莎莎 SaSa的个人专页

尋晚屋企人請食自助餐, 而8度海逸最近用COMPASS VISA & OPENRICE都有85折, 屋企人就揀左呢間。食物方面唔算太多, 但係足夠, 以價錢黎講有即開生蠔有啲喜出望外添, 而且生蠔水準很不錯, 值得讚!魚生方面水準就參差啲冷熱盤也不算太驚喜, 只有某幾種食物較出色本來好想再挑戰COOKIE & CREAM味嘅Häagen-Dazs雪糕, 不過滿腹了, 下次有機會再試。環境及服務水準都可以, 不過收碟速度略嫌快左少少, 有時未食完就問客人要唔要, 或者剛剛食完就馬上收碟, 客人可能有點狼狽, 而且點餐飲及結賬也略嫌太早安排, 有少少催促客人的感覺, 這兩點應該注意一下, 總括不算差, 但希望侍應的服務速度不要過急吧!…查看更多

在日本, 再普通的平民食堂, 食物質數都不會太差, 皆因食材都是日本本土供應, 即使厨師手藝不佳也不會「難吃」。在香港, 要找一間平民化又有質數的日本料理食堂實在不易, 看過網上食評, 大家對大埔這間丼丼屋分店評價不俗, 而且這間店標榜的是, 米飯用日本新潟縣出產的米煮成, 實在好吸引, 住在大埔又怎可能不試一下。晚飯時間約8:30PM左右到達, 門外等位的只有幾枱人, 店員都很貼心與其他客人解釋哪一張枱差不多結賬後就會到他們, 我們等了不到5分鐘便有位了。看見OR的相片及評語, 我和老公出手了, 哈哈, 瘋狂點餐, 就好像在日本時一樣, 懶理價錢, 平民化嘛, 不會太貴, 想吃便吃 這個親子丼(日本的叫法, 親=雞, 子=蛋), 想不到有日本著的風味, 滑蛋及雞肉, 還有米飯那種黏口感, 加上洋葱醬汁, 那味道, 好像回到日本, 好感動! 而且份量還不少, 有日本大盛飯的份量啊! 平時不吃飯的自己, 今晚破例吃了大半碗, 好滿足, 滿腹!! 老公點的盛豚丼, 葱味很看, 豚肉好軟稔, 帶點炭火烤味, 溫泉蛋賣相很吸引, 拌渾在飯裡吃實在食香味俱全~~~稻庭冷烏冬+溫泉蛋, 意想不到的好吃, 烏冬冰凍得來很彈牙, 拌揮溫泉蛋一起吃, 那感覺, 我們回到日本嗎? 炸豬扒, 我們額外單點的, 因為太多食物的關係, 放涼了才吃, 不過外皮仍然脆卜卜的很好味, 拌碟的有菜絲(沒研究是哪一種菜), 加上沙律油, 也覺得很清甜。 配炸豬扒醬油是好像甜醬的濃度, 加進芝麻裡一起磨出來的芝磨醬頗香, 隨拌碟還有少許芥茉附上, 也用來配炸豬扒吃 整餐晚飯, 店員沒有催促點菜, 也沒有催促點飲品, 還不時為我們添水, 結賬的方法也是日本方式, 好貼心, 而且點店的日語也說得蠻好, 不像某些大集團的店員把日語亂說一通... 能夠在香港有一間如此有質數日式的平民飯堂實在難得, 希望大家努力下去, 沒有吃過其他分店, 不可以說這裡是最好, 只可以說是我和老公也很滿意, 一定會再來 :)…查看更多

上星期同男友打算去海寶新開嘅100米2 嗰度試下, 呢間野係主打台式食品, 係大埔都叫做少見, 於是就入去坐低左男友叫左個一人餐, 我就叫左碗米線, 點知......一人套餐$50 (一個飯+一個小食+一杯餐飲)飯 - 醬燒豬頸肉臊肉飯 賣相好似好得, 啲飯有煙出, 但係男友食左一啖就話啲飯唔熱嘅, 連暖都稱唔上..... -___-"臊肉味道唔錯, 可惜唔熱, 只可說是微暖, 啲份量亦較少, 都算啦, 啲豬頸肉簡直係黎普, 凍嘅!!! 我都試左一啖豬頸肉, 感覺係俾冷氣吹到凍晒嗰種, 唔知擺左幾耐....小食 - 鹽酥雞翼男友話剛擺低嗰時夠熱, 幾好味, 我食嗰陣凍左, 就覺得硬同乾, 仲用左好多粉黎炸, 總括黎講我地都係覺得只屬超級普通貨色.....餐飲 - 凍奶茶 (少奶少甜)雖然叫左少奶少甜, 不過杯奶茶真係唔錯, 唔會好甜亦唔太重奶味, 仲保留倒啲茶香醬燒雞扒金菇米線, 大麻辣 $33我第一啖就試個湯, 點知啲湯完全唔夠熱..... 啲米線發到好大條, 起初仲以為會好淋, 心大心細試左啖, 又爽口喎, O 咀.....醬燒雞扒啲醬唔見左... 啲湯完全冇味.... 我明明叫大辣, 但係啲麻辣醬得嗰少少之餘, 冇辣味亦冇味....好求其囉.... 我只係知道擺左一PAT野入口.... >_< 比起譚X 或者雲南X林食(又名雲X香)嘅中辣米線, 呢度嘅麻辣簡直叫"唔辣"囉.... 連男友都話"冇味嘅"........睇住碗發到咁粗嘅米線都算啦, 諗住唔好嘥野, 點知越食越唔對路, 原來成碗米線除左發到大晒, 仲係碎晒嘅, 有冇咁黎普‼! 超級核突!!! 後尾我忍唔住叫個主任埋黎, 問佢點解碗野會攪成咁, 雞扒又話醬燒, 啲醬呢? 佢即刻走入去厨房問完之後, 出黎話厨房煮麵個阿嬸新黎, 唔記得將啲醬整上啲雞扒度, 唔識煮米線喎, 話阿嬸其實將啲米線煮完過左冷河後, 有人落ORDER就再煮一次, 跟住我同佢講, 唔識煮都請??? 咁咪出事囉, 呢啲情況只會係啲老人家, 以前翻煮啲隔夜粉麵先出現, 我同主任講, 起初真係以為係啲隔夜米線賣唔晒, 第二日翻煮俾啲客食架囉!!! 我問主任講點解個阿嬸竟然做左呢個咁錯嘅動作... 佢竟然話唔知.... 仲問我應該點, 要我教佢以後搵啲熱湯碌返落啲過左冷河嘅米線就OK,​ 唔洗再將啲米線煮多一次, 錯晒, 攪到碗野咁肉酸, 見倒都唔開胃啦... 開食市嘅, 連啲咁簡單嘅原理都唔知道.... 係真唔係呀??? 有冇攪錯...... 個主任本身想換過碗俾我, 我拒絕左, 一來食左一半, 二來咁嘅樣仲叫我點再食落去, 簡直係惡夢.... 成餐飯最好嘅竟然只係得杯奶茶.... 我同男友都決定唔會再去.....…查看更多

今日好晏先起身, 所以又去左蕃滿門食野, 貪佢唔油膩~男友今次試左牛扒蕃茄濃湯意粉(微辣), 個意粉依然出色, 牛扒幾入味但係有筋, 扣少少分用左花生醬嘅一口粒粒包即刻差晒, 今次啲麵包烘到好乾好硬, 啲醬好"杰", 同上次香芋味嘅差得遠, 呢個冇評分可言, 唔開心 >_<…查看更多

好耐冇同男友坐低飲茶, 尋日放工後去深井嘅朋友屋企聚會之前先入左荃灣, 順便係附近嘅愉景新城揀左聯邦嘆返餐 :)到達嘅時候下晝3:15PM倒, 因為晏左到, 下午茶時段已經散咁啲人, 不過都要等左10分鐘倒先有位, 地方算大亦尚算清潔, 坐位亦舒適。侍應態度ok, 鋪枱、沖水、落order都算快手, 點心紙上面有講明邊啲點心係即蒸, 要等耐少少, 可能人多關係, 即蒸嘅都等左10~15分鐘, 我地去嘆茶嘅, 時間可以接受嘅, 希望繁忙時段唔洗要其他客等咁耐啦不過有某一兩款點心有漏單情況, 入單嘅大意左少少, 我地有追, 侍應都好快跟進, 最後埋單時侍應都有幫我地對下啲野齊唔齊, 冇黎嘅點心有幫我地取消, 唔會亂收錢, 呢樣值得讚嘅。呢個煎餃最失敗嘅係啲木魚汁, "杰"得黎凍嘅, 令啲餃子失晒色, 唔好味:(以後去飲茶嘅地方, 都係唔好食啲懶係日式嘅野... 食返啲中式野穩陣...鮮竹卷唔油, 不過係羅漢齋餡料, 減緊肥嘅我當然啱晒, 可惜落左啲西芹入去蓋過左其他食材嘅味道...棉花雞, 好味, 雖然油左啲, 但係啲魚肚同埋雞都好入味, 雞好滑, 正!好耐冇食過有魚肚嘅雞扎, 雞好滑, 再加埋火腿&芋頭, 都只係大點, 讚!好多酒樓都冇用魚肚lu, 一係變左豬肚, 就算有魚肚嘅雞扎都變左頂點唔抵食有蝦, 芥蘭, 蟹柳&蟹子整嘅, 賣相幾得意, 味道ok基本上同鮮蝦玉蘭餃嘅餡料一樣, 冇特別, 只係少左芥蘭&包法唔同左喜出望外嘅粟米魚餅, 煎到趣卜卜, 又唔油, 好香口, 好味~ 只係小點價錢, 抵食!侍應放低時我地以為佢俾錯左蒸菜肉包, "meet"開一半先發現真係叉燒包黎, 裡面得兩片好硬嘅叉燒, 啲汁仲要有少少椰汁味, 超甜又怪怪地, 個包仲輕飄飄用好少麵粉做... 從來未食過咁難食嘅叉燒包, 一睇就知係訂返黎, 唔係點心師傅整, 好後悔叫左佢, 冇叫流沙奶皇包 >_<時菜牛肉球 - 因為冇位upload相, 所以冇得俾大家睇。牛肉球ok, 不過用啲切碎左嘅黃芽白鋪底黎蒸, 始終失色於用傳統嘅腐竹, 扣左少少分…查看更多

難得男友喺SUN放假, 就諗住唔出街, 係屋企附近搵啲未試過嘅餐廳食個TEA休閒一日~其實一直打算試TOMATO CLUB但係遲遲都未試, 今日終於大家都有共識啦~試之前都有係OPENRICE睇下食評, 大致上都幾好評, 難得大埔有一間唔貴又有特式嘅餐廳仔~香煎雞扒特式蕃茄滑蛋濃湯意粉 (少辣) - $39雞扒好大塊仲幾嫰, 意粉好夠份量, 軟硬度亦適中, 一般情侶SHARE一碗再加小食已經足夠蛋夠滑, 蕃茄湯好鮮味, 連男友唔多喜歡飲湯粉麵嘅湯, 佢都飲左好多不過唔食得辣嘅朋友可選原味或微辣, 可能因為蕃茄湯關係, 小辣都帶點搶喉, 太辣亦會令蕃茄湯失色一口粒粒包 - 香芋味 - $15本身自己好鍾意食麵包, 一直好想試呢個, 因為賣相實在太吸引, ORDER左之後要等一陣, 估計係即焗, 上枱時陣陣香芋味, 厚切麵包塗上一層薄薄嘅椰蓉焗成, 再淋上唔太甜嘅香芋醬, 外面香脆可口, 裡面鬆軟, 焗嘅時間剛好, 甜味又適中, 太好味!! 份量足夠2人享用, $15抵食!! 下次要試埋另外兩款嘅呍呢拿及花生味至得~~~~凍咖啡 - 少奶 (ORDER食物後, 普通凍飲+$8)濃濃咖啡味, 少奶得黎唔太甜, 配合麵包簡直一流嘅享受總括黎講, 小小嘅餐廳有特式裝修, 只係略嫌枱與枱間不夠空間, 但係價錢合理, SERVICE唔錯, 侍應幾客氣亦有照顧客人需要, 一定會再去 :)…查看更多

坦白講, 之前同朋友gathering食過一次小肥羊, 覺得食物同service都ok, 所以今日同男友請朋友食飯都揀返呢度, 想同朋友開開心心打邊爐, 點知就食到一肚火今晚本身我地冇訂位, walk in去之前打左電話留枱, receiption姐姐話冇問題有枱, 亦好有禮貌, 3個人滿心歡喜上到去, 初初侍應都好快手幫我地開左茶攞埋小食黎, 咁之後我地就好開心咁揀湯底&野食, 不過所謂21:00時段任飲任食$138/人真係有啲取巧, 竟然要再每人另加$15先有得任飲, 但係諗住請朋友食飯唔爭在少少錢, 於是男友就走去問企晌我地附近個女經理任飲有啲乜野, 想睇左有咩選擇先, 當時嗰位女經理執緊枱, 聽倒男友咁問佢, 即刻好大力咁"嘭"一聲將佢執緊嘅野掟落枱... 我即刻嚇一嚇, 男友仲有啲嬲, 不過唔想掃興, 男友當時都忍讓左冇計較, 然後個女經理氣沖沖係隔離枱搵左張任飲嘅order紙隊埋黎俾地睇, 我地睇完都有join, 再俾埋食物order紙其中個個侍應, 然後就同朋友慢慢傾下計。等下等下唔多妥, 成十幾分鐘都未有湯底嘅? 野食又未有? 因為朋友係男仔, 剛放工又餓, 男友又餓, 於是催左侍應一次, 點知又傾左一陣都未見有, 兩位男仕因為太肚餓所以忍唔住又要催侍應, 催完侍應隔左冇幾耐就有野黎, 可惜嘅係.... 湯底都未有就上左羊肉同肥牛? 唔係叫我地生食呀嗎?? 然後我地再催湯底之餘醒起未有醬, 走去問一位男侍應, 男侍應就話如果要醬要加錢, 佢地本身個任食係唔包嘅, 攞左張價錢嘅list俾我地睇, 我地睇過覺得樣樣野幾蚊一碟唔係咁抵, 於是冇叫, 不過男侍應就話可以提供免費豉油, 咁冇所謂啦, 有就要, 加錢就唔好嘅心態, 於是就叫侍應俾啲豉油我地, 問完之後大約2~3分鐘個湯底終於黎啦, 但係仲未見豉油, 咁啱有個男經理行過, 我地隨口問佢仲未有豉油喎, 點知個男經理竟然串我地「本身個餐唔包架喎, 唔會自動拎俾你架, 你地有特別要求咪有囉」,有冇攪錯?? 我地咪話同個男侍應講左囉, 係你地遲遲都唔拎黎冇左件事, 然後男經理仲好衰咁答「咁你而家叫左咪有囉」, 心諗我地得罪佢咩??? 我男友都廢事同佢嘈, 叫佢用碗裝啲俾我地打發左佢走就算....好啦諗住有湯底又有肉2碟肉可以食住先, 本身order紙我地仲寫左十樣八樣野, 叫埋飲品, 啲飲品order左之後好快就有, 但係食左一半肥牛同1/3碟羊肉, 都仲未黎其他野, 於是男友又要催侍應... 之後又要再等左一陣先有, 明明叫左十幾樣但係黎唔齊, 而且每碟都好「精緻」囉, 叫鮮蝦, 每人得一隻(共3隻), 蝦滑、墨魚滑好細碟, 幾匙羮已經冇晒, 雞片得3塊, 包心丸多啲嘅, 有5粒, 然後得半棵油墨菜, 幾件炸支竹, 幾塊木耳, 少得可憐, 加埋計埋滾熟啲食物嘅時間, 三個人不出15分鐘已經ko晒... 頭一round咁少野食梗係唔夠, 我地就再order, 但係俾張order紙又要等人黎收, 啲女侍應行過顧住派野俾其他枱嘅客, 明明聽到我地叫佢都唔睬, 派完食物就行左去, 好辛苦先等到有人收order紙, 但係... 又等左好耐先黎食物, 仲要貴價野冇囉, 平野嗰啲就勁多, 根本唔係樣樣任食, 好似攪到只準叫一次咁, 朋友寫嘅雞尾腸要"2", 以為都係咁「精緻」, 點知竟然黎左差唔多2包超市家庭裝咁大包嘅分量俾我地, 望落有四十幾條雞尾腸囉!!! 而魚餃又係寫"2" , 竟然黎左十幾隻, 鮮蝦雲吞呢寫"2" 又會點? 黎得3粒??? 我地有冇眼花??? 本身仲order左鮮蝦, 結果係點?? 休想仲有囉, 除左開頭俾嗰三隻之外, 再點多左兩次, 根本冇黎過, 如果係咁做乜野鮮蝦要list埋係張任食order紙度??? 有冇咁過份??? 不如話每人送一份就算啦!!! 不過又係嘅, 鮮蝦雲吞都咁矜貴, 更何況係原隻鮮蝦!!!!結果我忍唔住啦, 走出去搵頭先拎豉油嘅男經理理論, 我問佢到底我地俾$5xx價錢有冇人service我地, 有冇人拎野俾我地食? 嗰陣我已經好嬲發晒火, 因為已經忍完一次又一次, 個男經理口口聲聲話會幫我地跟, 仲突然好順攤, 話要打個九折俾我地, 我話老實丫, 啲任飲錢你都唔應該收, 你寫住任飲任食架嘛, 然後個男經理繼續順攤話免埋任飲費, 又話會攞野俾我地食, 好又我坐返埋位睇下係咪有!!! 點知坐返埋位個男經理好快拎左張bill隊埋黎叫我地埋單??? 我跟住男經理講「我幾時有同你講過埋單, 我地係要野食囉!!!」 然後男經理話「唔好意思呀, 我以為你地想埋單, 所以幫你地cut晒啲order」... 我即時O咀.....心諗咩態度囉!!! 我跟住同佢講, 叫佢拎走張單, 我地未夠鐘會繼續坐會叫野食, 要埋單會再通知佢。明明入左幾張order紙又要寫過, 枱上面本身有5~6張order紙, 俾我地用剩一張, 我地3個人你眼望我眼已經冇野好講, 連最後嘅一張order紙都要用埋, 因為俾人cut晒啲野食order囉!!! 基本上3個人入3~4張order紙乜都飽晒。結果入埋最後一張order紙之後又係要再等幾個字都係冇野食囉!!! 咁其實係唔係想用啲丸同雞尾腸質飽我地先?? 連肥牛呢啲咁基本嘅野, 除左又係第一次黎過, 之後男友寫左幾張order紙都冇黎到囉!!! 太過份!!! 坐到差唔多成個煲可以食得嘅野都俾我地食晒, 先再有幾碟俾我地, 嗰陣已經23:15, 但係依然冇肥牛!!!! 我忍唔住再出去嘈個男經理, 我話你地唔係咁做生意呀嘛?? $5xx 3個人, 淨係得第一轉嗰幾碟貴價少少嘅野, 然後再order係叫極都冇?? 連叫菜都唔俾我地??? 如果淨係要我食丸同腸, 我攞$5xx去街市買一堆俾你啦, 用$5xx嘅價錢真係會食死囉!!! 跟住開頭掟野嘅女經理經過, 見咁嘅情況走黎想安撫我, 我就同佢講, 我俾得錢入黎係想食野, 想食唔同嘅野, 如果你地公司係冇錢供應食物俾客, 就唔好學人打開門做生意啦, 收我咁嘅價錢好野就冇得食, cheap野就用黎塞飽啲客, 仲有, $5xx我唔會俾囉, 咁嘅價錢俾啲cheap野啲客, 貴野就冇得食, 咁叫做任飲任食??? 然後我同個女經理講一定要個合理價錢, $5xx一啲都唔值!!! 佢即刻好順攤話好好好~~~ 坐返埋位之後, 今次個男侍應真係拎左相片中嗰碟頭先催爆佢都冇嘅紙皮咁薄嘅肥牛黎, 幾經辛苦嘈左個半鐘先有肥牛食..... 唉.....之後男經理再拎兩碟好細嘅肥牛黎, 男友即刻話, 其實都等到飽左七八成, 叫佢拎返嗰兩碟細肥牛走, 唔想嘥野, 男友淨係打算食埋大嗰碟肥牛就走人。本身任飲嘅order紙上有夏枯草(1渣裝), 嗰一刻大家都想叫黎清下熱, 點知同侍應講, 侍應話賣晒, 又係冇架囉!!! 有冇攪錯呀???過左1~2分鐘, 另一個男經理氣沖沖咁走埋黎, 相信係再高級啲, 問我地有乜可以幫手, 男友就話應該頭先嗰位男經理有向佢交帶, 呢位貌似高級男經理就話了解左, 話不如計我地2位錢, 我就話梗係要啦, 俾啲咁嘅野我地食仲想收3個人錢, 2位就咁就差唔多。 (事關22:00到達, 至差唔多00:00, 枱枱客湯底都黎得快, 又係咁有侍應派食物, 但係我地就黎得嗰少少, 入左5~6張order紙, 加埋唔知有冇十幾碟精緻版野食囉!!! 仲要90%以上係平野!!! re-order肥我要等個半鐘, 唔嬲就假 ) $5xx真係好唔合理, 跟住貌似高級男經理嘅人竟然講左句「你地都係想咁啫」, 我聽完火都黎埋, 咩態度.....!!! 根本唔係錢嘅問題, 係唔夠野食丫嘛!!! 大家都係消費者啫!!! 男友禁住我話算數, 我先至冇再嘈佢!!! 總括黎講, 食物質數係ok架, 但係已經bad list唔會再去囉!!! 就當我地自己唔好睬!!!…查看更多