Yan613的个人专页

每一次問媽咪想食咩 佢每一次都會答我大榮華😂今日佢生日 一如以往又係大榮華啦🎂當日平日晚飯時間 餐廳都近乎滿座 所以到而家為止 餐廳都有一定嘅捧場客👍食咗咁多次 今次終於寫返篇食評 原因係今次好正當日雞超級新鮮 香滑叉燒肥瘦適中 叉燒汁調校得十分好 令人滿意👍另外今次鮮魷好新鮮 唔係好多地方可以食到新鮮鮮魷的黎到大榮華 一定要叫佢嘅馬拉糕同埋奶黃水晶包 馬拉糕軟綿綿而且熱辣辣 鍾意食馬拉糕嘅朋友一定唔可以錯過😋奶黃水晶包係我食過最好味嘅 水晶包皮厚薄適中 而且奶黃餡超多 一咬落口滿滿嘅奶黃湧出嚟 鍾意食奶黃嘅朋友仔一定一定要食…查看更多

同老公行街 見到新餐廳 梗係要試下啦🤗餐廳係黎自日本連鎖店 滿心期待！餐廳最出名嘅就係美人鍋 嚟到緊要試吓啦🤤因為老公好鍾意食牛肉 所以我哋叫咗個牛肉美人鍋！員工服務態度好好 會幫我地調教湯底 而且會幫我地放晒所有食材落個鍋上面 排得靚靚的 等我哋慢慢品嚐🤤餐廳出名美人鍋 用日本走地雞所煮成 🐔咁當然要係食之前試吓個湯底啦 唔知係咪佢加咗甜豉油 所以完全食唔到雞既鮮味 有點失望 😞食物方面例如菜同牛肉各樣野都好新鮮 但味道唔算太出色。日本連鎖加上價錢真的不算平 所以令我對餐廳食物滿心期待 可能期望越高 失望越高 真的唔會再有下一次😩…查看更多

黎自東京三星米之蓮嘅壽司餐廳！❤️依家餐廳暫時只接受酒店VIP嘅訂位 今日有幸終於試到 超級期待🤗由知道有位置安排開始，到訂位當日都需要等兩個月嘅時間 因為餐廳只有八個位 所以每日可以招待嘅客人不多 需要輪候嘅時間亦都比較長 特別係週末時間我哋當日早左15分鐘到達餐廳 可以慢慢飲杯茶 欣賞師傅準備食材👨🏻‍🍳師傅係黎自東京 係saito san既副手餐廳無論中午或者晚餐時間 都係廚師發辦 當日有大約10款壽司再加甜品 每一樣食材都好新鮮令人一試難忘😍一路品嚐已經一路期待緊下一次🤗…查看更多

雖然成日入西貢搵食 但第一次食呢間餐廳今次選擇試呢間餐廳 本身係因為有🐶🐶店員好貼心 安排我地坐室外位置雖然室外 但有簾逢 所以無咁曬🤗我地當日每人叫左份All day breakfast 餐廳提供十多款果醬比客人選擇店員推介‘玉桂蘋果’同 桂花雪梨果醬配多士因為個人唔中意玉桂味 所以揀左桂花雪梨果醬配多士.食物份量唔少，果醬二想不到嘅好食。味道亦令人滿意飲品方面梗係要來番杯凍飲啦！我揀咗杯冰凍拿鐵 咖啡同奶既比例剛剛好 好滑係炎熱嘅天氣下飲返杯 好舒服👍…查看更多

星期五既晚上 梗係要約好朋友食個晚飯!👭👭由於全部都係香港區返工 就搵下有無新餐廳試下見到呢間餐廳以火車做主題 就黎試一試🚂初初黎目的想係主題餐廳影下相 但食物方面的確超越我既期望 我地叫左份四人餐 七百幾蚊 但已經有前菜 四道主菜 同甜品 超級抵食😜首先係前菜小城鎮炸雞翼 雞翼隻隻好多肉 好大隻 新鮮炸起👍👍三文魚沙律一樣大大份 夠新鮮仲叫左份牛柳粒薯蓉 牛柳粒夠嫰 一口已咬得開薯蓉好滑好好味👍主菜方面 一定要試餐廳推介既香烤德式豬手 一試難忘 脆脆既豬手皮 一切開有嫩嫰既肉 的確做到外脆內軟 係每次黎必點之選👍安格斯牛扒同豬肋骨夠大份 配牛扒既燒汁調製得好香好濃 正飲品方面 有焦糖咖啡 估唔到呢度既咖啡都咁出色 有埋拉花❤️甜品雖然點左三四款 但個人推介鮮果奶凍覺得佢唔甜同好Fresh😋期待下次再光臨😊Happy Friday night 🍻…查看更多

一行十多人 同朋友慶祝生日餐廳位於近apm的工廈 唔難搵食飯前仲可以去apm行下街餐廳都算幾大 坐位算闊落 我地地坐得舒舒食物方面前菜有蒜蓉包 好味 香香既蒜味加香脆既麵包 👍再有巴拿馬火腿蜜瓜沙律主菜有雙層孖芝牛肉漢堡 一般 牛肉唔夠juicy 不過絕對係邪悪之選😏BBQ汁燒黑毛豬肋骨 味道不錯 唔會燒到過老三文魚芝士薄餅 係最推介的 餅身厚薄適中 而且料夠足 三文魚好夠分量👍小食有焗蠔 因為個人唔食 朋友試完話一般 黑松露蜜糖雞翼 好食 離遠已經聞味黑松露既香味 雞肉嫩滑👍…查看更多

買一送一的main course 優惠!當日一行五個女仔 👭👭👭搵間好坐既餐廳食飯傾心事🤪朋友曾經黎過 知道仲做緊主菜買一送一就提議呢間餐廳餐廳分左兩部分 當日被安排餐廳外位置但因為對面鋪頭裝修 都有點嘈 不過都可以接受食物方面 我地叫左青口 牛扒同燒春雞青口係最出色 濃濃白酒味 已經份量好大 意想不到牛扒五成熟 剛剛好但燒春雞就遜色左 燒得過火 肉質偏老 失望之作食完主菜 見餐廳有多款甜品。我地就叫左款試下(因為實在太飽 叫一件share試下😋）揀左朱古力蛋糕蛋糕面層朱古力好好食 唔太甜但中間有棉花糖。食到內面就覺得有點甜整體都ok😋…查看更多

Lunch time 茶記好選擇印象中餐廳開左唔係好耐每到lunch time一定排長龍今日終於黎試下最簡單 常餐😝腸仔炒蛋 沙嗲牛😋食物質素 賣相都不錯以茶餐廳黎講 環境乾淨 食物味道幾好…查看更多

朋友帶咗我去食佢最愛嘅越南餐廳👭因為我哋去嘅時候係大約下午兩三點鐘 所以餐廳冇人 只係得我地兩個 坐得好舒服 因為餐廳好細得大約10幾個位每人叫咗一碗粉 我揀牌手撕雞椰汁酸湯檬粉 起初有啲擔心味度好奇怪 因為好難想像椰汁再加酸湯混合出嚟嘅味道 但試咗之後相當有驚喜👍👍酸味並冇帶走椰汁嘅香味 反而加起嚟味道好開胃好特別😋😋係令人食過返尋味嘅越式檬粉雖然試咗唔太多嘢食但係見到餐廳有chef menu 我相信應該係唔錯越菜既好選擇❤️…查看更多

想搵個地方慶祝你結婚兩周年❤️因為老公係食肉獸 所以揀餐廳主要想揀steakhouse因為之前老公生日都係Grand Hyatt食buffet 今次都揀返呢間酒店一入到餐廳燈光暗暗 氣氛唔錯 安排坐四人卡位 不過位置比較近門口 所以覺得有啲美中不足落咗order之後餐廳會主動送上一份garlic bread好好味 因為外脆內軟👍前菜有不能小的法國生蠔 夠哂新鮮睇食評大家推介蟹肉餅 果然好食 全部用蟹肉整成所以一食落口好似食咗好多蟹肉一樣👍湯我哋叫咗一個周打硯湯同一個龍蝦湯龍蝦湯會比較好飲 因為周打蜆湯太過creamy 飲得太多有點over牛扒當然唔少得 五成熟啱啱好 肉質柔嫩 正因為餐廳知道我地慶祝週年紀念 仲送咗個甜品同心意卡俾我哋 朱古力雪糕好好味😋愉快的晚上🌙…查看更多

同朋友好耐無聚聚 ! 想搵個地方適合一大班朋友打邊爐係好既選擇👭👬👫當日一行十四人 安排左間房比我地 可以有幾嘈都得😝因為唔係個個朋友都食得麻辣所以我哋點左一鍋麻辣湯底一鍋葯饍烏雞葯味唔濃 所以好空易接受 麻辣火鍋都唔算太辣 所以我可以食到小小好鍾意呢度既餐具 好有台灣feel食物好新鮮 打邊爐一定唔少得牛肉肥牛勁新鮮夠晒牛肉味 係必食如果你中意食羊 呢度既羊肉都唔錯仲叫左年糕 原來年糕攞嚟打邊爐 吸收左啲湯底精華都好好食㗎👍…查看更多

🎉今晚老公帶我嚟呢間餐廳慶祝生日🎉餐廳悉心安排窗邊枱 落地玻璃能夠望到旺角夜景!而且餐廳不大所以不會有太多客人環境不錯✨餐廳中間有個bar area ,提供各式各樣cocktail 🥂食物方面頭盤我們叫左法式田螺 這道菜很特別 因為田螺殼改用了脆皮 所以都可以吃的 而且薯蓉好香好滑👍另外叫了士多啤梨焦糖鵝肝 鵝肝用焦糖燒過 所以食落去脆脆的甜甜的 好開胃😋除咗鵝肝同法式田螺之外 另外再叫了半打生蠔 當晚有紐西蘭同澳洲 個人比較喜歡澳洲生蠔 主菜我同老公叫左黑松露意大利飯 超級好食 遠遠就聞到黑松露嘅香味 一流😋😋另外再叫了一份肉眼扒五成熟剛剛好 肉質好林而且份量好大 十分抵食 讚讚讚👍👍👍很滿意的生日飯 🎂…查看更多

星期日瞓到12點 上網睇吓邊度可以帶狗狗去嘅cafe ☕️搵到呢一間喺何文田嘅咖啡室 因為帶住狗狗所以坐門口位置 但由於餐廳位於內街 所以就算坐出面都唔覺得太熱同污糟食物味道同賣相都不錯 我地order左老公最鍾意食嘅黑松露薯條 但可惜嘅係冇黑松露醬 如果有埋就更加完美😝之後我哋各自點左all day breakfast 同牛肉漢堡包🍔食物比我想像中好食 咖啡方面我order左杯rose latte 拉花好靚而且好香嘅玫瑰味 下次都會再飲返呢杯而且服務員對狗狗都好友善 所以適合假日帶狗狗出去cafe嘅一個好選擇 但要留意坐位不多...…查看更多

意想不到的泰國菜👍餐廳位置近地鐵站 十分方便 一入到餐廳 無傳統泰國裝修反而設計時尚 有種親切舒適既感覺六個人點左八樣菜 但都全部食得哂一開始waiter上五色調味料 各種味道👍😌用黎食豬頸肉一流值得介紹三文魚沙律三文魚煎左好香好滑 而且份量好多 估唔到咁正食泰國野點少得生菜包 唔算太辣 適合唔太食得辣既我👍當晚酒精飲品有買一送一不過我哋冇order到 反而試咗佢嘅cocktail 我order左杯pink lady.都很不錯的! 食泰國菜點少得芒果糯米飯做個結尾 但反而不太驚喜 比較普通！服務員態度亦十分好 主動落order主動介紹招牌菜式 呢間餐廳絕對係銅鑼灣泰國菜嘅好嘅選擇😌…查看更多

同班同事黎呢度Happy Friday👩‍👩‍👧‍👧其實自己唔係太好辣 所以揀左鴛鴦湯底一邊麻辣 一邊椰子雞鍋個人覺得椰子味唔夠香 但雞不錯 分量可以同夠滑反而麻辣鍋夠香亦夠辣 鐘意麻辣既朋友可以黎試試🤤食物方面夠新鮮 十分中意肥牛 好有牛肉味 正推介皮蛋蛋黃貢丸 出面未食過 而且好香 層次豐富 值得試下👍除左食物 環境乾淨整齊 服務員態度好 不用叫都會自己加湯加茶 值得比👍餐廳另外有private room 但聽聞minimum charge要$4500坐八個人 有點貴!…查看更多