Lui FK的个人专页

今日經過西環見到呢間拉麵, 外面普普通通裏面座位唔多得一個師傅一個waiter。因為今日冇食早餐非常之 肚餓，所以不如早啲食晏。 呢間餐廳係要先畀錢然後佢才攞嘢食過嚟畀你。我叫咗佢哋嘅標準豬骨湯拉麵， 當然食拉麵一碗邊度夠我。所以我加咗一份麵底。拉麵一潭度湯底好香， 麵質夠淋吸曬所有湯嘅香味。呢間嘢好有正宗日本风味。我覺得好正！其實都唔係貴80蚊左右到！加抵喎！我決定今個星期六帶埋啲屋企人嚟食。 如果你間餐廳有啤酒供應嘅話，一口凍啤酒， 然後食返碗熱辣辣嘅拉麵！正！…查看更多

今日星期四 請咗半日假下午約埋另一半 準備去買 餸返屋企煮飯仔。 我哋喺中環威靈頓街， 遇見一個勤力的餐廳服務員( 後生仔）。 佢見到我哋兩個行過., 不停介紹同埋sell佢哋堂食或外賣午餐。 見佢咁有誠意好啦!就兩位! 這間 餐廳細細哋， 堂食要係鋪頭 複式物上上層。裝修係白色為主體,乾淨企理.一嚟到賣相我覺得唔錯, 上面仲有芝麻.雞扒煎到小小脆脆地。飯係用珍珠米, 食落啲珍珠米有一啲 日本魚乾味，好香口， 同一般番茄蛋包飯好唔同，佢完全唔覺油膩。 好香好好食.我嘅另一半我order 咗， 叉燒滑蛋飯。我見到個賣相唔錯 我即刻搶咗啲去食!佢嘅豉油 汁別好香， 肯定係自己整! 個蛋炒得好滑!特別一題係呢個叉燒飯上面有芝麻食落有芝麻香㖭!呢間餐廳總括嚟講不錯! 食完全唔口乾! 唔覺有味精!餐廳睇落去唔係特別裝修,但係乾淨企理煮出嚟嘅嘢 好用心. 我覺得係 臥虎藏龍 之地!備註.我臨走前買咗個外賣畀個仔. 我個仔不嬲鍾意食海南雞飯. 買咗返去我冇影相, 佢一開盒就食曬. 最奇嘅嘢就係成盒野無骨 ， 果然係去骨海南雞。 見微知處用心。…查看更多

星期日起身 瞓晏咗， 梗係一鑊過食個晏晝， 慳番個早餐。 同我另一半 去咗跑馬地成和道嘅呢間餐廳。老公喺度梗係老公畀錢! 天天咁食佢， 好自豪好開心。 侍應好有善，個個都講英文， 佢哋主力做外國人， 佢哋安排咗我去 天井到坐。 天井佢哋改裝咗有瓦遮頭， 雖然冇冷氣但係好清涼。 感覺不錯! 空氣又清新! 呢段時間清新嘅空氣好重要!呢間餐廳感覺幾好, 環境 好relax..講返嘢食，我哋叫咗..... 海鮮risotto好香好， 好嘢未。 但係個汁底我覺得佢用了1罐頭海鮮湯底。 有點兒人工化嘅感覺。同埋 order 咗個雞肉漢堡連薯條田雞肉 都幾新鮮, 裏面仲有肉汁㖭. 但係可惜個菜有啲濕搞到食到最後尾嘅時間有啲 Messi.薯條又冇炸過龍， 又夠熱.總括嚟講唔錯. 同我另一半咁樣喺啲咁relax嘅環境 渡過星期日上午! 真的有如放大假一樣!…查看更多

今日禮拜六又同我嘅另一半和我們的宝貝去食飯行街街。 成日經過呢間鋪我都唔識得讀舖頭名係乜東東， 淨係知道佢係帆船酒店範圍嘅餐廳， 經常排長龍。一袋坐低覺得啲裝修好新潮，富有香港風情。因為肚仔餓所以叫了， 幾多嘢食。泰式拼盤泰式飛天通菜黑松露筍配意大利飯.,肉類 雜扒 大拼盤日清芥末煙三文魚薄餅泰式飛天通菜 一來到香氣撲鼻， 太肚餓冇影相已經不停夾入口。 好好食。黑松露筍配意大利飯一樣!一來到香氣撲鼻!鐵黑松露味飛入鼻，忍唔住，已經畢咗入口! 泣帶子煎得啱啱好!好甜 !食咗一輪先醒起要影相所以將相應有冇咁好睇。泰式拼盤因為先前2嗰太好食!所以充滿希望。 點知 非常失望.... 裏面啲肉炸得好乾, 味精美極重 完全覺得同快餐店嗰啲差唔多.肉類 雜扒 大拼盤同泰式拼盤一樣，失望.... 啲肉炸過龍, 味精美極重 完全覺得同快餐店一樣。日清芥末煙三文魚薄餅餅底太乾， 上面片三文魚 勉強可以， 但係佢 配片橙真係麻麻地。 好怪!因為 之前嗰兩味肉太過熱氣, 太硬喇.所以要飲番杯啤酒， 服務員介紹我飲， 香港本地啤酒獅子山下，顏色好深色。 飲落口好劫， 覺得酒精同味道重， 完全唔覺得係手打啤酒好怪。 可能我唔識欣賞。後尾埋單見到904蚊。 貴定平， 大家決定啦。…查看更多

今日星期日 唔想煮飯所以 同另一半 走咗落樓下翠華. 入到去又係例牌睇下晚餐係乜 ,今晚餐係燒豬髀,本來好想叫,但係見到隔離枱,叫咗睇來，今晚啲豬髀，好似狀態唔好，所以寧願畀多啲錢食另一樣.我打領去親都係食， 沙爹肥牛湯河。我叫咗個 精選韓式牛柳餐。呢個餐包湯包嘢飲， 價錢比一般餐贵，但係個D牛柳 不錯!幾林，裏面又多汁, 但係始終 有少少 鬆肉粉味道.. 不過算啦 ..都可以嘅如送酒都唔錯... 鍾意飲酒嘅我， 如果 有杯紅酒當然好啦。 不過傻嘅咩， 去翠華食飯帶埋支酒去......…查看更多

昨天晚上和 我的另一半遊車河， 去咗紅磡食糖水。 這是我的第一次去 （芝麻綠豆）。既然入到去當然要試下佢嘅招牌 甜品 芝麻綠豆啦。 芝麻綠豆有凍 有熱， 因為我比較敏感所以我寧願吃熱!好快送到嚟，一擺上枱我鼻哥已經聞到好香嘅芝麻味! 因為見到有啲綠豆沙，我攪勻佢😆。食入口下覺得芝麻味啱啱好好香 食落唔會太甜 亦都有啲綠豆沙嘅青青哋嘅味道! 裏面又有海帶又有白合好足料!一句講曬果然名不虛傳! 我見到隔離枱有人 食緊白色中間有點黑色嘅嘢我估計應該係佢哋嘅 芝麻 燉奶， 賣相好正 ，因為我怕肥我唔敢再叫。 我會努力做多兩日gym，下次會再返嚟。…查看更多