dindin的个人专页

今晚同家姐去食，都係嗌個雜錦船河餐，等咗十𡃁分鐘，碗粉黎到，一飲啖湯，即刻讚有料到👍，飲得出好有料，正，出色，有層次！初頭唔捨得加辣，驚影響咁正嘅湯底。但始終嗜辣，食幾啖粉後，再加味架上兩款辣粒，再昇華真係唔可唔比讚。套餐加10蚊有小食，鳳爪就唔夠酸，蝦餅雖細粒，但好味。埋單150蚊，真係抵到爆，最緊要係好滿足。在此一讚師傅有心機，加油:)…查看更多

今日大家姐65歲生日🥳🎂兼榮休大日子，再加上二家姐同女女從法國遠道🎊而來，大家姐就宴請一圍（酒樓全包宴，可叫一圍或半圍），估唔到，2000蚊唔使，樣樣嘢都好夠份量，又夠熱，好正！龍蝦伊麵，龍蝦啖啖肉；魚大條又鮮；鮑魚冬菇大大粒；蝦球夠脆，配浸蕃茄解膩；炸子雞夾起仲有煙冒起.....樣樣餸送到黎，大家不禁嘩嘩聲，唯獨是個胡椒豬肚湯就嫌湯渣多過湯。仲有炒飯，壽桃包等等，食得好滿足，食唔曬仲要打包拎走。我地講笑笑話要食多幾餐😆…查看更多

嗰日臨上朋友屋企，肚餓經過此店，求其諗食個tea先，嗌咗個藥饍雞湯魚腐台灣麵，朋友要沙茶湯餃子麵。我勁鍾意個雞湯底，勁濃郁好真材實料，而個麵也彈牙，至於魚腐則普通啦，frd也讚佢嗰個好好食。兩個人食完都覺好回味，正下午茶30幾蚊，包嘢飲，抵到爛，如果我屋企附近有間，就正囉真心想試埋佢其他湯底 …查看更多

揀呢間慶祝老公生日，貪佢有生蠔同紅白酒任飲。是晚提供紐西蘭生蠔，不是即開即沖洗嗰種，係預先已開好，每次只比2隻，都幾大隻，creamy，頗滯肚，故即使愛蠔嘅我倆只能食半打便要stop了。有沙律，cold cut, 熱葷，粥麵，但款式偏少，無咩嘢可揀。甜品款少，還好有movenpick 多款口味雪糕。酒方面，白酒好飲過紅酒。服務方面，基本茶餐廳咁啦，環境亦似canteen。優惠價黎食，埋單每位500多d,已包加一，性價比偏低，若唔食生蠔就更低。個人認為食高級放題會更好。(疫情下，每次要戴回口罩出去取食物，餐廳好應該提供口罩袋。見有好幾位食客可能貪方便，就咁拉下口罩至下巴黎食，這樣更加不衛生吧！)…查看更多

是晚幾位老友請食生日飯😊，叫了以下幾道菜:冬瓜盅:賣相靚之餘，湯料十足，清甜舒服!叉燒: 無諗過會咁大碟，肉質靚，半肥瘦，甜度適中，惹味!煙燻雞:本身這款要訂，幸好當晚即叫也有，煙燻味好香，雞肉入味，不肥膩!太史戈渣:): 見之前食評大讚嘅功夫菜，點沙糖吃，外脆內軟，個人覺得有點似玉子豆腐，可能不識欣賞內裡乾坤，但不妨一試!梅菜芥膽:梅菜嘅鹹甜味中和了芥膽嘅苦澀味，腍腍甜甜，正!依家要搵一家有服務嘅食店很難，這裡侍應十分親切有禮，其中一個亞姐隔著口罩對眼都識得笑，真值得一讚!絕對值得encore! 多謝老友!(圖片caption有錯，改唔到，見諒)…查看更多

聞名已久，想食好耐，今日趁端午假下午去食，點知大失所望。招牌擔擔麵：最失望，虧佢說係招牌，又細碗，麵唔得，個湯得個鹹字，連花生粒都無，完全唔合格!醉雞：雞肉唔嫩，上碟唔夠酒，雞肉無醉味，唔掂!酸辣湯:(：醋酸味太強，無豬紅(雖然我唔食)，麻麻。海蜇😅：夠爽，但味道偏淡，嘥晒!上海粗炒：懷疑係用渣嘅烏冬黎整，一點也不像上海粗麵，無口，失敗之作!埋單$307，CP值極低! 臨走仲見到預備前菜嘅亞姐一邊拎住手機望，一邊弄食材，😥，無下次了!…查看更多

同老公都係生蠔迷，是晚供應法國生蠔，偏鹹但十分新鮮，最好是無人排隊，次次一去便拎到。似乎d客喜歡凍龍蝦多點，不過我地食過又唔覺得太鮮甜，食了一隻半隻便算。好得意，是晚算滿座，但熱門出品位置都會出現排隊情況。鵝肝係即場煎，好香，我本身不吃內臟，老公就頗滿意。另有和牛，牛排等也不錯，有次切開，我嫌生生地，廚師即時幫我煎幾下，很貼心，抵讚! 刺食我地無乜點食，天婦羅得很少供應。麵檔飽肚嘢無食，蛋糕甜品賣相不錯，拿破崙十分好吃。我openrice訂座時列明生日，侍應見我吃到咁上下，奉上心太軟伴雪糕，係開心嘅😊。現場有紅白酒可自選，我地點了兩支白酒，每支$188，no free flow。整體服務專業有質素，疫情下，更見有專責監察員，不錯! 如能即場提供口罩袋會更方便，因每次出去取食物要戴上口罩。依家太多假食評，相又靚，又講到天花龍鳳，希望呢個真實食評幫到大家。75折食，我覺得值，如胃口大 ，更值🤣🤣…查看更多

真的好滾動，同80後朋友喺灣仔飲下午茶，佢忽爾講開附近有間面包舖有個半牛角卷入面有奶油，好正，我立時瞪大對眼，豈不是我70後搵咗好耐都搵唔到嘅奶油筒?!即刻去買咗兩件，夜晚連隊，開心又滿足。…查看更多

與之前那位評家一樣,我也是團購拉面餐,(即是圖片都是一樣)呢間舖的嘢食你唔會覺難食,因為佢係無味的,只有餃子是有D鹹味最慘係那隻所謂的蛋,都可以全無蛋味, 驚到唔敢食.其實,環境算不差,仲有露台位坐,但以咁樣質素,即使派張現金券,也不會回頭吧,最慘係我仲有幾張呀,初初見其他分店OK,諗住呢間就腳的也會OK,點知....唉....希望其他分店快D搵人過黎呢間救吓佢.…查看更多

本身並沒有諗住特別寫食評，只不過見到之前有人話團購唔ok，特別回應為此店作一平反。由於無諗住寫，所以相片欠奉。我也是買團購，二人吃，去到不用等便入座，點了龍蝦麻辣火煱，先食龍蝦，覺得非常入味，我和男友也十分讚賞；食完龍蝦便加湯再滾其他自選食物，全部也不錯啊。不知是否當晚不太滿座，本身限食兩小時，我們食到過晒時，服務員也沒有催促，所以感覺十分良好。而當晚服務員普遍態度都幾有禮，所以整體來說，我會比個like佢。希望呢個食評也可為大家作一參考吧。…查看更多

見到咁多個喊面，讓我來一來平反吧呢日同家姐貢咗入佢食下午茶，餐牌說買一送一：一個扒餐(嘢飲另加$5)送一個價值$33下午荼(包嘢飲)=全套$66我地照叫了一個黑椒牛扒同闊條麵,兩款都不錯,牛扒夠厚肉多汁,個闊條麵軟硬適中,蒜味亦不錯呢熱咖啡亦十分香濃,結論係:超抵!!!不過service就真係一般…查看更多

呢間舖的粉十足十似我在法國吃的越南舖的做法，越南牛河的配料同樣係有芽菜，香葉同埋甜辣醬，唔係攪笑架．記著一定要揀生牛河，咁先叫做食到佢的皇牌，在香港無吔邊間可以做到佢地咁好味．另外有次下午荼食過佢地的海南雞，都好好油水，係喜食雞的朋友之另一佳選．…查看更多

真的超抵食刀削麵好"趙"頭即使三元的油菜也是絕無欺場,夠油又新鮮好味特別推介蕃茄湯牛麵,好少有大大碗,飽,如此價錢,不知怎賺…查看更多