TiFfAnYoNe的个人专页

早兩日睇到介紹陶瓷咖啡工作室，被陶瓷咖啡杯吸引，所以趁星期六就約朋友去試下...走進觀塘工廠區但其實都不難找這間咖啡店...推門一進，就不難發現店內有很多店家的陶瓷製成品，這裡除了咖啡店另一邊是陶瓷工作坊，剛好今天有客人在上陶瓷班，感覺好文青😝呢到真係好啱傾計，因為環境舒服又安靜👍👍除咗咖啡仲有茶類，店家都會好細心介紹咖啡，感受到店家的真的用心經營。讚！！！招牌Latte 配上陶瓷杯 很美耶加雪夫手沖咖啡另一邊的陶瓷工作坊教室…查看更多

Happy Friday又係出動覓食嘅時候，唔知食咩好最後決定衝入大埔，其實大埔都好多好野食，但就揀唔到食邊間好，最後友人話想食韓野，即上openrice 望下有咩好介紹！韓野就搵到Kimbap Gallery 睇個名就知間野係食紫菜包飯泊好車就搵下間野係邊，都唔算難搵細細間都怕要等位，好彩七點唔算多人唔洗等位！可惜最後係無食到紫菜包飯架走嘅時候小店都已經坐滿人推介辣泡菜豆腐湯，夠辣又夠味，好好飲！下次要試下紫菜包飯先得，因為枱枱食客都有點…查看更多

朋友生日想食泰菜，但要等齊飯腳開飯就要係港島，但對於九龍人黎講，港島泰菜真係無咩頭緒，於是就靠Openrice搵有咩餐廳，最後朋友揀左呢間當然我地都未食過專登揀灣仔呢間，因為怕人多要等位，果真唔洗等位！朋友未放工咁就先叫左小食同餐飲先椰青炸蝦餅椰青沙冰～要預15-20分鐘馬拉盞通菜～唔會好咸香茅味太重泰式炒金邊粉～一般般青咖喱豬肉～唔辣仲有淡淡椰香有咖喱點少得印度薄餅～好鬆化用來配咖喱一流整體黎講：份量適中、味道唔錯、環境清靜，值得分享…查看更多

早幾日已經想去食，難得今晚有飯腳，即刻話要去食呢間車仔麵！最吸引我係佢個辣醬，味道辣中有帶少少甜，總知就好味（但友人唔食得辣叫左少少辣都覺得好辣）兩餸一麵$24 超抵食今次揀左豬紅同豬腸豬紅夠入味豬腸又唔肥 …查看更多

難得放平日，突然好想食魚蛋粉，又唔想是但食一間，醒起筲箕灣安利於是就展開過覓食落得餐牌有埋圖 應該都係推介魚蛋魚片撈粗$38魚蛋好彈牙好鮮味 面嘅口感啱啱好抵食奶油多$10 雖說$10但都貨真價實 哈哈，看來切腩撈粗比較多人食，因為客人都點這個，我下次要再去試試…查看更多

哈哈！難得放平日，緊係要上網搵下有咩抵食下午茶，搵搵下發現呢間逢星期一至五先有嘅英式afternoon tea，仲要價錢相當超值，最緊要係近屋企，唔洗山長水遠出門！$99 好抵 仲要唔洗加一包兩杯飲品，轉鮮奶咖啡都係加7蚊！呢個價錢黎講真係值得一試…查看更多

友人話LIKE左專頁就有買一送一優惠，咁著數點可以錯過呢但係每逢假日經過Starbucks總想入去飲返杯輕鬆下，但每次都好難搵到位，真係唔知由幾時開始香港Starbucks變成自修室，今日亦唔例外座位已坐滿但當中有幾多枱真係仲飲緊手上杯咖啡呢，最嬲係竟然有個男人坐係到訓覺，Too BAD! 等左十分鐘終於有位喇，原來買一送一係有指定三款節日推介，揀左薑汁鮮奶咖啡，第一啖飲落覺得味道怪怪的，既不夠薑也不夠咖啡味，但相對比較甜，諗住慢慢可以飲完，到最後都決定放棄! …查看更多

香港米線店多不勝數，但云云的米線我特別鍾情星林居，以前比較愛食小鍋米線，因為可以有得揀非常酸，不過近來轉左口味比較欣賞涼拌米線! 紅色落菜單係for小鍋同涼拌米線，而黑色落菜單係for上湯米線(因為無肉碎所以適合素食)涼拌米線係除左酸菜同辣，仲有花生...但因為我唔太好食花生所以走左。白蘿蔔: 甜甜的，好好味豬紅: 唔會太淋米線: 有點失手，有d未煮透，硬硬地汁底: 比平時稀左味道無咁濃，不過還算OK…查看更多

平安夜玩得太夜，所以一起身已經係午飯時間，呢個普天同慶日子緊係要同屋企人食返餐飯啦...屋企附近開左好多食肆，假期關係人太多，爸爸話唔想等太耐，所以佢揀左上海婆婆！生煎包> 唔夠熱> 但肉餡都足料> 不過肉汁比平時食開無咁多婆婆粗炒> 平時食開粗炒都比較油，但今次食又唔會太油膩，再落埋豆板醬簡直絕配!酸辣湯麵 > 酸辣度啱啱好，唔會太濃同太辣！> 麵條口感，唔會過硬過淋> 用料足，湯底多而不膩！高力香蕉豆沙 > 香蕉味淡到差d食唔出> 豆沙又唔夠味…查看更多

最近香港流行拉麵風，就好似恒豐中心地庫有Ramen Champion，都幾似food court架，入面分別有六間日本拉麵店，之前睇電視介紹話呢六間分別係日本唔同地方嘅拉麵，咁可以唔洗周圍去又可以食到唔同口味嘅拉麵！唔知揀邊間好，就試下呢間北海島毘沙門零 入去嘅時候門口職員會每人派一張卡，張卡係落order時用，好方便食完先一次過埋單……落完order就會比個電子震動器，當可取食物時會閃燈同震動，宜家日本同韓國都已經好流行，唔洗企係出面呆等！最後揀左醬油拉麵同特式餃子，先講拉麵湯底很香很濃，拉麵的口感不會太淋又不會太硬，剛剛好！而餃子就同普通煎餃差唔多只係配上唔同醬汁，但個醬汁其實係同鱆魚燒一樣，本身仲想拎餃子汁，職員見我想拎即刻同我講唔洗用架，可能怕我食唔到原有味道！食飽後，記得用返落order張卡去收銀處埋單，埋完單先可以出門口架！…查看更多

因為知道東大街多野食，所以收工約朋友去兜個圈，之前聽同事講過有間雞蛋仔好好味，於是周圍行下搵下，行到附近見到呢間"低調高手"，見到有幾個人排隊就覺得佢地講緊呢間，一於唔執輸試下先...1底$13或2底$24...雞蛋仔同格仔餅兩款都可以落Order後，店員忙於製餅差唔多完成，店員會問洗唔洗分兩開件，可能宜家好少聽到咁樣問，覺得又幾細心喎!:先講講格仔餅，一般都比較淋身，好少食到格仔餅係咁鬆脆，所以呢個係必食!而雞蛋仔都好足料，唔會空空的，所以都值得試架!…查看更多

同事提議食越南野，附近都無乜邊間所以就揀呢間，之前都食過覺得唔錯，...點知今次....有點失望因為人手唔夠，落Order都等左一陣先落到，最後我揀左生熟牛肉檬，同事就揀左豬頸肉撈檬，落完之後想問多句都要等，真係無咩mood! 問左兩次終於有人應我，只係想問下係咪有得配小食，點知佢話我係檬粉所以無，但我明明有印象上次食都有，不過算啦, 我都唔計較有無小食，都係問下佢話無就無啦... 午餐時候人比較多(尤其星期五)，所以野食都等左一陣，好彩味道總算可以，食到差唔多完杯餐飲都仲未送黎，完全人手不足情況下連水吧都無人，水吧終於忙完安排餐飲了，快速飲完就埋單走人。 緊記如果大家趕時間的話就要預返少少時間，否則應該會食到趕頭趕命!…查看更多

今日難得媽咪細佬過黎搵我食lunch，就帶佢去試下呢間……問我有咩好食緊係推介佢地燒味啦，我自己就揀炒河，但最後決定一人叫一碟！必食嘅叉燒煎蛋飯，叉燒肥瘦分明肉汁香口，口感唔會太硬，豉油唔會太咸啱啱好四寶飯就顯得失色，只有紅腸比較多，其餘兩味餸就少左啲！呢碟係我每次必叫真係好香，河粉落埋菜甫一齊炒所以口感食落好爽口又唔會油淋淋，落埋辣醬就絕配了值得一試的餐廳…查看更多

呢D天氣最啱行山，所以今日就係昂坪至大澳，難得去咁遠緊係上Openrice搵定有乜必食啦，除左炭燒雞蛋仔同阿伯燒魷魚外……最後發現我地係見到乜就食乜，行到呢個大澳小食，見到香妃卷(英文叫China pizza)好似幾特別，嗰日都算多人排隊咁我地班朋友仔都排埋一份試下先。首先加麵粉漿再落一隻雞蛋搽滿表面再加蔥同芫茜(老闆娘會問芫茜要唔要)，之後再落芝麻和菜脯再加醬汁同脆脆條條完成....老闆娘會問你要幾多份，會幫你分好入袋總結可能因為多人排隊，我地都抱左少少期望，但當咬第一啖就發現同自己想像o既味道有些少出入，唔可以話唔好食，只係唔知邊種材料有陣香料味(但肯定唔係芫茜同蔥)....不過去到大澳乜都要試下，試一試都無妨，都係二十蚊一份，好抵食!! …查看更多

長週的星期六必定約埋同事食早餐再一齊返工，今日都不例外，但附近的茶記都吃厭了，原本想去附近酒樓嘆茶食點心，咁啱同事講起呢間功夫點心，就不妨試試……可能星期六關係大約坐左兩三檯，所以唔洗等位！呢本秘笈就係功夫點心紙，有心思，仲寫明係即叫即蒸添，新鮮熱辣辣蟹子香菰燒賣皇-大大粒好爽口功夫蝦餃皇-不愧為功夫蝦餃皇夠扎實兼充料鮮蝦菜苗餃-皮夠薄味道還可以，但唔知點解夾起嗰時散哂！（蝦餃燒賣可以逐粒叫，不過最少叫兩粒）腸粉最緊要皮薄足料，牛肉腸有別一般酒樓，可能加左金菇變得好爽口...而叉燒腸啖啖肉，無咩肥豬肉熱辣辣香噴噴嘅粥，肉丸味道有驚喜，值得一試即係迷你菠蘿奶皇飽，細細隻幾得意，咬下時酥皮飛散，奶皇又香甜，好味道牛肚夠淋同入味，仲有白蘿蔔，都幾香口！如果想安靜嘆茶同唔洗點等位，不妨試試功夫點心，價錢都算合理！茶錢每位$4…查看更多