member_501605的个人专页

琴日同朋友喺附近按摩之後，去咗呢間餐廳諗住食燒烤同日本嘢，見OpenRice評價幾好……入到去環境正正常常唔係特別靚，燈光比較暗。然後揭開餐牌發現每樣食物價錢都比較貴，心諗可能係用靚料…我哋散叫咗一堆sushi, 每件壽司嘅飯比較細粒，可能餐廰係想我哋有多啲空位可以食其他嘢。每件壽司嘅刺身size正常味道正常，冇乜特別。跟住嗌左一set牛，上枱嘅時候有乾冰襯托好靚，不過每一片都好細片，對於我呢種大胃王，真係完全唔夠喉，但係已經成為七舊水…. 唯一可取嘅係佢哋嘅服務好殷勤，不停會斟水俾你飲，又會主動打燈幫你影相。只可以話，未必有下一次😂😂…查看更多

從來都冇食過秘魯菜，感覺很神秘。趁周年紀念日就去咗呢間餐廳試一試。餐廳比較細間，但係座位舒適，環境比較暗，氣氛不錯，音樂彌漫中東氣氛，但又未至於嘈到傾唔到計。佢本身有set dinner $208/ 一位，揀唔同嘅前菜主菜或者甜品就可能要另外加錢。前菜我哋叫咗個串燒雞心同埋聖子，都幾惹味。雖然前菜份量唔多，但係兩個人都share到，試吓味又幾好。今日嘅餐湯係南瓜湯都好creamy, 不過冇餐包😂我仲同老公講，可能秘魯菜唔興有餐包🤣主菜嗌咗2個麵食都係唔使加錢，啲醬汁好濃好掛面，意粉控表示滿意 最後就上埋甜品，有熱情果雪糕同埋加$30轉心太軟，心太軟好流心幾好食，反而熱情果雪糕完全搵唔到熱情果嘅蹤影，變成雲呢拿雪糕配冧酒，食到一頭霧水依家有promotion ，生蠔買一送一，我哋都叫咗兩款生蠔。雖然揀咗口感比較creamy 嘅款式,不過都覺得還好,唔夠肥美唔知係咪品種問題😅不過整體質素都好高，服務都好好～食完生蠔同主菜之後都會主動換碟。不過呢度除咗水同埋酒，就冇其他softdrink ，都見到有唔少人會嚟飲酒吹水嘅好地方…查看更多

今日老公生日，好想找一間特別的餐廳慶祝。沒有吃過法國餐的自己，私心找了相對便宜的法國餐廳享受一下😂 餐廳環境黑暗，配上蠟燭，營造浪漫氣氛。餐廳是樓上鋪，地方不大，對環境不要有太大的期望就可以了。當晚只有兩枱客人，環境清靜，係拍拖談心好地方餐廳主要提供套餐和生蠔因為買一送一的緣故，每款生蠔我們都叫了2隻，其實價錢沒有特別便宜，買一送一後的價錢每隻大約40至50元。不過每款都很新鮮, 回味無窮💓雖然有一兩隻蠔殻沒有清理乾淨，也無損我們的好心情XD 每上一款菜式侍應都會為我們作介紹，當侍應出現食螺絲的情況就會覺得很搞笑🥸食物質素很好，可以好好的享受美食，感覺很棒！不過時間上可以控制得更好。例如頭盤主菜上菜的速度比較慢，以至於最後上甜品的時間比較趕。因為是慶祝生日的關係，侍應小姐在甜品上寫上‘Happy birthday’， 也有幫我們拍一張即影即有作為紀念，感覺很圓滿。…查看更多

好足料❤️ 《大勝丼》地方吾大，貼心的有消毒卒手液可以食之前消毒雙乎。自選大勝丼 （$210）價錢因人而異，可以自己揀topping, 我好貪心甘嗌曬所有想食既野，帶子，蟹羔，海膽，蟹柳，油甘魚腩和三文魚～～ 大滿足～❤️不過下次應該海膽和蟹羔只可以二選一🤣 太足料好濟🤣🤣賣單有八折，好抵話說餐廳外面有好多poster,走個時都見到一位貌似手足的小朋友 ^_^ 繼續撐黃店😌😌💛💛💛💛💛💛💛…查看更多

餐廳地方吾大，座位數目吾多，不過小巧精緻，感覺都幾舒服。佢有promotion, $498可以食到海鮮拼盤、十安士肉眼扒和原隻龍蝦意粉。海鮮拼盤有生蠔、翡翠螺、青口、凍蝦，全部都好新鮮，蠔和青口有海水味，凍蝦彈牙，翡翠螺夠大隻。全部海鮮放係一個雪到好凍和舖左好多冰的鐵盤入面，慢慢食都吾怕❤️肉眼扒冇特別問我地幾多成熟，但係好有肉味，好juicy 又吾韌，好味🤩 而且超大塊！佢有一D冇味既蔬菜和一小舊焗薯伴碟，都吾錯。最後係原隻龍蝦蕃茄意粉，酸酸甜甜好味，龍蝦肉好多，幾正。因為呢個吾係餐，冇餐飲，都見吾到有drink menu , 不過飲水其實都ok !不過味道都吾錯，性價比高，係冇乜好食既東涌入面，值得encore ❣️…查看更多

初見香草吉列牛（$128）之前食過吉列牛，香草吉列牛真係未食過🤣 見網上面好多人嗌和好評，所以都叫左黎食～～ 基本上其實D牛肉好細粒，外面包著層香草吉烈皮，可以自己燒係幾好玩～但係其實燒完之後，件牛肉係冇乜味🤣 所以燒個時可以加鹽或者之後點醬食。隨餐仲有一隻糖心蛋，好好味❤️季節海鮮鍋 龍蝦湯配白飯（$88）呢個真心冇乜特別 😂 不過性價比係高既，有一堆海鮮 （青口、硯、蝦、三文魚、魷魚）叫做過下口癮🤣另外加$35可以轉餐，有湯（南瓜湯/麵豉湯) 和刺身和飲品。刺身有兩片三文魚、一片吞拿魚和一片帆立貝（一份份量）叫做過下魚生癮🤣餐廳樓底勁高，感覺好空洞和靜，想大聲D講野都怕嘈到人😂不過so far 係坐得舒服～ …查看更多

牛三寶麵（$98）香芋鮮奶綠（$30）東涌近排多咗好多新嘅食肆，包括呢一間洪師傅牛肉麵。佢係喺東薈城最高層，個門口比較窄，感覺比較隱蔽，行過都好容易會見吾到佢🤣🤣🤣之前試過嗌外賣食過紅師傅嘅牛肉麵，覺得好好味。今日就再去堂食，嗌咗個三寶面，D牛肉、牛筋、牛肚好淋，好好味，份量都算多。湯底有少少鹹，但係配埋粗麵就啱啱好。雖然覺得價錢有啲貴，但係真係會想再食🤣🤣香芋鮮奶綠之前飲過覺得幾好味，今日再飲就覺得麻麻地，有少少芋頭碎，覺得$30吾太值🤣…查看更多

K11 Musea B2有兩間賣韓國小食嘅舖頭，其中一間就係呢間～佢主打係賣韓國無骨炸雞，因為本人好貪心，又想食炸雞又想食炸年糕又想食薯條，所以嗌左一個set 1plus($72)加細薯條（$15）。set入面包左一罐可樂、果醬炸雞同埋炸年糕串。佢所有食物嘅份量其實好多，韓式炸雞外脆內嫩，吾乾柴，加埋果醬汁味道啱啱好。韓式炸年糕外脆內煙韌，都好味！至於細薯條，佢係幼身薯條，分量多到食唔晒～兩個人share啱啱好！如果甘岩想食炸雞輕食，呢間絕對滿足到❤️…查看更多

之前聽同事講起呢間食四川菜嘅黃店，今日放工就黎試吓先～大約下晝三點幾黎到，都坐滿左¾嘅座位，幸運地唔使等位就可以入去。嗌左八個餸再加寛粉（$58）好豐盛❤️嗌咗娃娃菜、鴨血、蟹柳、芋絲、蜆肉、肥牛、雞髀菇同埋午餐肉，每樣餸有兩三舊過下口癮，四川寬粉份量都幾多～煙韌有咬口，食晒真係好飽肚！話說個湯底真係幾正，我嗌左小辣，辣度啱啱好，勁多蒜，勁香，超好味～ 食完口臭足一日😂另外加左個黑糖珍珠鮮奶（$20）面頭有一層厚奶蓋，好好味😍 不過D珍珠冇甜味，同埋黑糖味有D怪，不過都接受到～最貼心既係，D職員見你用手機煲劇既時候，會遞上一個手機架～好正丫，吾洗做低頭一族🤪🤪…查看更多

定食Doraya為左慶祝自己完成左2個星期實習，去左食好西。吾記得左今日星期六，條街好多人，擔心等位等到傻... 本身想去尖沙咀H8另一間餐廳食sushi, 不過人地落埸，誤打誤撞去左樓上呢間定食DORAYA。我去到大約下午茶時間，好幸運冇乜人等位～^_^佢主打係藍鯨吞拿魚，不過因為吾想食太貴，留返下次試。粒粒海鮮定食（$128）定食包左麵豉湯，漬物，前菜，茶碗蒸，好豐富。D粒粒魚生雖然吾澎湃，不過都好新鮮和好大粒，拌飯一齊食足夠有餘。廣島產炸蠔 （$68）有一堆沙律菜，減低左油膩的感覺。四粒大炸蠔，好juicy好好味。而且D職員都好好，我食完打算坐多陣，都主動加水比我，吾會因為想早D落埸而趕客❤️…查看更多

就甘聽，完全吾覺得係飲品店🤣 係元朗既排名都算高。士丹利豆花奶茶（$25）奶味重，有好多豆花滑嘟嘟，吸個下會feel 到好多鍊奶味，好甜，幾特別。重黑糖珍珠牛乳（$32）都係偏甜，可能因為重黑糖，又係奶味重，珍珠煙un 好味😋芋圓2號（$29）芋圓專登分開裝，吾會硬，煙un好味，份量亦都好多～芋圓二號有大量仙草係碗底，配紅豆和白珍珠，冇湯汁，全部係餸。如果叫其他有汁既芋圓甜品，應該會好味D！呢間野其實幾特別，連小朋友鴦鴛都有，好搞笑，值得再試。…查看更多

元朗有好多又平又抵食的日本料理。呢間九丁目我覺得都算抵食❤️ 火山丼（$168）丼飯都算大碗，上面舖左成座山甘高既刺身，有三文魚，吞拿魚蓉，蟹子，魚子，海膽，蟹肉... 好滿足～～軟殻蟹蟹肉蟹膏炒飯（$128）呢款炒飯又係好大碗，有足料蟹肉和蟹膏，兩大隻炸軟殻蟹卜卜脆好好味！炭火燒油甘魚頭（$92）又係冇諗過甘大份，剩係個魚頭都大過我拳頭😂 超多肉，仲要係好嫩好鮮！厚切牛舌串（2本）（$48）一串有三舊，每舊都好大塊同好淋，可惜吾夠厚，有D失左色🤣佢個舖面好有日本居酒屋feel, 好靚好開心❤️ 逢星期六曰晚上八點仲有拍賣，不過冇等到拍賣我哋就走左.. …查看更多

K11 MUSEA 開左一段時間，一直想黎呢度high tea($748/2ppl) ,做下貴婦，同朋友聚一聚，傾吓計～～ 環境方面，其實成個k11 MUSEA都好高級好有格調, 間餐廳係正G/F 既大堂位，其實會擔心太嘈同埋會有好多人係身邊經過😂😂 不過到真係坐係其中，感覺都ok, 可能我哋班貴婦好忘我甘傾計🤣食物方面，其實都幾好食～～每樣咸甜點size 都好的骰，吾會覺得太甜太漏，所有野都岩岩好，佢哋既scone 都正常，配上clotted cream 和自家製玫瑰醬，好味❤️呢款high tea 最大既特點係個high tea set 會吊係空中，好搞笑😂所以要將D食物由個set 移動到自己個碟係有D難度，佢會彈下彈下彈下甘🤣🤣🤣🤣🤣侍應一開始會問我地飲咩水，我哋嗌左有氣水🙄 要另收費～～最後人均接近$500 因為我地係walk-in, 好快要交枱，時間係吾夠，不過整體經驗幾好～～❤️…查看更多

平時吾太會買KFC, 因為怕熱氣。不過身邊的人都好中意😅😅😅不過今次kfc 聯承左kit kat 朱古力推出左新產品： KFC 鬆餅和葡撻配上雀巢 Kit Kat 朱古力，好吸引。一於要試下先。KFC 設計左兩個餐for 呢兩個甜點。朱古力鬆餅賣相吸引，不過朱古力味吾濃，同食普通鬆餅冇分別。唯一值得開心既係，中意鬆餅的人可以係夜晚都買到🤣🤣🤣🤣而朱古力葡撻就令人意外，除左面頭鋪滿kit kat 朱古力碎，咬一口會湧出濃濃朱古力漿，好正！不過就會甜左少少，甜魔favour 💕…查看更多

一直都好想試吓呢間台灣過江龍《不要對我尖叫 日常茶間》呢間分店係喺大角咀利奧坊，幫襯嘅時間大約20:30，舖頭裏面一個客人都冇，可以影下個環境打卡，好開心🤣《香柚荔枝水果茶加白玉珍珠$34》呢杯水果茶可能因為西柚嘅關系偏苦，而D白玉珍珠唔知係咪放得太耐，亦偏硬，整體而言不太推介。《冬瓜檸檬氣泡$26》甜甜的氣泡水，一開始飲已經覺得D氣好似走得七七八八，我呢啲唔太鍾意有氣飲品嘅人就覺得啱啱好😂但係身邊嗰個就覺得唔夠喉🤣🤣可能期望左高就失望左😅…查看更多