foodmeow的个人专页

好幾年前，基本上每一個月都要嚟九記牛腩食返牛腩河。跟住因為公司已經唔喺上環而喺九龍，所以就由幾年冇嚟食。三日前約我先生嚟食九記牛腩，滿心歡喜地期待了三天。我同我先生各點了一碗牛腩伊麵，一碗牛腩米（其實我想食河粉的可惜河粉賣晒）。當我飲第一啖湯嘅時候，心諗，點解我屋企樓下嗰間麵檔嘅清湯仲好飲過佢嘅？再飲多兩啖，我唔知我飲緊啲乜嘢。。。米粉非常之硬，牛腩黐晒牙，短短一碗麵我用了三支牙籤來撩舌在牙罅的牛腩….非常失望。…查看更多

2月去東京時book唔到～緣慳一試，估唔到最近睇報紙發現原來偷偷在香港開了分店～即刻訂位！可能新開張，訂位都算容易～估唔到節奏都幾快，唔需要等齊人就可以開始～ 日本師傅都識講少少英文 而樓面都會幫手解釋菜的內容。令外有驚喜既係，佢地既蔬菜食材，因為真係未見過壽司店有以蔬菜為招牌菜的。小肌香草卷- 係第一道菜～食落甘甘的味道再加上魚既鮮味。煙薰吞拿魚腩（唔記得影相）煙薰味好香，吞拿魚是用魚鮫位，魚肉特別嫩滑。另一個招牌菜是：野菜手卷：呢個真係好出色，係食左幾件濃味菜後再上的。最正係食落脆卜卜，原來加入左炸薯仔片、秋葵同麵豉醬。海膽壽司都係驚喜之一，兩款海膽再夾住個紫菜天婦羅！不過真係太大舊，食得好倫盡其他菜膽壽司都好食～ 以新開黎講，品質叫唔錯。應該會再黎多次！…查看更多

雖然天氣好熱，就係因為呢啲熱辣辣嘅天氣先想同另一半啤啤佢。咁啱經過呢間串燒店，就入去試下啦，唔好見佢地方細細，但食物既種類都幾多。最後叫左呢幾樣野食羊架：熟既程度岩岩好，咬落好juice，一啲都唔靭，鐘意食羊既朋友可以試下。小龍蝦：炒得非常惹味，好岩用黎送啤酒，越食越辣但同時越食越上癮，惹味到連底下配嘅青瓜同蓮藕都俾我地清埋。蟶子：個size 好大隻 好抵食，唔好燒得太熟。100分啤酒🍻既種類都有好多牌子可以揀，絕對加分。花甲粉：比想像中既份量多，本身好肚餓就岩哂，食落小小辣啱曬我口味。而其他肉類同海鮮類串燒亦都燒得啱啱好，唔會燒到燶曬同乾爭爭。可惜得兩個人食叫唔到太多，下次我地會再返去試其他未試嘅串燒😋…查看更多

入左將軍澳探朋友，2人小聚想叫餸食飯，下由朋友帶路，去左呢間「大灰熊廚房」。一入餐廳，就見到兩隻獨木舟掛左係牆上面。坐低睇menu, 原來有獨木舟租借連餐飲sets. 下次約埋朋友玩獨木舟可以預約下，玩完上岸仲有飯食☺️ 餐廳唔算大面積，一張大圓枱，另外附設卡座～ 格局比較清靜，傾計會好舒服。我地最後簡左2人套餐，有小菜2款，（選擇有好多）湯，飯同餐飲。▫️拔絲咕嚕肉 ：出品好靚，咕嚕肉斬得剛好一口蘇咁，好易食，酸甜度夠哂balance ~ 最欣賞係連青椒同菠蘿都切到細細塊，作為女士既我，特別易吃～ ▫️小炒皇 ： 賣相靚到呢😍😍 真心好耐無食過似樣既小炒皇了～～ 蝦球超爽口～～▫️西湖牛肉湯作為主菜前湯飲，味道唔會太濃👍 牛肉碎適中～…查看更多

鬼金捧天氣轉熱之後都有一排無食拉麵～ 今日唔知點解突然好想食。記得之前經過金馬倫道有一間拉麵店，好快就搵到。當時下午一點鐘，無咩客，不過到我地碗麵到時，開始坐滿。開放廚房一眼睇到，店內燈光比較暗，不過加埋祭典音樂，在望望牆上掛門「魔鬼頭」感覺又幾激昂。QR code 落單的確幾方便，仲有紙圍裙供應。menu 好簡單，都係叉燒拉麵，同埋以辣為主。價錢亦是合理範圍。當中仲有芫茜拉麵😄 我同另一伴分別點了「味玉麻辣麵豉拉麵」同「增量叉燒拉麵」，增量款既叉燒有兩大塊，而且超厚。湯底唔錯，落單時可以簡大中小辣或者唔辣。拉麵質感亦係我鐘意既粗圓身拉麵，口感好煙靭😋叉燒唔係簿簿一片片既，係類肉豚角煮（東坡肉）咁，肥美之餘又唔會食到成口油～～ 半熟玉子好夠味，如果唔夠仲可以追加～…查看更多

祝大家人日快樂～～ 限聚令下～索性留在家同屋企人渡過「人日」～我特登去左K11 買左個彩色繽紛既蛋糕返屋企同屋企人一齊慶祝大家的生日🎂店員提醒，要盡快拎返屋企放係雪櫃～點解會簡個七色彩虹蛋糕？因為覺得彩虹🌈係開心快樂既寓意，希望人人疫情快走、咁就真係好似見到彩虹咁開心😃 今次簡左呢個名為「Rainbow at Dawn 」既美美粉紅蛋糕🍰士多啤梨牛油蛋糕，入面放左乳酪mousse, 比一般蛋糕既Mousse 醬滑，用黃桃同果茸做夾心～酸酸的，不過口味非常清新～ 岩哂唔食甜既媽咪。…查看更多

支持小店 ｜健康 ｜營養 ｜有機 ｜健身______________________________集合膳食+健身 的 餐廳（健身中心暫時關閉直到政府放寬）餐廳以Cafe 同健康餐單為主，裝修簡潔得黎又夠Chill~ Open kitchen 的設計下，就足以證明餐廳對自己的信心有多大。原來一份看似簡單的沙律，已經有哂均衞既營養～ 就算是麵包也是堅持選用 #手工酸種麵包🥯 營養豐富之餘，絕無人造添加物。烹煮方面，亦堅持少鹽少油，但不失香咪，再配合自家製健康醬汁調味～▫️三文魚扒五穀酸種包 ▫️青醬堅果蝦仁長通粉▫️甜椒粉磨菇雞肉長通粉*套餐：脫脂奶甘荀薑湯/紅菜頭乳酪水果沙律💬總結：經過幾日大魚大肉，每日都覺得好攰，但今日食完呢份健康餐，估唔到成個人好似叉足電咁😎 …查看更多

香港其實真係好多工廈餐廳都好有心做！平時都真係唔識去，多數都係朋友帶路。今晚我又非常好彩，仲要趕在6點無堂食前一晚食到。餐廳係工廈入面，走到最盡頭（第一次可能真係會行過龍）事緣朋友火炭附近住，佢幫襯開呢間華耀冰室，食物同價錢抵外，就係餐廳充滿人情味～員工事頭都好有善。本來其實打算食碟頭飯，竟然見到有一人前火鍋🍲仲要個價錢抵到喊…最平$59已經食到🥺🥺 配菜仲有生菜、金菇、冬菇、炸魚皮、南瓜、豆腐，再配米線/米粉/出前一丁。真係益街坊價！我同朋友各叫左自己喜歡既湯底，麻辣同沙嗲～朋友就簡左滑雞，我就簡左豚肉～當然最後share食😛 另外今日lucky地，送左一客醬爆牛丸我地食～呢個牛丸真係超好味。「特級豚肉」又係推薦，食落好滑，我地以為食緊魚，真係好想知啲豬肉係點整～ 雞件都幾多下。總之呢餐真係超滿足之餘，埋單時都真係總諗緊：真係咁平？離開時，店員都會講「下次再來，bye bye」。 終於明白點解我朋友話成日來幫襯呢間冰室。😋…查看更多

呢間居酒屋木系裝修超靚，入到去好有溫暖感～ 餐廳仲有每日活魚直送～想食活魚刺身既朋友，千祈唔好錯過。屯馬線開通後，我多左出沒九龍城一帶～超方便😻先叫左客▫️雜錦刺身沙律🥗 魚生好鮮，沙律汁調較得唔錯～佢為第一道refreshment 係唔錯既～▫️蟹粉豆腐呢個要推介～好香好香既蟹味，食落聞到蟹殼香（估計是蟹殼煲湯再用Dashi 煮汁）（錯左唔好鬧我，我估架咋😹）配▫️鵝肝壽司又係最愛，真心好想order 多一份。幾欣賞佢地既醋飯，溫度keep得唔錯👍之後就叫左幾客串燒！其中一款係店員推薦！真心未食過～就係用鳳爪掌心（肉球）的串燒😍😍 口感好似食雞軟骨咁～用汁燒處理。（唔知下次可唔可以試下鹽燒呢？）青椒仔夾埋木魚花一齊食，真係想叫返杯啤酒飲（可惜今晚要做柴可夫）厚燒牛舌同鹽燒雞翼亦係水準之上。最後最後～ 當然係海膽蟹肉炒飯😻😻 記得要撈勻哂海膽先食呀～餐廳位唔多，但椅桌之間好闊落，坐得好舒服。另外見到有一間private room (目測坐到6-8位）…查看更多

呢間容記小菜王，係太子道西近大角咀，平時行經見到大大間，見到係米芝蓮推薦餐廳，一早已經bookmark 左。今日就同男友來吃。門面超大，遠距離已經望到～屋企平時少煲湯，見一盅湯都係$48～日淮山杞子燉螺頭湯：清甜，熱辣辣，非常足料～瘦肉都比幾多下😍龍躉花甲煲$238：好嘢味，夠香，有鮮甜既花甲～價錢有呢個水準同味道，真係要比多個Good!鐘意食魚頭既我，食到停唔到口😋海鮮濃湯雜菜煲$108 ： 有小元貝、珊瑚蚌、蝦。擺左好耐都仲熱。蔬菜都好新鮮。成餐飯由叫人落單到上菜，都好順暢～ 唔需要等太耐。…查看更多

行經旺角，見到呢間地庫的韓國燒肉店，一直以為得尖沙咀先有。見午市套餐都幾抵食，就去左幫襯。今日係平日，餐廳客人唔算多，不過餐廳就好大。見到午市都有人食燒肉。不過我同男友決定叫套餐客飯。午市套餐都會跟前菜，佢地既泡菜都幾辣下。但非常好食。▫️海鮮豆腐鍋基本是我的最愛，好似每次食韓餐都會點一份。呢個餐跟飯，同汽水～ 豆腐鍋既湯好惹味！仲有蜆仔tim.▫️石鍋烤牛肉同樣是跟飯，另配汽水～ 烤牛肉既汁撈飯一流～…查看更多

今日屋企有人生日，大家心血來潮話要食生蠔～呢間蠔灣早前已食過一次堂食📓除左堂食外，仲做埋送貨服務～無論堂食、外賣都一樣咁新鮮～ 今次既外賣生蠔🦪同海膽，屋企人讚不絕口😋😋 賣單都係$1300______________________________上網搵到呢間蠔吧可以叫外賣～多款時令生蠔，開埋比你返屋企慢慢嘆！仲有好多唔同產地既海鮮🦞加拿大海膽❤️ 西班牙紅蝦❤️今次叫左2打海膽，共4款，每款6隻～ 打開一刻屋企人都嘩左出來～排列得靚靚仔仔～用檸檬🍋擺位分辨邊款打邊款～▫️Tia Maraa: 食落脹卜卜就知幾飽滿～ 非常爽口～鮮甜味足😻▫️ lambert :礦物味十足，肉質結質～聞落仲好香▫️ la perle noire ：呢款黑形珠，果然是我最愛～味道清香礦物味十足～海水味濃👍▫️Gillardeau: 肉質彈性肥厚，食後味道能長留在口中～是最有層次味的一款。▫️加拿大海膽：味道濃厚，不用加半點醬油，建議加少少🤏海鹽在海膽面頭～風味更佳更鮮甜！估唔到2打生蠔送到黎屋企，都仲可以靚靚仔仔，真係可以拍得住酒店/Fine dining 質數✨日後係屋企開P或突然想食，都可以好方便🌟…查看更多

呢間鋪頭細細，不過菜單款色都幾多，無論係萬惡的鮮油烤包，叻沙，馬來拉茶，還有肉骨茶～▫️南洋鮮油燒麵包$34厚厚的鮮牛油🧈令人無法抗拒，烤麵包脆脆，食落有朱古力香～伽央份量均勻，唔會甜過龍～▫️娘惹叻沙$68Woo, 平時唔鐘太喜歡叻沙，估唔到呢間既出品，賣相已經吸引到我😍 材料很豐富！特別個麵底，有口感之餘，仲好彈牙～推薦！！▫️怡保芽菜雞黃薑飯$68見到寫住係招牌，就order 左一份～ 雞肉好滑，唔夠味既，可自行添加醬汁😋😋▫️桔仔話梅水$25解渴一流～ 大大杯幾抵飲。▫️熱拉茶$18拉茶夠香夠滑：） 無需額外加糖～▫️肉骨茶 （細骨）$78好細心，會用蠟燭在底部熱住，肉骨茶一定要熱辣辣飲先唔會膩，咁就可以飲多幾碗～（唔夠飲可以叫店員再加呢～不用加錢的～）…查看更多

今日多得同事推介，先識黎呢度食。話說今日唔算肚餓，但又好想食辣。同事話呢間烏蠅館，類似車仔都咁叫法，可以簡淨餸。我就自己圈左淨餸底，6走餸都係$50，野飲加$10。呢度既冒菜好多我都未食過，亦未聽過。今次就叫左淮山，萵筍，海帶結，娃娃菜，金菇同埋芋絲😻 配麻辣湯（BB辣）個湯真係好好飲，幾乎飲哂～配餸亦都好入味，特別係淮山同芋絲。野飲玫瑰蜂蜜都可以，我就覺得唔夠甜。…查看更多

真係好幾年無食過沙嗲王了。今日一個人，悶悶地，突然好掛住佢地個蟹粉豆腐煲😽 餐廳擺位原變，一個人坐自閉位。QR自助落單唔駛舉手舉到攰～呢個蟹粉豆腐煲真係好鬼好食，配一碗白飯真係無敵。再加埋印度薄餅，咁就真係滿足哂。估唔到熱既珍珠奶茶原來都好好飲😼…查看更多