奧雲仔的个人专页

食完一餐唔好食又唔抵食既泰國菜....即時要食返個糖水補返數...先叫個榴槤飄香....一放低已經好勁榴槤味, 大味到淨係聞都覺得有D滯...食落口....唔錯喎~ 榴槤肉ok, 再加椰果, 黑珍珠....配搭得幾好...呢間野sell 低糖少甜, 的確, 食落唔會好似出面其他糖水鋪咁, 真係 糖+水 既味...食落個甜味係岩岩好, 唔會太膩...食完之後加order 再叫 芒果刨冰...呢個都幾好食, 而家入面仲幾有料...除左有 芒果肉, 椰果, 水晶珠 之外, 最估唔到亦都睇唔到既係, 原來佢刨冰下面原來仲有一球雲呢拿雪糕, 而且個雲呢拿雪糕仲要出奇地好食...配埋個芒果冰就真係正~...總結: 食完呢兩個甜品, 心情即係好返D, 有機會去開九龍城我都會再黎呢度食甜品, 而且價錢又唔係貴...…查看更多

要我咁耐無寫過食評既人出山再寫....呢間野真唔值得有百幾個好評囉!!6:30pm 去到, 冇乜人等位, 所以等左5分鐘就入得...環境叫做ok la, 只係D野食普通左D....上openrice 睇話招牌菜有冬蔭功湯, 咁就叫一個細既黎試...落料唔夠, 煲出黎個湯淡而無味...同其他泰國餐廳差好遠...之後叫左個咖哩炒蜆...咖哩唔夠香, 蜆就好明顯烚熟左先再落返落D咖哩度兜一兜再上碟...兩者完全唔match, 仲要搞到蜆無蜆味, 咖哩無咖哩味...仲有叫左個椰青海鮮焗飯..嘩...好似好靚咁喎, 但係其實食落得面頭有椰汁既先ok 囉, 仲要得面頭果"球" 飯入面先有料囉...所謂既海鮮其實只係得 魷魚仔3隻, 蜆仔數粒, 蝦仔2隻....當食到個椰青入面....就冇乜料....完全感覺被騙....完全唔明點解食家推介會有呢樣...最後撈返D咖哩汁一齊食先叫好食D...炸蝦餅....食咁耐呢個係算做咁多個之中叫做好食既一個, 不過我始終略覺得佢唔夠彈牙...最後仲叫左燒羊扒同一串燒鴨胸.....食落還可以啦...我已經唔想影相, 不過如果呢兩味咁易燒既野都整得唔好食既話....我就冇而家咁客氣了...總結: 我唔知其他人點諗啦, 但我覺得食得泰國野, 梗係唔係D 又香口, 又濃味既野啦....但係呢間野好多都淡而無味....完全唔值得有過百個好評囉...真係唔知係我叫錯野丫, 定係我已經黎遲左, 09年得獎, 而家先第一次食, 可能D師傅已經轉哂....…查看更多

呢日 lunch 阿頭 drive 我地去食.....waiter 講野一舊舊, 又講得快....我地淨係聽到佢問我地: "要菜湯定係xxxx沙律"......叫佢講多次咩沙律都係聽唔到......嬲得濟費事再問既情況下就梗係要菜湯啦....叫左個set lunch.....蕃茄醬芝士焗雞塊 配 意大利粉頭盤梗係食左D 包 同 薄餅 先....呢D普通野實keep 到既....ok 冇問題...main course 黎到.....睇落到好似冇乜問題....但係好可惜食落個汁太喊, 雞塊食落太硬太乾.....意粉都仲ok.....失望囉....以前話哂我都成日黎食, 雖然一次比一次水準下降, 但都仲keep 到D 味.....但係今次之後...........真係可能係最後一次了返到office 大約個半鐘後.....肚開始唔舒服....去左一次toilet 之後....繼續唔舒服....total 加埋個日要去左三次toilet 先搞得掂.......真係冇下次了.....…查看更多

把鬼火...已經唔係叫D 咩特別野啦....叫個雞翼餐加大再加多盒麥樂雞...外賣..班staff 好似唔想做咁, 態度又惡劣....講野仲要唔清唔楚...呢間野可能因為太細間....所有飽都整定哂而唔係即叫即整....但係執野都執得鬼死咁耐!!執野執得耐都算, 返到屋企我先發覺佢俾錯哂D 野我囉!! 麥樂雞 變 麥香雞!! 又冇幫我加大!!! 我真係唔知佢聽左D乜囉....我叫果時已經講到明係要 <<6件既麥樂雞餐>> !! 真係火都黎埋!!!再之前都試叫一個 BIG MAC 走青瓜, 要多醬...諗住佢會額外整一個俾我啦....點知都唔係....係拎一個擺左唔知幾耐既 BIG MAC 拎起入面D青瓜再 o即 多D醬落去就算, 佢仲要 o即 都半個包面頭都係醬....咁都可以拎出黎俾客食架咩!!!!!以後要食行遠少少去美林果間食算啦....呢間快鬼D疊左佢啦....學咩人做24小時丫!!!!!!!!!!!…查看更多

都已經係一星期前既事了....果日由於太過即興既關係....得我同另一個女仔....返完Part time 返屋企途中, 突然約食飯....諗左一諗之後就決定去EXP, 其實我之前已經食過一次, 都覺得唔錯...不過果次有寫任何食評...今次去到, 排長龍, 好在我早到左....都已經好快有位...坐左係近溜冰場既高枱度...由於得2 得人, 所以我地都只係叫左3樣野only...1. 尋找咖喱雞pizza2. 煙鴨胸蟹肉炒飯3. 海鮮檬粉米紙卷尋找咖喱雞pizza...我唔係太明點解openrice D 人講到呢個pizza 咁好食...我就覺得不過不失的, 可能係希望越大, 失望越大啦....pizza 有 pizza 味....咖喱雞有咖喱雞味....但兩者完全唔係太match囉....煙鴨胸蟹肉炒飯...呢個我覺得好好食....鴨胸好夠味, 炒飯好夠鑊氣, 唯一差少少既就係.....好似唔係太見到D 蟹肉囉....好辛苦先搵到幾條出黎...海鮮檬粉米紙卷...呢個都唔錯...反而我覺得佢俾我地點果個汁...好難食, 完全唔match 之餘又有D苦苦地, 都唔知佢想點....我就咁食就覺得唔錯, 幾香口~總括黎講, 都唔錯既, 我會再去食, 不過下次要試下其他野...不過由於果度近溜冰場....太嘈....根本上係嘈都傾唔到計...…查看更多

好耐冇煮食評....琴日出左街, 順便去葵芳接一個我追緊既女仔放工...佢今次一早講明話要帶我去金潮食...因為佢好鍾意食果度D黃金蝦...去到金潮.... 人山人海....埋counter 拎張飛佢都講明話起碼一個鐘之後先有位...咁我地走左去行左陣, 半個鐘頭就返黎...好在之後企左兩三個字就有位...點左佢既首選黃金蝦....一定唔少得...之後再叫左個蜆煲&西蘭花花枝雞柳....都差唔多啦, 兩個人食三個餸...其實佢每碟份量都唔算叫做細...先黎西蘭花花枝雞柳...西蘭花整得幾好, 花技幾鮮, 雞柳幾入味之後個蜆煲...個煲好大, D湯沖可以飲埋, 可以叫做胡椒蜆湯.....都ok 既最後主菜黃金蝦....ok la, 略謙佢落得太少咸旦黃, 因為曾幾何以細細個食個一個真係好好味既黃金蝦, 果度佢真係落足料...全部咸旦黃包實哂隻蝦咁濟....因為果時太細個唔知果度係邊度既關係...自此就食唔返...但就係因為果次, 令我愛上左黃金蝦.. =_="唔知其他地方會唔會有我所講既黃金蝦呢....P.S. 是日沒影相, 因為沒什麼特別, 好多食家都影過哂了…查看更多

呢間泰國餐廳....其實好多野都唔錯....上星期日同個 fd 去左食....由於我鍾意食咖喱既關係...同埋叫得太多肉既關係...所以就點左個南瓜咖喱...先黎個串燒, 睇落去好似乾左D.....但食落又唔係喎....咬落去都仲有少少肉汁...再加上D咖喱汁....正喎...之後main course 有 菠蘿炒飯, 墨魚餅, 羊腩煲, 仲有烏頭魚菠蘿炒飯: 足料, 唔太喊, 不過菠蘿有少少酸墨魚餅: 幾香口, 幾彈牙, 不過又好似細件左D & 薄左D羊腩煲: 見天口凍凍地, 叫左個羊腩煲, 又見佢做個promote $68, 所以就叫黎試下...開頭睇落細細兜好似冇咩料咁....但食食下又發覺幾足料喎.....不過個D味就普通左D...烏頭魚: 呢個又真係幾好食喎, 條魚幾鮮, 再加上佢配左碗魚湯, 幾入味....好正....南瓜咖喱: 咖喱正...咖喱味十足, 但又唔搶左其他配菜既味道...我仲張剩低既咖喱汁用埋黎撈個埋個菠蘿炒飯度.....正正正!!!最後黎個飯後甜品....椰汁糕.....原本睇落去只係一個好普通既椰汁糕....冇乜特別...所以我都冇影低....點知食落....先知道原來係非一般既椰汁糕...椰汁幼滑得黎又好香....夾埋D西米真係一絕...個fd既女友唔鍾意食既關係....我就食埋...真係估唔到原來粉嶺呢個地方都有好野食....返黎見到下面D post 寫到D咖喱炒蟹咁好食......下次真係要搵機會試下個咖喱炒蟹...…查看更多