sheepivy のプロフィール

去左Mini Friday 食set lunch, 揀左兩個lunch set, 一個係肉眼扒, 一個係鴨胸螺絲粉。午餐包餐湯, 主菜同一杯飲品。個人感覺螺絲粉係好味過肉眼扒, 好juice, 每粒粉都上晒汁, 鴨胸都好"林" 好好味。但肉眼扒我叫左7成熟, 覺得有少少"鞋", 但佢個燒汁加左d黑松露, 係幾好味既。而個扒我跟左薯菜, 但原來薯菜係薯蓉, 唔係薯條, 我本人有少少失望, 但個豆角係鹹鹹地幾好味既。凍飲方面覺得有d細杯, 唔係好夠喉。總括嚟講, 再加埋有折, 都算唔錯既。…さらに見る

晚夜去食, 叫左個肥叉燒併乳豬河粉, 因為係乳豬, 所以要加多10蚊, 53蚊包一杯飲品或例湯。唔明點解乳豬都可以咁難食, 皮硬, 肉似燒肉, 咁點解我要加10蚊食乳豬, 心目中既乳豬應該好似酒樓既乳豬咁好味。叫肥叉燒, 佢俾d中間少少肥既(個d肥少得可憐), 唔肥既叉燒, 又變成左瘦肉咁。總括, 成碟都好難食。例湯係西洋菜湯, 湯味道可以, 可能時間唔太晏, 味道還很濃郁。但應該唔會再食燒味因為本身冇諗住寫評語, 所以冇影相, 但真係食得唔多高興, 忍唔住要寫一寫, 但以上只係我當日既個人感想。…さらに見る

初四入去赤柱行個大運, 順便到鐵皮大排檔食超出名既西多士, 咖央多士。 因為所有食品都差不多係由老板一手包辦, 咖央多士好快到左, 而西多士就等左差唔多二十分鐘。 等待期間, 見到老板用特制既方法好用心去整西多士。 西多士黎到外型吸引, 但食落口, 總覺得有一種燒鵝醬既味道, 個人覺得麻麻地。 …さらに見る

睇到u food 介紹佢個龍蝦湯飯, 但冇寫時限, 去到見到個龍蝦湯飯廣告都冇寫時限。 於是坐低左, 時間下午2點半。一問之下, 原來龍蝦湯飯提供時間 11點至2:30, 我剛好冇得食。。只好叫午餐, 問侍應, 原來午餐只到2:30, 她告訴我只有餐牌上某幾款炒粉麵, 三文治, 湯粉及常餐。 不想吃常餐, 於是點了星洲炒米, 另外先生點了一個日式咖哩和牛漢堡炒滑蛋飯, 看到餐牌上寫"以上套餐配奶茶咖啡", 本能地又點了熱奶茶, 又看到廣告有oreo 曲奇沙奶冰, 餐飲轉配只需$20.- 心思思想試一下, 又點了。 最好看到帳單 176蚊, 一問之下, 原來我們點的都不是餐, 所以沒有包飲品, 兩杯飲品全是正價. 隔離檯的客人也點了一個焗豬扒飯, 一杯凍奶茶, 也是看到帳單才知道飲品不包, 是正價。 大家都覺得那個餐牌是有誤導成份。 而且點餐的時候也不跟我們, 提點一下"你們點的不跟餐飲, 餐飲正價啊", 說一聲, 大家都知道嘛。然後侍應派發下午茶餐牌, 為什麼都不通知一聲, 說下午茶是2:45開始呢?食物味道方面, 說是即叫即煮, 但好像跟普通茶餐廳沒分別。 而熱奶茶餐牌沒有列出, 以為跟餐所以點了, 但原來要正價 17蚊一杯, 其實跟其他的沒有大分別, 但價錢卻比較貴。而那個oreo曲奇沙奶冰, 很甜。 雖然說是自己大意, 沒有問清楚, 但總覺得是有被騙的感覺, 我應該不會再去吃。…さらに見る

母親節一早已訂檯晚上7點鐘 5位, 我地6點9到達。 去到櫃檯登記, reception呀e話你地而家少左個。。。我話咩少左個, 我訂5位, 睇返佢張訂檯紙, 我個電話少左一個number, 然後係6位。 人都有d燥燥地. 叫侍應帶位, 帶我地入左間房, 俾張4人檯我, 我話邊坐得落, 坐到都擺唔晒d餸啦!!! 佢同我講, 出面冇位喎。 咩意思, 我一星期前已經打黎訂位, 你應該預左俾我, 冇可能預張四人檯俾我。最後, 佢俾左另一間房既其中一張檯我, 隔離開左一檯麻雀, 好嘈。 我地5個人, 叫左佢地sell 既海鮮餐,海鮮餐包括班腩, 白灼蝦, 蒸帶子, 瀨尿蝦, 蟹, 炒菜, 花蛤, 龍蝦, 鮑魚, 珍珠雞。 滿4-6位, 送例牌燒鵝。 我地order了4位海鮮餐, 另外再加叉燒及菜。7點半落order, 散叫既餸開始上檯, 燒鵝, 龍蝦, 白灼蝦亦陸陸續續上檯。。。之後餘下既餸, 差不多每15-20分鐘才送上一碟, 坐左2個幾鐘, 仲有3個餸未到, 已經係9點9, 見房出面既客已經走得七七八八。 我地一催再催, 催侍應, 催經理。。。。。最後3個餸係10點3前上檯。 只係一餐普通晚飯, 要食成3個幾鐘, 真係火都黎。服務差, 唔夠侍應, 上菜慢, 食物味道普通, 冇人收碟。。。。。總之就係差, 以後都唔會去食。…さらに見る