fattyyyishappyyy的个人专页

次次見到多人排隊就好卻步！ 今次終於扚起心肝排隊！都好似排咗20-30分鐘🥹 呢度2個意粉加1份單骨雞翼🍝🍝🐓夠3個女仔食因為佢啲意粉都幾大份！所以都算抵食🤣嘢飲都唔錯☕️只不過大家要有心理準備排隊🙏🏻聽講平日都有時要排🥹除咗排隊，另一個重點之一就係有油煙味，大家可能要考慮埋食完之後會好大浸油煙味🥺 如果之後要繼續去行街約人見面就要諗諗，因為我實際真係試咗幾次都係有油煙味，而且係吸晒嘅😂🥲…查看更多

元朗豬扒飯其實有幾間都好出名! (細細個就聽過嗰啲…不過唔知其他人有冇聽過🤣) 天奴同開心小敘都食過好多次！唯獨成記一直冇試過🤔 我都唔知點解，可能係屋企人好少去嗰邊嘅冬菇亭食嘢？😆今次趁晏晝人少少去咗試下！環境就一定係好一般㗎啦…個地下爛得七七八八…要坐得小心啲，如果唔係可能張凳唔穩會跌到整親！另外係喺正廁所隔離🫠好在冇臭味🙏🏻 真係唔係個個人都接受到嗰度嘅環境，所以想試嘅話可以去實地考察下先，真係好想食嘅話就速戰速決，或者買外賣🥹🟡嗌咗豬扒雞球同埋豬扒雞翼飯，都係豉油汁👍🏻 ($55一碟包冷/熱飲) 係大件夾抵食的！豬扒大塊，唔算腌得超級勁👌🏻 雞球都幾大粒👍🏻雞翼有三隻👍🏻食落就差唔多味，不過雞翼好過雞球😆個豉油汁偏甜同埋濃稠，本身食覺得冇乜特別，但係撈撈下又會繼續想食多啲飯😆幾惹味😂雖然元朗好多豬扒飯，但係其實冇得比較，每間個款式都唔同🤓 所以大家都係睇返鍾意食邊款豬扒先再去試吓啦🤣 …查看更多

5月1同朋友出街食lunch，驚好多人所以揀去近近地荃灣，想飲茶但book唔到位，見asok尖沙咀店之前好多人出post介紹，諗住都可以試下就揀咗呢度(加上因為book到位😂去到環境係唔錯，枱枱凳凳都幾靚🪑落單用QR code，餐牌係一張brunch menu(冇圖的)🙏🏻 價錢中上(泰國菜嚟講，不過商場價+打卡款咁啦我估)係咁上下🙏🏻首先係軟殼蟹唔知咩意粉(我上網搵唔返呢個菜式) 朋友仔表示個意粉係甜的😂同埋重椰味，我試咗一條都係同樣感覺，冇其他嘢好講🙏🏻我嗌嘅海鮮濕炒河🦀海鮮都ok多嘅，味道中規中矩，呢個菜式係唔辣的，但係啲芡汁實在太多，同埋啲河粉好黏，頭幾分鐘食都還好，之後就係痴埋一舊🙏🏻變咗似好淋嘅寬薯粉嘅感覺😂海南雞飯(我冇食不便評價)，青咖哩雞飯(又係椰味重)，brunch set加嘅side dish小食拼盤，條腸(?)勁粉唔知食咗咩咁lol 其餘幾款就似即食嘅味道😂 另外有嗌一個冬陰功湯，但係冇影相，不過味道就都係椰味較重，酸就啱啱好，但係唔夠辣(其實feel唔到有辣味🙏🏻最後係brunch set加嘅甜品，芒果糯米飯🥭糯米飯一食就同朋友仔都覺得係即食叮返熱嗰啲糯米飯🙏🏻想講係咁多🙏🏻 完結🙂‍↕️同朋友坐低傾吓偈，環境係唔錯嘅🙏🏻其他就。。。嘢食就真係好一般。。。。。。覺得性價比麻麻🙂‍↕️ …查看更多

🔴其實一早已經聽過 @sbakeryhk 呢間cheesecake! 仲知佢喺太平山街開咗靚靚舖頭！不過每次行過都冇試😮‍💨 因為每次都食飽咗，同埋價錢方面令我有啲卻步💸 🟠前排行過終於扚起心肝試試佢！因為有朋友推介話真係好好食🧚🏻‍♀️今次係買完咖啡再去，原來喺隔離買完咖啡再買蛋糕有9折😗 今次試咗喺櫃入面剩返一舊嘅s’more！因為見佢剩返一舊，所以就覺得應該會係最好食😂價錢方面其實真係好貴。。。不過好大舊，一舊足以兩個人share，同埋係好需要配咖啡一齊食，因為都幾甜㗎，所以買咗咖啡再買cake就$88件(原價$98)💁🏻‍♀️🟡想講係真係好食🥹我好耐都冇試過食到一件蛋糕係覺得好好食🥹仲要講緊已經係食咗嘢之後再去食🥹飽飽地咁樣食都覺得好食🥹雖然食落覺得甜，但係甜得嚟又唔會漏，口感好豐富，其實我冇深究入邊有啲咩令到我咬落去覺得有層次感，反正就推介大家去試吓🥰因為放入口就覺得好好食🤭 🟢自費非打手🙏🏻🤣 因為淨係試過s’more一隻味咋，係唔代表埋其他味嘅立場㗎🙏🏻 …查看更多

終於試到小滿定律啦🍦 不過係西營盤店，唔係西貢店😛 之前見到人哋post西貢店一直都好想去不過實在太遠🥲今次去開堅尼地城食嘢☕️ 順便就去試埋!!! 店面靚靚可以打卡🤓🟠嗌咗杯裝(朱古力糯米糍，紫米，朱古力脆珠)熱情果汁🍦 另外一杯筒裝(海鹽焦糖脆脆)🍦🟡朱古力糯米糍同埋紫米都係西營盤限定！兩個都好食！😛 竟然有紫米，驚喜之餘原來同乳酪雪糕好夾！而朱古力脆珠，想講份量超多，喺個雪糕中層全部都係咁滯，直頭食到好滯。。。即係唔係話份量多唔好，但係每一啖入邊都有最少五至八粒，好似有啲喧賓奪主🥹 另外我本身落單嘅時候其實係嗌脆脆，咁可能我冇講清楚係朱古力脆脆(珠?)定係焦糖脆脆，所以佢俾咗朱古力脆珠我，但係我寫緊呢度嘅時候先發現係朱古力係脆珠，焦糖係脆脆，咁我點樣最後會得到朱古力脆珠lol (利申當時我以為因為我冇講清楚係朱古力脆脆定焦糖脆脆，原來根本就得一種脆脆。。。) 🟢不過都好彩呢個誤會之下，我冇焦糖脆脆，因為我筒裝嗌咗焦糖脆脆做Topping，雖然得幾粒，但係真係超級超級甜，所以一定要好大啖乳酪雪糕溝埋一齊食先得，大家如果唔係好鍾意食甜嘢真係三思(呢款topping)😂 🔵總括嚟講睇吓大家去西貢近啲定係西營盤近啲🤣鍾意食乳酪雪糕嘅話記得去試吓🍦😛我覺得係好食過坊間其他乳酪雪糕嘅😋🟣自費非打手🤣去開西貢唔多人都應該會試埋🤣…查看更多

一直都想試下page common嘅tiramisu!!! 但之前去過幾次都太多人排隊，所以冇試到，但實在見到太多人介紹過啦，講到全港第一咁款🧐今次再次無意中經過發現大把位，即刻坐低食個lunch🤭自費😚嗌咗tiramisu🥄，蟹肉芫茜牛油果多士🥑🍞，牛角包🥐，凍美式☕️講咗tiramisu先🥄其實平時好少特登食，食得最多次應該係pici嗰個一杯杯嘅tiramisu😝對tiramisu嘅印象就係咖啡味，濕濕哋🤣而page common嘅tiramisu就相對地係唔濕，又唔會過甜，對我嚟講真係幾好食嘅蛋糕🤣但實際上要點樣評價我就唔係好識🙏🏻 覺得唔使排隊係可以去試吓嘅😝個蟹肉芫茜牛油果多士，份量還好，就係一塊toast上面鋪滿材料，覺得都比想像中多蟹肉，蕃茄仔新鮮好甜🥰 牛油果成熟程度都啱啱好😆 雖然叫芫荽多士，但係其實冇乜芫荽味🫡 不過整體都幾好食牛角包個樣幾靚，入口都酥脆，不過如果好鍾意牛油味重嘅人就未必啱，因為佢係我食過嘅牛角包入邊，我覺得比較好(因為我唔鍾意牛油味🤣…查看更多

🔴早排見到kkday有黃金海岸酒店入面嘅海岸扒房嘅afternoon tea set優惠🤭見到個樣靚靚所以忍唔住買咗嚟試！(全自費不是廣告💳)🟠個afternoon tea set叫做盛夏沙灘下午茶🏖️有以下鹹甜點，大家可以參考下！覺得overall係可以去試下，因為睇得又食得！打卡幾靚，食物款式大部分都味道合理，只係有一兩款可能會比較甜！🤭🟡鹹點有: 牛油果吞拿魚三文治🥑、奇珍帶子蝦肉水泡包🦐、香芒蟹肉三文治🦀、炸蝦餅配芒果蛋黃醬🍤、迷你熱狗🌭️🟢甜點方面: 「珍珠貝殼」檸檬瑪德蓮蛋糕🍋、「夏日水泡」熱情果芒果意大利芭菲🥭、「沙灘椅」菠蘿椰子慕絲🥥、「黃金海岸沙灘」木糠布甸配蝶豆花啫喱🍮🔵飲品可以揀twinings茶🍵或者咖啡☕️…查看更多

終於去咗試YOHO Mall入面都算係近期新開嘅念川居！之前都一直想試MOKO嗰間嘅晚巿，不過都係未試過嘅🤣今次聽好多人講YOHO呢間飲茶好食！終於去到試啦😝3個人嗌咗以下嘅食物🥹雖然價錢上真係唔係普通🤭但質素味道都符合😋真係好食😍嗌咗芙蓉海鮮芋茸盒(幾特別都好食的)，雪山叉燒焗餐包，蠔仔肉碎泡脆米飯，蟹籽北菇燒賣皇(大粒有料)，川式麻辣小籠包(對於譚仔3小辣嚟講真心幾辣🌶️(我廢)，豉汁醬皇蒸鳳爪(對比起普通茶樓比較大隻同埋色澤靚啲！)重點推介雪山叉燒焗餐包！好好食！因為我平時去飲茶都唔會嗌呢類型嘅點心，但係聽講呢個好好食，所以嗌咗！真係好彩有嗌到😍因為真係好食😍所有嘢都配合得好好😝又香又軟熟嘅感覺😚另外想推介蠔仔肉碎泡脆米飯！好大份！(符合價錢嘅🤪) 蠔仔又多又肥嘟嘟！3人每人都食到2碗以上😝碗碗碟碟又靚🤣坐得又舒服😗 可以一試哦！ ！…查看更多

元朗新開嘅清湯牛腩店🐮今次去試係因為喺啲社交平台group到見有人介紹！希望喺元朗搵到好食嘅牛腩所以去試下🤭100%自費(因為好耐冇出過post咁🤣怕自己啲口吻似打手所以打算以後都講明自費🤭)嗌咗牛腩米，牛腩拼胡椒豬肚丸米，牛丸拼豬粉腸淨食，仲有凍菊花薏米水～湯頭入口清甜帶鮮，都重蘿蔔味，牛腩質素都鮮嫩😗新鮮牛真係通常都冇得輸，如果咁都唔好食就真係難搞🤣胡椒豬肚丸正常不過冇乜特別，之前喺方榮記都食過類似🤣牛丸都係正常都好食的，有肉汁有牛味，似潮汕牛丸😇粉腸乾淨又唔會難咬，主要都係吸湯汁+粉腸本身嘅質感味道，都ok🤣薏米水大支唔會太甜，飲落c服🤭 夏天飲好爽如果元朗嚟講好似真係冇乜牛腩店而且係新鮮牛腩，食完又唔覺口渴(以前元朗有間好好食牛腩！彪記🫶🏻雖然食完會口渴但真係好好食！🥹已經冇咗好耐了🥹)btw今次試嘅呢間都ok，價錢唔平但合理，仲有佢哋啲辣椒油都唔錯🌶️鍾意牛腩又就腳嘅話都可以一試！…查看更多

🔴明知好大機會中伏但都走去試🥲講緊嘅就係我本人🥹見到Openrice咁多好評，見到啲相又幾靚咁樣🥹因為真係好想食一個好食嘅韓國湯飯🥹所以都入咗去試🥲點知就。。。🥲🟠嗌咗薯仔豬排骨湯，去過好多間韓國餐廳，正常嗌湯都會跟個飯，呢間跟個飯要加$20🤭都唔緊要，因為係想食湯飯都要加㗎啦🥹一打開個飯已經望落覺得唔靚(sorry冇影到因為本身冇諗住出post，但係愈食覺得愈難食🥲)，唔靚都唔緊要，係勁淋，完全冇飯嘅質感，仲要係加咗紅米，都可以連啲紅米都幾乎變埋糊仔🙏🏻 撈落湯之後入口可以唔使咬，似bb仔咁含兩含就吞得🙏🏻另外講返個湯，係淡口啲嘅比起其他地方，因為好似係標榜冇味精，但係我食落就覺得有啲似辛辣麵湯底嘅味🤣所以唔覺得特別好食定係點🙏🏻🟡另外再嗌咗個醬炒牛肉拌飯🤭啲牛肉切到勁細又薄完全睇唔到咁滯，啲辣醬又稀又冇乜味🥲 重點就都係個飯！撈好之後真係完全出哂事，幾乎係食緊飯糊咁🥲我直頭係覺得難食🥲🟢不過呢啲嘢始終好主觀啦，所以我都冇即場問下店家，廢事阻住人哋做生意，而且又可能有人覺得好好食🙏🏻🔵所以呢個食評只係純粹本人立場🙏🏻大家參唔參考都得🫶🏻…查看更多

耀華街嗰邊平時好少去，一去就一定係去搵嘢食🤭今次見到呢間居酒屋就俾佢吸引咗入去！星期六日都有lunch set! 仲要有平時少見嘅生酮餐！(不是生酮飲食不過覺得食呢個餐會冇咁肥🤣所以即刻走咗入去試🤭🟠嗌咗特上壽司八貫配湯烏冬，係時令壽司新鮮而且份量十足，再加埋個湯烏冬係佢哋自家熬製嘅魚湯！勁濃香！似屋企煲嘅feel🤭🟡另外嗌咗生酮餐就要咗特上刺身🤭每件都厚切啖啖肉🤭配埋炒什菌同三文魚沙律，好飽🤭🟢另外嗌咗唐揚一口雞！即叫即炸！好食！夠juicy🤭🔵唯一想講就係個沙律嘅芝麻醬太多🥹 濃味得滯🤣 (亦證明係真材實料冇溝水🤭…查看更多

平時去開又新街嗰間新記👏🏻原來安寧路嗰邊都有分店！仲要再企理光猛啲🤭所以晏晝就行咗入去食🤭不過今次冇食雞粥！因為而家嘅新記原來超多其他小菜小食！所以今次食咗幾款小菜已經勁飽🤣🟠嗌咗紅燒脆皮乳鴿，海蜇手撕雞，酥炸魷魚鬚同埋欖菜肉鬆乾扁四季豆🫶🏻🟡上菜好快👍🏻乳鴿脆又夠味唔會過鹹✨四季豆好大碟好似食極唔完🤭魷魚鬚又係！望落細細碟原來勁多條🤭仲要全部大大條完全冇碎哂嘅feel👍🏻海蜇手撕雞就不過不失，因為有少少偏甜(個人口味覺得🤭🟢其實仲有想試好多嘢食，但今次2個人食仲要只係下晝，太飽🤭…查看更多

🔴終於食到呢間屯門泳池附近嘅cafe啦🤭之前新開勁多人！上一次叫佢試吓見到門口超多人等位🤭仲見過好多單車友會泊架單車喺出面坐低飲啡☕️今次兩點幾過到去直接有得坐低🙏🏻🟠嘢食款式都好多選擇🤭嗌咗煙三文魚、龍蝦沙律、水煮蛋、酸種包伴薯條🍞同埋烤大啡菇安格斯牛肉漢堡包伴薯條🍔另外嘢飲嗌咗iced long black☕️同dirty coconut 🥥 🟡嘢食夠大份，味道都唔錯✨咖啡款式都多，味道就更加冇問題啦✨🟢又多一個Hea地方可以去(如果唔多人嘅話🤭🔵另外係有室外位置，室外嘅話就會係外賣形式上菜🙏🏻…查看更多

🔴想講老媽拌麵真係越來越多分店📍然後我終於試咗啦🤣仲要係平時勁少去嘅奧海城🤭(原來係新開🟠試咗椒麻半筋半肉拌麵🐮，椒麻手撕雞拌麵🐔，豆乳香香雞🐔，另外2杯嘢飲就係凍老媽黑糖珍珠鮮奶🧋同埋凍鳳梨茉梨茶🍍🟡椒麻系列好惹味😍(本身好鍾意麻辣🌶️夠麻夠香份量又夠🫶🏻不過食到咁上下，就會越食越麻辣，因為我估個底啲花椒油都幾多🥹 所以建議可以少油(如果可以的話 肉方面，覺得牛同雞都好食！個椒麻味係一樣的🤭不過牛就有滷水味🫶🏻我鍾意牛多啲🤭🫶🏻🟢豆乳香香雞有驚喜，好似係香港限定，我本身以為係豆漿+牛乳啲friend，點知原來係腐乳🤣 不過好食，雞本身已經有味，然後另外仲有個醬俾你點嚟食🤭🔵嘢飲正常不過不失，但黑糖珍珠鮮奶唔夠黑糖🥹 多啲會正啲！…查看更多

🔴成日行過屯巿都俾佢吸引住🤭見到勁多口味！有成超過10款口味，有時仲有限定款添，今次終於試下🤭🟠今次試咗GIVE ME 2🌟係可以自由配搭兩款口味✌🏻我就揀咗「伯爵茶無花果」+「鮮芒果」😽🟡3層酥皮+ 2層cream🤭個酥皮好酥脆的，我放咗一個鐘先食都ok，不過勁難切，會散哂🤣入口就係好勁牛油味先，所以反而有少少遮咗伯爵茶嘅味，不過個cream唔係死甜，可以balance返少少成件事🙏🏻芒果唔當造所以好酸🥲不過都係嗰句，因為牛油太香，所以平衡返😆…查看更多