關係，作為長期糧尾既午餐師，都要豪返一次半次😢利申：黎到呢啲地方一定係食壽司 同 刺身，果啲100 - 200 蚊既丼飯基本上就一定唔會叫😂 所以唔知道好唔好食～食物：-白子 $48妹豬叫的，我人生第一次食，估唔到咁好食同補身😝 外型似豬腦，但食落既口感好爽滑，入囗就即溶，有口內爆漿既感覺，幾得意。- 珍寶赤蝦壽司 $22- 吞拿魚壽司 $28吞拿魚冇乜特別評價，只能講厚身大塊。反而隻赤蝦有驚喜，啲肉好扎實得黎爽，有食到個新鮮感😂-特盛飛魚籽軍艦 $28-特盛北海道海膽軍艦 $78(海膽都唔係話好甜，甘甘地) -特盛芥辣八爪魚軍艦 $35(八爪魚軍艦最出色，可惜唔夠辣) 一句講晒，全部都好大份(一舊壽司 再可以 Refill 既感覺) -中拖羅壽司 $38-大拖羅壽司 $48-油甘魚腩壽司 $25-鰤魚壽司 $38本餐重頭戲，首先所有刺身都係厚身，肉質扎實。而個人認為最出色既係油甘魚腩，個味道同價錢真係性價比之選。拖羅其實都可以既，只不過係加左柚子調味，因為妹豬唔好柚子，所以覺得咁樣做係畫蛇添足😂 -明太子雞翼 $58呢個好 firm，啲明太子塞滿哂，無骨既感覺真係好好，如果冇食刺身，我會想叫多啲🙈Total : $721 (兩個人）優點：-服務員態度超好 同 細心-環境舒適 (對得住個價) -食物選擇多 -食材新鮮，份量算大 (基本上塊肉/刺身係大過舊飯) 缺點：- 作為性格比俠，個人覺得少貴(小弟係長期糧尾師，公道啲講，以地段同 日本菜黎講，價錢正常) PS : 下次可以試下叫套餐抵玩啲小總結：壽司比例幾好，食材新鮮，味道不過不失，價錢合理，可以食服務同環境。…查看更多

觀塘午餐師再次出動，已經有一段時間冇寫食評，但呢間店一定要寫一寫。利申：小弟去呢間店都食左幾次，外賣自取。因為想食健康少少，所以每次都只係會叫慢煮雞胸高營三文治 or 爆芝蛋慢煮雞胸飯團🤣-慢煮雞胸高營三文治 $48(雞胸，蛋，蕃茄，生菜) -日本抹茶鮮奶咖啡三文治烘得脆之如，個麵包又唔會特別硬，食落去個層次好舒服。炒蛋 同 雞肉都非常嫩滑，再加埋清新既蕃茄 同 生菜，成件事好夾好出色。一個簡單既三文治做到一個應有既水準👍唔識飲咖啡既我，就不作評論了～優點：- 性價比高 (以慢煮雞胸黎講) - 店員服務態度非常好- 三文治包得好，味道都唔錯 (唔會搞到成手都係汁) - 環境舒服 (人少) 缺點：暫時冇PS: 想個包要多啲雞胸 (自己私心🤣) 小總結：如果你係觀塘想食啲輕食，又唔想食完都仲係肚餓，又想要食得比較健康，咁可以試下呢一間店🔥一次過滿足哂你既要求😎…查看更多

作為窮到爆 既 觀塘午餐師，中午放飯當然係要搵啲又平又好食既好西，填飽下個肚。喺 Openrice 見呢間新店做外賣自取（最平個定食係 29 蚊），已經唔需要考慮，即刻落單！食物：和風醬油雞肉定食優點：- 💛- 食物份量足夠（性價比極高）- 醬油味道岩岩好，雞肉掛汁- 醃蘿蔔味道幾出 （有時食其他餐廳既醃蘿蔔冇乜味）- 服務態度良好缺點：- 人手不足（導致外賣自取時間耐長）小總結：💛 抵食飽肚，性價比極高，味道👍糧尾外賣自取恩物…查看更多

放 lunch諗住買外，行左去觀塘東廣場睇下有冇新野食。行下行下聽到前面班人話有焗飯食，甘我又睇下啦。第一眼最吸引到我就係靚女店員，勁好態度同服務，之後就係個飯既價錢，45蚊超抵食，焗飯既料仲係自由配搭添。食物：焗肉醬豬扒漢堡扒長通粉（自己唔太識配，下次都係揀廚師精選）- 豬扒得一小塊（連骨），不過就好入味- 肉醬唔夠多- 味道都正常優點：- 性價比高，45蚊焗飯- 配搭自由度高- 出餐快- 冇一般焗飯咁油 缺點：總結：外賣想食得平又唔錯的焗飯既，可以考慮食呢間。…查看更多

Happy Friday night 諗住同朋友喺中環附近食小小野，見到餐廳做緊優惠，於是就去試下高級野。店內環境既燈光優雅昏暗，座位亦都寬敞舒適，食飯地方非常適合情侶，夠哂靜，仲有個環境唔錯既Outdoor Area. 食物：脆炸德國豬手 x 3 - 豬手皮脆，肉鮮嫩多汁，而且已經將骨分開 同 切好哂一件件，食落啖啖肉，好爽總結：環境舒服寧靜，約會食飯選擇之一。食物價錢正常貴，食物質素 和 味道還好。優點：- 店內環境舒適，座位寬敞- 店員服務態度良好- 豬手真心唔錯缺點：- 價錢合理地貴…查看更多

因疫情關係，返工放 lunch 都會避免堂食，於是就觀塘區唔同食店既外賣。今次我就試下呢一間新開既日本菜💛店，支持一下。食物：鰹魚炸豆腐 (HK$18) - 外皮香脆，豆腐都夠滑，可惜入面唔夠熱- 調味唔錯灸燒豚肉煮丼(HK$58) - 正常普通- 豚肉唔入味- 醬汁唔夠，成個飯偏淡- 加秋葵有少少唔夾（成個飯變到好淡好清新）總結：價錢偏高，性價比低，食物味道還可以，份量就未必夠飽。優點：- 外賣落單，十分鐘內就有得拎- 員工服務態度良好- 店內環境都乾淨企理- 💛缺點：- 性價比低- 味道普通…查看更多

Happy Friday Night 同朋友中環食完飯，就去了附近 LKF 飲返杯傾下計，上網見到呢間Bar個環境夠哂 Cyber 同 chill，於是去試試。上樓之後，見到間 Bar 道門已經好型（望落好重既太空倉門），成個私竇咁，之後坐左室外座位，我就只係飲野，冇試到 Shisha總結：環境雖小，但室內環境設計十分有特色，好未來好 cyber 既感覺。Signature cocktails 都幾好飲，酒精味唔太突出，易入囗，價錢正常（LKF 價）。 優點：-環境風格特別（Cyber / Futuristic) - Signature Cocktails 易入囗（岩女仔飲）- 店員服務態度良好缺點：- 室外座位環境 同 室內 好大對比 …查看更多

觀塘放工約埋朋友食飯，又唔想食太貴同太多，諗住食個快餐算。行下行見到有間細細間既 burger 店，望落又好似好吸引，所以就去試試。(快餐店型式，先點餐，先付款，再送上食物) 食物： 厚切午餐肉芝士牛肉漢堡 （套餐）- 朋友話好好食，我淨係知佢食到漏哂汁😂大隻佬漢堡 （套餐）+ 玫瑰普洱茶 88 HKD- 漢堡超巨型，好足料，夾哂一齊食好滿足（流心蛋，芝士，煙肉，牛肉，蕃茄 etc）- 牛肉夠 juicy ，蕃茄同流心蛋爆哂汁，味覺既衝擊- 薯條脆，咬落去都食到適量既薯蓉，唔會得薯皮總結：性價比高既西式漢堡店，漢堡款式算多，製作用心，味道都唔錯，份量足，食完正常夠飽。想唔食連鎖店漢堡，可以食呢間。可惜，店舖較細，位子亦相對較少，坐落就冇咁舒服，較擠迫。優點：- 漢堡製作用心（有特色）- 性價比高- 食物味道優越- 上菜速度快- 員工態度友善- 食物足料同份量夠缺點：- 店舖細- 座位小- 坐得唔舒服（擠迫）…查看更多

今日小弟放 lunch，翻食第二次百年路，諗住試下其他食物，再下次應該試埋個肉骨茶。差唔多12:30去到，已經有好多人等位，不過我經常都係一個人，所以唔洗等，直接坐吧檯。PS : 店內座位唔多，所以最好預早少少去🙂食物（食過）：星加坡叻沙 - 本身唔辣，耶香味為主 （可加Sambal Sauce，更好味）- 湯味夠濃，唔覺得有味精- 蝦夠爽囗- 豆卜吸哂個叻沙湯底，好入味- 足料（雞肉，芽菜，豆卜，蛋，魚片，兩種麵，蝦）瑪沙蔓牛肋條配薄餅及飯- 牛肋條個 Sauce超入味，撈飯一流- 肉質易入囗，唔黏牙- 薄餅酥脆，本身個餅味已經好好食，加埋個辣 Sauce，真係不得了拉茶- 味道特別 （可以一試）總結 ：抵食又好味既東南亞菜，食 lunch 一定飽，推介糧尾人士去食 優點：- 平價 （50蚊有得食）- 店員服務態度非常好 （好 nice 好親切）- 食物份量足夠 （性價比高）- 食物味道良好 （夠東南亞風味）- 上菜速度快- 環境舒適缺點：- 店內裝橫較普通（唔夠東南亞風味）…查看更多