member_510244的个人专页

觀塘新開餐廳，環境舒服，壽喜燒好食，員工服務好，好有禮貌。餐廳出面有個小露台~ lunch hour + 新開張有優惠， 唔使$130就可以食到壽喜燒，仲要係靚肉，坐得又舒服，檯與檯之間有空間，唔會迫人搭檯，同朋友食飯傾計一流，空間感滿滿。壽喜燒套餐除咗靚肉。有蔬菜鍋，蒸蛋，湯，仲有生雞蛋比你點嚟食，飲品甜品半價~ lunch 套餐除咗有壽喜燒，見到仲有鰻魚/其他牛肉套餐，下次再試下~ 咁嘅價錢咁嘅質素，香港真係唔多地方揾到~ 仲要星期六都有lunch set~ 值得推介大家嚟試下~~~~~~~~~~~…查看更多

第一次食，二款鰻魚都有叫，鰻魚燒得ok, 但個汁一般般，感覺白燒鰻魚好味d, 蒲燒鰻魚個汁真係唔得。 其實蒲燒鰻魚飯個靈魂係個汁到，如果個汁可以搞搞佢就好啦。 串燒都唔錯，叫咗杯凍飲，竟然冇咩冰。但另一個重點係。。。 間舖超級熱，一路食一路出汗，d 位窄都明白嘅，但冷氣唔得大熱天時真係搞唔掂，真係要唔怕熱或者冬天先可以去到。建議食店搞下部冷氣，d客食得開心，員工都舒服d啦，始終又要做串燒又要燒鰻魚，冷氣唔掂其實員工都辛苦啦。…查看更多