openjin的个人专页

尖沙咀九龍酒店龍逸軒幾好座,有水準! 蠔煲每隻都好大隻好新鮮,超級美味, 有幸福的感覺. 暖笠笠嘅好鍾意. 炒桂花魚翅足料,啖啖肉. 如隻碟大隻啲會靚D. 黑豚肉生菜包嘢味,生菜奇趣鮮甜,絕配! 下次一定要再食. 煙燻雞,竟然咁嫩肉. 煙燻香味獨特,有餘香. 第二度食唔到.甜品紅豆沙, 同出面一般食嘅紅豆沙,顯然足料千倍. 一食就知係酒店出品,不同一般酒樓. 招呼方面有個女waitress梳住個計, 舉止大方得體,有耐性. 令到我請朋友食飯我都夠體面.男侍應看年紀輕輕,幾可愛. 積極介紹我哋食海鮮 不同菜式,招呼殷勤,期間又幫我哋換碟. 鍾意佢主動招呼. …查看更多

落大雨入長洲，不經意地進入這間餐廳，覺得個餐廳名好得意！裝修感覺舒服，坐下來很寫意，招呼的男女很和藹，細心的介紹餐牌！我們揀了一客set lunch蜆肉意粉$68,一個tea set甜品拼盤$58，價錢非常優惠. 賣相和味道是一流的，蜆肉鮮甜，意粉好味！甜品拼盤的yogurt fantastic! 餐飲的Cappuccino有心形拉花，賣相精緻，講真味道好過半島酒店！檸檬茶的紅茶非常之濃郁！餐廳樓面,器皿及洗手間也很潔淨. 但如果洗手間鹼液的器皿換個新的會更perfect! 不過相信這個洗手間應該是長洲餐廳裡面最為乾淨的.雖然出面落着雨，望出窗外別有一番情調，有時行出去店外的長椅坐着，悠然自得！可能真的坐得太過舒服，食物又好味，不知不覺已坐了成2小時！喜歡貓的朋友不妨去支持吓，因為我覺得餐廳老細應該是愛貓之人！下次去等我試下另外幾款餐先！…查看更多

第二次來，入座卡位，體驗跟上次一樣，乾淨舒服衛生，店員態度良勤力，連洗手間都好似酒店咁乾淨. 牛肉好味，蔬菜比其他的火鍋店乾淨很多，配菜也足夠！最鐘意一人一煱，自己揀鍾意嘅湯底，又唔洗驚啲friend唔用公筷. 自己鍾意淥乜就落乜！我今次叫左補身雞湯湯底，味道超濃當歸味，連啲雞塊，紅棗，肉竹，黨心等中藥我都可以食晒落肚. 鍾意每次叫店員加湯底的時候，店員細心，湯底都好足料，不是出面火鍋店普通嘅味精水. 幾個7'11的雪櫃有不同種類的汽水，果汁，凉茶及啤酒任攞，同埋有個corner任取公仔麵，除左有烏冬及出前一丁之外，今次多了韓國即食麵. 最後免費做窩夫,女侍應細心幫我地做，有求必應，加上雪糕球及糖漿，外脆內嫩，新鮮熱辣！雪糕有雲呢拿同芒果味. 其實食到呢度已經好飽，不過佢仲有幾款雪糕雪條任食，忍唔住吃咗支西瓜雪條同支脆皮. …查看更多

間中來幫襯，但今次的食物質素最差！儘管樓面服務仍然是一流的！但食物差到無法接受，遂樣評分:黑糖珍珠奶蓋: 賣相及味道仍保持水準三杯雞set lunch: 白飯乾及硬，份量太少，用一杯形容過貼切過一碗！三杯雞90%是雞骨雞皮，還大部份是雞小腿的骨位，雞翼骨位,雞背的皮包骨. 成碟是雞皮加骨，好小家！正常酒樓會將這些部位切除當作垃圾處理,但今次给90%這些廚餘给我吃！自己睇相. 只有一件是有雞肉.牛腩麵: 牛腩夠霖好味. 但湯底只有咸味，失去了以前的牛肉味. 麵條變了很硬，未煮熟. 紅蘿白硬到咬唔入！白羅白太老，全是纖維. 甜品雖然同相片相差太遠，但是味道還可以！希望廚師真心能夠改善，熟客也失望！…查看更多

兩位男侍應好細心，敬業樂業，尤其是那位高大的四眼男哥哥，提供一流的服務，非常暖男！第一次來到估不到地方那麼新淨,舒服！ 出邊任取的食物及飲品夠多款，見到出前一丁任吃，happy. order了最平果款牛肉，切得靚，夠薄快熟，睇倒是優質的！豬肉厚有質感非常之好味; 而雞肉就特別洗過，去除了雞肉的腥味; 菜也有幾款，全部洗到乾乾淨淨！最後出邊可以整waffle,加上你喜歡的雪糕球,已經賺返! Haha,個廁所仲乾淨過酒店的restroom！見到出面有一個outdoor的庭園,可以透下氣同埋可以搞party聚餐！第日可以諗下！總括這個價錢，性價比高！…查看更多

心太軟入邊的朱古力流心實在一讚！男經理親切的款待，細心的介紹食物. 之前打電話來他也相當有耐性的解答我的問題. 當我們order 套餐的甜品時，這位經理醒目及經驗地奉上心太軟生日蛋糕，插上蠟燭，侍應還遞上繽紛的生日佈置，令我拍的相片更加繽紛吸引,非常窩心！估唔到其他食物意粉把扒類味道也一流，鐵板上的食物全部也很香味撲鼻，也可以打卡！價錢也相當適中. 忍唔住同bear bear 及聖誕樹前selfie! 😄 氣氛好好！非常推介到來慶祝或打卡！…查看更多

今日買晚餐. 買左兩碗粥，一個炒麵，一個叉燒腸，一個炸兩，一個羅伯糕. 服務員遞給我外賣之後已經包到實一實，心想入邊應該自動跟醬料例如甜將，豉油，辣椒醬之類. 點知入邊一包野都冇,淨係腸粉冇鼓油已經食唔落. 如果佢要客人問佢先俾，咁可唔可以問我需唔需要呢？ 因為一向買外賣佢已經會自動跟醬一包包放好在入邊，不需要我問的. 我現在要走返落去再問佢囉,如果再要爭論一番真係曬氣,希望貴店改善營運方式！…查看更多

看見他們沒有更換枱布的，我檯面的枱布留着前幾手的污跡，好嘔心。睇番侍應枱枱只是更換檯面的一張長方形紙張，覆蓋面不夠大！同一塊檯布用足全日給不同人客共用，毫無衛生可言！酒樓每返枱換乾淨檯布是基本動作. 但疫情期間這間酒樓這樣污糟，真的不敢再來了！…查看更多