lee coco的个人专页

前排終於去到太古城朝小館打卡，聽聞佢係正宗潮州菜，果然冇令我失望！一入到去，環境好舒服，燈光暖暖地。重點係員工服務質素好好門口收銀個靚女。今次試咗幾款經典潮州菜，首先一定係「鹵水拼盤」！佢嘅鹵水鵝片同鴨腎切得薄薄地，入味但唔會太鹹，鵝肝肥美得嚟又滑，咬落去即刻溶口！之後叫咗「蠔仔粥」，呢個係我嘅心頭好！粥底煮得夠綿綿，米香好濃，蠔仔粒粒都大大隻，新鮮得嚟仲好腥甜，唔似一啲平價版咁細粒同腥味重。個女職員話佢哋每日新鮮入貨，真係唔講笑，仲落咗好多蔥花同炸蒜蓉，一啲都唔會「孤寒」。仲有食過，川椒鴿脯同埋豉汁龍蝦脆麵，呢個都好推介！必試嘅「潮州凍蟹」都冇放過！蟹蓋打開，蟹膏滿到溢出來，金黃色又濃又香，蟹肉結實彈牙，蘸埋佢哋秘製醬油同鎮江醋，酸甜辣椒嘅配搭完美，雖然價錢唔算平，但真係值得，每一口都係幸福感！整體計出品真係好有水準，材料新鮮、調味正宗，唔會亂加味精，但以呢個質素同環境，絕對值得！想食正宗潮州菜又唔想去得太遠，太古城呢間真係好選擇。總結：潮州菜控必試，9/10！推介！🦆🦀…查看更多

屯門蝴蝶街市入面有間極上豬手皇 , 佢地黑椒豬手好出名, 45蚊已經有一隻 。所以我成日經過收工都會買返屋企加料~滷水鴨好受街坊歡迎 $25蚊半隻大大盒, 又平又大份。買返去加料真係好過自己整佢地呢隻滷水鴨好快買晒, 所以師父都整得好密, 所以每次我買個時都係熱辣辣既, 拎返去都可以即刻食得豉油雞，沙薑雞我間中都會買, 肉質嫩鴨胸一樣好抵食!! 17蚊,街市食過幾間都係呢間最好不得不食既係沙茶八爪魚同豬大腸!!好食過出面既好多~ 正啊! 必食推薦~…查看更多