Sasalam的个人专页

難食到嘔！未試過一間餐廳有嘢飲到嘢食都係咁劣！！！食到成肚氣，究竟啲食評喺邊度嚟？1. 個嘢飲淡到好似水咁，得個樣2. 個墨汁帆立貝飯難食到嘔，仲要唔係意大利飯，個飯腍到黐線，完全冇墨汁味3. 個菠蘿Parma Ham，個菠蘿酸到癲，同個Parma Ham完全唔夾嬲到轉左另一間餐廳食…查看更多

金鐘無咩好野食，開左呢間逢午餐試一試外賣，好新鮮好好味、唔會好咸！雞肉好滑、豬肉都唔會硬，2:30後仲有平，一星期起碼食3-4日，因為成日都唔同菜式，份量夠大，男人實夠飽…查看更多

最近疫情，叫多咗網上外賣平台 外賣，網上搵資料見到呢間好似唔錯，份量真係好大同埋好新鮮👍🏻👍🏻令我久違嘅寫食評出動！希望可以keep住嘢食新鮮同埋好食。有機會要親自去蘭桂坊度食! 因為嘢飲怕外賣會整瀉…查看更多

記得以前成日都好鍾意來呢間食，因為價錢合理同埋嘢食好味！但係最近越嚟越差，真心好失望，又少咗一個聚會好地方！寧願貴少少都想有返食物質素保證同埋員工服務態度都差左好多，同一開舖嗰陣完全唔同。。…查看更多

第一次食評就係比左比呢間餐廳:(大失所望加食物一般水平都達唔到標。。。話說收工之後同朋友一齊食生日飯，Book咗呢間，原本都好期待，因為見到好多食評都係好評，諗住一定唔會係伏點知。。。（自己想像有幾失落）海鮮意大利飯。。真係好難食好唔新鮮，啲飯有陣怪味，我怕我自己覺得係姐，所以叫埋朋友試，佢哋食完之後吐返出嚟我哋都一致認同有種洗潔精嘅味道，啲海鮮好唔新鮮，尤其是啲蝦（臭味）。呢個牛扒係我食過以來最難食，諗住＄288冇死，牛扒可以差得去邊，我叫左5成熟，除左佢硬到乜咁，我同我朋友每人試小小，竟然一切開全部都係肥肉。。等於淨係食咗一半（唔記得佢詳細個名， 淨係知道佢係豬肋骨）我未試過食豬肋骨係難食到咁，切開一條條嘅時候，因為啲肉煮得太熟，連咬都咬唔到，啲肉粗到不得了，好差好差好差（重要嘅事情要講三次），永遠不會回頭！如果有得俾10個差我會比100個。- 浪費左我20分鐘寫食評 （但為咗其他人唔好中伏係值得架）:(…查看更多