ccl313的个人专页

呢日嚟到呢間泰閣食lunch～Lunch menu上都有好多餐揀，價錢都唔算貴了～ 最後揀咗個泰式蝦球炒金邊粉試下～一上菜見到個份量都幾充足！雖然蝦球都係得3隻，但都大大隻，食落幾有咬口～ 金邊粉炒得幾香，甜度適中，幾好食嘅😋有機會會再試其他👍🏻…查看更多

週末去觀塘，自己悠閒食個午餐～揀咗個清酒海膽醬蟹肉長通粉，加一杯flat white☕️ 跟餐仲有個沙律🥗覺得整體都唔錯！海膽醬蟹肉長通粉啲汁幾濃，長通粉有掛汁，幾好味！Flat white一般水準，都ok！仲有沙律清一清～ 週末輕食之選👍🏻…查看更多

因為好少去港島區，之前試過想食呢間又排晒長龍🙈 今次週末同朋友去灣仔睇show，預早時間嚟排隊，終於唔使排好耐 第一次食到！我揀咗豚骨湯拉麵配餃子～一嚟到見到拉麵上面有好多木耳絲！係我最鍾意嘅配菜😍 而叉燒係另上嘅，原汁原味～ 豚骨湯香濃而不膩！朋友話佢隻蛋唔切開 presentation無咁靚，但我反而覺得唔切開，一啖咬落去仲感受到溏心蛋嘅滿足，又唔會俾啲湯浸住個黃～ 餃子都唔錯！不過好遲先上菜，等我食到碗麵最尾一啖先上餃子….. 如果快啲會多樣餸食😂 …查看更多

呢間春芳號太子店新開嘅時候都飲過一兩次，覺得幾好飲，啲杯又好靚～ 會好期待每次隨機得到個咩圖案嘅杯😂今日經過，見到門口貼咗新系列嘅飲品 — 多多系列，即係益力多茶飲啦，覺得幾得意，就買咗杯嚟試，諗住順便睇下今次可唔可以拎到好想要嚟打卡嘅粉紅色花花杯😂 諗咗一陣，揀咗一杯百香多多～ 本來想叫半糖，但店員好好咁提醒益力多本身有甜味，可以考慮唔要咁甜，之後我就改咗微糖～ 果然恰到好處！甜度適中，好飲解渴！不過飲品沖好先知 原來呢個多多系列係用透明杯裝嘅🤣 不過少少漸變色咁都好打卡able～ 但就注定要再幫襯去儲個粉紅色花花杯喇😂…查看更多

星期日去APM食嘢，見food court已經好多人，於是就上咗嚟呢間四湯八麵，見menu嘅午餐都幾啱食，價錢唔貴，就一於試下～用qr code自助落單，我點咗番茄麻辣湯麵配慢煮叉燒(滷鴨血同豆腐)，跟餐有杯免費嘅時令熱飲，侍應拎咗嘢飲嚟先知應該係杯熱紅茶～等咗一陣就有得食，我食咗幾啖就發現唔對路，我點嗰個餐係有鴨血㗎喎，但我摷勻成碗麵都唔見有鴨血，但就有半隻雞翼🤨 我就問個侍應，我個餐唔係有鴨血㗎咩，個男侍應呢個時候先笑笑口話「鴨血賣晒，所以俾咗雞翼你」……. 賣晒唔事先講俾客人知售罄，就算我落咗單先知賣晒都可以講啫，無鴨血我可以轉食第二個餐囉！仲要我唔問佢就唔講，用半隻雞翼就當代替？萬一佢加咗啲我有食物敏感嘅餸俾我咁點算？！不過因為我已經食咗幾啖，加上之後有嘢做，唔想嘥時間同佢爭拗或者轉餐，就照食，但真係好差嘅體驗🙄…查看更多

有朋友食過上環嘅熊拉麵 推介俾我，呢日要去佐敦，搵下有咩食，見到原來佐敦都有熊拉麵，就決定嚟試下！呢度有幾款拉麵揀：招牌熊拉麵、白熊拉麵、赤熊拉麵、黑熊拉麵、魚介熊拉麵，因為未食過，就一於試下佢哋嘅招牌熊拉麵🐻🍜 揀咗瘦叉燒同埋中幼麵，麵質係我鍾意嘅，唔會好腍，有少少咬口，湯底都幾濃！幾鍾意呢度啲叉燒係一大長片咁，同埋幾鍾意佢嘅溏心蛋，無切開原隻上，咬落去特別滿足😋 而呢度係唔收加一嘅！有機會會再嚟試下另外幾款拉麵～…查看更多

去奧海城睇戲前醫肚，呢度嘅food court都算多嘢揀，但都心儀泰國菜，所以揀咗呢間～試咗呢度嘅泰式甲拋肉碎煎蛋飯(發覺自己都幾鍾意呢道菜😂)上碟擺盤已經見到個碟好靚～ 呢個餐可以揀辣度，想食辣但唔想太辣就揀咗BB辣，真係炒得好香口惹味👍🏻 隨餐附送一小碗冬瓜湯，覺得辣嘅可以隨時解下辣👍🏻 整體都幾好味😋…查看更多

之前喺Mikiki食過亞金，覺得性價比幾高！呢日去紅館睇show前嚟食置富都會呢間分店，食咗呢個泰式香葉辣肉碎煎蛋飯～辣肉碎辣度適中，幾惹味香口，煎蛋嘅蛋黃仲有少少流心，可以撈埋飯一齊食，70幾蚊一個餐，算係幾好👍🏻…查看更多

同朋友夜晚去亞博睇show，去之前先喺東涌醫肚，我哋揀咗呢間想食好耐嘅金子半之助，之前喺日本都已經想食！六點前我哋就嚟到，唔使等位～ 一入座嘅時候，店員就先serve咗黑豆茶俾我哋，覺得杯茶都好順口好好飲！之後我哋掃qr code落單，我揀咗個江戶前天丼，友人就揀咗個海老天丼！成個餐好豐富，有味噌湯同少少配菜，啲餸鋪滿成個碗，炸物好香好鬆脆，影相要快手！真係要快啲食先食到佢最美味嘅一刻！而啲飯嘅汁都好好味！最後飲多兩杯黑豆茶，清一清口，非常滿足～…查看更多