E.chow的个人专页

呢間餐廳想試好耐，趁好朋友生日就去試下。通常我都會先睇openrice 嘅劣評先決定，但今次睇完都係想試。訂枱大致上都冇乜問題。 我話同朋友慶祝生日 問有冇甜品？ 佢話得壽桃$40/個，要兩日前預訂，佢話冇得寫字 得個生日牌，咁諗過都ok ! 我預訂咗兩個。 去到餐廳 安排咗坐位。 好彩我都有做下功課，知佢有一個套餐選擇，我同朋友都費事諗 要咗兩個套餐就算。先上個頭盤，個侍應好快手 放底兩碟就走，未食完 就上湯；未飲完 就上小碟； 未食完 上主菜………… 我同朋友對望，大家諗 "乜好趕時間咩？？？"枱面起碼有三碟野😂 搞咩呀？？？？ 我book 7點， 餐飯未夠8點 就食完咁滯。 😅 其實啲食物唔算太差； 係太趕嗻！！！ 趕時間就啱去。 總括嚟講， 呢個套餐$888都還可以，正價就唔抵食。 壽桃， 唔建議❌ 除咗唔好食，仲係似急凍嗰隻，跟本唔需要所謂兩日前預訂。 因爲上枱冇耐，個皮已經硬。唔會介绍/帶朋友去。 🤭…查看更多