chrisevans的个人专页

荃灣西鐵站附近有一間食石版燒牛肉，我朋友好鍾意去嗰度食，因為牛肉質素好好，價錢又唔貴，性價比非常高。餐廳位置好方便，由西鐵站行去大概10分鐘左右就到，食完仲可以去隔離個商場行吓，非常方便。腹心肉200g餐廳會將牛扒煎到一成熟左右，就會上菜，自己在煎到自己喜歡既生熟度。腹心肉係推介之選，肉質好林，但非常之有肉味，喺石版煎嘅時候非常之香，油脂分布好平均，入口好香口。+$32 升級套餐：汽水/飯/ 湯/ 沙律/ 薯條 任揀3 款呢個套餐非常之抵，我揀咗汽水飯同埋沙律，再可以+$12 升級紫菜溫泉蛋飯，溫泉蛋好香滑，用咗日本蛋，撈埋飯同埋牛扒，非常之好食牛県燒肉海膽丼餐廳除咗有石版燒之外，仲有丼飯，燒肉燒到啱啱好，海膽非常之鮮甜，呢個係一個非常高質嘅丼飯。串燒牛舌牛舌好香，油花好足，入口好味，讚總體非常滿意呢間餐廳，服務一流，而且食物質素非常之高，價錢又唔貴，一定係翻食之選…查看更多

附近最近新開左間日本餐廳，我最喜歡試新嘢，今日終於有機會上黎試試。餐廳採用日式居酒屋設計，全店擺滿日本清酒同Whiskey，相信係收工飯聚好地方。放飯時間午市定食有好幾款選擇，餐廳推薦佢哋採用高級新鮮食材，同時供應幾間米芝連餐廳，一於揀居酒屋既靈魂壽司黎食。醉忘精選10貫壽司配烏冬 $198呢份午餐有齊壽司、前菜、沙律、味噌湯仲有烏冬。份量十足之餘而且賣相相當吸睛，男士一樣夠晒飽。野菜沙律非常醒胃，沙律菜新鮮，當中有我喜歡的牛油菜。前菜係帶子群邊，口感非常爽，加上微辣感覺更冶味。壽司就最容易睇到師傅既刀工，呢份10貫壽司就睇得一清二楚。拖羅係非常鮮味，肉質幼嫩，肥美均勻，入口即溶。油甘魚鮮甜味美，盡顯師傅刀工，厚薄均勻之外仲有錭花紋，油脂跟壽司飯的醋味是很要好的朋友，是我推介的項目，沒有之一。金目鯛魚壽司連上側邊的魚皮，顏色鮮艷，口感爽脆中帶點煙靭。烏冬簡單配上海帶已經相當好味，天然味道連調味料都唔需要落呀。…查看更多

尖沙咀厚福街一向都有好多美食，但係燒烤店就選擇唔多，呢一間位於H8大廈嘅燒烤店，去完之後，值得推介。餐廳雖然店面不大，但座位坐得舒服，好啱一大班朋友嚟Happy hour, 仲有多款啤酒，食串燒梗係要飲啤酒啦。每一張枱都會有一個暖爐，爐下面用明火亂住未食嘅串燒，令到每一串串燒都可以保持適當嘅溫度，可以保持食物嘅質素。燒扇貝好好食，燒到唔會好乾，保持住扇貝嘅汁，亦都保持住扇貝嘅鮮味，好值得點。燒茄子係我每次食串燒都會點，茄子燒杜啱啱好，味道又唔會太辣燒粟米好得意，每一粒嘅粟米都串住咗，好有心機呢個燒尖椒又唔係好辣，啱晒唔係食得好辣嘅我燒雞翼係串燒必點之選，雞翼唔算好辣，燒到個皮好脆，好好味本人非常推介呢間餐廳，平日夜晚唔算太多人，同一班同事放工過嚟食就啱晒…查看更多

有一個好朋友搬咗去天水圍某個屋苑，屋企附近有一間日本菜幾好食，今日去完朋友屋企打麻雀之後，朋友就帶我地去食嗰間日本菜。店內裝修好有特色風味，而且服務員好有禮貌，亦都可介紹好多不同菜式俾我哋，我哋揀咗以下幾款：串燒雞胸軟骨雞胸軟骨比起一般雞軟骨好食好多，雞胸軟骨外面燒到好香脆，每一件都非常之有咬口，加上少少海鹽調味，提升雞軟骨嘅味道，好正薄燒牛舌心牛舌心既位置比普通牛舌靚，所以食落口感同肉汁都較好，一片片嘅牛舌心，非常爽口多汁，燒到啱啱好，廚師亦花咗好多心思串埋一齊，呢個牛舌好友驚喜，一定要點嚟試吓牛油果軟殼蟹卷軟殼蟹一咬落非常之香脆，仲熱辣辣，又一d都唔腥，加上蟹籽，好有口感，又香口，又鮮味，加上牛油果，味道非常之配合蟹籽軍艦蟹籽粒粒晶瑩剔透，一望就知非常新鮮，紫菜好脆，蟹籽又多又有囗感，好喜歡呢道軍艦北海道白粟米今日廚師特別推介，白栗米切開冰鎮，最適合做飯後甜品，又健康，又好味，白粟米又清甜又多汁，凍食涼透心，夏天必食健康甜品! 餐廳食物整體質素非常高，而且服務很好，店員效率高，又有禮貌，環境又好舒服，非常推介，一定要再去！…查看更多

最近又開始約朋友出黎食飯, 最豐盛當然係食放題啦!! 今晚選擇大喜屋, 自開店到宜家, 幾年都keep住人氣, 每晚近兩個放題時段, 總會排住長長人龍等位安排入座 (就算book左位都要排啊)。餐廳內面積算大, 座位standard唔算好迫。order已經唔再用紙落單，一掃QR code全程係手機落單，超方便又環保，野飲方面款式多, 以罐裝汽水、果汁為主, 另有清酒、梅酒飲品、熱飲都有供應。刺身款式亦不少, 以冰墊底, 排得整齊上檯, 魚類刺身均為厚切, order幾多, 份量都比足! 壽司有軍艦、火灸壽司、手卷、卷物，款款都具特色，的的色色，一啖入口，食多幾款都冇咁易塞飽個肚。軍艦唔錯，D料多過飯，尤其蟹子軍艦幾正。燒物值得一讚，燒得表面香口金黃，但亦keep到內裡肉汁唔會太乾身。鹽燒比目魚，肉質爽脆滑，有少少鹽吊味。鹽燒溫室菠蘿，內裡JUICY而且嫩滑。鍋物不油膩，日式鍋物湯底唔錯，仲有主角既牛肉，落埋雞蛋，咬落超嫩滑仲有陣陣香味，確係除左壽司都做得出色。每位人頭仲送一杯Haagen-Dazs雪糕做完美總結~大滿足呀。呢度好少出現漏單, 臨到LAST ORDER都會跟足, 真係可以食齊自己order既野食~ 係幾有交帶既放題。…查看更多

有一個好朋友搬咗去荃灣某個屋苑，屋企附近有一間日本菜幾好食，今日去完朋友屋企打麻雀之後，朋友就帶我地去食嗰間日本菜。店內裝修好有特色風味，仲有一個專為小朋友而設的遊戲室，而且服務員好有禮貌，亦都介紹好多不同菜式俾我哋，我哋揀咗以下幾款：鱈魚片唔係好多日式餐廳有鱈魚片點，所以點一客試下，一試就愛上左，鱈魚片非常香脆，而且好香鱈魚味，大家一定要點一客試試蟹籽牛油果軟殼蟹手卷軟殼蟹一咬落非常之香脆，仲熱辣辣，又一d都唔腥，加上蟹籽，好有口感，又香口，又鮮味，而食手卷塊紫菜都非常重要，要夠脆，呢個即叫即整既手卷紫菜好脆，呢間餐廳手卷既質素非常高，一定要點櫻花蝦炸蝦餅平時炸蝦餅食得多，但加埋櫻花🌸蝦既炸蝦餅，真係第一次食，櫻花蝦既香味加上新鮮蝦餅，令蝦味倍増，而且蝦餅用新鮮蝦切碎，仲食到彈牙既蝦肉，加上天婦羅汁，正!山葵朱古力心 太軟配雲呢嗱雪糕呢個心太軟係非一般既心太軟，朱古力味帶有少少wasabi 味，更加突顯朱古力既味道，非常之夾，一切，入面既山葵朱古力流心湧哂出黎，再加上又香又滑既雲呢嗱雪糕，又熱又凍，味道一流!餐廳食物整體質素非常高，而且服務很好，店員效率高，又有禮貌，環境又好舒服，非常推介，一定要再去！…查看更多

今日收工同同事一齊去食飯，嚟到呢間出名食叉燒嘅餐廳，同事話一定要試叉燒，所以即時叫左一碟蜜汁叉燒。叉燒本身肉質係半肥瘦，所以咬落口感非常滑，叉燒肉夠入味，外面就有曾蜜汁，蜜汁包着一層少脂肪，裏面就充滿肉汁，而且幾入味，造成肥瘦分明，食落唔會鞋口，係一啲質素頗高嘅叉燒。跟住食咗啫啫通菜，由於係用鐵鍋上碟，溫度足以維持，鑊氣充足，所以通菜食落非常香口，加上通菜用少量豬皮一齊炒，令通菜更加香口，通菜本身非常新鮮，所以食落夠嫩口，唔錯唔錯。另外有啲非常惹味嘅係椒鹽鮮魷，由於係即叫即炸，所以上碟熱度足夠，食落就更加爽脆，外皮夠薄，而且炸到口感夠爽，至於裏面嘅鮮魷就夠爽口，新鮮度足夠，仲有少量淮鹽沈上面，所以係幾好食幾惹味。…查看更多

愉景新城一樓唔單止有好多鋪頭可以行，而且仲有唔少餐廳，好適合一家大細或者情侶放假嘅時候呢行街買嘢食飯。今日特登同朋友嚟呢間餐廳度試吓！環境：餐廳嘅環境設計得好有格調，而且每張枱之間亦都有一定嘅距離，所以絕對唔會坐得好迫。未叫野就上左小食，麵包暖暖的，而醬是帶點酸的，較開胃。麵包是甘荀香草，麵包條則夠脆口，而西蘭花南瓜湯就非常香濃，確是不錯。沙律是蔬菜配上意式醋及水果，好清新及健康，加埋parma ham就無得彈。今次我哋叫咗一個墨魚汁鮮帶子海蝦扁意粉，顏色配搭得非常好。先講下佢嘅墨汁意粉，味道調配得非常之好，好濃既墨汁嘅味，而且你都會有食到淡淡的海蝦同帶子味道，海鮮又夠新鮮入味，唔怪之得見到有好多人都會特登喺呢一度食啦！朋友叫嘅炭燒美國牛扒同原隻波士頓龍蝦，今次係叫咗七成，廚師亦都煮得啱啱好，塊扒比想像中薄，食落亦都好重嘅炭燒肉味，脂肪燒得好香，而且裡面充滿肉汁。另外波士頓龍蝦用香草牛肉黎煮，帶出原隻龍蝦鮮甜味道，蝦肉口感夠彈牙，不得了。…查看更多

餐廳地點好近地鐵站 D1 出口左轉直行就係係嗰頭返工或者行開街真係好近我地唔點個二人餐，直接單點鍾意食乜就食乜，不過好容易選擇困難証發作。唔使點餐，餐廳竟然照送餐包，質素不俗，因為口感鬆軟，軟硬適中，配上黑醋，味道更佳。我哋揀咗軟殼蟹手打闊條麵係好香嘅蒜蓉味同蕃茄味，有少少驚喜 因為冇諗過個闊條麵可以咁香口 食完會覺得麵條都煙靭，手工製果然係唔同D, 加上即炸既軟殼蟹相當脆口，而闊條麵更有蟹汁味道添。黑松露誘惑（松露蘑菇芝士薄餅）雖然一開始望落去樣子普通，但個餅底做得幾出色 真係有手拉薄餅嘅脆口感覺 蘑菇嘅份量都幾多 黑松露味道香而不搶 整體來講係好食 好過pxxxx express 嘅餅底太薄 城陣風咁，食完都唔覺飽肚…查看更多

聽人講呢到新開左間泰式船麵，我呢個泰國控當然唔執輸啦。一黎就叫左碗雞泰式河粉，賣相不俗，用左雞鎚似足泰國曼谷船麵，湯底夠晒濃，有陣陣牛骨味，但味道濃且咸，同曼谷吃的始終有分別。雞鎚算係咁，味道可以，泰式河粉都唔錯。另外叫左泰式奶茶，有少少茶香但無泰式風味，明顯港式奶茶，甜道還可以，有改進空間。泰式香茅雞翼味道不錯，都算入味，但係香茅味唔夠突出，泰式風味欠奉。整體味道是可以的，期望可以更美味，而服務水平是唔錯的，基本上有求必應。…查看更多

尋晚去黃大仙探完朋友， 就落去附近商場行下， 行行下又肚餓， 所以就揀咗呢間餐廳嚟醫肚。芝士厚燒玉子賣相相當吸引，蛋配上芝士就更加惹味，蛋香又滑，不能錯過。壽喜湯火鍋， 火鍋用料豐富， 除咗有牛肉之外，仲有豚肉同雞肉，亦有大量蔬菜， 好似金菇、娃娃菜、冬菇等等。 火鍋湯底偏甜， 非常啱我口味， 煮滾後牛肉同雞肉令我食起黎更覺口感肉質彈牙。厚燒鰻魚牛油果卷，鰻魚超級肥美，汁燒後更香，加上鰻魚汁，非常入味，仲有裡面既牛油果同壽司飯味道相當夾，食落一啖過，細細舊易入口。照燒魷魚筒，係有質素的燒物，醬汁非常香濃，魷魚非常新鮮，肉質爽滑正。櫻花蝦鯛魚湯泡飯，上板時滋滋聲，因為加左鯛魚湯，飯味超香，配上櫻花蝦食落完全不同，熱辣辣既泡飯同海蝦撈埋一齊食真係不得了，係冬日必選。最後仲有燒日本廣島蠔，蠔味夠濃郁係我鍾意既味道，每一啖都係蠔香味，加上蒜蓉燒同芝士燒兩種味道，喜愛食蠔朋友不能錯過，肉質夠彈牙既廣島蠔，蒜味味道突出，芝士味夠襯，夠晒暖胃，實屬唔錯。…查看更多

新界有不少日本拉麵🍜店，更有不少是岀名，每天都有人在排隊的，我當然是不愛排隊的人士，所以去了一間很隱世的真正拉麵店，日本人對拉麵的烹調方法很講究，所以無論去哪一間都會十分好吃，而我今天選擇了和拉麵🍜我選擇了一個豚骨原味拉麵和一碟煎餃子，廬筍豚肉卷。豚骨原味拉麵，當店員一上枱，在肉眼上看沒有什麼特別，但原來味道十分令人驚喜，叉燒是師傅自己醃製的，更帶有日本風味，醃製的方法是日本的做法，很獨特，而菜類是很新鮮的，那個溫泉玉子非常流心，令人有一種開胃的感覺。至於拉麵的湯底，湯底是豚骨做的，飲得出師傅是很用心地用了十多個鐘頭烹調，而湯底也沒有味精，因為就算整碗飲完，都不會口渴，而且大有很濃烈的豬骨味，湯料很豐富，又不會很浠，有結結的口感！再配上少量豚肉，令味道更岀色！拉麵的麵身是粗的，很彈牙，有口感，是在日本空運過來的！小食方面的煎餃子，這個也很特別，因為外皮煎得脆，在內真的餡料充滿肉汁，感覺都是物超所值的，麵粉不會過多，大家不妨值得一試！至於廬筍豚肉卷，入口豚肉滑溜，肉汁滲透入廬筍裡面，廬筍清香及口感爽，非常新鮮。…查看更多

返工咁辛苦，今日早收工所以決定去食好西，約埋三五成群，一於去食返餐放題，友人推介呢間日本餐廳，任食大家無交嗌啦，果然未夠6點已經坐得滿滿，好在訂左位。呢度係食日式料理放題、包羅萬有，有齊壽司卷物，串燒熟食等等，另外出面有小食甜品同飲品任拎，冷熱都有，非常自助。先黎壽司，三文魚子蟹子，外皮脆，裡面就醬爆，口感相當正，蔥吞拿魚食落甜美新鮮，係有質素既壽司。仲有軟殼蟹同埋芒果壽司，一咬就知好新鮮，仲有黑松露大蝦壽司，呢度既特色壽司幾有創意，而壽司飯相當少，令食其他食物既空間增大。跟手係串燒，燒牛舌非常入味，裡面又多汁，仲有新出既芝士磨菇雞翼，芝士控又點可以錯過。燒菠蘿都相當惹味，時令之作。最後係炸物，有吉烈廣島蠔同埋炸蝦餅，廣島蠔炸到外皮薄，裡面蠔味出晒黎，蠔汁超多，炸蝦餅用料足，裡面蝦肉鮮甜好味。…查看更多

最近瘋狂愛上台灣菜，今日由同事帶我去咗食台灣菜嘅晚餐。我就決定散叫，反正價錢亦很實惠。先點一杯香芋珍珠奶茶飲品夠晒冰涼，珍珠份量都好多，香芋味道夠香甜，茶味都幾濃，另外我揀咗少甜，味道剛剛好！然後點左阿宗麵線，食物好快就上枱。麵線細細碗，但都幾足料，味道幾似台灣夜市嘅味道，可以按自己喜好加上蒜泥或台灣沙茶醬，蒜味足夠但落多兩錢會更香。仲有點左兩隻忌廉芝士磨菇雞翼，個賣相外皮金黃色，睇落平平無奇，但其實內裏有乾坤！雞肉同芝士口味好夾，磨菇就增強口感，芝士控唔好錯過呀。仲有咖喱骰仔牛肉飯，係黑椒味牛肉粒，充滿住多汁，加上咖喱就更加惹味，咖喱完全唔辣，岩晒我呀。最後甜品係鮮雜果鬆餅，有好多種類型既水果，而且係新鮮既，加上芒果雪糕係鬆餅上面溶化，軟淋淋雪糕遇上脆口鬆餅，天作之合。…查看更多

既然咁多人食飯又咁難得，當然要搵返間好野黎食啦。佢地最鍾意試新野，聽聞附近開左間新餐廳，就一於黎試下。打邊爐當然最緊要湯底啦，我地韓式大醬湯底，食指大動，湯料豐富，主要用大豆又有營養，味道甜美用黎做湯底簡直一流。不得不提係我地想試韓牛，就叫左1++韓牛，牛肉雪花紋理鮮明，相當新鮮紅潤，非常鮮甜牛肉味，肥瘦適中，襯上雞湯底就真係一絕，韓牛質素確係高，說得上是最適合打邊爐。另外仲有特級美國牛肉，肉質嫩滑，牛肉味唔錯，重點係任叫放題，而且仲有西班牙黑毛豬，肉質夠晒滑，唔怕食少許脂肪就真係唔怕叫，因為口感係非常滑溜架。除左打邊爐仲有韓式炸雞拼盤，仲有原味同辣味添，估唔到佢地做炸雞都唔錯，雞肉嫩滑，外皮夠晒脆口。仲有係黑糖水果茶，用黎襯打邊爐簡直一流，黑糖有益之外，味道唔會太甜，水果口味相當新鮮，正好抵消炸雞既熱氣。…查看更多