ngaling*的个人专页

位於旺角通菜街威達商業大廈地舖，裝修好有特色，牆身嘅鐵閘、大型deadpool壁畫，仲有寫住店名Tamarind字句模擬街頭塗鴉，播住泰文歌，好似置身泰國嘅夜市咁！我點咗兩個小菜，味道都好正宗。首先飛天炒通菜($68)好有鑊氣，微辣嘅調味配搭菜上嘅脆脆(炸蝦米？)，好香口惹味，不錯！然後叫咗餐牌推介嘅泰式燒牛肉沙律($138)，燒牛肉厚實，肉香有口感，配搭車厘茄、青瓜，加上特製泰式調味醬汁，別有一番風味。至於飲品叫咗餐牌推介嘅泰式奶茶($26)，所有飲品不設少甜，統一甜度，入口香濃，係熟悉嘅泰式奶茶味道🇹🇭午市免加一，長期排長龍，要食要早啲嚟攞位啦😆…查看更多

見到網上有人介紹，經過想試下，入到去見佢枱上有個蛋糕擺起枱面，我就問依款有無得叫，店主就話：其實呢，個蛋糕焗完仲要攤凍，雪一晚，如果即刻甩模呢，係會爛咖，你睇玻璃上面寫啲款啦。我只係見依款蛋糕有實物睇，想叫依款，又唔係要食你枱面依個，有咪有，無咪無囉，咁講嘢令人好不快。當我睇緊玻璃上面啲白色字(因為後面擺咗雜物，啲字比較難睇)，佢已經黑口黑面，準備落單嗰陣，店主大聲唉咗一聲，好似好唔耐煩咁。明明後面無人排隊，佢又無order整緊，完全唔需要咁趕。我食過5,6間鋪嘅巴斯克蛋糕，自己亦都整過，未試過一間嘅蛋糕面係燶到聞落、食落都有苦味而唔係焦香味，啲燶嘅位食落口會覺得喉嚨痛，要刮走表面嗰層先食得落口。以事論事，如果食茶餐廳我唔會要求服務質素，但佢價錢唔算低，服務態度咁差，野食質素又麻麻，令人感覺好差。…查看更多

我一向好鍾意貓🐱，不過暫時屋企唔適合養，所以我好熱衷去貓cafe~第一次嚟依間貓cafe，網上見少人介紹，但係真係十分高質！ 好多貓cafe只有飲品提供，同要收入場費，而依度有厚厚嘅menu，小食、主食、甜品、飲品⋯⋯好多款，可以滿足同貓貓玩嘅慾望，又唔洗捱肚餓~每人只需消費$50就可以，仲全日免加一，真係良心店家！ 一入到嚟，男女店主就好熱心咁同我哋介紹唔同貓貓嘅名、特性，令我哋對貓貓有基本了解先。貓貓都好親人，會上嚟我哋枱做親善大使~ 而且作為貓cafe，食物嘅味道竟然出乎意料地好味，大大份，性價比好高，尤其轉定食套餐有主食、小食、飲品、甜品，好豐富~我揀咗比較少見嘅西蘭花湯，好飲，上面仲畫咗好得意嘅貓貓圖案！炒黑松露雜菌烏冬唔錯，牛油蒜香雜菜好足料，有蒜片、娃娃菜、荷蘭豆、金菇、粟米仔⋯⋯熱辣辣上枱，好香好吸引，配旋風蛋包飯同忌廉汁好夾，入面仲係炒飯底，好有誠意🤤兩款小食貓屎波波同海苔貓poopoo都好好味，特別推介飲品😋飲品嘅草莓牛奶好好飲，味道唔係啲好假嘅糖漿，真係落咗果肉同鮮奶！湯、雪糕上都畫咗貓貓公仔，配合貓貓碗碟，好可愛~ 店內12隻貓貓本身都係浪浪，隻隻都養得好靚仔，睇得出佢哋好幸福 ~店內大部分貓貓都好親人，少部分比較有性格，但都好有分寸，唔會傷人，同佢哋熟咗就可以親近下佢哋啦！除咗店內嘅貓，店主個個禮拜仲會去照顧附近六十幾隻浪浪，真係好有愛心💗 起度時間過得好快，我哋坐梳化位，環境好舒服，有屋企嘅感覺，不知不覺就hea咗兩個幾鐘仲唔捨得走😆好適合同屋企人、三五知己、另一半嚟消閑一下！下次再嚟探貓貓🥰…查看更多

路過見到依間，聲稱下午茶去到夜晚七點半，感覺好似幾抵食，但其實睇返價錢都唔係好抵，仲要嘢食質素勁差，明明冇乜客，但都等好耐先上餐，賣相不佳， 味道不佳，經典原味窩夫賣相吸引點知出到嚟個賣相似茶記，蛋黃半熟係正常，但蛋白都一半生一半焦，上面流緊透明蛋白，個底就燶到哽喉嚨，薯角變咗薯條，又硬又乾，完全食唔落，圖中疑似牛油果嘅原來係一小塊碎嘅生菜，右上嗰碟煙肉消失咗， 話只係影相擺碟，實際上係冇嘅😂但又影埋起入面呢個價錢呢個質素，完全接受唔到，食過最差嘅一個鹹窩夫，唔會再食依家了！…查看更多

朋友生日約咗佢嚟呢度食晚餐，打電話講好咗，預留鳥籠位，如果叫甜品就寫Happy birthday字樣,一入到去佢都冇對我嘅名或者電話，就帶咗我去鳥籠位，我心諗佢點會知道我喺邊枱客，有啲咩要求，最尾叫咗嘅甜品上係無寫到HAPPY Birthday嘅，侍應長期背對着我哋，雖然係有私人空間，但叫人落單要行出去先會叫到，侍應唔會主動過嚟斟水或者服務，環境打卡嘅話幾靚，食物不過不失，甜品比較扺，意粉略嫌普通，而價錢略貴…查看更多

食物不錯，比起一般台式的過咸，我認為調味適中:)試業中仲有送椰酥，好好好好好食！伴碟又靚而且價錢合適，晚市人均最低消費係$100,晚市$6x-7x一個正餐，再加$2x 小食/飲品就差唔多，無限制離座時間，可以坐到收鋪都得，環境寬闊舒服，店員服務態度好，3人消費略低於人均$100，但已經食得好飽，店員都表示不用加點也可以如果落座時可以主動比杯水就更佳😆店員也耐心教我同朋友點玩switch(第一次玩😆)又有PS4同多種board game，可以輕鬆消磨3,4小時，如果可以有多啲PS4嘅遊戲更佳~…查看更多

黑松露忌廉長通粉調味適中，配料有蘑菇，啡菇2重口感🤤濃郁嘅忌廉味又唔會過咸😋略嫌黑松露太碎，味道唔突出🤔Heathy salad box 🥗有多款選擇，可自由配搭，4款以內只需$50，額外每多一款+$10Spicy mushroom 🍄 好惹味Veg duck wrap 🌯好足料十分推介！👍👍👍堂食嘅話得1張枱2個位，主要外賣自取，放lunch健康之選:)店員都好nice咁介紹餐點，不過salad有幾個配料都無得揀，有少少失望，下次再試…查看更多