為何Miles總是餓的个人专页

蠔就食得多，但配烏冬試過未呢………………難得入石澳玩，玩之前點可以唔黎東大街食下野。今次想推介鐘意食蠔既朋友，廣島蠔配埋烏冬係唔錯既選擇，d蠔鮮味之餘同烏冬仲好夾添。最後仲可以配埋小食串燒已經夠哂做下午茶。埋單都係$158，價錢絕對配得起，出面食一隻生蠔都幾十蚊，呢個烏冬都有5隻蠔，絕對值得一試想再chill d，可以再叫多杯特飲，我自己就叫左個白桃特飲。再加埋餐廳整個環境都可以坐得舒服，同朋友聚會一流！…查看更多

Sai Jai Thai Store (石澳)石澳石澳村784號B地下 難得黎到石澳影相，緊係要試下串燒啦，今日就黎左呢間泰國人開既串燒店 SAI JAI THAI STORE ，佢地有多種肉類同菜幫你燒，就好似；雞腎、豬頸肉、韭菜、雞軟骨、菠蘿、粟米等等⋯⋯粟米係一家要試！燒到金黃之餘仲好香甜！另外就係雞全翼，別有一番風味！如果唔想學我咁就咁食原味，仲可以試下佢秘製既醬汁，包你一試難望！再配埋沙灘既海風，包你chill住咁過一日！…查看更多

好耐冇黎過峰壽司啦，難得黎到緊係叫返個魚生隻，個人非常喜歡三文魚同蟹柳，於是叫左北海飯，蟹柳三文魚同魚籽配搭非常OKAY，完全冇違和。黎到峰壽司緊係要試下其他壽司啦！叫左個從來都未試過既費城卷，入面既三文魚同奶油芝士既味道混埋一齊，而且奶油芝士又唔會濃得好緊要，連唔食芝士既我都會接受到。美食再配埋荔枝梳打，相當開胃，都緊要係味道岩岩好，唔會太甜！另外值得一提既係，南昌店既裝修唔錯，又坐得幾舒服又幾CHILL，門口既燈牌都幾適合用來打卡嫁！…查看更多

去完堅尼地城海旁打完卡同女仔fd睇完戲，緊係要係附近食個飯啦，附件都幾多西餐但女伴又想試下d地道既餐廳，於是就揀左農場冰室，比茶餐廳高班既質素又唔會太貴。今次揀左黑椒汁三文魚雞扒，完全係未試過既組合！🤤如果你又想食肉又中意三文魚絕對值得你試，如果黑椒唔岩你仲可以揀蒜汁嫁，非常貼心👍🏻女伴方面，就揀左蒸咸魚肉餅飯，坐係對面都聞到咸魚味，正呀🤤👍🏻飲品方面，仲有咸檸樂你揀，開胃得黎又有特別既口感。🤤…查看更多

有冇諗過平時返工放lunch咁趕時間都可以食到燒肉？今次黎到rud 燒肉 我就揀左豚雞套餐既燒肉餐，加埋紫菜飯同玻璃樽版可樂都係七十幾蚊😝😝😝用餐需時半個鐘就可以返office做野，當然有時間可以升級double 份量都係八十幾🤤雖然我都好少食燒肉，但rud提供既肉同爐都好易燒同易控制而且仲有燒肉汁、檸薑橙汁、柚子蒜汁幾種燒肉汁，夠哂滿足👍🏻最重要係，呢個價錢絕對岩哂燒肉新手，尤其是男仔😝…查看更多