黑芝麻娃娃娃的个人专页

滿懷期待嘅心情試呢間石磨腸粉，結論係一次算了首先只有黑米腸粉，無其他腸粉選擇，是但啦可能好食呢……其實食落冇咩唔同嘅味道，但顏色就不太吸引。首先，講吓個豬膶，苦同硬然後，麻醬手撕雞腸粉，睇圖都睇到雞應該係切嘅雞柳，不是手撕的。另外，係冇麻醬的 ，雞嘅份量偏少，不過算啦，因為啲雞唔好食，比多我都係浪費加$8嘅桂圓紅棗，應該係糖加水，飲唔出其他味道了全個午餐最好食嘅應該係嗰幾粒燒賣，因為冇期望，就冇失望點解我唔正正經經去買個飯食呢？…查看更多

一向都覺得葵興係美食沙漠，每日諗食乜真係好寃悶。適逢食日咁啱要去大連排道買少少嘢，咁就行去華星街嗰幾間食店睇吓有咩食啦見今日餐牌有台式又有西式，啱晒我同同事心水，於是嗌咗一個carbonara同一個鹽酥雞肉燥飯。見廚師一個做哂落單收錢同煮嘢，真心勁。好喇，講返正題，十分鐘左右返到公司外賣仲係熱辣辣，個意粉好大份量，我食咗一半就夠唒，好足料，味道仲好過我喺餐廳食118嗰個。鹽酥雞無油膩感，仲好軟身唔係炸到乾爭爭嘅，肉燥亦俾得大方。佢今日嘅湯係甘筍忌廉湯，竟然係好清新，一啲都唔漏。總括有下次…查看更多

嚟得呢條街搵食，十個有九個都係去隔離間壽司，舖仔細細經常大排長龍，食物係多款式價錢平，但舒適欠奉，服務唔好有要求今日遊下盪下一家三口7點多又嚟咗呢條街，眼見意壽司要排十多張飛，索性睇下隔離仲有咩選擇先隔離間韓國部隊鍋不是我杯茶，可以飄過～再隔離嘅西餐廳7成滿見到仲有位，menu仲幾吸引，就入去試一次我哋揀咗和牛漢堡，牛肉火鍋同牛肋肉烏冬和牛漢堡個肉幾厚身，充滿油分同牛味，配日式醬汁同大量生菜好夾，仲有超粗薯條熱辣辣外脆內軟大大份量，後生仔話十分滿意我自己點咗牛肉火鍋，78蚊一個火鍋有7塊安格斯牛，我真係唔知佢賺咩，牛肉無雪味好質素（平時邊爐牛我買開三昌同兆記）相比之下係個烏冬弱啲，湯唔夠熱同個牛半生熟嗰下唔多夾不過我都提一提，我哋三人一致認為成餐飯最出色係加錢轉餐嘅蕃茄龍蝦湯，好夠熱夠滑味道調得好好3人消費無加一$274，環境舒適有空間感加食物唔差，我會再幫襯…查看更多

我知道佢地好出名，我亦幫襯左佢地好多年，雖然唔係經常幫襯，但係每一次入西貢都必定去果度買D野食上星期 7.1 假期，我響果度買左2件SCONE ，＄17/2 件 大大件又好味，又足料，係我食過最好的！心思思今日又入去買SCONE，點知D SCONE 細件左好多，因此我問個女仔點解D餅細件左嘅？？點知佢答我唔係呀，無 呀，一向都係咁架喎！我 覺得佢好無禮貌，好彩上星期嗰件SCONE我影低左，我覺得如果我都看得出 ，我覺得佢地日日面對住啲糕餅 ，必定知道O羅！ 只是佢地當我傻瓜 ：（大家睇下相,覺得係咪size差成三份一?…查看更多

今日星期六半天工作,上午突然興之所至想帶埋兩隻寶貝去馬灣走一轉,於是一放工就極速返屋企接兩隻怪獸!由土瓜灣到馬灣都不用一小時,到達後當然搵食先!大約10分鐘行到呢間朋友推介既Pizza店,試左傳聞中既秘方雞亦,同廚師哥哥幫我揸主意既ying yang pizza.雞亦真係無得頂!皮係脆既,肉係嫩既,仲無雪味!Pizza好home made feel,唔似Pizza Hut咁油淋淋,我仲可以分享一d批邊比我兩隻怪獸食tim!吃飽飽後,有力氣同怪獸上山下海了~…查看更多

尋晚同好友Ling加B一行三人黎左呢度日式放題,店子雖然細小,但整體上乾淨衛生,最喜歡收銀櫃上狸貓擺設呢度係寫紙仔叫野食既~蟹籽沙律---好eye catching!D青瓜絲好fresh cut, 蟹子份量唔少,,,仲好新鮮添!牛肉鍋---唔油!非常合我口味,又夠熱!泡菜炒豚肉---日式泡菜比韓式來得清新,炒薄薄的豚肉唔漏唔濃但開胃.串燒---雞肉串好味,其他無咩特別和風牛肉飯---牛肉份量多,飯都係熱好味d~牛柳粒---夠稔夠惹味,3人都say good!!炸豆腐---叫左2次,第一輪一吃入口,豆付之嫩滑驚為天人,即刻encore...但再來的卻係普通貨式...相信要撞彩~壽司可以唔試,寧願叫牛肉飯另:老闆娘真係好笑容,令我食得開懷,店員妹妹一腳踢足全場忙個不停,依然有笑容同禮貌...10個good!…查看更多

前晚同密友誤打誤撞下去左Spaghetti House,叫左個set,三文魚鮮果沙律+baby back ribs+soupx2+drinks x 2鮮果唔鮮之餘蜜瓜仲食落有縮味!!!三文魚唔好咬口~ribs今次燒得乾爭爭,廚師梗係以為搽返多d sauce就無事…結果係好咸好漏~密友的蕃茄薏米湯一貫的酸,娃娃加$11轉左龍蝦湯,味鮮夠熱,good!埋單送果張$50 coupon要30/6前用,真取巧!…查看更多

童年時期經常食呢道既栗米肉粒…懷念~早排去食下午茶,忍唔住叫左個飯!!!古法漢堡,令我回味無窮!!!我覺得比時新更出色!…查看更多

真係唔明佢以咩咁多笑面~價錢唔算抵,味道水平以下,服務態度更不願置評!我買份三文治姐,唔知以為我叫你請我食咁~黑口黑面真係唔知有咩得罪佢!份三文治仲要難食到震添!…查看更多

3送1飯1湯只係$24!此區實屬超值~食物用料絕對唔差,賣相仲拍得住酒樓添!最愛佢地既炆豬手、蒸水旦、糖醋排骨、咖哩雞、羅漢齋.....今次食既菜膽雞亦好正,無雪味!海味炆節瓜炆得非常'林',呢d咪有Heart囉!仲有,我食得出佢地係無味精既!…查看更多

返左呢份工2個多月,好多時食飯都唔定時~ 所以好多時我都買定d野食填肚~ 圖中係我食足2個月都唔厭既蛋白蛋糕。我至少隔日就買黎食架喇~有時日日食添! 愛它獨特既蛋白香味、軟綿加滑既口感…還有11x11x8cm既大size,仍然只售$5!…查看更多

無食佢D粥…不過,尋日熱到無胃口,買左碗綠豆沙食。好驚喜裡面加左麥米兼唔太甜!正好為我消消暑~…查看更多

呢間快餐店已經成左我既飯堂!食物無味精之餘沙律亦非常新鮮,本人最愛木瓜雞沙律同酸酸甜甜兼無油既羅宋湯!…查看更多

今日響中環做完正經野,約左阿姐食lunch!我話食清D…於是佢帶左我去碗屋~值得對自己好D^^我Order左1號----雜錦sashimi+烏冬+燉蛋+蝦沙律。好大堆頭呢~蝦沙律---菜夠爽脆,汁酸酸地好開胃~剌身---除左海膽樣樣都非常鮮味,蝦蝦最yummy!日式蒸蛋---淡淡的質感滑溜!湯烏冬---味道一般!12:45pm前埋單半價,2人埋單$210!超值!多謝阿姐!…查看更多

同朋友叫左一個mushroom chicken pizza同Nachos,兩樣都唔多特別出色~唯一出色咪係我杯sea breeze裡面有小昆蟲囉~我仲要飲左半杯先發現!…查看更多