今晚來到洲際酒店吃自助餐, 一早便進埸, 天已經黑了, 嘩! 好漂亮的維多利亞港夜景. 雖然我不是遊客, 見慣見熟的風貌, 但這一刻也不禁讚嘆起來, 拿相機出來拍拍照, 如此靚景我都唔好執輸先.自助餐的海鮮供應種類繁多, 有波士頓龍蝦, 阿拉斯加長腳蟹, 雪場蟹, 咖菲蟹, 琵琶蝦, 大蝦.......... 看到這麼多的閃閃爍的海鮮令人雀躍, 最緊要是任食的. 最喜歡吃蟹, 大啖大啖肉, 龍蝦很有口感, 我吃了很多龍蝦和蟹, 很滿意.刺身好新鮮, 有甜蝦, 鱆紅, 立魚, 帶子, 吞拿魚, 我就喜歡甜蝦和立魚.除了海鮮還有很多美饌, 一盅盅魚翅擺在桌上任取不用自己扚的, 雖然魚翅不多 但好有魚翅味, 湯底想是用足材料來淆才有這樣美味吧.還有鵝肝, 片皮鴨, 巴馬火腿, 也是味道不錯的. 甜品, 巧合今日有我鍾意的栗子蛋糕, 很好味. 吃了個草莓雪芭, 好酸, 刺激一下味蕾.歡樂的時光特別快過, 我們用膳後, 又在大堂影相, 有聖誕樹裝飾, 充滿節日氣氛.每位: HKD400 (飲食卡五折後)…查看更多
每年的大閘蟹餐是我最期待吃的, 今天終於來拆番餐蟹. 滬江是我們至愛的選擇, 她也是米芝蓮食肆.第一道菜是 蟹粉魚翅 蟹粉份量十足 魚翅例牌好吃 2樣極品加埋 鮮味濃郁 搭配得十全十美 是水準一流之作. 然後拿來一個餐盆, 盛有 蟹粉湯包 蟹粉栥飯 和 上湯豆苗. 蟹粉栥飯 我用小匙羹舀來吃 一匙飯+少少蟹粉 啲飯煙煙韌韌 好美味.蟹粉湯包 蟹味唔多 但灌滿湯汁 咬落去 鮮美的湯液從四面溢出. 上湯豆苗 豆苗索晒上湯味 可口清香.吃完以上蟹的副產品, 終於到蟹公出場, 通常吃公 公冇乸那麼重秤. 清蒸大閘蟹 膏香蟹甜 點著醋吃 滋味無窮.吃過大閘蟹 飲杯薑茶 好勁薑味. 甜品吃薑湯湯圓 是咪好圓滿呢!!我們也有嚐過別間餐廳的大閘蟹套餐, 她們可能會供應多過一隻蟹給你吃, 但其他蟹的副產品就沒有滬江那麼出色. 用蟹粉做的餸菜, 分分鐘令你有估唔到的意外驚喜味道. 如只著重隻蟹, 倒不如自己買幾隻番去蒸, 就是因為拆蟹粉 蟹肉是非常花時間 功夫, 自己在家弄很難搞的, 所以這餐蟹的魚翅我最滿意.…查看更多
有2間分店, 分別在跑馬地和天后, 2間都吃過. 店內格局似日本地道小店鋪.本身很喜歡吃燒烤類, 無論係串燒, 韓燒, 鐵板燒, 石頭燒, 都鍾意.鹽燒牛肉, 一般 不特別好味. 銀杏, OK. 燒白鱔, 香口 魚皮脆卜卜. 露筍豬肉卷, 呢個正Y 鮮甜多汁 百吃不厭 每次光顧必點 燒海蝦, 隻蝦本身無問題 只是燒得唔夠火候 如燒至金黃色然後有點肉的油脂浸出 可能會更滋味 你可以選擇燒大蝦 不過價錢會貴啲 彈牙啲.燒蕃薯, 是甜的 冇渣 可以. 燒本菇, 也是可以再燶啲 燒得唔夠透. 今天沒有蜆跟蚌供應, 不過唔使希望, 點左個燒鵝肝, 這個好好味 鵝肝的優點表露晒出來 總算沒有浪費到件鵝肝. 粟米, 超甜 點解啲粟米可以這樣甜 不錯. 鴨舌, 普普通通. 生蠔, 清清地就這樣燒來吃 已經可以了 唔會太流 太油腻.很多年前 喜歡到(南蠻亭), 但有次, 餐飯吃到尾聲 想話飲多杯茶 侍應偏偏就睇我地唔到 酙俾其他人 就係唔酙俾我地, 我們唯有叫埋單, 最繁忙的時間 食肆總有她的辦法趕......... 之後也再沒有去過. 後來給我們發現了取替品 - 燒鳥亭 , 所以每當想吃串燒就會來 這間.…查看更多
入門口左手邊再走進去, 可以看到有一個好像書店的area, 坐下來, 望吓張枱布, 都幾靚, 筷子 碟 茶杯 都幾別緻, 這裡的環境算是講究的.千張素卷 - 有營食品, 少油少鹽, 蔥油海蜇頭 - 吃落硬了點干燒明蝦 - 甜酸味 跟之前兩個餸比較 有番啲味道 唔錯鮑魚 - 配上汁 加2條露筍 賣相好好 好吃又大隻, 吃完開始有點飽還有蔬菜 蒿苣筍絲 - 清淡 平時很少吃到的蔬菜 OK, 雞煨麵 - 湯底夠甜 令到啲麵好味起來 不過麵冧左啲.甜品叫了一個楊枝甘露 上面加了一球雪糕 這個唸頭蠻不錯的 天氣熱 吃完飯 吃點清涼的甜湯 感覺涼浸浸.見到侍應整晚在 片 北京填鴨 片 完一隻又一隻, 聞到好香哦, 下次有機會再來 也想嚐嚐這裡的北京填鴨. 每人$400 (信用卡五折)…查看更多
同朋友借左會員 card, 有買一送一優惠, 埋單時服務員百般刁難, 堅持唔俾優惠, 最後我地當然俾正價離開. 心唸服務員你都係打工唶, 啲態度使唔使去到咁盡Y? 走時也不會講句 "唔好意思, 歡迎下次光臨" 讓客人好落台, 話晒都俾足錢, 日式食肆不是會更有禮貌嗎?? 不愧為 [星級] 酒店, 就連處理問題都差劣, 冇禮貌.我地本身都有 '洲際酒店' 飲飲食食的會籍, 同人交換分享是潮流, 一啲都唔cheap, cheap 是酒店, markup價錢.$788+10%, 坐counter位, 不設實際的價錢…查看更多
