MaggieLaw8866的个人专页

今次為了吃和牛，特別挑選了位於荔枝角D2 place 商場内的「銀座炎藏燒肉」，聽聞這間燒肉店人氣高企，也有朋友食過大讚並推薦我去食。我也特別帶了超級喜愛吃牛的好朋友同行，一起分享美食。🍽️為了想品嚐優質的日本和牛，就貪心少少一口氣點了這間店的：炎藏和牛「極致」6點拼盤及4點拼盤，這餐和牛燒肉的確令人有驚喜，所以很想分享給同樣愛吃日本和牛的同道中人。「和牛貝身」肉質結實，脂肪集中於表層。外脆內嫩，肉汁豐富，燒烤就最能突顯其香氣與嚼勁。「和牛龜之甲」屬於瘦肉部位，脂肪少。肉味純粹，口感偏紮實但不乾柴。「和牛芯芯」脂肪少但質地細膩。感覺入口柔滑如奶油，適合燒至三分熟，有種高級和牛的精緻口感。「和牛內肉腿」肉質緊實，上汁後風味清爽。「和牛上等肋肉」油花分布均勻，肉質柔嫩，風味濃郁。入口即化，牛脂香氣撲鼻，經過燒烤後更極致美味。「和牛友三角」位於肩胛附近，肉味濃厚，油花適中。口感紮實但不失嫩滑。「和牛鞍下」油花分布均勻，肉質結實但不失嫩度。外層微脆、內裡多汁，牛脂香氣濃郁，口感平衡。這一晚完全滿足了我和朋友的胃口了，每一件放入口中的味道和口感都不同，而且能一次過品嚐不同和牛的部位，真是令人十分難忘。下次一定要搵多幾個朋友放工過來一邊吃一邊暢飲😙😙。 …查看更多

最近去開東大街搵食，發現原來泰Grill開咗分店，當晚就選擇入去開餐。呢間分店位置很開揚，落地玻璃和綠色的招牌一眼就見到，店內地方很寬敞，座位也很舒適。牛肉船麵：生牛肉在熱湯中微微燙熟，保留了肉質的鮮嫩與滑順，入口即化。船麵湯底濃郁，帶有微甜與鹹香，喝一口便能感受到泰式料理的風味。船麵加上酥脆猪皮，與滑嫩牛肉形成對比，幾特別。原條菠蘿海鮮炒飯：擺盤已經夠吸引，原條菠蘿切粒上，大大隻蝦和魷魚，金黃色炒飯，還有香脆要果和肉鬆，真係色香味齊全。串燒：豬、牛、雞各一，豬肉，肥瘦相間，烤至外脆內嫩；牛肉，肉質緊實，略帶嚼勁；雞肉，肉質滑嫩，表面微焦，配上泰式沾醬非常美味。泰式炸蝦餅 ：外層炸得恰到好處，金黃酥脆，內餡蝦肉細膩彈牙，配合泰式甜辣醬好醒胃。新鮮美味的椰青清甜解渴，夏日最舒服的飲品。可惜當晚的泰式海南雞沽清，想食就要等下次啦！餐牌上還有各式各樣的美食和飲品，啤酒仲買一送一，下次可以帶多幾個朋友來可以開懷暢飲，大吃大喝了。😂😂…查看更多

今日來到旺角搵嘢食，但唔知食咩好，最後就上Openrice 搜尋下。。。發現這間地道泰國餐廳人氣不錯，即管去睇下係咪真既，結果平日晚上7：00 左右去到已經滿座要在門口等位，似乎口啤不錯。等候了大約15分鐘可以入座了，真係人流不絕。坐低睇下餐牌價錢真係好親民，第一次食就點了泰式海南雞、燒豬頸肉、泰式咸魚炒椰菜苗，還叫了一杯凍抽子蜜和一杯椰汁三色冰。上菜都幾快，起碼唔洗餓住等。😅先講下燒豬頸肉🐖真的是色香味俱全，外皮酥脆，爽口彈牙，豬頸肉本身脂肪分佈均勻，口感軟滑又有嚼勁，配上泰式酸辣醬汁，開胃又不膩。然後海南雞🐔係這裡的招牌菜， 雞味嫩滑濃郁，比起一般海南雞，吃得出雞肉本身的鮮味，配合香料更顯層次。至於泰式咸魚炒椰菜苗🥬真的是一道令人驚喜，它結合了泰國香料的靈魂與中式鹹魚的風味，咸魚經過爆香後釋放出濃郁香氣，與椰菜苗的清甜形成鮮明對比，最重要係炒得夠哂鑊氣。🥥 椰汁三色冰，係我夏天之選，椰香濃郁，加上三色馬蹄爽，口感豐富。🍋 凍柚子蜜就是清新果香的健康之選，柚子蜜帶有天然果皮香氣，酸甜平衡，特別適合炎熱天氣。因為只得兩個人食，這三個菜式已經吃到好飽，它的份量都唔細架😅！呢間餐廳仲有好多菜式我都好想下次再來食架，真係好多選擇。…查看更多

當我在行人路上走近這間店舖，一陣濃香的鹵水味吸引着我停下來，看著廚窗内的各種鹵水食品，不禁令我垂涎三尺😂😂。（其實係自己為食🤤）。走進去才發現這是一間三代傳承的鹵水店，在香港現在已經買少見少，真的希望這些香港店舖可以繼續生存下去。這間鹵水店面不算太大，買外賣回家一邊吃，一邊喝酒真是一件樂事呢！最抵食的必然是它們的鹵水鵝拼盤了，一大盒可以享受不只是鵝肉，還有鵝翼、豆腐、雞蛋、鹅腎、鵝肝、紅腸、墨魚。。。店內購買還有9折優惠，真正抵食大大份。食落感覺鵝肉入口肉香質嫩，鵝肝入口鬆化，墨魚爽脆，各種各樣都浸沉在濃香的鹵水汁中，非常入味，可口味美。下次一定會再去幫襯其他鹵水食品🤤🤤。…查看更多

今日晚上朋友為我慶祝生日，她知我喜歡吃日本拉麵，就帶我去天后一間充滿日本風味的拉麵店，無論裝修風格以至拉麵都讓人感到有「返鄉下」的感覺😁。店面不算大但有個看得見的廚房，近距離跟廚師交流。。。。🧑‍🍳🧑‍🍳😂😂 ，所以我哋特別選Bar 台坐可以睇廚師煮麵😂。Menu 有好多款拉麵選擇，但廚師知道是生日飯，就介紹我哋我哋吃瀬戶內海蠔湯拉麵和雞白湯拉麵，等着也看着廚師怎樣把我哋的拉麵煮出來，廚師純熟的手藝和擺盆都一目了然！🤤當廚師把兩碗拉麵送來時，我哋看到擺設十分精美，所以讓相機食先啦！😂😂 廚師提示我哋首先要嚐湯底，雞白湯很濃厚的雞味，真材實料 ，蠔湯很鮮味，拉麵軟硬適中，日本蠔煮熟了還再在蠔面上燒一下，食落感覺鮮甜香口，我哋其實想點其他日式小食，但太飽了，食唔落，下次來就要帶多幾個朋友先得😅 。…查看更多

今日打風天氣非常炎熱🥵🥵，剛巧和朋友路經佐敦，想搵解渴食品，見到糖水雄店舖，二話不說就入去搵冰涼的甜品，店員介紹我食白果腐竹沙冰🍹🍧，白雪雪好似雪山咁，大吸一口已經覺得涼透心，我朋友就食西瓜涼粉，同樣冰凍消暑，味道很好，又不太甜，真係好爽！😆😆聽講原來佢係有做外賣送遞，誇區都會送外賣，不過唔同地區送外賣的日子有唔同，下次我都要試下叫外賣，唔洗特登去佐敦食都得。吃完我還買多兩個外賣糖水給我家人，天氣雖然炎熱，能夠及時有冰凍的沙冰解暑真係冇得頂。👍🤤…查看更多

話說朋友和我都喜歡吃潮州菜，今次從open rice搵到呢間，即管試下，地點方便。我哋叫左鵝片、蠔餅、蠔仔粥和芥蘭炒臘味，有驚喜，蠔餅恰到好處，多蠔少槳 脆口，蠔仔新鮮，鵝片很滑不煙韌，芥蘭嫩口不多油，蠔仔粥不過不失，蠔仔鮮味，我和朋友都讚口不絕，一定會再幫襯，試下其他菜式。😊性價比高，價格合理，招呼周到。…查看更多

今日驕陽似火😎🥵，和朋友走到中環搵地方食lunch ，經過卑利街見到一間cafe ，門面好有文青feel，望下menu 有沙律、乳酪、意粉和coffee 花茶☕，熱辣辣都係想食 fresh and green 。☘️ 店舖不大但感覺開揚舒適，特別之處它有後花園的🤭。牆上貼上很多資訊，原來老闆是一位好有heart♥️ 和 有story🧑‍🍳 的人，想知多啲就要親身去了解下。😉原來呢間店主打健康和美味的食品，養牌上還會列出食物的卡路里、蛋白質、碳水化合物和總脂肪，好合適一些注重體重和健康管理的人士。我哋點咗#輕煎帶子黑松露菠菜牛肝菌意粉、#煙三文魚牛油果野菜沙律、#原味乳酪碗、#亞麻籽紅肉火龍果汁及#Special Tea 夏（花茶）。意粉味道不過不失，沙律很清新開胃，乳酪碗非常美味，火龍果汁夏天飲一流😃。座落中環地區，想不到價錢很貼地，我哋都享受了一頓很健康又美味的lunch，好滿足咁離開。…查看更多

話說朋友又想食片皮鴨，見open Rice 食評幾好即管試下，我在Open Rice 訂座的。但是用餐的體驗就唔太滿意了。事源1. 我哋已經訂了5 位，去到待應比一間房我哋，我覺得奇怪（因為我哋沒有要求用房間）就問多次待應真係比這間房嗎？佢哋話正確，我再多口問用房有冇最低消費，待應話你訂位時有寫的。😳我心唸... 那裡有寫？？結果5-10 分鐘後，又突然話搞錯咗，又叫我哋坐出大廳，算啦！唔知點解佢哋咁亂😣。2. 食物方面，我哋點咗片皮鴨、手撕雞、葱油餅、小籠包、上湯津白、瑤柱蛋白炒飯及高力豆沙。以我哋嘅評價，片皮鴨都係一般，皮不脆，份量少，只有手撕雞和高力豆沙好味好食，其他也是一般，蔥油餅好咸😣。3.當晚係周末，座無虛席，廚房出菜非常慢，食完頭幾個菜，就要等半個鐘，又趨又盛幾次先可以上到菜。4.我同待應提出請佢哋確認我Open Rice 訂座出席，但待應找老闆，老闆話唔識，又係廚房搵個男人出來，只係答我你埋單時就會幫你搞，結果最後都冇。唔知Open Rice 可否比返出席的積分我呢？5. 最離譜係，我朋友簽咭埋單，到了晚上十一點幾，竟然收到老北京的訊息話我哋張單取消了交易，即係冇過數，要求我哋轉賬比返佢老闆。我哋都好懷疑係咪騙案，寫食評時仍然處理中。所以我哋基於以上原因都唔想再去。😤…查看更多

突然又想去吃烤鴨，所以約了幾個朋友去銅鑼灣的古琴雅苑，在一片結業潮下，以星期六這間食肆生意已經唔錯，因為當晚訂位全滿。我們4 人點了一個併盤、半隻烤鴨、一碟津白、一個炒飯，另外經open rice 訂座送一碟醉雞。水準保持平穩，人均消費約$200 算係抵食，但我比較喜歡尖沙咀那間店的味道。😜，當晚沒有拍任何食物照片，因為張枱面太細放不下所有餸菜。香港地食飯限時係人都知道，準時8：00 就要請你離開。服務差咗，仲成日叫你買現金券。…查看更多

最近不想吃火鍋放題，朋友又只吃牛，就選擇去616 啦！旺角呢間貪佢放便行街shopping 🤭。因為知道8：30 後有折就人多，只好食6：30 啦，90分鐘都可以的。其實已經來過兩次，試咗幾個不同的部位，自己和朋友都喜歡#牛頸脊#匙柄#橫隔肌#肩胛翼板，仲有蝦滑、豆腐、烏冬都好啱我哋胃口。湯底都係叫牛骨清湯，可以不失牛的鮮味。唯美中不足，一始終有些牛肉都知道雪咗一段時間，新鮮感扣分囉！但整體用餐都感到滿意，服務也可以。廁所就非常唔得，只有一個殘廁，又要排隊又冇咸水沖廁🤮，要自己在大水桶筆水。如果下次要去616 要揀其他分店。…查看更多

朋友約在荃灣食生日飯，見openrice 食評讚好，就選擇了這間日本菜，第一次來食，訂咗位先，因為舖面坐位唔算多免得排隊。雖然見到有套餐，但我哋就決定散叫自己喜歡的特盛海鮮鍋、刺身、蜘蛛卷物和蟹柳沙律，我最喜歡個海鮮鍋，個卷物是我最愛的軟殼蟹牛油果冇得頂，刺身也好新鮮，不過沙律普通，下次可以叫其他食物。…查看更多

29/7 晚上和朋友在此餐廳用膳，因為朋友曾經來過，所以交由朋友點餐，有紅菜頭沙律👍、牛扒（都可以）、炸雞薯條（炸雞鞋左D）、梳乎厘（非常正👍）、Pizza 都好食.可以考慮再來。不過要注意： 某些座位冷氣唔夠，同埋樓上健身室的啞鈴聲令店内天花經常發出呯呯聲，小心有天花灰塵會跌落嚟。😏😏…查看更多

29/5/2022 朋友推介葵芳店好座而又好食，我既然是會員即管去試，以往只去開旺角及荃灣店。我哋叫咗安格斯餐，朋友最愛是洛神花茶，入座後第一時間攞支比佢飲，我自己就要支什麼雪梨茶，oh my God ! 朋友即刻話假咗既，不是以前的洛神花茶，我果支如同糖水，在雪櫃攞出來仍暖的。😨食物，牛肉明顯降級份量又少。當日個場唔滿，但我哋卻分配去廚房隔離個張兩人枱，冷氣唔到，越食越慶啦！服務自然又係差咗！ 疫情後如要做生意都唔應該降低質素但唔降價。今次過後唔會再去了。…查看更多

紅磡係有好幾間泰國餐廳，但水準不一，我推薦呢間小店，因為試過不同的食品，而且見到小店的客人越來越多，老實說，食物由泰國人主理有風味，老闆娘很友善又懂得廣東話，對客人的要求可以彈性處理，店家細小，多單起來要等多一點時間，客人從冇抱怨，因為小店的食物真的抵食又好食，我最喜歡吃的是炭燒豬頸肉、肉碎生菜包、波蘿炒飯、豬頸肉炒飯泰式炒貴刁、另外是串燒，仲有蝦片，星期六、日特別多order , 最好早點打電話去落單，然後隔半小時左右才落去取外賣，現在連泰式湯河也有，見到老闆娘很落力工作，滿頭大汗，希望她生意興隆，能夠繼續做下去，等街坊可以繼續有好嘢食。…查看更多