fishballam的个人专页

早一日係Openrice訂左位同同事過黎食LUNCH，座位係卡位黎，好闊落，環境舒適。一坐低店員就比左五小碟前菜，仲可以任Refill，魚仔好好食Lunch menu都幾多選擇，我地就Order左三個主菜芝士泡菜煎餅 $120好重芝士味，泡菜餅煎得好香口石頭熟成牛肉飯 $135熱辣辣仲好香，好多牛肉，呢個石頭鍋飯好推薦傳統韓國粉線 $108黑椒味好重，個人認為辣左少少，不過都好惑味整體黎講食物質素同環境都唔錯，都算幾正宗既韓國菜，份量都幾大，我地三個人最後都食唔哂，午餐可以值得一試！…查看更多

大埔好少見有丼飯食，之前食過隔離間一鳴拉麵，呢日就約埋朋友黎試下呢間一鳴丼食堂餐廳裝修好有日式風格，吧枱位置都幾舒服:)一打開餐牌，好有特色因為係畫出嚟既，幾靚，而且眼花撩亂，都諗左一陣先揀好北海道五品盛 $178一見到嘩左聲，好大隻蝦成碗飯都滿滿的！魚子同海膽一啲都唔腥，幾新鮮四重火炙盛 $128三文魚同左口魚邊都好香魚油味！最正係有蛋汁撈飯！整體來講，刺身好新鮮，火炙好香，又好足料，服務員態度好好滿足感100分！…查看更多

每次經過都好多人排隊既新茶餐廳！星期日同屋企人黎試下午茶。由於我地三個人，比哂二人入先，結果都等左半小時。餐牌:叫左三個茶餐:)旺角冰火菠蘿油拼炒滑蛋大大個菠蘿包夾住塊凍既牛油熱辣辣！外面好脆，咬入去又軟熟炒蛋好滑，有水準:)咸牛肉蛋治比想像中多料，好多咸牛肉，而且好熱，有驚喜好味道！茶餐包一杯飲品，茶餐廳必叫熱奶茶，都幾滑下，茶味可以再出d，但都Ok。脆皮叉燒包個皮再脆d就好，而且陣油味好重:(叉燒份量足夠，一般般。如果唔洗排咁耐隊，都值得一試。…查看更多

下晝黎到觀塘APM想食下午茶，又諗到食元氣！因為可以叫幾碟醫下個肚先未黎過呢間分店食，用apps一早拎定票，等左15分鐘入得！環境都幾舒服！元氣會定期有新壽司，上兩個星期食過北海道帆立貝牛油燒今次又想食番，依然都係大大粒，不過唔夠熱另外，炙燒辛辣長鰭吞拿魚都幾好食，又夠油份最推薦一定係照燒三文魚薄切入口即溶，好似食緊和牛既感覺好有油香！仲有炙燒珍寶蟹柳啖啖肉又有汁嫁！而且炙燒味幾香整體黎講，真係好抵食…查看更多

同朋友到尖沙咀行到肚餓又唔想等位，就諗起呢間元氣高速線:):)兩個人坐卡位好闊絡！用手機掃QR點餐，夠哂方便。如果收唔到電話佢仲有wifi提供啲壽司好快到！！又無漏單:)元氣定期會有新壽司，今期有碟叫北海道帆立貝牛油燒，味道ok，好大隻！不過唔夠熱！必點照燒三文魚薄切，入口啖啖油香好好食！仲有珍寶皇帝蟹柳，咬落去啖啖肉，而且又有汁！一啲都唔乾！唯一係每間分店既size都唔同，今次呢間就短一點另外叫左個海鮮蒸蛋，好熱好多料！不過食完呢個蒸蛋都幾口渴…查看更多

夜晚經過呢間新開既百味川，唔洗等位就入得。除左卡位，其他位有少少迫，不過都接受到，啲野食好快到。百味酸菜魚 $56 酸菜魚真係必點！好足料！啲湯好好味，酸酸辣辣，又唔會太酸，好多魚肉，又白又滑，一啖魚一啖湯，好爽呀！啲麵揀左淮山麵，質感唔錯，幾好食！份量足夠:)家鄉紅燒肉 $47紅燒肉有一兩舊肥瘦適中，有部分比較碎，普普通通！配料都多，但唔太岩我口味，而且都幾多油下。涼粉紅豆冰天時熱飲杯紅豆冰幾爽，唔會好甜，好多奶…查看更多

灣仔呢區有好多東南亞既餐廳，而呢一間泰國野都幾出名，每日Lunch都好多人排隊等位。餐廳都好大，環境舒適闊絡！午市套餐有七款，75蚊包飲品，有時餐牌會轉款的:)泰式海南雞飯份量都OK，雞無骨，唔算好滑，味道可以，飯帶有油香，好多蔬菜，食完好飽！泰式蝦炒金邊粉一上枱好香！超惹味而且好足料蝦大大隻次次飽到食唔哂，最好食既一款！！馬拉肉骨茶配白飯等左好耐先上，可惜無乜肉骨茶味，有點淡。。d肉好細舊唔太推薦！…查看更多

夜晚黎到觀塘即興揾到一間台灣餐廳就黎試下，八點入到黎唔多人，環境幾有特色。單餐紙，食物有好多款式！價錢唔貴！:)另外有本menu比你做參考，魯肉飯好吸引台南擔仔面 $38唔算好大碗，麵質幾好食，湯底都清，仲有d肉燥，如果有多d肉就更好，可以叫其他小食咁就夠飽。古早味魯肉飯 $38有五花腩，好香，好好味！唔會太油，送飯一流！！滷黑毛豬耳 $48份量都多，豬耳好爽口！唔會好硬，都幾入味！滷水汁幾特別，送飯之選！…查看更多

中午同同事揾新野食，附近開左間好多人等位既馬來西亞餐廳，就決定黎試下，大約等左二十分鐘入得。午市套餐多款式:)仲包一杯飲品，全日不設加一！原本想試喇沙，但見天氣好熱，所以點左海南雞飯馬六無骨海南雞飯+馬來手工拉茶 $68海南雞份量唔少:)皮薄唔肥，而且都幾滑下，點埋d醬好好食，碗飯有幾種米煮成，好有層次感！至於杯拉茶唔算甜，幾特別！巴東牛肉配米飯 + 桔仔檸檬茶 $66巴東牛肉好惹味，好香 少少辣，牛肉唔靭，好味！ 杯桔檸茶好清好夾！整體都幾好食！唔怪得咁多人等位！下次可以試其他餐…查看更多

以前成日黎呢間食，因為食物多種類，好適合朋友聚會。薑母茶: 好濃既薑味，喉嚨好舒服黑松露軟殻蟹意粉： 大失水準，無黑松露味，反而好大陣酒味，失望！:(軟殼蟹就正常，都幾多菇。慢煮燒烤汁手撕豬薄餅：薄餅好脆口夠熱，燒烤汁好惹味，同豬肉都好夾，加埋芝士好有口感。…查看更多

朋友介紹一田入面呢間魚屋，座位數量唔多，係吧枱形式。有好多款魚生飯！雪櫃入面仲有好多款壽司揀左一盒海鮮丼($98)個樣好靚一共有八舊，每件都好大舊！有三文魚，帶子，吞拿魚蓉，海膽，蟹膏同蟹肉，整體都好新鮮！另外叫左一個炙燒三文魚腩($98)包左一碗好大既麵豉湯，入面有好多料！最後係飽到飲唔哂三文魚腩有六大塊，一食落去超肥美！火炙剛剛好，一個人食應該會好濟，所以同朋友share黎食呢個價錢唔洗加一，快靚正！好滿足！…查看更多

大埔既泰國餐廳唔算多，當我想食泰國野一定會黎呢間食每次經過都好多人等位，今次同屋企人食就等左半個鐘。特濃冬蔭功湯配虎蝦 $88冬蔭功有好多香料，超濃郁！酸酸辣辣零舍開胃，又唔會辣到食唔到，而且好多料，正！—溶岩椰青海鮮焗飯 $158見到個樣已經覺得好吸引！食落去好有椰汁味，加上有芝士，海鮮亦好足料！有青口、蝦、帶子、魷魚，超級推介！—鮮蝦炒金邊粉 $88送上黎就聞到好香，有蛋包住d金邊粉而且有好多料，d蝦都好彈牙！—青咖哩雞($75)配薄餅($48)青咖哩好好味，加埋新鮮熱辣辣又鬆軟既薄餅，好match，雞肉份量適中，但無咩味—沙嗲串燒(雞肉串$15、牛肉串$18)燒得好香，肉質唔會太乾，沾埋沙嗲醬無得輸！—香茅特飲 $28食咁多濃味既菜，飲一啖香茅特飲好清新香茅味好出，好特別！值得推介！—椰青 $35清甜多汁，但個人較喜歡香茅特飲！整體黎講，四個人都食得好飽屋企人都好滿意！因為好多種類，適合多d人一齊黎食，價錢合理，係一間性價比好高既泰國餐廳！…查看更多

黎到銅鑼灣希慎行街，見到呢間係中日Fusion菜幾特別所以決定試下。午市時間坐滿人，大約等左十分鐘就有位，座位都好闊落，環境舒服。南瓜味噌湯牛肉溫泉蛋烏冬 $88係用石頭鍋上，小心熱，溫泉蛋爆汁好正牛肉唔會乾身都有牛味，份量亦足夠，南瓜味幾重，烏冬軟軟的口感好好千層豬扒擔擔拉面 $72豬扒炸得好鬆軟亦唔會浸到淋哂，湯底微辣，有點花生味，整體都好惹味豚肉小籠包 $48小籠包既皮比我想像中薄！餡料入味，d汁味道適中，如果多d湯汁就更好。兩個人食到飽飽連加一都係230蚊左右，Fusion菜黎講都算唔錯！…查看更多

星期五lunch跟同事黎呢間食日本野，原來都好多人訂左位，我地12:30pm到好彩仲有少量位for walk in。餐廳空間感大，環境舒服:)感覺係一間有點西式既日本餐廳。聽講呢度出名放題，但其實佢既午市套餐都算抵食三色刺身丼($118)套餐仲包左湯&飲品，碗湯偏咸，而且唔太日式。三色刺身分別係三文魚、帆立貝&甜蝦。三文魚算肥美同新鮮帆立貝太細粒了，甜蝦一般般。至於d飯口感幾煙韌，帶點醋味。最後飲左杯熱檸蜜，蜜糖係另上，可以自行調教甜度！整體黎講，呢個價錢既刺身丼不過不失吧:)仲有其他壽司set同便當，大家可以試下…查看更多

放工黎美麗華商場行街突然想食Burger，就諗到Burgeroom！七點前無乜人排隊，好快就入座大烤菇芝士牛肉漢堡 $108份量好大個，包好鬆軟，蘑菇烤得黎仲好多汁，塊牛肉好juicy唔會乾身，都有牛味，加埋芝士好滿足香脆鱈魚柳漢堡 $80 鱈魚炸得外脆內軟，肉質好好，口感一流。黑松露芝士薯條 $62熱辣辣送上，黑松露味幾濃郁芝士醬好吸引，但薯條比較林，唔夠脆。奇異果汁 $38感覺好fresh好有奇異果味，岩哂食住熱野飲…查看更多