ข้อมูลส่วนตัวร้าน Winnie_04_11

見呢排個個都講簡聚高質，撞啱今日剪頭髮又係附近，就去試試佢，可能期望越高失望越大，個西蘭花忌廉湯冇乜味道，叫咗兩隻生蠔，上枱時用隻差掂下個裙邊已經唔識郁，唔係咁新鮮，不過味道就正常，有西班牙同日本兩款，日本嗰款比較好食，叫咗豬鞁，好薄，似塊普通豬扒多啲，配菜有蕃茄仔薯仔同粟米仔，味道正常一般，飲品叫左凍檸水，正常，可能我睇多太多人話呢一間非常之高質，所以期望過高🫣🫣不過上菜速度快，侍應服務態度好👍🏻…ดูเพิ่มเติม

想打邊爐，求其搵咗一間就搵到呢間，地點就腳，地方細細地，不過都叫坐得舒服，但係地下就好濕好滑好容易跣親，侍應好有禮貌，反應又快，又主動推介有乜嘢好食，叫咗醉雞湯底，好味，肉類都好有質素，手打墨魚丸豬肉丸好彈牙，即炸響鈴亦都好好食，海鮮生猛，叫咗海蝦非常彈牙，當時做緊優惠點菜滿$500送湯底，覺得好抵食，飲品質素算唔錯，起碼唔會淡茂茂，不過舖頭音樂比較大，如果想食飽飽慢慢傾偈就好似唔係幾適合，整體質素唔錯👍🏻…ดูเพิ่มเติม

世宙牛知己放題應該改名叫”佳寶”食材放題先啱，話係西班牙100%黑豚，啲牛肉同豬肉片完全係佳寶貨色，墨魚滑咬落得舊粉，成舊擦膠咁，蝦無梅不過完全無味，好似雪左萬年，個雪龍濃湯底淡而無味，韓式火鍋冇一樣嘢有韓國特色，喺外面攞嘅配料剩係得魚板叫做喺韓國食材，連飲品都係台灣品牌，我諗最有特色嘅係有韓式魚板，同埋啲泡菜，全間餐廳保濕紙巾供應，連乾嘅紙巾都冇一張俾到個客用，唯一一樣好食嘅係杯雪糕，真心伏到爆…ดูเพิ่มเติม

7:30入座唔係太多客人，要咗個普通豚肉丼飯，店長推介嘅日式汁燒豬軟骨，牛油燒帶子，帶子係雪藏貨色，即係食到牛油味食唔到帶子鮮味，個豬軟骨黐立立，啲肉勁鞋，個飯都有6.7塊豚肉，但肉質偏冧，冇乜咬口，好似用咗好多梳打粉葉舊肉，味道偏鹹，白飯係日本米，口感包滿有飯味，入座只會提供熱水，今日要食藥，冇嗌野飲，同侍應想攞杯常溫水，個侍應即刻黑面，普通貨色試一次就夠，不過個門口裝飾得幾吸引，除咗豚肉丼飯，仲有牛，雞，三文魚揀，…ดูเพิ่มเติม

見到幾高分，涼涼地又想食串燒，就一於約埋朋友去食呢間，分左右兩間舖面，我哋坐右邊，等好耐冇待應行入嚟，要拎住個餐牌去返隔離鋪落單，咁都冇問題好小事，落左單大概45分鐘，侍應先走埋黎同我地講唔見咗我哋張單，要再重新同佢地落單，但會應承我哋係第一張單做，咁都算啦，再等多45分鐘，我哋叫嘅係四人套餐，有一煲粥，可以揀兩款海鮮入去煲，我哋另外加多左$30要一隻奄仔蟹，串燒可以自行選擇12串，有四罐啤酒或者汽水，首先講果鍋所謂嘅海鮮粥，我哋揀咗白鱔，鮑魚，奄仔蟹加入煲粥，聽落就覺得好鮮味，到鍋粥嚟到畢左一匙羹入口，我以為自己食緊白粥，再望清楚啲確實係有隻蟹係入邊嘅，但果隻蟹係我認知裏面絕對唔係奄仔蟹，幾乎係連一啲膏都冇，仲有幾塊好唏噓嘅鮑魚薄片，同多骨慘口薄到飛起嘅白鱔片，另外再叫多咗半打燒蠔，三隻燒元貝，啲調味勁咸，完全冇鮮味，仲叫咗個燒海蝦，啲肉梅嘅，最好食係個燒雞翼同埋燒粟米，其他我自己去燒嘢食任食仲好食過呢間串燒店，侍應痴痴呆呆，問佢攞牙籤，淨係俾個冇牙籤嘅牙簽筒我，我攞住個空嘅牙簽筒問佢啲牙籤喺邊？佢話全間鋪頭都冇晒牙籤了，食肆冇牙籤，係一支都冇，咪玩啦，人唔笑狗都吠啦，咁嘅貨色食咗我八舊水，下次貼錢我都唔會再去食，仲要評分有過百分，真係好令人疑惑🤔…ดูเพิ่มเติม

高質素海鮮燒烤，訂咗星期日晚8:00入座，坐的士去有車資優惠，亦有泊車優惠，雖然去到未能即時安排入座，等左大約20分鐘，但所有職員都笑容滿面，我坐室外，有兩個長方形嘅大魚缸，不過仲未有蝦，先攞其他燒烤食物，豬扒同金沙骨非常好食，朋友食嘅牛扒牛肉類就話麻麻哋，但係蔬菜類粟米翠玉瓜10分新鮮好甜，有其他粉面熟食，冬陰公，一般，強力推介甜品糯米糍，軟綿綿，甜度適中，有特色榴槤雪糕球，有海鹽味道，好特別外面唔係成日食到，主角大頭蝦出場，室外嘅長方形魚缸每次都係+15隻蝦左右，俾我哋過下手癮夾下影吓相打卡，室內有一個帆布魚池，有大量大頭蝦，隻隻新鮮生猛識游水，有啲大頭蝦瞓咗覺，職員都會即刻抽起，大頭蝦啲膏多到爆曬出嚟，蝦肉彈牙鮮甜，有其他海鮮供應，每隔一段時間就有職員過嚟每一台派發其他海鮮，有蜆，蠔，小型扇貝，最好食係蜆，其他一般，八點後入座無限時間任食，$300一位對得住價錢，會再去食，好食👍🏻…ดูเพิ่มเติม

刺身盤望落精緻，件吞拿魚擺入口咬成5分鐘都咬吳開條筋，頭盤送既牡丹蝦完全無甜味仲有啲腥，重點推介既鐵板牛油帶子，一堆雪藏帶子肉，係鐵板上面炒，再擺上個殼，入口一陣雪藏味，一口和牛又硬又鞋，炸蝦🍤尚算鬆脆，黑松露比目魚，勁腥，肉又散，靜係得裝修靚，個鐵板帶子表演下放火，待應發呆帶位都吳知我個位係邊，$328連加一，我真係加多$100去大x喜食都無甘失望，最少有海膽同鹽燒海蝦，唔係雪藏貨🤷🏻‍♀️…ดูเพิ่มเติม

從未食過甘難食既自助餐，除左有即開蠔好啲，熱食仲衰過茶餐廳，車仔麵檔啲送得啲獅子狗，魚蛋，，粟米，芽菜，薄過塊紙嘅日式叉燒，全部雪藏野，青菜都無一條，燒雞奄到啲肉梅曬，把刀唔使用力就甘壓一下啲肉都自動跌出嚟，壽司賣相仲衰過爭鮮，凍盤啲青口同蝦乾爭爭，甜品啲質素食美心西餅，東海堂都好過佢，啲待應全部呆滯，無表情叫又無反應，餐廳環境又殘又舊，未見過甘殘既服務式酒店住宅，嘉湖海逸靚過佢多多聲，請我都吳再去食，垃圾！…ดูเพิ่มเติม