oli_kei的个人专页

上次行街發現有間貴價版既燒肉like , 見到午餐menu 好似幾抵食，所以就book 左星期日黎試下環境都幾闊落，可以坐得舒舒服服咁食，自己用QR code 點餐，我地叫左3個餐：黑毛和牛大批燒拼牛板鍵$258牛舌餐 $128再加$98 叫左份和牛腹小排呢兩個餐都包沙律、前菜、餐湯、白飯、汽水、甜品最後叫冷麵餐$88冷麵餐就冇跟餐湯，其他都包埋！ 佢擺定舊肥膏俾你地一陣擦下個爐，上菜都幾快，感覺好豐富，要試下味道先。個沙律好味，但個前菜麻麻地呢個冷麵餐其實係物超所值，太耐冇去韓國好掛住食冷麵，特別係燒下肉時食啖冷麵係好正，佢味道唔太酸，岩岩好，好鍾意呢個麵…查看更多

成日見到啲泡芙咁吸引，但都冇試過，因為價錢都有少少貴….但上次係公司食過一次之後覺得都真係幾好味，所以今日就買個返去獎勵自己。揀咗焦糖布甸味，我好鍾意食布甸，又有啲焦糖可以咬下，成個泡芙唔係好甜，食完邪惡感都少啲，不過個泡芙皮就稔咗啲唔夠脆！ 間唔中買一次，試下不同口味，我都覺得滿足:):)…查看更多

次次經過燒肉like 都係好多人，上次攞完飛要等200張枱，好誇張…..今日決定早啲去攞，雖然都要等成個鐘，不過最後都食到…..等既時候已經諗定要食咩….入到去都一人會有一個燒烤爐我地叫左一人一個餐，見到牛五花100g $48 覺得點都要試下，跟餐既飯就加錢轉紫菜溫泉蛋飯，再加多碟雞髀肉,配泡菜第二個餐就叫左牛小排配牛板鍵，跟沙律同埋轉溫泉蛋飯係度燒烤，相信冇煮野食經驗既人都會handle 度，燒完配自己鐘意既醬汁食，成件事好開心同滿足個雞肉幾好味，牛五花就一定係肥啲，但薄薄地送飯食都唔錯，食完其喺都會聞到有陣燒烤味，但整體性價比幾高，可以過下口癮同手癮，所以下次會再黎食過！…查看更多

前幾日下就經過見到好多人，入去舖頭望吓聽到啲店員會同顧客介紹下仲有啲咩口味，daily special 又係咩口味，服務好似幾好但咁樣真係有排等，所以都冇買到～今晚放工再經過，見到冇乜人，仲有就係個店員話仲有幾分鐘就會出爐，所以今日決定買來試吓買左2個伯爵茶同1個綠茶，熱辣辣，新鮮出爐，承為$30 夜晚都會有人排隊買（但少人同快啲），同埋咁夜都仲會新鮮出爐，真係覺得如果夜晚仲係銅鑼灣嘅，晏晝唔使花咁多時間排隊買…..好快就食咗個伯爵茶，叫佢分開用袋裝，係軟林林，有咬口，味道整體都唔差，但值唔值$10一個就見仁見智食完未有好吸引我…..我應該試過一次就算啦⋯⋯…查看更多

放工約朋友去九龍城食下泰國菜，一早book左枱，去到既時間尚早，得幾枱，走既時間已經滿座…我地叫左幾個餸，串燒，芥蘭，黃咖喱雞配蒜蓉包，蠔餅煎蛋，芒果冰條芥蘭好快黎到，炒得都唔錯～跟住係蠔餅煎蛋，呢隻口感太濕，同平時食開啲乾身唔同，我麻麻地串燒都燒得唔錯，唔算好鞋，都夠味！反而黃咖喱就係有驚喜啦，配蒜蓉包好好味， 蒜蓉包又熱又脆，黃咖喱個汁好正但薯仔就硬咗啲朋友叫做杯芒果冰，飲左啖，芒果味好濃！好飲整體來講，價錢唔算貴，食物同服務還好～…查看更多

呢間爆谷店.越開越多，經過親都聞到香噴噴，最後忍唔住買咗一包爆谷黎試下，我揀咗兩種口味！我揀咗朱古力同埋芝士味，又甜又鹹，好過癮朱古力味非常好味，芝士味就似食緊芝士波波零食咁😂😂2隻爆谷其實都好夠味，不過食開甜嘢既我，都係會鍾意食朱古力味多啲，一開左2個人就一直食，食到停唔到口，有啲大大粒食落好開心，好脆口好正！下次可以試下其他口味食下食下，唔覺唔覺，一望得番咁少側面有個夾俾你食唔晒就夾返好，等啲爆谷冇咁快淋！下次要買包大既先夠過口癮…查看更多

今日去試下羲和雅苑片皮鴨太耐冇食過片皮鴨啦….好期待我地坐卡位，成間餐廳都幾靜，可以慢慢食同傾計！我地叫左一個炒飯，蠔餅松露煎蛋，小肉餅同埋半隻片皮鴨松露蠔仔蛋太濕，唔夠乾身脆，但味道係唔錯，炒飯就炒得夠乾身，但整體配料都較少！跟住就到今日既主角—片皮鴨出場職員都有介紹每碟可以用咩配料，醬汁會夾啲，但我地最後都係自由配搭就算，爆炸糖同藍莓醬我覺得普普通通啦，冇話非常特別，個鴨皮係幾香口嘅，頭個2，3塊，但再食多啲就感覺到油膩我地再叫左個小肉餅， 中間嗰支棍仔係有喼汁俾你點落去嘅，食落去都香口，好似餃子咁，最後叫埋個薑汁紅棗桃膠唔好食,薑汁味太重好辣，嗰個份量好細，但入邊太多紅棗，想用匙羹飲一兩啖糖水都好困難，羹羹都有紅棗。環境係舒適，但食物可以再好啲！…查看更多

之前行過見到呢間蛋糕店既佈置好夢幻好吸引，今日終於可以黎試吓佢既無麩質蛋糕，我地去到既時間都成5點，加上平日所以冇乜人，好清靜叫左兩件蛋糕同兩杯飲品，蛋糕就揀咗玫瑰荔枝同埋雙重朱古力味！一開頭食兩件蛋糕都有驚喜，食到最後玫瑰荔枝都仲係好好味，好fresh,而朱古力因為係有榛子同朱古力兩種，味道有啲似食緊金沙榛子朱古力，食到一半開始就覺得係有啲啲漏，但係個質感就比起玫瑰荔枝冇咁乾身，我諗因為中間有好多朱古力醬！ 飲品就係一壺熱茶lemon and ginger 同埋一杯凍嘅莓茶，兩款都唔錯！個人鍾意杯cranberry and raspberry 凍飲多啲整體而言，我第一次食無麩質蛋糕，感覺都唔錯，覺得幾好味，下次可以再試吓其他味道嘅蛋糕,好似earl grey同埋黑芝麻都想試！…查看更多

今日同屋企人去幸匠燒食lunch ，好彩有預約，呢排有海港城coupons ,間間餐廳都好多人！ 我哋坐嘅位都非常好，望住個海食晏，真係幾舒服，同埋會落簾，等食客都可以有啲私隱傾偈，呢樣非常加分！叫完3個午餐，好快就有帆立貝沙律，呢個沙律同埋帆立貝好新鮮，醬汁配搭好好味，提升食慾，幾開胃👍🏻👍🏻第一個係燴牛舌，牛舌好淋，都入味，值得一提係個飯有紫菜同埋有隻蛋，攪拌完一齊食好好味第二個係華之盛，大多數都係雞肉，燒得唔錯，個燒菇再加啲木魚好好味！ 最後係幸之盛，整體還好，冇想像中咁好味串和牛舌有啲un我哋再加多個海之盛同埋芝士年糕，海之盛有燒帶子，蠔同埋蝦，年糕就同我想像有啲出入，唔係咁煙煙韌韌嘅！今餐我哋用coupon，食得真係好滿足，服務態度都好友善，會經常主動斟茶，今次既午餐屬於物超所值！ ☺️☺️☺️…查看更多

尋日做完野,經過去完海港城醒起有兩張coupon ,就去venchi 買啲朱古力，之前食過幾款減糖70%都唔錯，今次都回購番少少番去俾呀媽食下。今次仲買左幾款唔同既開心果朱古力，同埋tiramisu ,matcha，有隻鹽味既…好似好吸引，食左粒tiramisu 同matcha ,好好味呀好濃既tiramisu ,matcha 不嬲都係我杯茶呢包朱古力應該1，2日就會可以K.O哂有coupon 減左$100，大約$140 食起上黎都特別開心又滿足…查看更多

經過海港城見到好多人排隊，原來買緊gelato見到買200g 可以揀4種味，試左2隻味，覺得好味，一於買黎試下揀左開心果、朱古力、tiramisu同Mandarin，職員好熟手咁整好左杯雪糕，正！我一直都好鐘意開心果味雪糕，而呢個gelato亦都整得好好味，唔會太甜，啱啱好朱古力味食到係好濃，雖然係減左糖，但個朱古力味仲係好出，用料應該真係唔錯！tiramisu相對上就冇咁特別，但都係好味！！最驚喜既係Mandarin(柑橘味)，本身有諗過只會好似雪葩咁清新，以為冇咩味，但呢個gelato既柑橘味係好好味，除左好refreshing之外，柑橘味都好濃，食一啖可以中和番其他比較甜既口味！下次有機會會想試埋奶油味，試過都幾好，不過一定要再食多次柑橘味…查看更多

早前和朋友慶祝生日，特意book左呢間二人下午茶，可以望住個海景嘆下tea個無敵海景真係好舒服！！先講下服務，因為我地坐左係室外，有時職員可能會忽略左，所以如果有野要搵職員都要等耐少少，不過服務都算唔錯。食物方面，望落個賣相唔錯，同埋食物種類都ok。有海鮮、麵包、甜品，好興奮咁諗住開餐，點知……食第一啖生蠔……errrr...ummmm..唔新鮮，一啖都唔想吞落去生蠔唔得就寄望甜品會好d啦，但連甜品麵包都麻麻地。前面既意式甜甜圈冇咩特別，後面既燒龍蝦尾唔好食，好乾。本身唔係好鍾意鵝肝醬，所以鵝肝醬伴麵包及黑醋就冇試到，但朋友話味道都怪怪地。煙三文魚三文治就普普通通，正常既。開心果奶凍就冇咩開心果味，其他鮮果撻、芝士蛋糕就味道一般，不過不失價錢包2杯野飲，叫左2杯cocktail，飲品都ok.我覺得咁既價錢可以食更高質素的下午茶set....應該唔會有第二次。…查看更多

今日放假同媽媽去九龍城行下，見到呢間糖水舖岩岩開舖，店面整潔，同埋冇咁多人，所以就入去食碗糖水開心下媽媽叫左傳統既芝麻糊，我就俾佢餐牌好多新式甜品吸引住，最後叫左碗芒果樂園！一黎到就覺得好正，入面又有雪糕、布丁、芒果、西米、仲有啲有咬口既啫喱，我每啖都食到唔同既口感，覺得好滿足再加上價錢超值，我覺得cp值好高媽媽碗芝麻糊佢話都唔錯，但佢見到我個碗都忍唔住食左幾啖，哈哈，下次再去食都要試下食佢地新式既甜品…查看更多

放工經過Godiva, 買左milk chocolate pretzels 同matcha green tea milk chocolate 食下，獎勵下自己努力返工上次食過dark chocolate pretzels 已經好鍾意，食落少少甜又咸咸地，今次milk chocolate 係甜多少少，一樣咁好味，拎上手細細塊，真係會食唔停！ 至於matcha chocolate,食落係軟心既抹茶朱古力，但我就覺得matcha 味唔夠濃… 2樣貨同樣價錢，我下次都係會淨買pretzels 就夠啦…查看更多

放假最好係訓到夠晒就約朋友去食tea,知道荃灣sensu tea set 做緊優惠，前一日係openrice 度book定！ 準時3點去到，等緊既時候已經諗住要飲咩，好多都好吸引，好想試，諗住飲紫薯latte ，點知冇哂，最後叫左藍蝶花latte … 見到附近既枱都係叫tea set ,除左個tea set,因為太耐冇食小丸子，我地叫多左個章魚丸小食…..6粒熱辣辣小丸子，整體唔錯，如果多啲醬會更好！我覺得隻炸蝦麻麻地，反而牛油果多士好味😝甜點方面，中規中矩，冇話特別難忘，但亦都唔難食或食落古怪，呢個價錢食到呢個tea set cp值中高最鍾意反而係杯飲品，加$24轉做特飲，正確選擇！ …查看更多