emily0519的个人专页

超多好評的一間主打crepe的cafe, 有甜有咸可選擇。身為甜品控，食crepe一定要揀甜的😍Tiramisu crepe, 上面有一球雲呢拿味雪糕和一粒macaron. 雪糕略有冰感，macaron 杏仁味突出，係我喜歡的外脆內煙韌口感。切開一刀，原來crepe入面夾滿浸左咖啡酒的手指餅，唔係單純mascarpone cream. Crepe 做得相當煙韌，一啖咬落去出奇地有驚喜。唔好睇佢好似好薄好細份，食落都幾飽肚，建議兩個人share 一份😛梳打pina colada, 叫左少甜版本，幾refreshing決定下次試埋咸crepe，作為主食都應該唔錯😆…查看更多

久仰大名既Vission Bakery, 係Cookie Vission既姊妹店。作為麵包+甜品控既我，一定要試下😋排隊約5分鐘就入到店內，花多眼亂，款款都咁吸引🤩揀左最人氣既Tiramisu 酥同Matcha Mochi DanishTiramisu 酥面層灑滿朱古力粉，一大啖咬落去酥皮外層少少脆身，入面係乾身既牛角包質地，配合mascarpone cheese同沾了咖啡既手指餅,整體上口感輕盈，輕鬆KO一整個😛Matcha Mochi Danish, 整個酥做得非常鬆脆， 甘香既抹茶醬包裹住煙煙韌韌既mochi ，口感好豐富，而且份量十足，同兩三個朋友share會更好💗💗兩款酥都好好食，下次想試埋其他。經過既朋友都不妨一試👍🏻…查看更多

Bookmark 左好耐既cafe, 衝住招牌既cheesecake而來，果然名不虛傳💗Cafe開10am, 趁住星期六放假，一早plan好左要開店食第一輪，如果唔係要等超過一個鐘🫣9:45am到西營盤，離遠已經有10幾人在餐廳門口排隊，好crazy😮好驚險，我地係尾二的一枱客😂被安排坐bar枱一大盞水晶燈貫通餐廳兩層，加添華麗感覺未食早餐的我們目標清晰，叫左一份hemma breakfast， earl grey cheesecake, 餐廳每人最低消費要叫一杯飲品（不包括食物），叫左一杯hand drip coffee 同hot chocolate Hemma breakfast, 都幾細份，連基本既多士都只有細過兩隻麻雀🀄️份量，食完叫做剛剛夠飽😅味道係想像得到的味道，冇咩特別Earl grey cheesecake, 半熟半溶既狀態，濃郁既earl grey 味，口感細滑。底部lotus 餅底，加添焦糖香氣，大推👍🏻👍🏻Hot chocolate, 面層加上燒過的棉花糖，甜甜的，非常香濃朱古力，帶少少苦，係我飲過最好的朱古力💗Vanilla cheesecake, 見隔離枱都叫左，忍唔住都叫多份🤣每啖都食到雲呢拿籽，同樣出色😋唯一要complain 係價錢比較進取，cheesecake 同朱古力都好唔錯，食完會心情愉快，係值得排隊一試既cafe😛…查看更多

呢間刨冰店book mark左好耐，以為人潮已經減退，今日到訪都仲有條人龍。排左約半小時終於入到去啦刨冰有大同細size揀，細size只有拳頭咁大，排左咁耐隊一定揀大size😂芒果糯米飯刨冰，面層淋上厚厚的奶蓋，旁邊仲有椰漿同芒果汁，可自行加入😊刨冰口感好似沙一樣幼細，筆入d仲有芒果糯米飯🥰食到底都仲好夠味。整體上對我來講太甜同太滯，兩個人分享一個大size或叫一個細size再加其他野會比較好😅一場來到緊係叫多個多士-鹹蛋黃蜜糖多士💗估唔到比刨冰更值得一試😮鹹蛋黃配上雪糕同蜜糖，鹹鹹甜甜，令食指大動😋多士外脆裏面非常軟熟，仲暖暖地，同冰凍雪糕🍦一齊食好鬼正呀😛最正係雪糕都可以揀味道，揀左綠茶同雲呢拿總括來講，可能我對刨冰期望太高，我覺得冇人地講到好食得咁誇張，而且價錢都幾貴🥺要比較的話，我個人喜歡Shari shari 的刨冰🍧其實呢度的多士比刨冰更出色，如果唔使點排隊的話可以一試😉…查看更多

適逢Christmas + End of the year, 要搵好友來飯聚一下。位於Soho區既法式小餐館，網上評價都唔錯，今晚一於來試下😋餐廳面積不大，只有幾張4人枱，裝修以深木色為主調，很有格調。menu選擇唔多，正好配合我呢種有選擇困難症嘅人😛先來ham and cheese platter, 軟熟的ham，鹹香的芝士，配埋Rose酒，味蕾大享受😜生蠔方面餐廳staff 幫我地揀今日比較新鮮既white pearl 同Scottish rock，非常鮮甜，海水味較輕，還貼心的𠝹開生蠔的帶子位💗鵝肝外面煎得香脆，入口脂香感十足，配上酸甜黑醋汁和沙律菜，中和返油膩感😍白酒煮青口，每一隻火候都煮得剛剛好，非常鮮嫩蒜蓉煮意粉，強勁嘅蒜蓉味，比較重口味，相對下冇咁喜歡US prime grade rib eye, medium, 比較普通，沒有很驚喜😛Weekday 晚上來食飯，只有一兩枱客，感覺上有種包場感覺，靜靜地傾計一流💕Staff 都很friendly, 不過比較新，對餐廳menu不是很熟悉，但仍會熱心幫忙👍🏻整餐晚飯感覺良好，係會想再到訪嘅一間餐廳☀️…查看更多

Butterfly room 最出名係Afternoon tea，不如今次介紹一下Butterfly room 既set dinner，都幾值得一試💗3 courses set dinner, included champagne and tea/coffee. 兩星期前book定枱，一坐低職員會介紹set dinner menu, 如果唔喜歡set dinner都有少量a la carte. Champagne 牌子係Perrier Jouet, 亦有bar tender即場介紹唔同品牌既Gin酒。揀左杯來自印度既Gin, aftertaste 有少少芒果味，少少苦，for 女仔都容易入口。先來暖暖既餐包，頭盤揀左水牛芝士番茄，番茄味道清新爽甜，分量都唔少老公揀左沙律🥗有半隻流心蛋，用脆燒肉代替bacon, 都幾特別😂Main course大家都揀肉眼牛扒配薯條，肉質柔軟，少少overcooked, 薯條似m記牌😛成樽mini茄汁上好得意🥰最後係我最期待嘅甜品trolley😍😍每人可以揀5款🥰🥰太幸福了吧💗💗每樣都各要一😊最前面係lemon meringue tart, 酸酸甜甜, 撻底很脆，幾清新順時針起還有朱古力威化，朱古力香濃，比較滯Tiramisu, cream太多，冇乜咖啡味Madeleine cake質地比較實，味道一般著名的拿破崙，酥皮淋左少少，似乎放得太耐唔太新鮮整體上餐廳staff服務唔錯，不時問你食物啱唔啱食。昏暗燈光配上輕鬆既音樂用餐，氣氛好chill。甜品雖然有點兒失準，但以Rosewood酒店餐廳來講，6百幾蚊一個set dinner係好值得一試🤩…查看更多

星期日去左銅鑼灣行街，行到攰攰地，又熱又口渴，醒起附近有間好出名既刨冰🍧打卡店，一於去朝聖下😍遠遠望到店外已經一大條人龍，店員話大概等1個鐘😅一場來到就等下為左提高效率，排隊等候期間會比定menu客人揀食咩，再幫客人落定單。所以基本上一坐低冇耐就會有得食😛兩個人share一個刨冰，焙茶黃豆粉忌廉～好巨型，冰磚由日本🇯🇵直送，打得好綿密，一d都唔杉口。焙茶味濃郁，同黃豆粉好夾，上面仲有厥餅，煙煙韌韌，令整個刨冰口感更豐富😋刨冰又唔算好快溶，不過都要一啖接一啖快手食，否則會溶到成枱都係😅味道都好夠，唔會食到中間就變淡。不過我一心以為刨冰入面仲會有其他料，但原來咩都冇🤣🤣所以少少失望15mins 已經KO 成個刨冰，所以每枱turnover好快$100一個刨冰真心幾貴，但又幾好食幾消暑，好想試埋其他口味🥰🥰…查看更多

網上很多正評，話呢間餐廳的afternoon tea CP value好高，都帶住少少期望來朝聖下😃餐廳設有落地大玻璃，有户外坐位，感覺光猛開揚。今日間中落大雨，好彩仍然清晰睇到對岸維港景，食環境來講呢個景都值回票價💗💗先食最底層的scone, 細細個唔會食完就滯左。上枱時仲微暖，外脆入面仍保持濕潤，唔會扯乾d口水，做得非常唔錯👍🏻類似蜜瓜味凍湯，有少少香料甜甜地又spicy 的味道牛角包配上牛油果醬同龍蝦沙律，味道ok可惜牛角包唔夠脆，有點失望中層的鹹點做得幾出色😋海膽撻底做得香脆，海膽鮮甜蟹肉脆餅啖啖蟹肉，餅底鬆化帶有鹹香煙三文魚甘香，多士略嫌唔夠脆檸檬macaron 配上鵝肝醬，鹹甜交集一起，單單粒macaron已經係水準之作🥰上層的甜點稍稍遜色😉Tiramisu 蛋糕太濕，味道較為甜Earl grey 卷蛋蛋糕鬆軟，茶味較為清淡雜莓puff 普普通通最為可取係後面的芒果撻，芒果香甜，撻底亦鬆脆可口食到尾聲店員會再送上檸檬雪葩和松露雪糕🍦超酸的檸檬雪葩可以清一清味蕾👍🏻估唔到松露同雪糕可以咁夾💗💗底層仲有d蛋筒脆脆增加口感整體上這個afternoon tea set 係水準之上，惟一要挑剔係茶選擇方面只有twinnings茶包，個人揀左earl grey, 一個茶包沖一壺茶，茶味比較淡😉埋單用埋海港城dining coupon, 計返 $211 per head, 真係好抵🤭唔用coupon的話，我覺得CP值都係高既，推介🤩…查看更多

有次行街經過，比佢間餐廳佈置吸引到，今日專程約個好友來試下👯‍♀️餐廳裝修以淺木色調為主，佈置用左唔同乾花，充滿韓式cafe的感覺以輕食為主，我地揀左雞扒窩夫🧇和意粉🍝份量很少，雞扒size只有1/4件窩夫咁細，入口少少碳燒味，幾香口。窩夫烘得香脆，粉漿應該落得唔多，食完都唔會有飽滯感覺。西班牙豬肉香草意粉，味道一般般食完main course胃仲有大量位置可以食甜品😅叫左兩款蛋糕🍰，上面果款係煎茶味，完全食唔到煎茶味，只覺得整件cake太甜。下面果款係伯爵茶百香果味，中間夾住百香果jelly, 酸酸地中和返蛋糕太甜的問題。蛋糕來講要$4x-5x each,個人來講蛋糕外型吸引，但口味唔太討好。Latte 算係整餐飯最不錯了😌餐聽裝修得好靚，員工服務態度都ok, 靜靜地坐個下午都幾唔錯, 希望食物味道再提升會更好。…查看更多

Butterfly room自開業以來同「一位難求」幾乎可以劃上等號，超難book既枱，如果唔係遇上有客人cancel booking，又咁啱比我睇到，都冇咁快可以試到😋Book 左12:00noon 食afternoon tea😂😂一坐低點左jasmine tea 職員介紹呢個afternoon tea 有3個courses 1st course 係finger sandwiches 由左至右係黑松露、雞肉、煙三文魚caviar、蟹肉牛油果非常精緻，味道各具特色，份量都唔細，食完已經飽左一半😂2nd course 鬆餅和mini desserts 鬆餅焗到外脆入面又唔乾，配合clotted cream 同orange jam 非常出色，而且mini size, 食完都唔會有負擔😋重點的desserts來了💗💗💗💗職員分別推出兩架甜品trolley, 逐一介紹你可以跟從自己喜好揀選喜歡的甜點🍮先試了basque cheesecake, 朱古力橙撻，另外mixed berries 一定要試，blackberry 大大粒，而且可解膩😎食多兩件都唔怕😋另一架trolley 必試係佢地既signature, 拿破崙，入口鬆化，平時經過餅店都忍唔住買來食😋😋開心果roll cake, cream有濃濃的開心果味，都幾驚喜😍這個afternoon tea 除左finger sandwiches, 其餘的都可以refill, 不過胃口有限，試唔哂所有甜品😆除左個tea 時間上食得太早之外，基本上無論服務、食物質素並無可挑剔之處💗…查看更多

由於疫症禁晚市，一年一度的週年晚飯要改為食lunch 。位於灣仔St Regis Hotel 的L’Envol, 米芝蓮2星，去唔到法國，就用舌尖遊走一下😋先來welcome dish, 一d都唔馬虎，有蟹肉脆餅，煙三文魚…..sour dough bread每人有一份，外脆內軟，連麵包擺盤都十分精美，最後仲有杯紅菜頭汁讓你清清口腔，迎接以下的菜式😍我倆各自order 4-course lunch set, 都係2款starters+ 1 main+ 1 dessert 紅蝦他他配上caviar, 他他保持紅蝦口感，既鮮甜又彈牙，呢款caviar 較為清淡，兩者一甜一鹹非常配搭👍🏻老公揀左法國聖子配caviar, 呢款caviar相對重海水味多d，鮮甜聖子同鹹香caviar互相輝映😍雪梨酒醃吞拿魚，吞拿魚肉質彈牙，有少少香茅既味道，底層伴以酸酸甜甜既茄子，一齊放入口腔融合，有種亞洲風味老公揀左鴨肝湯，鴨肝非常濃郁，配上微辣的檸檬sorbet ，稍為解膩，又另一沖擊味蕾之所💗Main dish 紅酒慢煮羊肩，慢煮方式令羊肩肉質非常柔嫩，可惜近脂肪位置有點羊騷味，略嫌紅酒汁過濃，稍微有點蓋過食材本身味道老公揀左M6斧頭排，recommend medium rare, 肉質一樣非常柔嫩，可是個sauce 太濃又蓋過了肉味，兩款main dish都有點失望😉心型炸薯😍💗甜品都揀左朱古力soufflés tart配蕎麥雪糕只可以講，甜品實在太出色💗💗外殼的tart做得又薄又脆，入面的soufflés既輕盈，濃濃的黑朱古力🍫充斥整個口腔。旁邊既金橘和蕎麥雪糕都另人一試難忘💓Petit four 用trolley推過來供選擇，由於太飽關係，只選了兩粒macaroons, 味道還好總括來說，餐廳裝修高貴淡雅，職員服務態度友善，當你一起身就會帶路去洗手間😂食物大致上都相當唔錯，絕對係值得一試既餐廳🤩🤩…查看更多

出開旺角，諗起呢間收藏左好耐的餐廳，一路都想朝聖下，今日一於去試試😗一坐低，店員向我地介紹今日的特飲係牛油果鳳梨smoothie, 叫左杯試下牛油果🥑味唔算突出，creamy的質感配上新鮮菠蘿🍍的酸甜，味道口感出奇地配合。惟一問題係食到很多菠蘿中心很粗糙的渣，呢點要改善一下😉蟹肉蟹膏意大利飯入口很creamy, 意大利飯煮得剛剛好有嚼勁，兩個人很快就KO一整碟😍慢煮五花肉呢碟等左差不多20分鐘，但很。值。得。等💗豬皮焗得十分脆卜卜，慢煮方式既不會令肉質鞋口又能保持肉汁。連配菜的菇和西蘭花🥦都有用心去烹調👍🏻👍🏻其實已經好飽，但不得不試佢出名的甜品creme brûlée 很大杯，用匙羹一畢，已經feel到佢質地有幾綿密。脆脆的焦糖加上似cream一樣的燉蛋，味道ok, 但略嫌太膩，做飯後甜品的話就too much 了😅整體上餐廳食物質素很好，服務唔錯，係一間會令人想再翻兜的cafe 💗…查看更多

$500 per head天婦羅omakase, 聽到都覺得吸引😋 早一個月上網book枱，好搶手😛晚市分兩時段18:15 & 20:15，餐廳只有10個位，沿住料理枱坐。日本料理師傅的執著和對食物既尊重，遲到係唔比入嫁，前去既朋友要留意返☺️每個月都會轉menu, 當天師傅亦會稍為改動。另外，如果想追加菜式，要dinner前order。第一道菜，天婦羅蝦🍤炸得很乾身脆口第二道，喜魚，外脆內鮮嫩，魚尾炸到脆卜卜👍🏻第三道，西蘭花伴上烏魚子乾，少少咸香💗第四道，厚切墨魚🦑，鮮甜有咬口第五道，茶碗蒸，入面有烏冬😃有驚喜！調味很好，帶有鰹魚香味，個人認為烏冬過淋Dancing 🐟 企係度，係跟餐送的，唔錯第六道，炸軟殼蟹，很多肉，很滿足💓第七道，鰻魚，新鮮💖第八道，雞胃，伴以酸酸的汁，第一次食雞胃，口感似腎，幾特別第九道，廣島蠔茶漬飯，蠔有腥味，一般般🥲最後追加多一道，海膽炸蝦飯卷，味道鮮甜，飯有點鬆散，食得有點狼狽😂最後士多啤梨🍓啫喱作結👍🏻總括來說，$500per head可以食到omasake係幾抵 （未計加一和追加菜式）本身個menu分量好似好少，但食食下都幾飽（女仔來講）餐廳職員未算好專業，介紹菜式未係很熟，但都會細心講解👍🏻另外，天婦羅一點油膩感都沒有，每一道都係即炸即上碟，要小心燙口🤣…查看更多

一虎既持牌人係日本人，由香港人‘煮理’。連日本人試過都勁讚👍🏻今日專誠來灣仔試下。店內只有約20個位，星期日的lunchtime, 排左成個鐘終於入到去啦⋯⋯😅我試左聽落好古怪的檸檬拉麵🍜先飲啖湯底，濃郁嘅豬骨湯底配上檸檬🍋，淡淡的檸檬酸味中和豬骨湯的油膩感，好特別🥰估唔到兩樣九唔搭八嘅野撞埋一齊可以咁正咁夾💗💗非常推薦👍🏻老公揀左一虎特選拉麵🍜，所有配料都有齊，溏心蛋好出色😋，整體不錯👍🏻不過同檸檬拉麵比較下覺得較為普通餃子就略為普通，一試無妨，勝在夠熱，小心辣親個咀😜拉麵豬骨湯底非常濃郁，飲左好多啖湯之後都唔會口渴，應該真材實料冇落味精麵條可揀粗或幼，質地可揀硬、普通或軟，配料都可加加減減，完全係customised 加分💗留意返店內坐得較逼，只收現金如果未試過檸檬拉麵，一定要試試，排咁耐隊都值得🤣…查看更多

知道海防道開左間貓咪cafe, 放假專誠來到訪💗之前去過觀塘一間工廠大廈的貓cafe, 又迫又細，所以今日沒抱太大期望😌聽講假日好full, 建議事先預約。$68首小時，包一杯飲品，其後每小時+$38一推開門，就有一隻貓行過來招呼我地😍Cafe有即棄拖鞋比客人，又提供一個大袋比客人裝起d隨身物品，非常貼心🐱Cafe還提供少量食物，用QR code order完飲品，我地就瘋狂同貓貓影相📸️Cafe 大概有10幾隻不同品種既貓貓，基本上大部分都比人摸，係間中一兩隻比較有性格😅叫左兩杯花茶，味道較清淡，不過大家都唔在意，在意同貓貓打卡🤣📸️，一個小時好快就過去。Cafe環境闊落，以淺木色系做主調，而且非常乾淨，唔會成地貓毛，d貓都好乾淨。店員都幾友善，睇得出佢地都好錫d貓。…查看更多