sharonangie的个人专页

呢間專飲手沖嘅咖啡店 Sow Maid位於熱鬧嘅銅鑼灣駱克道唐二樓。全店都歡迎寵物仲有有個小露台，由唐二樓望出去嘅駱克道，原來係咁嘅景觀。而且店內較寧靜 🌿，望出去熱鬧又嘈吵嘅銅鑼灣感覺好有對比。─ · ─ · ─ · ─ · ─小露台難得唔算污糟大塵，仲有榻榻米坐🎐，秋涼嘅時候都應該幾好chill。店內嘅咖啡豆風味好有趣 🫘，奴才一心想試「椰子味」，但店主拎出好幾款其他風味嘅豆，奴才立即被「蜜瓜味」🍈 嘅咖啡豆所吸引！想喺寬敞嘅空間涼住冷氣 品嚐獨特風味嘅手沖☕️，Sow Maid真係一個好選擇。─ · ─ · ─ · ─ · ─店家仲為奴才炮製咗個Off Menu嘅意粉，「蒜香辣蕃茄醬墨魚汁意粉」🌶️🧄🍅辣勁十足，酸酸嘅蕃茄，配上流心荷包蛋都幾有風味㗎。下次同毛孩喺銅鑼灣唔想再喺商場，人流太多，避避忌忌，真係可以上樓支持吓小店🐾。不知不覺喺香港島鬧市裏嘅唐樓已經拆得七七八八，不過唐樓唯一缺點係冇升降機，推手推車就麻煩啲喇。…查看更多

大熱天時有乜好過住涼住冷氣食 #刨冰 🎐🎏？位於📍北角錦屏街呢個帶有日式裝潢嘅舖位最近易手，以前嘅咖啡店變成日式刨冰/銅鑼燒專門店🍧🥞。店內牆上掛有店主喺 🇯🇵 日本製菓技術卒業証書，裝飾牆上掛有 #和菓子 紙黏土，一顯專業。─ · ─ · ─ · ─ · ─Menu 簡單，刨冰共有3️⃣ 款，有1️⃣款每月期間限定（今期係開心果），奴才叫咗 #黑芝麻 #紅豆 。全程自助，店主即叫即做。聽店主講，黑芝麻貨源由日本，唔怪之得又香又濃，紅豆細細粒但甜糯適中，食前淋上黑芝麻牛奶汁更添美味 🖤🤍。─ · ─ · ─ · ─ · ─眼見人流不絕嚟外賣 #銅鑼燒 ，奴才話食冰唔飽又追加一個。銅鑼燒共有6️⃣ 款選擇，奴才試咗#紅豆抹茶 （忌廉） 🫘🍵，紅豆餡比起刨冰上嘅紅豆甜度低好多，同樣軟糯，銅鑼燒外皮鬆軟，我都偷食到少少！唔怪得有日本客人幫襯😋。雖然稱唔上神級美味，但係店主聰明捉緊夏天開舖，加上區內無同類食品，出品亦算穩定，仲係毛孩友善🐾，大家一定要支持有心小店哦❣️Follow me @bichoncoolcool …查看更多

奴才同我無心插柳毫無計劃咁同朋友仔突然嚟咗 wanland 一浪喺 📍九龍城嘅新分店🆕。位位奴才都大讚呢度嘅飲品非常之有特色，天氣又熱，每人至少encore咗一杯💯。─ · ─ · ─ · ─ · ─🍹推薦嘅飲品包括：🦖用濃縮咖啡為基底再致敬美祿恐龍嘅「咖啡恐龍」。🍍唔愛奶啡嘅朋友仔叫咗「鳳梨咖啡」同🍎「富士山蘋果啡」，一致認為蘋果啡最好飲，酸酸甜甜夾埋帶有果香又唔苦澀嘅咖啡，真係好夾。─ · ─ · ─ · ─ · ─🍽️食物方便試咗店家嘅自信之作🥚「半熟蛋三文治」、想食飯嘅人類就叫咗🌶️「青花椒麻肉醬飯」，白飯竟然可以refill🍚！原來因為舖頭鄰近九龍城區，店家所以想創作帶有🇹🇭泰式風味嘅單品。嗜辣嘅人類仲試埋「冬陰功雞肉意粉」🍝，呢個嘅意粉用上比較少見嘅單管意粉，味道冇飯咁辣，適合夏天冇乜胃口嘅時候食。─ · ─ · ─ · ─ · ─第一次嚟呢度發覺舖頭位置好隱密自成一角門前仲有少量空位可以俾小毛孩多多走動🐾，確實係唔錯，只係適逢木棉花花落期間棉花飛絮💨，對鼻敏感人士確實唔係太舒服🤧。但係其他所有嘢都好好，職員同顧客對毛孩都好友善🩷，仲巧遇上明星網友，絕對可以二訪哦💫。⬇️ expand to read in English ︵‿︵‿︵‿︵‿︵Without any plans, my hooman and I, along with our friend Chamber spontaneously ended up at Store No. 2 of Wanland in 📍Kowloon City. Everyone raved about the drinks with each of us hoomans ordering at least one encore round💯. ─ · ─ · ─ · ─ · ─🍹Drinks we tried and made it to our list of recommendations include, 🦖Coffee Dinosaur – A tribute to the classic Milo Dinosaur, but with an espresso base for a richer kick!🍍’Luna Luna’ (Pineapple Coffee) & 🍎Mt. Fuji Apple Coffee – For those who prefer diary free options, the Apple Coffee stole the show, a perfect balance of sweet and tangy fruitiness, blending beautifully with the coffee’s smooth, non-bitter profile. ─ · ─ · ─ · ─ · ─🍽️ Food Highlights:🥚 Soft-Boiled Egg Sandwich – A house specialty that caught our attention.🌶️ Green Sichuan Pepper Minced Meat Rice – Surprisingly, rice refills are available🍚! Since the café is near Kowloon City, they wanted to introduce 🇹🇭Thai-inspired flavors to their menu.🍝 Tom Yum Chicken Pasta – Made with a rare type of pasta strozzapreti, offering a milder spice level than the rice, making it a great option for hot summer days when appetite is lower.─ · ─ · ─ · ─ · ─The café is tucked away in a hidden corner, creating a cozy, private atmosphere. There’s even a small outdoor space for furry friends to roam freely🐾! The only downside? 💨Cotton tree fluff was floating everywhere due to the season, which might be uncomfortable for those with allergies🤧.─ · ─ · ─ · ─ · ─Overall, the staff and customers were incredibly friendly to doggies 🩷 and we even ran into an influencer — definitely worth a second visit💫! …查看更多

唔知道teddy bear🧸同聖誕節🌲有咩關係，但唔知點解總係覺得佢哋係有啲關連，我估啲人類係冬天嘅時候都想攬住啲毛茸茸嘅嘢🐻？如果可以同teddy bear仲有自己嘅毛孩一起食聖誕大餐，你話幾咁溫暖同幸福呢❣️Phi 最近推出咗限定嘅teddy bear 主題嘅節日menu✨，我同奴才就去咗PHI 喺megabox嘅🆕分店試吓，一去到就見到好多裝飾已經feel 到好有聖誕氣氛喇🎄，當然仲有好多大bear bear🧸 ! 我哋試哂節日menu上所有嘅期間限定item包括特色飲料——「小熊的朱古泡泡」🍫☕️，同埋名物疏乎厘pancake🥞，被佢超精緻嘅擺盤吸引到差啲唔捨得食🎅🏻☃️。想要啲比較飽肚嘅，可以著住節日spoil下自己叫個龍蝦潛水艇三文治或龍蝦意粉🦞，奴才比較鐘意個三文治，一大㗳將啲龍蝦放入口真係好滿足。而我呢，就好努力咁比我偷食到好多pancake上啲cream，滿足！…查看更多

見到雜誌上那張超完美豚丼的照片, 還寫著「期間限定」, 心知道有時候公司推廣「期間限定」的產品卻沒有說明限定期, 此策略確實能有效地吸引像我一樣貪新鮮的人, 反正近期經常單獨行動, 就在某日放工之後走來試試。目標非常清晰, 坐下後看了看為此菜式所特製之新菜單, 原來餐廳細心地提供兩個不同份量, 有4片(枚) 的「並盛」及6片(枚)的「特盛」。小試牛刀, 就來一客「並盛」吧。大若5分鐘後就可以開餐, 賣相非常完美, 跟產品照片簡直是一模一樣, 真的不得不佩服日本人那種執著。不等了, 拿起其中一塊本來為飯碗鋪得滿滿的豚肉, 入口溫度剛好, 微暖, 第一下嘗到的味道竟是黑胡椒, 應該是用上鮮磨的黑椒碎, 帶有辛辣之勁, 正好為偏甜的醬汁來一個平衡, 另外附上的兩小片醬蘿蔔也有類似作用。豚肉旁邊帶有脂肪, 蒲燒之後油脂已減少, 不過食完4大塊肉之後, 飽沮的感覺還是有的。拌飯的醬汁份量剛好, 為白飯加添濕潤, 以我所知醬汁應該是用上日本醬油(豉油)及味琳所造, 甜甜的很好送飯。吃畢, 感覺大滿足！埋單時侍應問我有何意見, 覺得醬汁是否足夠等等, 何見餐廳對此出品的質素十分著緊, 我問會供應到幾時, 侍應回答說會到十月份, 各位有興趣的話, 還有機會一試。…查看更多

最近迷上魔廚主理的店子「Beautifood」, 連帶類似的食店亦似乎很吸引我。數星期前搭車經過鰂漁涌見有此新店但不太清楚所售賣什麼樣的食物, 直至看到雜誌介紹才決定特登走一趟。對一般大眾來說, 店舖位置其實並不十分方便, 卻非常鄰近太古坊, 相信目標顧客應該是附近上班的一眾OL。主打食品包括有各種即叫即造的日式外賣便當, 鮮榨果汁, 包裝生果及壽司, 就連乾果也有, 不過使我最感興趣的當然還是新鮮沙律及日式飯卷。沙律有大/細以供選擇, 試了青瓜鱿魚及三文魚牛油果沙律。本人比較喜歡青瓜鱿魚沙律, 感覺很清新亦十分足料, 除了沙律菜外還有小蕃茄, 橄欖, 紅洋蔥, 顏色配合得有紅有綠, 食慾大增, 鱿魚煮得剛好, 肉質還嫩, 沙律汁應該則是醋加橄欖油混合的。三文魚牛油果沙律內的三文魚切得挺大粒, 吃落很過癮, 可惜有點醒, dressing 有少訐辛辣, 可能放了點芥末?飯卷有多款選擇, 今次買了外間較少見的蛋沙律口味, 外層用上蛋皮卷有青瓜, 生菜及切碎了的蛋沙律, 黃澄澄的賣相十分醒神, 但蛋皮虛有外表缺乏蛋味, 內裡材料也尚算新鮮, 不過可能自己先入為主地發覺加了醋帶少少酸的壽司配上蛋沙律吃落始終怪怪的, 還是配傳統一點的麵包較好。因為其出品比附近吉之島等日式超市創新有趣, 一定有再次幫襯的時候, 下次要試牛蒡沙律及用餃子造的手卷啊~…查看更多

本人並不特別哈韓, 卻不知何故總跟韓國扯上一點關係, 早排從雜誌上得知此間名叫 School Food 的新潮食店在八月初打入香港, 如此同時韓國藉的上司亦介紹此店給去首爾旅行的同事, 我相信質素應該不賴吧。剛好星期五有朋友叫食飯, 我便有機會去探究一下。晚上大若7點左右到達, 一如以往根據香港人好奇的心態, 每次有新餐廳開幕均迫到水洩不通, 今次當然也不例外, 服務員說大概要等一個半時間左右, 我心裡不禁慨嘆這真比我想像的時間要多呢。打發時候最好的方法是去樓下打書釘, 一個小時很快便過去, 八點多回去餐廳店員竟告訴我, 我們的號碼剛剛過了, 幸好他也主動說會給我補上, 不足五分鐘便坐下來。最初以為開在廣場內的餐廳會比較大, 行入內先發覺此店面積跟想像中有出入, 怪不得排隊需時。其實先前見雜誌介紹了很多有趣的食品例如卡邦尼年糕, 地獄年糕及多款紫菜包飯等等, 可惜胃只得一個加上知道朋友比我吃得節制, 還是乖乖地每人只點了一樣食物另外再加一個特飲。棉花糖草莓艾菲, 淡淡的粉紅色溫柔可愛, 未飲下就嗅到甜甜的士多卑梨香味, 而且那味道對我來說十分熟悉卻又想不起出至何處, 也不打緊了趕快喝一口, 打得綿綿的質感好像跟你嘴唇接吻一樣, 又有很多很多草莓籽, 喝畢有一種幸福的感覺, 應該很受女孩子歡迎呢。不知何解, 當日十分想吃濃味的東西, 點餐時想也不用想便點了, 咖哩炸雞拉麵, 朋友則要了太陽蛋泡菜炒飯。拉麵帶有超濃郁的咖哩味, 香味撲鼻, 湯的份量非常少很有撈麵的感覺, 此外面頭還有很多蔥花, 炸雞有三小件, 出品不過不失。太陽蛋泡菜炒飯用上鐵PAN上檯, 份量也算慷慨, 食前先把太陽強及紫菜碎跟炒飯拌勻, 大口大口地口著實在滋味無窮。喜見韓國菜終於有一間走中間路線的餐廳, 始終想吃韓國菜時也總不能每次也到阿里郎 /新羅寶吧, 如果想坐得舒適一點的話, 那些快餐式的又不能滿足, 現在School Food確能提供另一個選擇。吃罷我不禁在想韓國的校園又是否真的供應有如此質素的食物呢？如果屬實, 在韓國當學生也似乎很不錯啊~…查看更多

星期六下午跟朋友有約會,朋友提議到上環的海安,一向為食的我竟不知道上環原來有間如似特別的咖啡室。下午大概兩點左右到達, 朋友比我早到要坐卡位當然不是問題。出門前上網一查,心裡已經鎖定某幾款食品, 一坐下便點了奶茶紅豆冰, 叉燒撈麵 (加辣), 以及西多士。奶茶紅豆冰茶味剛好, 紅豆煲得軟糯, 快餐連鎖集團的出品即時比下去, 個人認為品質亦比港式連鎖茶餐廳要好, 茶奶比例平均。叉燒撈麵也十分出色, 相信叉燒應該不是自家製的吧, 不過質素也挺不錯, 肥瘦適中, 也沒有嚇人的顏色, 撈麵的麵質亦可以, 沒有過淋的弊病, 只是我覺得可以再熱一點。辣味驟眼根本看不到, 一點跟辣有關的「紅色」都沒有, 可是一直吃下去辣味便浮現。有一小插曲是咖啡室職員忘記了我個 order, 眼見其他人客所點的食物也比我先上檯才發覺我個叉燒撈麵應該漏單了。店家提供兩款不同的西多士, 有用原片麵包炸的傳統式及切開一粒粒的新潮版本, 今次先試一試傳統手勢。西多士的賣相金黃而且脹卜卜, 四邊亦切得很整齊, 即時引起食慾, 淋上糖漿加上牛油, 一口咬落吃盡兩片麵包內的花生醬, 真是人間享受。聽說海安有六十年歷史, 咖啡室內的裝潢充滿懷舊氣氛。紅色絕對是咖啡室的主調, 卡位是用木頭造的, 連包在外頭的軟墊也沒有, 難得是沒有客人認為這是個問題。 吊扇、黑白照片, 以及菜單上寫得剛勁有力的書法, 均看得出店家的心思。正忙著欣賞這些的時候, 耳邊傳來呤呤的電話聲, 回望掌櫃位置先發現有一部還可運作的黑色撥號電話, 好媲美「花樣年華」的風情的確使人神往。最叫我感到貼心是如此懷舊的咖啡室竟然安裝了二十世紀不可缺少的空調, 可以在此悶熱的環境下舒服地懷舊卻又可享受著現代文明的好處, 有人說這是香港最差的時代, 那麼我們要趕緊在地產霸權再進一步雄據此地之前, 我們要珍惜時光了。…查看更多

從雜誌得知Godiva推出消暑新點子-朱古力軟雪糕, 只限定在中環ifc發售。上星期剛好要經過, 當然要把握機會試下。還以為店鋪會人山人海, 點知大部份人(意指內地旅客)竟然買朱古力等特飲。服務員主動又爽快, 落order後不消兩分鐘我就有得食喇~!朱古力味非常濃郁, 而且十分幼滑, 雪糕上仲有少訐朱古力漿及一個印有Godiva logo的小朱古力片可以滿足各位「食名牌」的虛榮心態。脆筒亦很鬆脆, 帶有濃濃的朱古力味, 筒邊還沾有朱古力碎, 此舉除了有別於其他品牌出品之外, 亦見到Godiva的誠意。收得大家$39一杯軟雪糕點都要有多少交代﹗…查看更多

好一段日子無寫食評, 難得可叫我再重新投入的新餐廳應該也有點能耐吧？哈, 就是這間新開的台式麵包店喇, 其背後的投資者可是台灣綜藝大姐大小S的老公, 還得知開張當日小S還親身來到香港支持呢！上星期從雜誌得知此店登陸香港, 身為麵包痴的我又豈會放過試新東西的機會呢？用天然酵母所造的麵包近年亦成為我所喜愛, 小時間不太接受酸種麵包, 直到長大才發覺一般港/日式連銷店的麵包質素慘不忍睹, 才慢慢學習及發掘傳統麵包的好處及智慧,加上近年健康風氣大流行, 天然酵母自然受到吹捧。不過自己對台式麵包認識不多, 只試吃過同區「上野」的出品一次, 印象還不錯。此店的宗旨是用上自家培養的天然酵母做麵包的發酵來源,從雜誌報導得知店家用葡萄乾自家進行發酵, 每次把酵母放入麵團搓好, 分分鐘要經過數日才完成發酵使麵團膨脹。跟用上化學酵母粉所造的麵包相比, 除了健康之外還會有陣天然的酸香。星期日上午10點半左右到達, 最初心裡還害怕店內人頭湧湧, 大家都清楚知道香港人喜歡湊熱鬧的心態吧, 再加上小S的名人效應, 天知道有沒有人龍出現呢。幸好, 可能因地點始終不太方便的關係, 店內的情況還挺整齊寬敞。店家很大方, 每一款當日出售的麵包也切成一細粒鼓勵人試食。試過幾款之後, 我買了「達人三文冶」，「養生枸杞」及「瑞士朱古力」。「達人三文冶」是由四塊已切成三角形的白麵包, 搽上甜幼油, 及夾有雞蛋及火腿。麵包很鬆軟, 只是吃憤了「腿蛋冶」覺得來至甜幼油的甜味總是有點怪怪, 香港人可能未必習慣。「養生枸杞」當然是買來孝敬媽媽的, 老人家喜歡食nut屎, 麵包內有葡萄乾, 枸杞及面頭鋪滿各種不同堅果。切開後見枸杞分量很少而葡萄乾則有很多, 食落有點太甜。「瑞士朱古力」外型挺黑,有融化了的朱古力粒及核桃, 本人不太喜歡核桃, 幸好只有少量, 朱古力味道也尚算出眾, 表現合格。總括來說我驚訝此店的麵包口感非常鬆軟, 跟我想像中用天然酵母所造的歐式麵包有著十分之大的分別, 因為一般歐式麵包口感比較粗糙而且很有嚼勁。除此之外, 此店提供大量甜包而咸味的選擇就只有少量，這一點亦跟傳統歐式麵包有所不同。另外一提的就是店家的服務非常一般, 收錢姐姐給我找續時的態度惡劣,一點眼神接觸也沒有, 我發她你們接受八達通嗎? 回答我時依依哦哦, 這一點亦跟台灣姐姐的親切態度很不一樣。 總括來說, 地方整潔, 排列吸引, 種類較一般麵包店的出色而且來得健康, 可能甜味麵種比較多, 喜歡食咸包的朋友可能會有點失望, 另外定價都比較貴, 平均$30一個幸好size略大。而且我發現店家每日售賣的款式也有不同, 當日沒有找到某幾款心水, 說不定可能是店家的策略來保持人流吧, 反正我每星期日也會過太子一趟, 當下我已在幻想下星期又該吃那一款好呢？…查看更多

從openrice得知最近有間專門用日本抹茶入饌之新餐廳, 我這個抹茶控當然要立即試試。放工後大概6:30左右到達港鐵站, 我獨自一人前往從未去過的將軍澳中心, 花了一輪時間才發現自己把將軍澳廣場跟將軍澳中心混淆了, 走了不少冤枉路, 真倒楣。餐廳位於將軍澳中心最入的位置, 鄰近酒樓鴻星及另一間和食shabu shabu的餐廳, 應該是同一集團之故吧。晚飯時間人流不太多, 輕易有位, 侍應尚有禮貌。坐下後便立即點了個抹茶盛盒, 包括有三小碟前菜, 燒帶子, 海蝦天婦羅, 綠茶麵及一小杯紅豆抹茶布丁, 正好方便貪心的我一次過試試多樣款式。帶子質素還可以, 至少夠熱無雪味。海蝦天婦羅亦不錯, 咬落爽口只略嫌灑上面的綠茶鹽份量有點少, 吃不出味來。綠茶麵也是熱呼呼的, 可惜湯有點咸而且太熱, 麵身失去了應有的爽滑口感。小小杯的紅豆抹茶布丁甜度適中, 吃得出少許抹茶味, 紅豆蓉也是香甜, 只不要過份地期望跟CitySuper內Yamakawa出品的一樣質素。吃罷再加點了一個抹茶卷蛋, 落單的時候侍應清楚地解釋賣相會跟菜單上不一樣, 想必是汲取了上一手食客的反面意見吧。卷蛋薄薄的兩片, 進食時當然跟Roll切得厚厚的版本大相逕庭, 興奮度大減, 可能自己沒有期望過高, 食落發覺味道也不算太差, 當然卷蛋的細密度不足, 有點太粗疏, 可能是麵粉質素問題又或者是發打時間及手勢未夠精巧吧。總括來說, 如果各位抹茶癮發作又或者心血來潮想吃一頓抹茶全餐, 此餐廳也可一試無妨, 止一下癮頭。…查看更多

剛過去的星期日經過上環, 午餐正不知如何打算時, 打開openrice搜尋「附近餐廳」得見「瑞記」於清單上, 猛然醒起這間躲藏在市政熟食中心的街坊小店便鎖定目標前往。可能因為星期日的關係, 熟食中心內很冷清, 就只有瑞記有點人氣, 他們舖內的座位差不多全滿。叫了杯熱奶茶, 西多士及腸蛋麵。中年男士聽到我叫熱奶茶很是錯愕, 哈哈, 自己年紀漸大還是少飲凍飲為炒, 而且室內冷氣充足飲熱飲也應付的了。熱奶茶來的時候已加糖了, 甜度還好, 只是茶味可以再濃一點, 西多緊接其後, 感覺有點新奇, 從未見到如此模樣的西多士。沒有厚厚的蛋皮, 沒有牛油或糖漿, 只把麵包輕輕煎香, 搽少許牛油, 放點鍊奶, 又甜又香。另外, 心存有一種印象, 就是此等小店出品的西多士, 通常也沾上其他非西多士應有的味道, 今次為例我就食到香蔥味, 哈哈, 就當作附加的特色, 唯小店獨有吧。腸蛋麵煎得很香口, 只希望麵條可以再硬身點, 麵餅應該是用上出前一丁, 並非一般光麵卻只賣那麼便宜, 真是充滿街坊情味。當你沒有頭緒要吃什麼時, 簡簡單單的茶記食物不就足夠嗎？ …查看更多

最近從雜誌得知城中剛開了一間荷蘭Gouda cheese專賣店, 巧合地前陣子剛學整了一道簡單芝士意粉正要用上gouda cheese, 過去的星期日見有時間就去探訪一下。入內發現店主除了專注賣Gouda cheese之內, 還有售賣同是來至荷蘭的紅酒、白酒, 而且挺便宜的, 每枝定價$100。可惜家中已經肫積了不少還未喝, 酒, 還留待下次再幫襯吧。 話說回來, 各款Gouda cheese已切成小粒擺放在店中唯一一個大凍櫃內, 歡迎客人試食, 那當然不客氣了。試了數款不同的口味, 概括如下, Young Gouda – 發酵大概4星期, 入口很滑而且很順口creamyMature Gouda – 發酵4 個月, 芝士味比較深實, 咬落有種台灣人喜歡形容彈性的感覺, 很QQAged Gouda – 發酵1年, 質感是三者中最硬, 而且亦最有咸香, 食落有點像parmesan cheese 個人均喜歡young 及 mature gouda, 「年輕人」可配爽身白酒作頭盤或小吃, 「中年人」較有味道則可作烹煮之用, 所以每款也買了少許。店內的價錢比城中各高級超市便宜, $70多已可買到差不多300g。個人認為Gouda cheese相比起其實濃味芝士較易入口, 實屬是入門級別, 很適合剛開始吃芝士的初哥。…查看更多

今晚在家自煮，想加料，突然想起附近新開業已一段日子的悅華軒。買了HK$30叉燒 ($88一斤), 見掛起的燒雞翼滿身芝麻好吸引又幫襯了兩隻。店內的大姐們主動又識賣口乖，好有趣。買回家立即趁熱試了少少，燒雞翼充滿密味又嘗到芝麻香，確實不錯，叉燒肥瘦剛好，調味亦到位，不過咸不過甜。定價也算合理，想必可以慢慢建立口碑，成為區內加料之選。可惜，我始終懷念此舖的前身「永安燒X」，它除了一般燒味外，還加賣豬腳薑，秋冬時節又賣X腸X味等等，可見東主隨著時節更換商品，是非一般現代化或連鎖經營模式可比，無論「舊時」有諸多的不好，人大了還日愛好「舊時」的氣息。…查看更多

知道呢間foyo店開左一段日子, 可惜都未有機會一試, 上個星期日終於走過去試下。快快手揀左個唔哂自選topping既waffle yo, 但就有三個syrup 可以揀(朱古力 / 桃 / 士多啤梨), 我就要左朱古力漿配原味乳酪。製成品賣相好似芭菲杯, waffle stick淋上朱古力漿, 食落暖暖地, 好好味, 乳酪味道唔太甜, 配上較甜既朱古力食都幾夾, 中間既乳酪加入好多朱古力粒, 仲有少少木糠碎, 唔錯唔錯。下次 encore 要自選topping先！…查看更多