look2happy的个人专页

好耐無出街食飯了，特別掛住打邊爐。所以朋友邀請我打邊爐時，我二話不說，立即說好。今次到灣仔這間重慶火鍋，十分滿意！首先餐廳先給我們雪耳紅棗糖水，滋潤一下。一邊吃糖水，一邊用電話APPS點餐。 我們選擇了雙拼麻辣湯底配豬骨湯底，希望可以嘗試不同口味。麻辣湯底越食越辣，非常香，好正！而豬骨湯底好清甜，而且有好多湯料，好好味。打邊爐最重要就當然係啲配料啦！這裡啲配料好多都可以點半份，等我們可以試多啲配料。麻辣火鍋最正就係點多啲吸味的配料，鴨血、海帶頭、豆芽，冬瓜全部都好好食！第一次試曉宇苕粉，有少少類似薯粉，吸收了湯底的精華，必點！鮮活海蟶好新鮮，又非常鮮甜！嫩牛肉好滑好正呀最後當然是甜品時間，紅糖慈粑超級好食，外脆內軟，再在外面淋上糖漿。…查看更多

呢間韓式烤雞店我一直好欣賞，隔一排就黎食。今日同朋友黎尖沙嘴店食，揀左果味蒜香烤雞，味道係鹹中帶甜，唔會好似蜜糖烤雞咁甜，如果唔係太鍾意甜食嘅大家就啱曬！份量好大，有雞髀又有雞胸位，基本上兩個人share就可以每人都食到半隻雞，唔係爭！不過份量真係好大，我地真係食唔曬，剩番1/3左右，最後打包番去當晚餐！另外仲有海鮮煎餅。呢度嘅海鮮煎餅好足料，食到大大粒魷魚、蜆肉等等。味道平衡，唔辣唔鹹，啱曬我地。另外我地點左汽水同茶，配合雞呢啲重味嘢啱曬。…查看更多

k11地鐵層有呢間高級版茶餐廳，裝修好亮麗，食物亦係有名廚Ricky調配。我地點左兩款食物再加$28配羅宋湯同飲品。羅宋湯係偏甜，帶微酸。入面都幾多料。祥仔脆脆豬扒飯（$118）呢個招牌豬扒飯既豬扒同飯係分開上。首先豬扒既外表係金黃色，外皮炸到超級脆，而豬肉咬落去係非常厚同嫩滑，豬味濃郁！ 而飯係配蕃茄汁，蕃茄汁甜中帶酸，汁中仲帶有新鮮蕃茄仔，非常開胃。祥仔呢到係將飯同豬扒分開上，咁樣可以令到豬扒保持住佢既鬆脆唔會咁快變「林」。鬆脆既豬扒配埋開胃鮮甜蕃茄汁，食起上黎特別好味！爵肉牛柳（$178）我呢個係茶記鐵板餐嘅昇華版，有靚牛柳三塊，用左黑椒汁，牛味頗濃，作為牛柳當然無筋，咬落較為軟嫩。另外跟嘅係一大件薯仔，係平時西餐嘅薯仔幾倍咁大，幾特別～仲有粟米、炒雜菜，上面有一小片鵝肝醬，唔怪得知價錢都較高。最後飲品包正常檸茶檸水咖啡奶茶，我地就揀左一凍一熱檸茶。…查看更多

觀塘有呢間西餐廳幾抵食，今晚上黎食左好多嘢，超飽。維尼雞翼 $58有四隻咁多，蜜糖味幾甜美，而且啲肉好嫩。法式紅酒燴牛膝 $198呢個晚餐好抵，有餐湯、沙律、飲品。牛膝口感有啲似豬手，啲肉係一絲絲咁，都算嫩滑唔乾。另外加多個是日餐湯 $38就啱曬。溫泉蛋菠菜大啡菇 $78好大塊，中間係流心嘅，配合健康嘅菠菜。意式焗牛肉丸 $78牛肉丸大大粒，下面好多薯蓉，有黑松露味架!是日甜品$1係泡芙，入面係吉士。比較係件，不過$1黎講都啱數嘅。…查看更多

餃掂開到黎中環，今晚要OT就當然黎食番餐。今日點左以下：龍鳳松茸雙煎餃（$86）呢個果然係招牌菜，松露味好突出，好容易食上癮～元貝豬肉餃（$62）入面有爽口嘅感覺，好似食緊金針菇咁。惹味唐芹伴豆筋（$32）紅油伴，味道帶四川風味但又唔辣。豆筋係幾健康嘅食物，真係慶幸呢度食到。日本龍鳳蛋（$18）呢個有驚喜！係餃子店食到日式嘅糖心蛋！係冷盤上，涼浸浸，上面有黑白松露醬，賣相精緻～山楂雪梨水（$20）味道唔算太甜，雪梨味道好自然，係潤肺嘅飲品。總括黎講比我想像中更正，絕對會再黎。…查看更多

宜家外賣都好多優惠，呢間就做緊9折優惠，我又好想食下麵，就過左黎食。呢度除咗麵食其實仲有飯可以揀，不過當然嚟到呢間叫做老媽拌麵梗係食麵啦。和牛炸醬拌麵（$78）有靚靚太陽蛋，炸醬係免治牛肉，加入台式炸醬，有甘筍、黑木耳、小黃瓜。呢度可以揀刀削麵或者幼麵，今次揀左幼麵，比較滑身，都算彈牙。食落炸醬味道冇我想像中咁重，又唔係好油膩，感覺係健康之選。+$15燙青菜清清地夠曬正。要保持健康嘅身體，每餐飯有菜食係好緊要架。阿里山高山冷泡茶最清淡之選。依家都盡量唔飲啲奶類製品，有茶包茶就啱晒我啦。好濃郁，飲完感覺精神一振。呢度主力做外賣，但係其實都有三個位可以堂食。外賣嘅包裝全部係用紙做嘅容器，夠晒環保。…查看更多

午餐又坐船過海港城食飯。今日就黎左食寬巷子。呢度裝修超有古代風，本身係食打邊爐嘅，不過中午就比較難打邊爐，所以都有好多午市套餐可以揀。我地今日就揀左兩個飯餐。豆乾炒牛肉配白米飯（$108）我揀左呢個飯餐，就係因為我係牛魔王。個飯跟左泡菜、同好多款蔬菜，個飯仲有地蟹籽，好有fusion感覺。牛肉個口感比較結實，用生粉醃製，炒豆腐乾，味道幾貼近台灣食到嘅。鮑魚魷魚蒜湯配白米飯（$118）朋友話呢個餐既賣相非常精緻，一見到個餐已經感受到濃濃的古風。首先個湯好足料，湯入面除左有魷魚同埋肉，仲有三隻飽魚。而個湯雖然係蒜湯但並冇好濃既大蒜味，非常易入口。跟餐仲有蔬菜同蒸蛋，蒸蛋好嫩滑，蔬菜份量都唔少，營養配搭均衡。鮮人蔘紅棗燉烏雞湯（+$30）呢個湯就比朋友個跟飯嘅湯無咁濃味，比較清清地，不過感覺都營養爆棚。山楂紅果汁（$15）我呢杯呢個味道比較似酸梅湯。寬巷子玫瑰水果茶（$15）朋友就話水果茶充滿住水果味，其中最突出係橙味，而玫瑰味並唔濃，但係兩者出奇地match。茶底就係有d澀味，係正宗的台式水果茶。食完都幾飽，而且人唔算多，唔係好洗等位，傾計一流。…查看更多

黎K11 Musea食飯，黎到muse edition一樓有呢間麵店。餐牌主打東南亞同中國各地嘅麵，亦有東南亞嘅飯。門口仲有個飲品吧。裝修幾高檔，落單係自助形式，可以用枱面QR Code，亦可以用門口嘅自助售賣機。河內和牛湯河（$108）朋友叫左呢個越式湯河，河粉夠滑，湯底同和牛都幾有牛味，略嫌份量較細。新加坡海鮮喇沙（$108）我就叫左呢款新加坡嘅代表。湯底十分濃，椰香味十足。用嘅係幼麵，而唔係平時啲米粉加米線，都幾彈牙。青口、蝦、魚蛋各兩隻，都幾好送。蜜糖蒜蓉炸單骨雞翼（$48）單骨雞翼就係將雞翼斬開一半，比較容易食到肉。外皮酥脆香甜。健康彩虹沙律（$58）呢個沙律預拌沙律醋，上面有健康食物藜麥、青蘋果、士多啤梨等，色彩繽紛，所以叫彩虹沙律。鮮芒果糯米糍（$32）甜品就要係外面雪櫃自己攞。呢度嘅糯米糍無平時見到嘅一層糯米粉係面，所以比較痴底，比較難離開底下張紙，黏性較強。入面嘅芒果都夠大塊，夠juicy。呢度雖然係自助形式，但係都有侍應幫手送餐嘅，所以一定要保留張單以供識別。好貼心呢度有埋圍裙可以用。…查看更多

經過上環呢間媽咪雞蛋仔，聞到啲蛋香，實在忍唔住要黎食番底。呢度有啲期間限定款色，我今日就揀左牛油果朱古力（$34），另外揀左鳳凰卷（$35）。牛油果朱古力（$34），牛油果粒都幾多架，連埋雞蛋仔一齊咬落去，都有少少爆漿效果。牛油果同朱古力呢個配搭幾新穎，但因為朱古力唔係太重，所以兩樣嘢唔會唔夾，到最後都覺得幾平衡。反觀鳳凰卷又幾特別，可能因為鳳凰卷本身就係蛋香重，同雞蛋仔本身嘅材料相近，再加上紫菜仲有啲肉鬆，同埋鹹鹹地嘅調味，都真係幾正！原來呢度啲飲品都幾抵飲，而且配搭都幾新穎，唔用珍珠而係用芒果蒟蒻，仲有豆腐花！咁特別，當然要試下。飲品就揀左凍咖啡加芒果蒟蒻（$22+8），仲有宇治抹茶牛乳豆花（$30）。豆腐花係成磚山水豆腐花係入面架。抹茶味都幾夠，奶味則較淡，叫左少甜，啱啱好！…查看更多

來MOKO吃過晚飯後就逛逛地鐵層的餅店，這家甜藝家是甜品大師的餅店，甜品大師有名的是玫瑰花蛋糕，想不到餅也做得很出色。這邊店舖有很多陳列品，都很吸引，看見蝴蝶酥這麼大一塊，實在忍不住要買一盒原味試試，$178一盒。打開有33塊，每塊都是手工做，所以形狀大小都有點分別。原味的蝴蝶酥，牛油香四溢，咬一口也滿滿牛油味，非常酥脆。另外海鹽朱古力曲奇也很誘人，朱古力有誰不喜歡呢哈哈，$88一盒。裡面真空包裝，有防潮珠。這些禮盒包裝得體，送禮很不錯。…查看更多

食完飯唔夠飽就黎飲番杯野飲。朋友唔想飲奶就提議黎飲酸奶。呢度有好幾款酸奶，有啲稀啲有啲結啲，仲有款係加多啲乳酸。我就揀左杯新出既紫米奶翠（$30），朋友揀左杯莓果粒粒（$39）。我呢杯係熱既，就係打開左既全脂奶加上粒粒紫米，仲有啲好似有啲芋頭蓉增加口感。呢杯係無酸奶係入面既。朋友呢杯就係用新鮮士多啤梨加上酸奶打成，係凍。呢度可以揀冰量同甜度，不過我地都無提出特別要求，而味道都唔會好甜，感覺啱啱好。…查看更多

石門開左陳根記，地點超級就腳，石門站一出去就係，果斷黎食！原檔禾輋搜搬過黎，秉承返佢既大排檔作風，雖然係商場入面，但一坐入去就即刻重拾大排檔既風味，由地板，裝修至落單方式都係一樣！人流好多，但坐落都唔會逼，非常通爽。落單係自己寫號碼。餐牌同之前都係差唔多，經典大排檔各類既菜同肉都有。每晚都有唔同既特價菜式，款款唔同，而今晚伙計就推薦無味精新鮮手包韮菜餃，九隻48蚊，大大隻，超抵食！皮又嫩又薄，餡又足，因為無味精所以個湯底同清水差唔多。佢上埋菜寶同潮式辣椒油，如果想多味d可以點。薑蔥雞煲（$75），佢個煲個size唔係好大，但食落發現都好多雞，好足料，唔係大部分都係薑蔥。而且雞件非常滑嫩，整得好惹味，用黎送飯一流。天氣凍，於是再叫多左一個八珍豆腐煲（$72），同樣地都無好足料，個汁唔係好咸，但夠入味，每樣餸都有兩三件以上，熱辣辣上台。海鮮點左金湯酸菜魚（$148），酸味剛剛好，香味十足，鐘意食酸菜魚既我簡直欲罷不能，食到興恰恰，魚片比我想像中多，底部有粉絲，配埋個湯底好開胃，兩個人食既話，一個人可以載到成四五碗。各種唔同配料都好齊，個人十分滿意。當然亦都叫左個菜，芥蘭炒牛肉（$75），夠鑊氣，炒得好香又唔油，菜肉比例足👍🏻總括黎講的確無令人失望，對得住佢既招牌同名聲，上菜好快手，溫度同味道都相當有水平，絕對值得再黎食過呀…查看更多

祥仔係由香港名廚所開，最近喺尖沙咀開咗分店於是我就慕名去試吓。餐廳裝修好舒服，古風之中帶d中式設計及花草，令人感覺親切。午餐好抵食， 價錢都係$100至$150左右，因為我為食又大食嘅關係，我就叫左星斑飯再加沙律甜品同埋湯。兩日兩夜羅宋湯+$15加錢要呢個湯真係冇加錯，非常好飲，好酸好有蕃茄味，除咗湯亦都好有多材料，飲完真係會回味兩日兩夜啊。鮮粟米 真 星斑飯 $138 食過咁多次班楠飯，第一次見有餐廳會用真既星斑去煮！星斑連埋紅色既魚皮去煮，好滑好有魚鮮味，而粟米醬汁就比較重忌廉味，忌廉味之中亦都有啲奶味，非常開胃，送飯食一流。要提一提祥仔係用新鮮粟米溝落d醬汁到，又甜又鮮味。意式素菜沙律+$15 水果同疏菜都好新鮮，如果份量再多啲會更好。是日精選甜品+$15餐廳每日都有唔同嘅甜品提供，而今日嘅精選甜品係吉士鮮水果。水果係新鮮水果非罐頭，有d酸酸地嘅水果配埋甜甜地既吉士汁，好match好好味，食完好滿足。…查看更多

星期五食lunch食豪啲，黎左呢度食龍蝦三文治。同事揀左烤爐魚。1點黎到唔洗等位就坐得。首先黎左前菜沙拉，係有鴨肉架，鹹鹹地，啲菜就係軟身既好似菠菜咁，都幾開胃。<龍蝦三文治> ($188)入面有兩大隻龍蝦鉗同龍蝦肉，仲有蝦。個包係厚實既法包，唔係空氣包，焗得幾脆身，食落都好飽肚。我竟然食到最後先發現原來有粒檸檬係底哈哈。<烤爐魚> ($158)同事呢個爐魚都幾大塊架，旁邊有一小塊蒜蓉包，用紙包住咁上好神秘，硬身既，都係飽肚既厚實型包。飲品方面揀左英式紅茶，係Twinnings早餐茶。我就揀左杯Cappuccino，有個靚靚拉花，啲奶打得夠鬆，我鍾意。咖啡幾濃，夠曬提神。…查看更多

呢度真係中上環返工人士既福地，場地寬闊，有四方台又有大圍枱，又有帶有USB同普通三腳插既吧枱，設計真係別出心裁。宜家臨近聖誕，呢度佈置得還有聖誕氣氛，仲播曬聖誕歌添。係門口落單比錢後就等叫號碼，等耐左侍應就叫我攞個牌坐低，之後再送餐比我，超好服務又貼心！午餐有中式有西式，我就揀左熊本西冷牛扒配薯蓉（$88），本身餐飲可揀中湯或西湯仲可以揀普通飲品。我就揀左西湯，今日係番茄湯，食到番茄蓉，味道酸甜，仲有果仁粒添。牛扒厚度大概1cm左右，肉質幾嫩幾多汁，配埋芥末醬好正。薯蓉有藜麥係入面，好creamy！我見呢度有中式糖水，就加左$10要木瓜雪耳桃膠，呢度既桃膠煲得幾腍，雪耳份量又多，甜度剛好。最後見呢度有排毒一流既bless，又要番支飲下。…查看更多