Ocean FoodAndDrink的个人专页

新永成茶檔早排同屋企人下午茶時間去咗觀塘搵食，行行下入咗去東廣場，睇下有冇乜輕食，經過咗一間叫新永成茶檔，有唔少人坐咗喺度，大部份人都叫咗件厚西多食，我當然照樣跟風啦！叫咗個厚西多再配杯熱咖啡。厚西多賣相幾吸引，食落都幾好味，但係價錢就感覺偏貴； 而家啡就比較（鞋）唔係咁好味。…查看更多

Uncle 4今日中午同同事喺尖沙咀搵食，第一次跟咗人去漆咸道南69號閣樓嘅uncle four度食，門口唔係咁顯眼。上到去睇下餐牌，種類繁多，款式都好吸引，我最後揀咗個 *芝士咖哩焗雞扒飯* 再配一杯凍奶茶飲；店舖好好，會送上青紅蘿蔔湯，應該都冇點落調味料，十分清甜，而杯奶茶亦都有傳統茶餐廳嘅香味，只是略嫌淡咗一啲；焗飯等咗大概十分鐘，大大碗好有質素，芝士咖哩令到啲飯亦都有啲漿口嘅感覺，好香濃，下次可以再試試！…查看更多

每次去開油尖旺區食晚飯，都忍唔住揸車去油麻地文蔚街嘅糖坊甜品食糖水！食咗幾年都唔厭，每次指定動作就係叫個芒果河粉同埋宇治金時！芒果河粉大大碗，河粉做到好有咬口，芒果亦都好鮮甜！仲配上即磿芒果汁，成碗都好吸引；宇治金時，充滿濃郁既綠茶味道，同埋綠茶雪糕亦都好香， 絕對唔係用埋啲低級貨！ 再配上新鮮嘅紅豆，淋係綠茶沙冰上面，食完個口仲殘餘著好香濃嘅紅豆綠茶味道😋已經試過無數次帶朋友去，大家都讚好，表示下次要繼續去！…查看更多

年近歲晚，梗係要同屋企人出去辦年貨，shopping啦！最近走咗去東港城，知道佢有唔同嘅攤位遊戲可以畀小朋友玩，阿仔玩咗 一陣之後，我哋就喺東港城入面搵食 。最後揀咗之前有朋友介紹過嘅Nene chicken， 但係食雞又會覺得太飽，最後揀咗個芝士炒年糕拌拉麵，同埋芝士泡菜炒飯。炒飯嚟到， 賣相都幾吸引，見到有 炒蛋圍著中間嘅炒飯，飯返上面亦都有好濃郁嘅芝士，啱曬我哋啲芝士愛好者。之後就嚟埋個芝士炒年糕拌拉麵， 原來兩樣嘢係一齊上，撈埋一碟，估唔到芝士炒年糕比起炒飯會更加辣！只不過公仔麵索曬啲芝士同埋泡菜嘅味道，好香好濃味…查看更多

話說喺尖沙嘴都已經試過唔同種類嘅餐廳，包括：韓國菜～火鍋～西餐～中餐等等。我就叫咗老婆去搵啲特別啲嘅食物，佢最後就揀咗呢間*雲南阿老表黑山羊米線 來試試。我掙扎咗好耐，最後揀咗一個羊肉飯嚟食，佢嘅飯同埋羊肉係分開上嘅，不過可能比較少人食飯 飯，煮得無咁靚， 一pat pat咁嘅樣； 羊肉方面煮得都幾淋，只不過對於我呢個羊肉愛好者黎講，羊味唔夠豐富，我哋最熱愛嘅就係羊嗰陣騷味，但係51蚊有咁大碟飯都算抵食既。…查看更多

喺銅鑼灣蘭芳道見到一間賣點心嘅鋪頭。門面都十分吸引，叫做籠太子點心專門店，入去點咗五道菜。包括：黃金流沙包～鮮蝦膠釀茄子～多汁小籠包～皮蛋牛肉腸粉～同埋精選老火湯。等食嘅時間呢比一般嘅點心舖頭長，令人有十分期待嘅感覺，可惜黃金流沙包比一般酒樓嘅差，入面唔夠多流心同埋無左好香嘅奶皇味，鮮蝦膠釀茄子嘅茄子皮好難咬斷多汁小籠包係冇乜汁嘅；最突出係個精選老火湯！係一個滾西洋菜嘅水。。冇乜味道！不過喺銅鑼灣食到呢個價錢嘅食物， 亦都冇乜十分高嘅要求了…查看更多

前日同朋友喺九龍灣踢完足球之後，諗住喺附近搵食，只不過佢哋又揸咗幾架私家車。當然要搵過有免費泊車嘅地方啦！原來荷里活廣場成日有唔同嘅停車優惠，今次只需要喺reception show到一張揮春嘅相片，已經有免費三個鐘。最後我哋揀咗喺荷里活廣場入面食*hoko Farm*！見到個餐牌，最後揀咗 自家製手打香草肉丸鮮茄燴意粉， 諗住會比較開胃同埋唔會太heavy。首先畀咗每人一舊麵包醫住肚先，麵包都唔錯，鬆軟好味。 個主菜嚟到之後，當然試下去 自家製嘅手打肉丸啦！只不過一拮落去已經有啲好唔實在嘅感覺，肉丸整得唔夠實淨，咬落去嘅感覺好似咬咗一堆爛肉咁，雖然番茄汁配意粉都好味。…查看更多

早兩日去咗觀塘物華街度搵食見到好多唔同嘅舖仔，都幾特色。只不過想搵個寬敞少少嘅地方，最後行到去海皇粥店，就入咗去喇！坐低嘅時候見到檯面都未抹乾淨，細心睇下個餐牌，最後揀咗個蕃茄雞扒烏冬，同埋一個碎牛粥拼蒸蘿蔔糕嘅餐嚟食。蕃茄雞扒烏冬個湯底都濃郁，只不過雞扒得兩小塊好唔抵食； 碎牛粥底都算正常，只不過蒸蘿蔔糕就唔夠熱辣喇。等食嘅時候望一望過環境，除咗枱面污糟之外，周地都係垃圾，衛生情況十之十分之惡劣， 估唔到呢間舖仔至少都有六名員工，都可以咁dirty，下次都唔會考慮！…查看更多

早排夜晚收工之後，同同事喺尖沙咀搵食。由於中午嘅時候食得太飽，所以諗住搵啲輕食，醫飽個肚就夠！但係尖沙咀實在太heavy， 最後喺厚福街9號揀咗～雲桂香～落到去揀咗個 涼拌紅薯粉 再加*豬軟骨 同埋*肉燥 ，仲揀多杯凍檸檬茶。喺咁熱鬧嘅地區，呢間鋪頭喺地庫比較少人，空間感亦都足夠。估唔到涼拌紅薯粉嘅中辣亦都可以咁辣！！辣到咀唇都腫埋。。。味道還不俗，正正常常，辣味夠香，豬軟骨啖啖肉，亦都煮得夠淋，如果下次唔揀咁難就更加好喇！…查看更多

今朝遲到唔夠時間食早餐，同事就話帶我去食得飽啲。 山長水遠走咗去食牛魔，入到去環境唔錯，又夠寬敞，我哋一行八個人仲有房畀我哋坐。我點咗個 慢煮牛肋骨餐，點完之後佢好快就送上前菜，有青瓜～芽菜～泡菜～沙律同埋麵豉湯。食完等咗十分鐘左右，個主菜終於到喇！果然不愧為牛魔！佢嘅牛肋骨煮到好淋好香，仲好大碗添，配有珍珠飯，特製醬汁讓人十分開胃，食到最後已經有好飽嘅感覺，但係都為免浪費，將所有牛肋骨痛吞曬落肚好想下次去試埋佢唔同種類嘅 set lunch添！…查看更多

往往中午喺尖沙咀食完lunch之後，都好似爭緊啲嘢未夠完美我平時就好鍾意買番杯珍珠奶茶飲，今次同事介紹咗我去一個神秘嘅角落，買杯特色嘅飲品。去到一個唔顯眼嘅地方，就見到呢間善茶，個menu都幾吸引我，有港式嘅鴛鴦。奶茶。咖啡，仲可以配有珍珠，我二話不說就選擇咗飲鴛鴦珍珠。講下佢個味道：都有港式茶餐廳鴛鴦味，可惜將茶吞咗落肚之後，個口會有少少（鞋鞋）地嘅感覺，茶唔夠滑，有少少失色，但係呢啲小舖做到咁嘅效果，已經唔錯喇！都會再返去嘗試另外嘅款式…查看更多

早排去咗屯門探朋友，經佢介紹之後走咗去紅橋搵食，聽講有唔同種類嘅餐廳：有cafe～有魚蛋粉面～有茶餐廳～亦都有拉麵等等。之前想食米線，但係嗰日肚餓得滯就揀咗間餐廳，叫做 金銘潮州粉麵，入面有幾個唔同嘅快餐，見到個梅菜扣肉飯好似好吸引，諗住一定可以醫飽個肚！但係黎到之後令我大吃一驚。。。入面嘅梅菜已經佔成個碗嘅份量，所謂嘅扣肉，等同米線入面嘅腩肉，薄薄地一塊塊，仲要得五塊。另外叫咗杯凍奶茶少甜少冰，諗住可以試到餐廳入面真正嘅茶味，但可惜杯凍奶茶係乜嘢味道都無，好難飲，我發誓以後都唔會再去喇…查看更多

話說小弟走遍香港十八區任何一個地方，都努力搵好食嘅芋圓！唔知點解會上咗癮自從喺青海圍食咗間好難食嘅芋圓之後，第二日就要去返人生最好味嘅芋圓， 當做洗走之前口入面嘅味道。位置喺龍門居，間舖頭叫做 摩登士丹尼，舖頭個招牌都幾有特色架，入面嘅芋圓價錢比其他店舖平十多蚊，但係份量亦都比人多成倍。不得不介紹食咗過十次嘅*芋圓一號*，入面有唔同種類嘅芋圓。蕃薯圓等等，仲要加埋紅豆同埋珍珠，芋圓嘅軟硬度適中，味道亦都唔會太甜。…查看更多

就嚟過年喇！咁啱同屋企人出咗觀塘 駱駝漆大廈搵嘢買，順便買下啲賀年食品。 經過咗東廣場，發現入面有間四季餅店， 除咗西餐。小食。沙律之外，有曲奇餅賣。曲奇有五個唔同嘅款式，最後揀咗一個三款雜錦嘅牛油曲奇，分別有牛油原味。咖啡同埋朱古力味。返到屋企女友已經係咁食，食曬我啲曲奇餅。。。 仲話要快啲再買，曲奇入口即溶，十分鬆化，但係嫌佢嘅咖啡同朱古力味唔夠濃郁，總括而言都係一隻幾好味嘅曲奇餅。價錢大概168百蚊盒，有25至28塊，抵唔抵食就見仁見智啦…查看更多

人生感恩係呢間公司識到班好為食，好識周圍搵食嘅好同事，每個中午都會幫我揀好唔同嘅特色餐廳。今次帶咗我去厚福街10號地下嘅鉄火堂日本魚生飯，一去到會被張點菜紙你選擇唔同嘅魚生，五味魚生都只係69蚊，配有白飯。當你點完可以交畀侍應，喺門口排隊，排到你之後就好快可以有得食喇！今次我點咗五樣魚生，包括：油甘魚劍魚腩～三文魚籽～蟹膏同埋帶子。 所有魚生都非常新鮮，蟹膏亦都將整碗飯嘅味道帶起咗！劍魚腩入口即溶嘅感覺令人十分回味，珍珠米十分香口，下星期一定再嚟食！…查看更多