Monique Ma的个人专页

喺將軍澳呢個商場, 多數都只係去酒樓打邊爐, 今晚才第一次試呢間西餐 :) 餐廳格調唔錯的, 有一邊落地玻璃窗朋友兩個人, 選擇了一款二人套餐, 價錢$168, 有湯, 頭盤, 兩主菜及飲品湯方面, 有紅湯及南瓜忌廉湯, 我朋友揀了紅湯, 佢話有少少辣, 但好足料, 個湯唔會好似水咁稀, 而且還有好多菜, 而我揀咗南瓜忌廉湯, 其實碗湯好大碗又有啲杰, 味道是一般的忌廉湯味, 飲哂後已經半飽了 頭盤有三小碟, 因為我唔食生嘢, 所以冇食到嗰碟三文魚沙律, 朋友話好好食, 啲汁微酸好開胃; 白酒忌廉汁煮蜆就冇乜白酒味, 味道較淡; 我對薯仔麻麻哋, 但反而個牛肉醬焗薯皇最好食, 肉醬喺肉醬意粉嗰種味, 加埋芝士一齊焗, 好惹味 主菜方面, 而我們揀了加勒比海厚批及蕃茄乾炒蜆肉意粉, 薄餅真係好足料, 好多三文魚喺度, 啖啖都有魚, 薄餅好大個; 意粉煮得剛好才炒, 唔會過軟或過硬, 但味道較清淡。佢哋既產品真係present得好靚, 感覺好高級的, 但衰在兩姐妹傾傾吓, 頭盤及主菜都唔記得影相:( 而份量方面, 意粉份量不算多, 但可能飲咗大大碗湯及揀咗厚批, 兩個女人仔真係食唔哂, 三個人食就剛剛好原本想食甜品 (跟餐叫鬼平) 見到隔離枱叫了甜品好吸引, 但真係太飽, 冇食到, 雖有下次啦…查看更多

朋友推介話佢啲魚好食, 所以走唻試吓~12:45來到, 但大部份既set lunch已賣哂, 冇魚, 只有Meat 及 淨番兩份pasta!!!!! 都未到一點, 就冇呢樣冇嗰樣, 點解唔預多啲貨喎:(Starters方面, 我揀咗沙律, 沙律啲菜好新鮮, 顏色豐富又爽口, 有啲酸酸既醬汁, 食落好惹味, 但係啲煙燻鴨胸就失色咗, 鴨胸唔靭, 但係就冇煙燻味, 覺得吉之島既鴨胸仲好味過佢主菜方面, 我揀咗肉, 睇餐牌都唔知係乜嘢, 只知道係牛肉, 唻咗後, 原來係一碗嘢下半層係免治牛肉, 上層係焗薯蓉, 薯蓉面嗰層金黃色既又唔似芝士份, 都唔知係乜! 而味道方面, 薯蓉冇乜特別, 下層肉醬既味就似免治牛肉飯既味, 整碗嘢比較"襟"食, 食到一半已好飽了!! 其實所有嘢賣想都好靚, 收得呢個價錢, 應該要再好味啲…查看更多

喜歡吉野家的火鍋已很久, 以前只有冬天才能吃到, 到現在365天都能享用, 真是幸福！今晚到了這間分店食火鍋, 真的有點失望！它的濃湯味道依然很正, 味道微甜的, 加點辣椒干在內, 甜中帶微辣, 還是一樣的美味, 較它的清湯或以前的海鮮湯更出色！而食火鍋的芝麻醬亦是一絕, 因我食這火鍋是配烏冬的, 所以定必買多一個芝麻醬來配烏冬食, 超開胃~ 但以前每個火鍋內裏的配菜都是多到能頂著蓋子, 但今天這個火鍋的菜可以在湯裏漂浮, 玉米也切得很薄, 或許是菜價升了很多吧~…查看更多

每次到鵝頸街市熟食中心, 九記實係我必然之選, 但唻過咁多次, 冇一次係唔使排隊, 幾時條龍都係咁長  佢哋既車仔麵底有幾款, 都係嗰幾類~ 粗糼油麵米粉米線之類, 而又可以湯麵或撈麵, 而我就一定食佢哋既撈麵, 因為我鍾意食甜醬, 撈麵沾甜醬食真係超正, 再加上佢哋有蒜粒任加, 真係正上加正~ 餸的款式都係好大路嗰啲, 雖然佢哋個名叫牛什粉, 但我覺得佢哋最出色既唔係牛什, 而係魚餅, 魚餅既味調得很好, 亦很彈牙, 有時我會order兩份魚餅 但今天只叫了一份, 因選了豬大腸及冬菇~ 豬大腸不靭, 但有點小肥糕, 食完要做多幾part yoga先得啦  今日連樂大媽個對頭人"珍姐"都唻幫襯, 就知佢有幾出名啦!! 一碗三餸麵加一支大可樂都只係$30, 真係好食又抵食…查看更多

懶得煮飯, 買了一個排骨担担麵回家吃, 可能外賣的關係, 麵質已有點糊口, 但湯的味道調較得不錯, 可以蓋過糊口的感覺, 他們湯的味道可說是其中一間我較喜歡的！排骨略嫌有點過火, 但醃製的味道還是不錯的, 只是稍為乾了一點,  但整體會算不錯！…查看更多

之前同事介紹這裏的咖喱很好吃, 但一直未有試過, 今天有同事去買飯盒, 便托他幫我買咖喱牛肉飯 有三件大薯仔, 肉質軟淋入味, 很好食, 而牛肉不會過老, 而且軟滑, 不知是否有特別物料處理過, 但吃起來還是很好食! 最重要的是咖喱汁, 不是很辣, 但就十分之香, 濃度適中, 最適合下飯! 我又多了一個新食堂了 …查看更多