Lucie Tong的个人专页

一直有幫襯開beans，但最近既食物質素真係每況愈下。先講店鋪環境，一坐低無耐就有好多蚊滋群魔亂舞飛黎飛去，趕走佢嗰陣仲跌落個杯檸檬蜂蜜度，畢左好耐先畢返出黎。個下都覺得衛生好差，有啲影響興致。再講到食物，lunch time點左個青咖哩軟殼蟹Risotto，點知上檯發現賣相完全唔似咖喱，都安慰自己講可能個飯有內涵呢⋯⋯點知一啖入口，辣到飛起，後勁辣到由喉嚨攻返上口腔到耳仔，係辣到耳仔痛！！呢種辣唔係辣醬既辣，無辣椒既香味，係純辣油既死辣。本身我自己最盡都係食到譚仔10小辣，建議menu加返個辣度提醒客人。但係個飯真係完全無咖喱，到呢一刻我都懷疑緊個飯係咪真係咖喱飯，成餐飯10分滿分得兩分。我諗我短期內唔會再幫襯。…查看更多

甫一坐低點餐阿姐已經落錯單，我地兩人分別點左海蜇手撕雞同埋鹽焗雞手撕雞同埋其他小食。阿姐寫漏一份手撕雞我叫佢加返，講左兩次係加返鹽焗手撕雞。轉個頭又問係唔係加多個腸粉。鄉音阿姐上多份海蜇手撕雞我話佢出錯餐，大大聲對住廚房鬧：已經問多左佢一次又話係加多份腸粉！就算野食幾好食都覺得一肚氣。去到收銀我無現金要求八達通付款，對方話之前落錯單以致有差價，計緊數嗰陣又㩒錯現金比，堅持要我呢個身上現金既人現金比，要刻意過對面街㩒錢比佢。搞到成餐飯食到我背脊骨落。服務呢部分我真係一分都唔想俾。成間餐廳得4個阿姐，單又落錯，錢又收錯；咁差既員工培訓簡直趕客，永無下次幫襯。…查看更多